ශ්රීමද්වාල්මීකීය රාමායණේ අයෝධ්යාකාංඩම් ।
අථ අශීතිතමස්සර්ගඃ ।
අථ භූමිප්රදේශජ්ඤාස්සූත්රකර්මවිශාරදාඃ ।
ස්වකර්මාභිරතාශ්ශූරාඃ ඛනකා යංත්රකාස්තථා ॥ 1 ॥
කර්මාංතිකාඃ ස්ථපතයඃ පුරුෂ යංත්රකෝවිදාඃ ।
තථා වාර්ධකයශ්චෛව මාර්ගිණෝ වෘක්ෂතක්ෂකාඃ ॥ 2 ॥
කූපකාරාස්සුධාකාරාර්වංශකර්මකෘතස්තථා ।
සමර්ථා යේ ච ද්රෂ්ටාරඃ පුරතස්තේ ප්රතස්ථිරේ ॥ 3 ॥
අථ භූමිප්රදේශජ්ඤාස්සූත්රකර්මවිශාරදාඃ ।
ස්වකර්මාභිරතාශ්ශූරාඃ ඛනකා යංත්රකාස්තථා ॥ 4 ॥
කර්මාංතිකාඃ ස්ථපතයඃ පුරුෂ යංත්රකෝවිදාඃ ।
තථා වාර්ධකයශ්චෛව මාර්ගිණෝ වෘක්ෂතක්ෂකාඃ ॥ 5 ॥
කූපකාරාස්සුධාකාරාර්වංශකර්මකෘතස්තථා ।
සමර්ථා යේ ච ද්රෂ්ටාරඃ පුරතස්තේ ප්රතස්ථිරේ ॥ 6 ॥
ස තු හර්ෂාත්තමුද්දේශං ජනෞඝෝ විපුලඃ ප්රයාන් ।
අශෝභත මහාවේගස්සමුද්ර ඉව පර්වණි ॥ 7 ॥
තේ ස්වවාරං සමාස්ථාය වර්ත්මකර්මණි කෝවිදාඃ ।
කරණෛර්විවිධෝපේතෛඃ පුරස්තාත්සංප්රතස්ථිරේ ॥ 8 ॥
ලතාවල්ලී ශ්ච ගුල්මාංශ්ච ස්ථාණූනශ්මන ඒව ච ।
ජනායාංචක්රිරේ මාර්ගං ඡිංදංතෝ විවිධාංද්රුමාන් ॥ 9 ॥
අවෘක්ෂේෂු ච දේශේෂු කේචිද්වෘක්ෂානරෝපයන් ।
කේචිත්කුඨාරෛෂ්ටංකෛශ්ච දාත්රෛශ්චිංදන්ක්වචිත්ක්වචිත් ॥ 10 ॥
අපරේ වීරණස්තංභාන්බලිනෝ බලවත්තරාඃ ।
විධමංති ස්ම දුර්ගාණි ස්ථලානි ච තතස්තතඃ ॥ 11 ॥
අපරේऽපූරයන්කූපාන්පාංසුභි ශ්ශ්වභ්රමායතම් ।
නිම්නභාගාන්ස්තතඃ කේචිත්සමාන්ශ්චක්රු ස්සමංතතඃ ॥ 12 ॥
බබංධුර්බංධනීයාංශ්ච ක්ෂෝද්යාන්සංචුක්ෂුදුස්තදා ।
බිභිදුර්භේදනීයාංශ්ච තාංස්තාංදේශාන්නරා ස්තදා ॥ 13 ॥
අචිරේණෛව කාලේන පරිවාහාන්බහූදකාන් ।
චක්රුර්බහුවිධාකාරාන් සාගරප්රතිමාන්බහූන් ॥ 14 ॥
නිර්ජලේෂු ච දේශේෂු ඛානයාමාසුරුත්තමාන් ।
උදපානාන්බහුවිධාන්වේදිකාපරිමංඩිතාන් ॥ 15 ॥
සසුධාකුට්ටිමතලඃ ප්රපුෂ්පිතමහීරුහඃ ।
මත්තෝද්ඝුෂ්ට ද්විජගණඃ පතාකාභිරලංකෘතඃ ॥ 16 ॥
චංදනෝදකසංසික්තෝ නානාකුසුමභූෂිතඃ ।
බහ්වශෝභත සේනායාඃ පංථා ස්සුරපථෝපමඃ ॥ 17 ॥
ආජ්ඤාප්යාථ යථාऽජ්ඤප්ති යුක්තාස්තේऽධිකෘතා නරාඃ ।
රමණීයේෂු දේශේෂු බහුස්වාදුඵලේෂු ච ॥ 18 ॥
යෝ නිවේශස්ත්වභිප්රේතෝ භරතස්ය මහාත්මනඃ ।
භූයස්තං ශෝභයාමාසුර්භූෂාභිර්භූෂණෝපමම් ॥ 19 ॥
නක්ෂත්රේෂු ප්රශස්තේෂු මුහූර්තේෂු ච තද්විදඃ ।
නිවේශාන් ස්ථාපයාමාසුර්භරතස්ය මහාත්මනඃ ॥ 20 ॥
බහුපාංසුචයාශ්චාපි පරිඛාපරිවාරිතාඃ ।
තත්රේංද්රකීලප්රතිමාඃ ප්රතෝලීවරශෝභිතාඃ ॥ 21 ॥
ප්රාසාදමාලාවිතතා ස්සෞධප්රාකාරසංවෘතාඃ ।
පතාකාශෝභිතා ස්සර්වේ සුනිර්මිතමහාපථාඃ ॥ 22 ॥
විසර්පද්භිරිවාऽකාශේ විටංකාග්රවිමානකෛඃ ।
සමුච්ඡ්රිතෛර්නිවේශාස්තේ බභුශ්ශක්රපුරෝපමාඃ ॥ 23 ॥
ජාහ්නවීං තු සමාසාද්ය විවිධද්රුමකානනාම් ।
ශීතලාමලපානීයාං මහාමීනසමාකුලාම් ॥ 24 ॥
සචංද්රතාරාගණමංඩිතං යථා නභඃ ක්ෂපායාමමලං විරාජතේ ।
නරේංද්රමාර්ගස්ස තථා ව්යරාජත ක්රමේණ රම්යඃ ශුභශිල්පිනිර්මිතඃ ॥ 25 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ අශීතිතමස්සර්ගඃ ॥
