ශ්රීමද්වාල්මීකීය රාමායණේ අයෝධ්යාකාංඩම් ।
අථ දශාධිකශතතමස්සර්ගඃ ।
ක්රුද්ධමාජ්ඤාය රාමං තු වසිෂ්ඨඃ ප්රත්යුවාච හ ।
ජාබාලිරපි ජානීතේ ලෝකස්යාස්ය ගතාගතිම් ॥ 1 ॥
නිවර්තයිතුකාමස්තු ත්වාමේතද්වාක්යමබ්රවීත් ।
ඉමාං ලෝකසමුත්පත්තිං ලෝකනාථ නිබෝධ මේ ॥ 2 ॥
සර්වං සලිලමේවාසීත්පෘථිවී යත්ර නිර්මිතා ।
තතඃ සමභවද්බ්රහ්මා ස්වයංභූර්දෛවතෛඃ සහ ॥ 3 ॥
ස වරාහස්තතෝ භූත්වා ප්රෝජ්ජහාර වසුංධරාම් ।
අසෘජච්ච ජගත්සර්වං සහ පුත්රෛඃ කෘතාත්මභිඃ ॥ 4 ॥
ආකාශප්රභවෝ බ්රහ්මා ශාශ්වතෝ නිත්ය අව්යයඃ ।
තස්මාන්මරීචිඃ සංජජ්ඤේ මරීචේඃ කශ්යපඃ සුතඃ ॥ 5 ॥
විවස්වාන්කාශ්යපාත් ජජ්ඤේ මනුර්වෛවස්වතඃ ස්වයම් ।
ස තු ප්රජාපතිඃ පූර්වමික්ෂ්වාකුස්තු මනෝඃ සුතඃ ॥ 6 ॥
යස්යේයං ප්රථමං දත්තා සමෘද්ධා මනුනා මහී ।
තමික්ෂ්වාකුමයෝධ්යායාං රාජානං විද්ධි පූර්වකම් ॥ 7 ॥
ඉක්ෂ්වාකෝස්තු සුත ශ්රීමාන්කුක්ෂිරේවේති විශ්රුතඃ ।
කුක්ෂේරථාත්මජෝ වීරෝ විකුක්ෂිරුදපද්යත ॥ 8 ॥
විකුක්ෂේස්තු මහාතේජා බාණඃ පුත්ර ප්රතාපවාන් ।
බාණස්ය තු මහාබාහුරනරණ්යෝ මහාතපාඃ ॥ 9 ॥
නානාවෘෂ්ටිර්බභූවාස්මින්නදුර්භික්ෂං සතාං වරේ ।
අනරණ්යේ මහාරාජේ තස්කරෝ නාපි කශ්චන ॥ 10 ॥
අනරණ්යාන්මහාබාහුඃ පෘථු රාජා බභූව හ ।
තස්මාත්පෘථෝමේහාරාජස්ත්රිශංකුරුදපද්යත ॥ 11 ॥
ස සත්යවචනාද් වීරඃ සශරීරෝ දිවං ගතඃ ।
ත්රිශංකෝරභවත්සූනුර්දුංධුමාරෝ මහායශාඃ ॥ 12 ॥
දුංධුමාරාන්මහාතේජා යුවනාශ්වෝ ව්යජායත ।
යුවනාශ්වසුත ශ්ශ්රීමාන්මාංධාතා සමපද්යත ॥ 13 ॥
මාංධාතුස්ත මහාතේජාඃ සුසංධිරුදපද්යත ।
සුසංධේරපි පුත්රෞ ද්වෞ ධ්රුවසංධිඃ ප්රසේනජිත් ॥ 14 ॥
යශස්වී ධ්රුවසංධේස්තු භරතෝ රිපුසූදනඃ ।
යුවනාශ්වසුත ශ්ශ්රීමාන්මාංධාතා සමපද්යත ॥ 15 ॥
මාංධාතුස්ත මහාතේජා ස්සුසංධිරුදපද්යත ।
සුසංධේරපි පුත්රෞ ද්වෞ ධ්රුවසංධිඃ ප්රසේනජිත් ॥ 16 ॥
යශස්වී ධ්රුවසංධේස්තු භරතෝ රිපුසූදනඃ ।
භරතාත්තු මහාබාහෝරසිතෝ නාම ජායත ॥ 17 ॥
යස්යෛතේ ප්රතිරාජාන උදපද්යංත ශත්රවඃ ।
හෛහයාස්තාලජංඝාශ්ච ශූරාශ්ච ශශිබිංදවඃ ॥ 18 ॥
තාංස්තු සර්වාන්ප්රතිව්යූහ්ය යුද්ධේ රාජා ප්රවාසිතඃ ।
ස ච ශෛලවරේ රම්යේ බභූවාභිරතෝ මුනිඃ ॥ 19 ॥
ද්වේ චාස්ය භාර්යේ ගර්භිණ්යෞ බභූවතුරිති ශ්රුතිඃ ।
