ශ්රීමද්වාල්මීකීය රාමායණේ බාලකාංඩම් ।
අථ පංචාශස්සර්ගඃ ।
තතඃ ප්රාගුත්තරාං ගත්වා රාමස්සෞමිත්රිණා සහ ।
විශ්වාමිත්රං පුරස්කෘත්ය යජ්ඤවාටමුපාගමත් ॥ 1 ॥
රාමස්තු මුනිශාර්දූලමුවාච සහලක්ෂ්මණඃ ।
සාධ්වී යජ්ඤසමෘද්ධිර්හි ජනකස්ය මහාත්මනඃ ॥ 2 ॥
බහූනීහ සහස්රාණි නානාදේශනිවාසිනාම් ।
බ්රාහ්මණානාං මහාභාග වේදාධ්යයනශාලිනාම් ॥ 3 ॥
ඍෂිවාටාශ්ච දෘශ්යංතේ ශකටීශතසංකුලාඃ ।
දේශෝ විධීයතාං බ්රහ්මන් යත්ර වත්ස්යාමහේ වයම් ॥ 4 ॥
රාමස්ය වචනං ශ්රුත්වා විශ්වාමිත්රෝ මහාමුනිඃ ।
නිවේශමකරෝද්දේශේ විවික්තේ සලිලායුතේ ॥ 5 ॥
විශ්වාමිත්රමනුප්රාප්තං ශ්රුත්වා ස නෘපතිස්තදා ।
ශතානංදං පුරස්කෘත්ය පුරෝහිතමනිංදිතම් ॥ 6 ॥
ප්රත්යුජ්ජගාම සහසා විනයේන සමන්විතඃ ।
ඍත්විජෝऽපි මහාත්මානස්ත්වර්ඝ්යමාදාය සත්වරම් ॥ 7 ॥
විශ්වාමිත්රාය ධර්මේණ දදුර්මංංත්රපුරස්කෘතම් ।
ප්රතිගෘහ්ය ච තාං පූජාං ජනකස්ය මහාත්මනඃ ॥ 8 ॥
පප්රච්ඡ කුශලං රාජ්ඤෝ යජ්ඤස්ය ච නිරාමයම් ।
ස තාංශ්චාපි මුනීන් පෘෂ්ට්වා සෝපාධ්යායපුරෝධසඃ ॥ 9 ॥
යථාන්යායං තතස්සර්වෛස්සමාගච්ඡත්ප්රහෘෂ්ටවත් ।
අථ රාජා මුනිශ්රේෂ්ඨං කෘතාංජලිරභාෂත ॥ 10 ॥
ආසනේ භගවානාස්තාං සහෛභිර්මුනිපුංගවෛඃ ।
ජනකස්ය වචශ්ශ්රුත්වා නිෂසාද මහාමුනිඃ ॥ 11 ॥
පුරෝධා ඍත්විජශ්චෛව රාජා ච සහ මංත්රිභිඃ ।
ආසනේෂු යථාන්යායමුපවිෂ්ටාන් සමංතතඃ ॥ 12 ॥
දෘෂ්ට්වා ස නෘපතිස්තත්ර විශ්වාමිත්රමථාබ්රවීත් ।
අද්ය යජ්ඤසමෘධ්දිර්මේ සඵලා දෛවතෛඃ කෘතා ॥ 13 ॥
අද්ය යජ්ඤඵලං ප්රාප්තං භගවද්දර්ශනාන්මයා ।
ධන්යෝऽස්ම්යනුගෘහීතෝऽස්මි යස්ය මේ මුනිපුංගව ॥ 14 ॥
යජ්ඤෝපසදනං බ්රහ්මන් ප්රාප්තෝऽසි මුනිභිඃ සහ ।
ද්වාදශාහං තු බ්රහ්මර්ෂේ ශේෂමාහුර්මනීෂිණඃ ॥ 15 ॥
තතෝ භාගාර්ථිනෝ දේවාන් ද්රෂ්ටුමර්හසි කෞශික ।
ඉත්යුක්ත්වා මුනිශාර්දූලං ප්රහෘෂ්ටවදනස්තදා ॥ 16 ॥
පුනස්තං පරිපප්රච්ඡ ප්රාංජලිඃ ප්රණතෝ නෘපඃ ।
ඉමෞ කුමාරෞ භද්රං තේ දේවතුල්යපරාක්රමෞ ॥ 17 ॥
ගජසිංහගතී වීරෞ ශාර්දූලවෘෂභෝපමෞ ।
පද්මපත්රවිශාලාක්ෂෞ ඛඩ්ගතූණීධනුර්ධරෞ ॥ 18 ॥
අශ්විනාවිව රූපේණ සමුපස්ථිතයෞවනෞ ।
යදෘච්ඡයෛව ගාං ප්රාප්තෞ දේවලෝකාදිවාමරෞ ॥ 19 ॥
කථං පද්භ්යාමිහ ප්රාප්තෞ කිමර්ථං කස්ය වා මුනේ ।
වරායුධධරෞ වීරෞ කස්ය පුත්රෞ මහාමුනේ ॥ 20 ॥
භූෂයංතාවිමං දේශං චංද්රසූර්යාවිවාංබරම් ।
පරස්පරස්ය සදෘශෞ ප්රමාණේංගිතචේෂ්ටිතෛඃ ॥ 21 ॥
කාකපක්ෂධරෞ වීරෞ ශ්රෝතුමිච්ඡාමි තත්ත්වතඃ ।
තස්ය තද්වචනං ශ්රුත්වා ජනකස්ය මහාත්මනඃ ॥ 22 ॥
න්යවේදයන්මහාත්මානෞ පුත්රෞ දශරථස්ය තෞ ।
සිද්ධාශ්රමනිවාසං ච රාක්ෂසානාං වධං තථා ॥ 23 ॥
තච්චාගමනමව්යග්රං විශාලායාශ්ච දර්ශනම් ।
අහල්යාදර්ශනං චෛව ගෞතමේන සමාගමම් ॥ 24 ॥
මහාධනුෂි ජිජ්ඤාසාං කර්තුමාගමනං තථා ।
ඒතත්සර්වං මහාතේජා ජනකාය මහාත්මනේ ॥ 25 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ පංචාශස්සර්ගඃ ॥
