ശ്രീമദ്വാല്മീകീയ രാമായണേ അയോധ്യാകാംഡമ് ।
അഥ അശീതിതമസ്സര്ഗഃ ।
അഥ ഭൂമിപ്രദേശജ്ഞാസ്സൂത്രകര്മവിശാരദാഃ ।
സ്വകര്മാഭിരതാശ്ശൂരാഃ ഖനകാ യംത്രകാസ്തഥാ ॥ 1 ॥
കര്മാംതികാഃ സ്ഥപതയഃ പുരുഷ യംത്രകോവിദാഃ ।
തഥാ വാര്ധകയശ്ചൈവ മാര്ഗിണോ വൃക്ഷതക്ഷകാഃ ॥ 2 ॥
കൂപകാരാസ്സുധാകാരാർവംശകര്മകൃതസ്തഥാ ।
സമര്ഥാ യേ ച ദ്രഷ്ടാരഃ പുരതസ്തേ പ്രതസ്ഥിരേ ॥ 3 ॥
അഥ ഭൂമിപ്രദേശജ്ഞാസ്സൂത്രകര്മവിശാരദാഃ ।
സ്വകര്മാഭിരതാശ്ശൂരാഃ ഖനകാ യംത്രകാസ്തഥാ ॥ 4 ॥
കര്മാംതികാഃ സ്ഥപതയഃ പുരുഷ യംത്രകോവിദാഃ ।
തഥാ വാര്ധകയശ്ചൈവ മാര്ഗിണോ വൃക്ഷതക്ഷകാഃ ॥ 5 ॥
കൂപകാരാസ്സുധാകാരാർവംശകര്മകൃതസ്തഥാ ।
സമര്ഥാ യേ ച ദ്രഷ്ടാരഃ പുരതസ്തേ പ്രതസ്ഥിരേ ॥ 6 ॥
സ തു ഹര്ഷാത്തമുദ്ദേശം ജനൌഘോ വിപുലഃ പ്രയാന് ।
അശോഭത മഹാവേഗസ്സമുദ്ര ഇവ പർവണി ॥ 7 ॥
തേ സ്വവാരം സമാസ്ഥായ വര്ത്മകര്മണി കോവിദാഃ ।
കരണൈർവിവിധോപേതൈഃ പുരസ്താത്സംപ്രതസ്ഥിരേ ॥ 8 ॥
ലതാവല്ലീ ശ്ച ഗുല്മാംശ്ച സ്ഥാണൂനശ്മന ഏവ ച ।
ജനായാംചക്രിരേ മാര്ഗം ഛിംദംതോ വിവിധാംദ്രുമാന് ॥ 9 ॥
അവൃക്ഷേഷു ച ദേശേഷു കേചിദ്വൃക്ഷാനരോപയന് ।
കേചിത്കുഠാരൈഷ്ടംകൈശ്ച ദാത്രൈശ്ചിംദന്ക്വചിത്ക്വചിത് ॥ 10 ॥
അപരേ വീരണസ്തംഭാന്ബലിനോ ബലവത്തരാഃ ।
വിധമംതി സ്മ ദുര്ഗാണി സ്ഥലാനി ച തതസ്തതഃ ॥ 11 ॥
അപരേഽപൂരയന്കൂപാന്പാംസുഭി ശ്ശ്വഭ്രമായതമ് ।
നിമ്നഭാഗാന്സ്തതഃ കേചിത്സമാന്ശ്ചക്രു സ്സമംതതഃ ॥ 12 ॥
ബബംധുര്ബംധനീയാംശ്ച ക്ഷോദ്യാന്സംചുക്ഷുദുസ്തദാ ।
ബിഭിദുര്ഭേദനീയാംശ്ച താംസ്താംദേശാന്നരാ സ്തദാ ॥ 13 ॥
അചിരേണൈവ കാലേന പരിവാഹാന്ബഹൂദകാന് ।
ചക്രുര്ബഹുവിധാകാരാന് സാഗരപ്രതിമാന്ബഹൂന് ॥ 14 ॥
നിര്ജലേഷു ച ദേശേഷു ഖാനയാമാസുരുത്തമാന് ।
ഉദപാനാന്ബഹുവിധാന്വേദികാപരിമംഡിതാന് ॥ 15 ॥
സസുധാകുട്ടിമതലഃ പ്രപുഷ്പിതമഹീരുഹഃ ।
മത്തോദ്ഘുഷ്ട ദ്വിജഗണഃ പതാകാഭിരലംകൃതഃ ॥ 16 ॥
ചംദനോദകസംസിക്തോ നാനാകുസുമഭൂഷിതഃ ।
ബഹ്വശോഭത സേനായാഃ പംഥാ സ്സുരപഥോപമഃ ॥ 17 ॥
ആജ്ഞാപ്യാഥ യഥാഽജ്ഞപ്തി യുക്താസ്തേഽധികൃതാ നരാഃ ।
രമണീയേഷു ദേശേഷു ബഹുസ്വാദുഫലേഷു ച ॥ 18 ॥
യോ നിവേശസ്ത്വഭിപ്രേതോ ഭരതസ്യ മഹാത്മനഃ ।
ഭൂയസ്തം ശോഭയാമാസുര്ഭൂഷാഭിര്ഭൂഷണോപമമ് ॥ 19 ॥
നക്ഷത്രേഷു പ്രശസ്തേഷു മുഹൂര്തേഷു ച തദ്വിദഃ ।
നിവേശാന് സ്ഥാപയാമാസുര്ഭരതസ്യ മഹാത്മനഃ ॥ 20 ॥
ബഹുപാംസുചയാശ്ചാപി പരിഖാപരിവാരിതാഃ ।
തത്രേംദ്രകീലപ്രതിമാഃ പ്രതോലീവരശോഭിതാഃ ॥ 21 ॥
പ്രാസാദമാലാവിതതാ സ്സൌധപ്രാകാരസംവൃതാഃ ।
പതാകാശോഭിതാ സ്സർവേ സുനിര്മിതമഹാപഥാഃ ॥ 22 ॥
വിസര്പദ്ഭിരിവാഽകാശേ വിടംകാഗ്രവിമാനകൈഃ ।
സമുച്ഛ്രിതൈര്നിവേശാസ്തേ ബഭുശ്ശക്രപുരോപമാഃ ॥ 23 ॥
ജാഹ്നവീം തു സമാസാദ്യ വിവിധദ്രുമകാനനാമ് ।
ശീതലാമലപാനീയാം മഹാമീനസമാകുലാമ് ॥ 24 ॥
സചംദ്രതാരാഗണമംഡിതം യഥാ നഭഃ ക്ഷപായാമമലം വിരാജതേ ।
നരേംദ്രമാര്ഗസ്സ തഥാ വ്യരാജത ക്രമേണ രമ്യഃ ശുഭശില്പിനിര്മിതഃ ॥ 25 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ അയോധ്യാകാംഡേ അശീതിതമസ്സര്ഗഃ ॥