ඒකා ගර්භවිනාශාය සපත්න්යෛ ගරලං දදෞ ॥ 20 ॥
භාර්ගවශ්ච්යවනෝ නාම හිමවංතමුපාශ්රිතඃ ।
තමෘෂිං සමුපාගම්ය කාලිංදී ත්වභ්යවාදයත් ॥ 21 ॥
ස තාමභ්යවදද්විප්රෝ වරේප්සුං පුත්රජන්මනි ।
පුත්රස්තේ භවිතා දේවි මහාත්මා ලෝකවිශ්රුතඃ ॥ 22 ॥
ධාර්මිකශ්ච සුශීලශ්ච වංශකර්තාऽරිසූදනඃ ।
කෘත්වා ප්රදක්ෂිණං හෘෂ්ටා මුනිංතමනුමාන්ය ච ॥ 23 ॥
පද්මපත්රසමානාක්ෂං පද්මගර්භසමප්රභම් ।
තතඃ සා ගෘහමාගම්ය දේවී පුත්රං ව්යජායත ॥ 24 ॥
සපත්න්යා තු ගරස්තස්යෛ දත්තෝ ගර්භජිඝාංසයා ।
ගරේණ සහ තේනෛව ජාත ස්ස සගරෝऽභවත් ॥ 25 ॥
ස රාජා සගරෝ නාම යඃ සමුද්රමඛානයත් ।
ඉෂ්ට්වා පර්වණි වේගේන ත්රාසයන ඉමාඃ ප්රජාඃ ॥ 26 ॥
අසමංජස්තු පුත්රෝऽභූත්සගරස්යේති න ශ්ශ්රුතම් ।
ජීවන්නේව ස පිත්රා තු නිරස්තඃ පාපකර්මකෘත් ॥ 27 ॥
අංශුමානිති පුත්රෝऽභූදසමංජස්ය වීර්යවාන් ।
දිලීපෝංශුමතඃ පුත්රෝ දිලීපස්ය භගීරථඃ ॥ 28 ॥
භගීරථාත්කකුත්ස්ථස්තු කාකුත්ස්ථා යේන විශ්රුතාඃ ।
කකුත්ස්ථස්ය ච පුත්රෝऽභූද්රඝුර්යේන ච රාඝවාඃ ॥ 29 ॥
රඝෝස්තු පුත්රස්තේජස්වී ප්රවෘද්ධඃ පුරුෂාදකඃ ।
කල්මාෂපාද ස්සෞදාස ඉත්යේවං ප්රථිතෝ භුවි ॥ 30 ॥
කල්මාෂපාදපුත්රෝऽභූච්ඡංඛණස්ත්විති විශ්රුතඃ ।
යස්තු තද්වීර්යමාසාද්ය සහසෛන්යෝ ව්යනීනශත් ॥ 31 ॥
ශංඛණස්ය ච පුත්රෝऽභූච්ඡූර ශ්රීමාන්සුදර්ශනඃ ।
සුදර්ශනස්යාග්නිවර්ණඃ අග්නිවර්ණස්ය ශීඝ්රගඃ ॥ 32 ॥
ශීඝ්රගස්ය මරුඃ පුත්රෝ මරෝඃ පුත්රඃ ප්රශුශ්රුවඃ ।
ප්රශුශ්රුවස්ය පුත්රෝභූදංබරීෂෝ මහාද්යුතිඃ ॥ 33 ॥
අංබරීෂස්ය පුත්රෝභූන්නහුෂඃ සත්යවික්රමඃ ।
නහුෂස්ය ච නාභාගඃ පුත්රඃ පරමධාර්මිකඃ ॥ 34 ॥
අජශ්ච සුව්රතශ්චෛව නාභාගස්ය සුතාවුභෞ ।
අජස්යෛව ච ධර්මාත්මා රාජා දශරථස්සුතඃ ॥ 35 ॥
තස්ය ජ්යේෂ්ඨෝऽසි දායාදෝ රාම ඉත්යභිවිශ්රුතඃ ।
තද්ගෘහාණ ස්වකං රාජ්යමවේක්ෂස්ව ජනං නෘප ॥ 36 ॥
ඉක්ෂ්වාකූණාං හි සර්වේෂාං රාජා භවති පූර්වජඃ ।
පූර්වජේ නාපරඃ පුත්රෝ ජ්යේෂ්ඨෝ රාජ්යේऽභිෂිච්යතේ ॥ 37 ॥
ස රාඝවාණාං කුලධර්මමාත්මනඃ සනාතනං නාද්ය විහංතුමර්හසි ।
ප්රභූතරත්නාමනුශාධි මේදිනීං ප්රභූතරාෂ්ට්රාං පිතෘවන්මහායශඃ ॥ 38 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ දශාධිකශතතමස්සර්ගඃ ॥
