ශ්රීමද්වාල්මීකීය රාමායණේ අයෝධ්යාකාංඩම් ।
අථ ඒකත්රිංශස්සර්ගඃ ।
ඒවං ශෘත්වා තු සංවාදං ලක්ෂ්මණඃ පූර්වමාගතඃ ।
බාෂ්පපර්යාකුලමුඛඃ ශෝකං සෝඪුමශක්නුවන් ॥ 1 ॥
ස භ්රාතුශ්චරණෞ ගාඪං නිපීඩ්ය රඝුනංදනඃ ।
සීතාමුවාචාතියශාං රාඝවං ච මහාව්රතම් ॥ 2 ॥
ඒවං ශෘත්වා තු සංවාදං ලක්ෂ්මණඃ පූර්වමාගතඃ ।
බාෂ්පපර්යාකුලමුඛඃ ශෝකං සෝඪුමශක්නුවන් ॥ 3 ॥
ස භ්රාතුශ්චරණෞ ගාඪං නිපීඩ්ය රඝුනංදනඃ ।
සීතාමුවාචාතියශාං රාඝවං ච මහාව්රතම් ॥ 4 ॥
යදි ගංතුං කෘතාබුද්ධිර්වනං මෘගගජායුතම් ।
අහං ත්වානුගමිෂ්යාමි වනමග්රේ ධනුර්ධරඃ ॥ 5 ॥
මයා සමේතෝऽරණ්යානි බහූනි විචරිෂ්යසි ।
පක්ෂිභිර්මෘගයූථෛශ්ච සංඝුෂ්ටානි සමංතතඃ ॥ 6 ॥
න දේවලෝකාක්රමණං නාමරත්වමහං වෘණේ ।
ඓශ්වර්යං වාපි ලෝකානාං කාමයේ න ත්වයා විනා ॥ 7 ॥
ඒවං බ්රුවාණස්සෞමිත්රිර්වනවාසාය නිශ්චිතඃ ।
රාමේණ බහුභිස්සාංත්වෛර්නිෂිධ්දඃ පුනරබ්රවීත් ॥ 8 ॥
අනුජ්ඤාතශ්ච භවතා පූර්වමේව යදස්ම්යහම් ।
කිමිදානීං පුනරිදං ක්රියතේ මන්නිවාරණම් ॥ 9 ॥
යදර්ථං ප්රතිෂේධෝ මේ ක්රියතේ ගංතුමිච්ඡතඃ ।
ඒතදිච්ඡාමි විජ්ඤාතුං සංශයෝ හි මමානඝ ॥ 10 ॥
තතෝऽබ්රවීන්මහාතේජා රාමෝ ලක්ෂ්මණමග්රතඃ ।
ස්ථිතං ප්රාග්ගාමිනං වීරං යාචමානං කෘතාංජලිම් ॥ 11 ॥
ස්නිග්ධෝ ධර්මරතෝ වීරස්සතතං සත්පථේ ස්ථිතඃ ।
ප්රියඃ ප්රාණසමෝ වශ්යෝ භ්රාතා චාපි සඛා ච මේ ॥ 12 ॥
මයාऽද්ය සහ සෞමිත්රේ ත්වයි ගච්ඡති තද්වනම් ।
කෝ භරිෂ්යති කෞසල්යාං සුමිත්රාං වා යශස්විනීම් ॥ 13 ॥
අභිවර්ෂති කාමෛර්යඃ පර්ජන්යඃ පෘථිවීමිව ।
ස කාමපාශපර්යස්තෝ මහාතේජා මහීපතිඃ ॥ 14 ॥
සා හි රාජ්යමිදං ප්රාප්ය නෘපස්යාශ්වපතේ ස්සුතා ।
දුඃඛිතානාං සපත්නීනාං න කරිෂ්යති ශෝභනම් ॥ 15 ॥
න ස්මරිෂ්යති කෞසල්යාං සුමිත්රාං ච සුදුඃඛිතාම් ।
භරතෝ රාජ්යමාසාද්ය කෛකේය්යාං පර්යවස්ථිතඃ ॥ 16 ॥
තාමාර්යාං ස්වයමේවේහ රාජානුග්රහණේන වා ।
සෞමිත්රේ භර කෞශල්යාමුක්තමර්ථමිමං චර ॥ 17 ॥
ඒවං මම ච තේ භක්තිර්භවිෂ්යති සුදර්ශිතා ।
ධර්මජ්ඤ ගුරුපූජායාං ධර්මශ්චාප්යතුලෝ මහාන් ॥ 18 ॥
ඒවං කුරුෂ්ව සෞමිත්රේ මත්කෘතේ රඝුනංදන ।
අස්මාභිර්විප්රහීණායා මාතුර්නෝ න භවේත්සුඛම් ॥ 19 ॥
