শ্রীমদ্বাল্মীকীয় রামাযণে কিষ্কিংধাকাংডম্ ।
অথ ষট্ত্রিংশস্সর্গঃ ।
ইত্য়ুক্তস্তারয়া বাক্য়ং প্রশ্রিতং ধর্মসংহিতম্ ।
মৃদুস্বভাবস্সৌমিত্রিঃ প্রতিজগ্রাহ তদ্বচঃ ॥ 1 ॥
তস্মিন্প্রতিগৃহীতে তু বাক্য়ে হরিগণেশ্বরঃ ।
লক্ষ্মণাত্সুমহত্ত্রাসং বস্ত্রং ক্লিন্নমিবাত্যজত্ ॥ 2 ॥
ততঃ কংঠগতং মাল্য়ং চিত্রং বহুগুণং মহত্ ।
চিচ্ছেদ বিমদশ্চাসীত্সুগ্রীবো বানরেশ্বরঃ ॥ 3 ॥
স লক্ষ্মণং ভীমবলং সর্ববানরসত্তমঃ ।
অব্রবীত্প্রশ্রিতং বাক্য়ং সুগ্রীব স্সংপ্রহর্ষযন্ ॥ 4 ॥
প্রণষ্টা শ্রীশ্চ কীর্তিশ্চ কপিরাজ্য়ং চ শাশ্বতম্ ।
রামপ্রসাদাত্সৌমিত্রে পুনঃ প্রাপ্তমিদং ময়া ॥ 5 ॥
কশ্শক্তস্তস্য় দেবস্য় খ্য়াতস্য় স্বেন কর্মণা ।
তাদৃশং বিক্রমং বীর প্রতিকর্তুমরিংদম ॥ 6 ॥
সীতাং প্রাপ্স্যতি ধর্মাত্মা বধিষ্যতি চ রাবণম্ ।
সহাযমাত্রেণ ময়া রাঘব স্স্বেন তেজসা ॥ 7 ॥
সহাযকৃত্য়ং কিং তস্য় যেন সপ্ত মহাদ্রুমাঃ ।
শৈলশ্চ বসুধা চৈব বাণেনৈকেন দারিতাঃ ॥ 8 ॥
ধনুর্বিষ্ফারয়ানস্য় যস্য় শব্দেন লক্ষ্মণ ।
সশৈলা কংপিতা ভূমিস্সহায়ৈঃ কিন্নু তস্য় বৈ ॥ 9 ॥
অনুয়াত্রাং নরেংদ্রস্য় করিষ্য়েঽহং নরর্ষভ ।
গচ্ছতো রাবণং হংতুং বৈরিণং সপুরস্সরম্ ॥ 10 ॥
যদি কিংচিদতিক্রাংতং বিশ্বাসাত্প্রণয়েন বা ।
প্রেষ্যস্য় ক্ষমিতব্য়ং মে ন কশ্চিন্নাপরাধ্যতি ॥ 11 ॥
তি তস্য় ব্রুবাণস্য় সুগ্রীবস্য় মহাত্মনঃ ।
অভবল্লক্ষ্মণঃ প্রীতঃ প্রেম্ণা চৈবমুবাচ হ ॥ 12 ॥
সর্বথা হি মম ভ্রাতা সনাথো বানরেশ্বর ।
ত্বয়া নাথেন সুগ্রীব প্রশ্রিতেন বিশেষতঃ ॥ 13 ॥
যস্তে প্রভাব স্সুগ্রীব যচ্চ তে শৌচমার্জবম্ ।
অর্হস্ত্বং কপিরাজ্যস্য় শ্রিয়ং ভোক্তুমনুত্তমাম্ ॥ 14 ॥
সহায়েন তু সুগ্রীব ত্বয়া রামঃ প্রতাপবান্ ।
বধিষ্যতি রণে শত্রূনচিরান্নাত্র সংশয়ঃ ॥ 15 ॥
ধর্মজ্ঞস্য় কৃতজ্ঞস্য় সংগ্রামেষ্বনিবর্তিনঃ ।
উপপন্নং চ যুক্তং চ সুগ্রীব তব ভাষিতম্ ॥ 16 ॥
দোষজ্ঞস্সতি সামর্থ্য়ে কোঽন্য়ো ভাষিতুমর্হতি ।
বর্জয়িত্বা মম জ্য়েষ্ঠং ত্বাং চ বানরসত্তম ॥ 17 ॥
সদৃশশ্চাসি রামস্য় বিক্রমেণ বলেন চ ।
সহায়ো দৈবতৈর্দত্তশ্চিরায় হরিপুংগব ॥ 18 ॥
কিং তু শীঘ্রমিতো বীর নিষ্ক্রম ত্বং ময়া সহ ।
সাংত্বযস্ব বযস্য়ং চ ত্বং ভার্য়াহরণকর্শিতম্ ॥ 19 ॥
যচ্চ শোকাভিভূতস্য় শ্রুত্বা রামস্য় ভাষিতম্ ।
ময়া ত্বং পরুষাণ্য়ুক্তস্তচ্চত্বং ক্ষংতু মর্হসি ॥ 20 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে ষট্ত্রিংশস্সর্গঃ ॥
