ශ්රීමද්වාල්මීකීය රාමායණේ කිෂ්කිංධාකාංඩම් ।
අථ ෂට්ත්රිංශස්සර්ගඃ ।
ඉත්යුක්තස්තාරයා වාක්යං ප්රශ්රිතං ධර්මසංහිතම් ।
මෘදුස්වභාවස්සෞමිත්රිඃ ප්රතිජග්රාහ තද්වචඃ ॥ 1 ॥
තස්මින්ප්රතිගෘහීතේ තු වාක්යේ හරිගණේශ්වරඃ ।
ලක්ෂ්මණාත්සුමහත්ත්රාසං වස්ත්රං ක්ලින්නමිවාත්යජත් ॥ 2 ॥
තතඃ කංඨගතං මාල්යං චිත්රං බහුගුණං මහත් ।
චිච්ඡේද විමදශ්චාසීත්සුග්රීවෝ වානරේශ්වරඃ ॥ 3 ॥
ස ලක්ෂ්මණං භීමබලං සර්වවානරසත්තමඃ ।
අබ්රවීත්ප්රශ්රිතං වාක්යං සුග්රීව ස්සංප්රහර්ෂයන් ॥ 4 ॥
ප්රණෂ්ටා ශ්රීශ්ච කීර්තිශ්ච කපිරාජ්යං ච ශාශ්වතම් ।
රාමප්රසාදාත්සෞමිත්රේ පුනඃ ප්රාප්තමිදං මයා ॥ 5 ॥
කශ්ශක්තස්තස්ය දේවස්ය ඛ්යාතස්ය ස්වේන කර්මණා ।
තාදෘශං වික්රමං වීර ප්රතිකර්තුමරිංදම ॥ 6 ॥
සීතාං ප්රාප්ස්යති ධර්මාත්මා වධිෂ්යති ච රාවණම් ।
සහායමාත්රේණ මයා රාඝව ස්ස්වේන තේජසා ॥ 7 ॥
සහායකෘත්යං කිං තස්ය යේන සප්ත මහාද්රුමාඃ ।
ශෛලශ්ච වසුධා චෛව බාණේනෛකේන දාරිතාඃ ॥ 8 ॥
ධනුර්විෂ්ඵාරයානස්ය යස්ය ශබ්දේන ලක්ෂ්මණ ।
සශෛලා කංපිතා භූමිස්සහායෛඃ කින්නු තස්ය වෛ ॥ 9 ॥
අනුයාත්රාං නරේංද්රස්ය කරිෂ්යේऽහං නරර්ෂභ ।
ගච්ඡතෝ රාවණං හංතුං වෛරිණං සපුරස්සරම් ॥ 10 ॥
යදි කිංචිදතික්රාංතං විශ්වාසාත්ප්රණයේන වා ।
ප්රේෂ්යස්ය ක්ෂමිතව්යං මේ න කශ්චින්නාපරාධ්යති ॥ 11 ॥
ති තස්ය බ්රුවාණස්ය සුග්රීවස්ය මහාත්මනඃ ।
අභවල්ලක්ෂ්මණඃ ප්රීතඃ ප්රේම්ණා චෛවමුවාච හ ॥ 12 ॥
සර්වථා හි මම භ්රාතා සනාථෝ වානරේශ්වර ।
ත්වයා නාථේන සුග්රීව ප්රශ්රිතේන විශේෂතඃ ॥ 13 ॥
යස්තේ ප්රභාව ස්සුග්රීව යච්ච තේ ශෞචමාර්ජවම් ।
අර්හස්ත්වං කපිරාජ්යස්ය ශ්රියං භෝක්තුමනුත්තමාම් ॥ 14 ॥
සහායේන තු සුග්රීව ත්වයා රාමඃ ප්රතාපවාන් ।
වධිෂ්යති රණේ ශත්රූනචිරාන්නාත්ර සංශයඃ ॥ 15 ॥
ධර්මජ්ඤස්ය කෘතජ්ඤස්ය සංග්රාමේෂ්වනිවර්තිනඃ ।
උපපන්නං ච යුක්තං ච සුග්රීව තව භාෂිතම් ॥ 16 ॥
දෝෂජ්ඤස්සති සාමර්ථ්යේ කෝऽන්යෝ භාෂිතුමර්හති ।
වර්ජයිත්වා මම ජ්යේෂ්ඨං ත්වාං ච වානරසත්තම ॥ 17 ॥
සදෘශශ්චාසි රාමස්ය වික්රමේණ බලේන ච ।
සහායෝ දෛවතෛර්දත්තශ්චිරාය හරිපුංගව ॥ 18 ॥
කිං තු ශීඝ්රමිතෝ වීර නිෂ්ක්රම ත්වං මයා සහ ।
සාංත්වයස්ව වයස්යං ච ත්වං භාර්යාහරණකර්ශිතම් ॥ 19 ॥
යච්ච ශෝකාභිභූතස්ය ශ්රුත්වා රාමස්ය භාෂිතම් ।
මයා ත්වං පරුෂාණ්යුක්තස්තච්චත්වං ක්ෂංතු මර්හසි ॥ 20 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ කිෂ්කිංධාකාංඩේ ෂට්ත්රිංශස්සර්ගඃ ॥