ඒවමුක්තස්තු රාමේණ ලක්ෂ්මණ ශ්ශ්ලක්ෂ්ණයා ගිරා ।
ප්රත්යුවාච තදා රාමං වාක්යජ්ඤෝ වාක්යකෝවිදම් ॥ 20 ॥
තවෛව තේජසා වීර භරතඃ පූජයිෂ්යති ।
කෞසල්යාං ච සුමිත්රාං ච ප්රයතෝ නාත්ර සංශයඃ ॥ 21 ॥
කෞශල්යා බිභෘයාදාර්යා සහස්රමපි මද්විධාන් ।
යස්යාස්සහස්රං ග්රාමාණාං සංප්රාප්ත මුපජීවනම් ॥ 22 ॥
තදාත්මභරණේ චෛව මම මාතුස්තථෛව ච ।
පර්යාප්තා මද්විධානාං ච භරණාය යශස්විනී ॥ 23 ॥
කුරුෂ්ව මාමනුචරං වෛධර්ම්යං නේහ විද්යතේ ।
කෘතාර්ථෝऽහං භවිෂ්යාමි තව චාර්ථඃ ප්රකල්පතේ ॥ 24 ॥
ධනුරාදාය සශරං ඛනිත්රපිටකාධරඃ ।
අග්රතස්තේ ගමිෂ්යාමි පංථානමනුදර්ශයන් ॥ 25 ॥
ආහරිෂ්යාමි තේ නිත්යං මූලානි ච ඵලානි ච ।
වන්යානි යානි චාන්යානි ස්වාහාරාණි තපස්විනාම් ॥ 26 ॥
භවාංස්තු සහ වෛදේහ්යා ගිරිසානුෂු රංස්යතේ ।
අහං සර්වං කරිෂ්යාමි ජාග්රත ස්ස්වපතශ්ච තේ ॥ 27 ॥
රාමස්ත්වනේන වාක්යේන සුප්රීතඃ ප්රත්යුවාච තම් ।
ව්රජාපෘච්ඡස්ව සෞමිත්රේ සර්වමේව සුහෘජ්ජනම් ॥ 28 ॥
යේ ච රාජ්ඤෝ දදෞ දිව්යේ මහාත්මා වරුණ ස්ස්වයම් ।
ජනකස්ය මහායජ්ඤේ ධනුෂී රෞද්රදර්ශනේ ॥ 29 ॥
අභේද්යකවචේ දිව්යේ තූණී චාක්ෂයසායකෞ ।
ආදිත්යවිමලෞ චෝභෞ ඛඩ්ගෞ හේමපරිෂ්කෘතෞ ॥ 30 ॥
සත්කෘත්ය නිහිතං සර්වමේතදාචාර්යසද්මනි ।
සර්වමායුධමාදාය ක්ෂිප්රමාව්රජ ලක්ෂ්මණ ॥ 31 ॥
ස සුහෘජ්ජනමාමංත්ර්යවනවාසාය නිශ්චිතඃ ।
ඉක්ෂ්වාකුගුරුමාගම්ය ජග්රාහායුධමුත්තමම් ॥ 32 ॥
තද්ධිව්යං රාජශාර්දූල සත්කෘතං මාල්යභූෂිතම් ।
රාමාය දර්ශයාමාස සෞමිත්රිස්සර්වමායුධම් ॥ 33 ॥
තමුවාචාත්මවාන් රාමඃ ප්රීත්යා ලක්ෂ්මණමාගතම් ।
කාලේ ත්වමාගත සෞම්ය කාංක්ෂිතේ මම ලක්ෂ්මණ ॥ 34 ॥
අහං ප්රදාතුමිච්ඡාමි යදිදං මාමකං ධනම් ।
බ්රාහ්මණේභ්යස්තපස්විභ්යස්ත්වයා සහ පරංතප ॥ 35 ॥
වසංතීහ දෘඪං භක්ත්යා ගුරුෂු ද්විජසත්තමාඃ ।
තේෂාමපි ච මේ භූයස්සර්වේෂාංචෝපජීවිනාම් ॥ 36 ॥
වශිෂ්ඨපුත්රං තු සුයජ්ඤමාර්යං ත්වමානයාශු ප්රවරං ද්විජානාම් ।
අභිප්රයාස්යාමි වනං සමස්තා නභ්යර්ච්ය ශිෂ්ටානපරාන් ද්විජාතීන් ॥ 37 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ ඒකත්රිංශස්සර්ගඃ ॥
