ශ්රීමද්වාල්මීකීය රාමායණේ අයෝධ්යාකාංඩම් ।
අථ සප්තතිතමස්සර්ගඃ ।
භරතේ බ්රුවති ස්වප්නං දූතාස්තේ ක්ලාංතවාහනාඃ ।
ප්රවිශ්යාසහ්යපරිඛං රම්යං රාජගෘහං පුරම් ॥ 1 ॥
සමාගම්ය තු රාජ්ඤා ච රාජපුත්රේණ චාර්චිතාඃ රාජ්ඤඃ පාදෞ ගෘහීත්වා තු තමූචුර්භරතං වචඃ ॥ 2 ॥
භරතේ බ්රුවති ස්වප්නං දූතාස්තේ ක්ලාංතවාහනාඃ ।
ප්රවිශ්යාසහ්යපරිඛං රම්යං රාජගෘහං පුරම් ॥ 3 ॥
සමාගම්ය තු රාජ්ඤා ච රාජපුත්රේණ චාර්චිතාඃ රාජ්ඤඃ පාදෞ ගෘහීත්වා තු තමූචුර්භරතං වචඃ ॥ 4 ॥
පුරෝහිතස්ත්වාං කුශලං ප්රාහ සර්වේ ච මංත්රිණඃ ।
ත්වරමාණශ්ච නිර්යාහි කෘත්යමාත්යයිකං ත්වයා ॥ 5 ॥
ඉමානි ච මහාර්හාණි වස්ත්රාණ්යාභරණානි ච ।
ප්රතිගෘහ්ය විශාලක්ෂ මාතුලස්ය ච දාපය ॥ 6 ॥
අත්ර විශංතිකෝට්යස්තු නෘපතේර්මාතුලස්ය තේ ।
දශකෝට්යස්තු සංපූර්ණාස්තථෛව ච නෘපාත්මජ ॥ 7 ॥
ප්රතිගෘහ්ය තු තත්සර්වං ස්වනුරක්ත ස්සුහෘජ්ජනේ ।
දූතානුවාච භරතඃ කාමෛස්සංප්රතිපූජ්ය තාන් ॥ 8 ॥
කච්චිත්සුකුශලී රාජා පිතා දශරථෝ මම ।
කච්චිච්චාරෝගතා රාමේ ලක්ෂ්මණේ ච මහාත්මනි ॥ 9 ॥
ආර්යා ච ධර්මනිරතා ධර්මජ්ඤා ධර්මදර්ශිනී ।
අරෝගා චාපි කෞසල්යා මාතා රාමස්ය ධීමතඃ ॥ 10 ॥
කච්චිත්සුමිත්රා ධර්මජ්ඤා ජනනී ලක්ෂ්මණස්ය යා ।
ශත්රුඝ්නස්ය ච වීරස්ය සාऽරෝගා චාපි මධ්යමා ॥ 11 ॥
ආත්මකාමා සදා චංඩී ක්රෝධනා ප්රාජ්ඤමානිනී ।
අරෝගා චාපි මේ මාතා කෛකේයී කිමුවාච හ ॥ 12 ॥
ඒවමුක්තාස්තු තේ දූතාඃ භරතේන මහාත්මනා ।
ඌචුස්සප්රශ්රයං වාක්යමිදං තං භරතං තදා ॥ 13 ॥
කුශලාස්තේ නරව්යාඝ්ර යේෂාං කුශලමිච්ඡසි ।
ශ්රීශ්ච ත්වාං වෘණුතේ පද්මා යුජ්යතාං චාපි තේ රථඃ ॥ 14 ॥
භරතශ්චාපි තාන් දූතානේවමුක්තෝऽභ්යභාෂත ।
ආපෘච්චේऽහං මහාරාජං දූතාස්සංත්වරයංති මාම් ॥ 15 ॥
ඒවමුක්ත්වා තු තාන් දූතාන්භරතඃ පාර්ථිවාත්මජඃ ।
දූතෛ ස්සංචෝදිතෝ වාක්යං මාතාමහමුවාච හ ॥ 16 ॥
රාජන් පිතුර්ගමිෂ්යාමි සකාශං දූතචෝදිතඃ ।
පුනරප්යහමේෂ්යාමි යදා මේ ත්වං ස්මරිෂ්යසි ॥ 17 ॥
භරතේනෛවමුක්තස්තු නෘපෝ මාතාමහස්තදා ।
තමුවාච ශුභං වාක්යං ශිරස්යාඝ්රාය රාඝවම් ॥ 18 ॥
ගච්ඡ තාතානුජානේ ත්වාං කෛකේයීසුප්රජාස්ත්වයා ।
මාතරං කුශලං බ්රූයාඃ පිතරං ච පරංතප ॥ 19 ॥
පුරෝහිතං ච කුශලං යේ චාන්යේ ද්විජසත්තමාඃ ।
තෞ ච තාත මහේෂ්වාසෞ භ්රාතරෞ රාමලක්ෂ්මණෞ ॥ 20 ॥
තස්මෛ හස්ත්යුත්තමාංශ්චිත්රාන්කංබලානජිනානි ච ।
අභිසත්කෘත්ය කෛකේයෝ භරතාය ධනං දදෞ ॥ 21 ॥
රුක්මනිෂ්කසහස්රේ ද්වේ ෂෝඩශාශ්වශතානි ච ।
සත්කෘත්ය කෛකයීපුත්රං කේකයෝ ධනමාදිශත් ॥ 22 ॥
තථාऽමාත්යානභිප්රේතාන්විශ්වාස්යාංශ්ච ගුණාන්විතාන් ।
දදාවශ්වපතිඃ ක්ෂිප්රං භරතායානුයායිනඃ ॥ 23 ॥
ඓරාවතානෛංද්රශිරාන්නාගාන්වෛ ප්රියදර්ශනාන් ।
ඛරාන් ශ්රීඝ්රාන්සුසංයුක්තාන්මාතුලෝऽස්මෛ ධනං දදෞ ॥ 24 ॥
අංතඃපුරේऽති සංවෘද්ධාන් ව්යාඝ්රවීර්යබලාන්විතාන් ।
දංෂ්ට්රාऽऽයුධාන්මහාකායාන් ශුනශ්චෝපායනං දදෞ ॥ 25 ॥
ස දත්තං කේකයේංද්රේණ ධනං තන්නාභ්යනංදත ।
භරතඃ කෛකයීපුත්රෝ ගමනත්වරයා තදා ॥ 26 ॥
බභූව හ්යස්ය හෘදයේ චිංතා සුමහතී තදා ।
ත්වරයා චාපි දූතානාං ස්වප්නස්යාපි ච දර්ශනාත් ॥ 27 ॥
ස ස්වවේශ්මාභ්යතික්රම්ය නරනාගාශ්වසංවෘතම් ।
ප්රපේදේ සුමහච්ඡ්රීමාන්රාජමාර්ගමනුත්තමම් ॥ 28 ॥
අභ්යතීත්ය තතෝऽපශ්යදංතඃපුරමුදාරධීඃ ।
තතස්තද්භරතශ්ශ්රීමානාවිවේශානිවාරිතඃ ॥ 29 ॥
ස මාතාමහමාපෘච්ඡ්ය මාතුලං ච යුධාජිතම් ।
රථමාරුහ්ය භරතශ්ශත්රුඝ්නසහිතෝ යයෞ ॥ 30 ॥
රථාන්මංඩල චක්රාංශ්ච යෝජයිත්වා පරශ්ශතම් ।
උෂ්ට්ර ගෝऽශ්වබලෛර්භෘත්යා භරතං යාංතමන්වයුඃ ॥ 31 ॥
බලේන ගුප්තෝ භරතෝ මහාත්මා සහාර්යකස්යාऽත්මසමෛරමාත්යෛඃ ।
ආදාය ශත්රුඝ්නමපේතශත්රුර්ගෘහාද්යයෞ සිද්ධ ඉවේංද්රලෝකාත් ॥ 32 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ සප්තතිතමස්සර්ගඃ ॥
