ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ദ്വിചത്വാരിംശസ്സര്ഗഃ ।
തതസ്തേരാക്ഷസാസ്തത്രഗത്വാരാവണമംദിരമ് ।
ന്യവേദയന്പുരീംരുദ്ധാംരാമേണസഹവാനരൈഃ ॥ 1 ॥
രുദ്ധാംതുനഗരീംശ്രുത്വാജാതക്രോധോനിശാചരഃ ।
വിധാനംദ്വിഗുണംശ്രുത്വാപ്രാസാദംസോഽധ്യരോഹത ॥ 2 ॥
സദദര്ശാവൃതാംലംകാംസശൈലവനകാനനാമ് ।
അസംഖ്യേയൈര്ഹരിഗണൈഃസർവതോയുദ്ധകാംക്ഷിഭിഃ ॥ 3 ॥
സദൃഷ്ട്വാവാനരൈഃസർവാംവസുധാംകവലീകൃതാമ് ।
കഥംക്ഷപയിതവ്യാഃസ്യുരിതിചിംതാപരോഽഭവത് ॥ 4 ॥
സചിംതയിത്വാസുചിരംധൈര്യമാലംബ്യരാവണഃ ।
രാഘവംഹരിയൂഥാംശ്ചദദര്ശായതലോചനഃ ॥ 5 ॥
രാഘവഃസഹസൈന്യേനമുദിതോനാമപുപ്ലുവേ ।
ലംകാംദദര്ശഗുപ്താംവൈസർവതോരാക്ഷസൈർവൃതാമ് ॥ 6 ॥
ദൃഷ്ട്വാദാശരഥിര്ലംകാംചിത്രധ്വജപതാകിനീമ് ।
ജഗാമസഹസാസീതാംദൂയമാനേനചേതസാ ॥ 7 ॥
അത്രസാമൃഗശാവാക്ഷീമത്കൃതേജനകാത്മജാ ।
പീഡ്യതേശോകസംതപ്താകൃശാസ്ഥംഡിലശായിനീ ॥ 8 ॥
പീഡ്യമാനാംസധര്മാത്മാവൈദേഹീമനുചിംതയന് ।
ക്ഷിപ്രമാജ്ഞാപയാമാസവാനരാംദ്വിഷതാംവധേ ॥ 9 ॥
ഏവമുക്തേതുവചനേരാമേണാക്ലിഷ്ടകര്മണാ ।
സംഘര്ഷമാണാഃപ്ലവഗാഃസിമ്ഹനാദൈരനാദയന് ॥ 10 ॥
ശിഖരൈർവികിരാമൈനാംലംകാംമുഷ്ടിഭിരേവവാ ।
ഇതിസ്മദധിരേസർവേമനാംസിഹരിയൂഥപാഃ ॥ 11 ॥
ഉദ്യമ്യഗിരിശൃംഗാണിശിഖരാണിമഹാംതിച ।
തരൂംശ്ചോത്പാട്യവിവിധാംസ്തിഷ്ഠംതിഹരിയൂഥപാഃ ॥ 12 ॥
പ്രേക്ഷതോരാക്ഷസേംദ്രസ്യതാന്യനീകാനിഭാഗശഃ ।
രാഘവപ്രിയകാമാര്ഥംലംകാമാരുരുഹുസ്തദാ ॥ 13 ॥
തേതാമ്രവക്ത്രാഹേമാഭാരാമാര്ഥേത്യക്തജീവിതാഃ ।
ലംകാമേവാഭ്യവര്തംതസാലതാലശിലായുധാഃ ॥ 14 ॥
തേദ്രുമൈഃപർവതാഗ്രൈശ്ചമുഷ്ടിഭിശ്ചപ്ലവംഗമാഃ ।
പ്രാകാരാഗ്രാണ്യരണ്യാനിമമംഥുസ്തോരണാനിച ॥ 15 ॥
പാരിഖാഃപൂരയംതിസ്മപ്രസന്നസലിലായുതാഃ ।
പാംസുഭിഃപർവതാഗ്രൈശ്ചതൃണൈഃകാഷ്ഠൈശ്ചവാനരാഃ ॥ 16 ॥
തതഃസഹസ്രയൂഥാശ്ചകോടീയൂഥാശ്ചവാനരാഃ ।
കോടീശതയുതാശ്ചാന്യേലംകാമാരുരുഹുസ്തദാ ॥ 17 ॥
കാംചനാനിപ്രമൃദ്നംതസ്തോരണാനിപ്ലവംഗമാഃ ।
കൈലാസശിഖരാഭാനിഗോപുരാണിപ്രമഥ്യച ॥ 18 ॥
ആപ്ലവംതഃപ്ലവംതശ്ചഗര്ജംതശ്ചപ്ലവംഗമാഃ ।
ലംകാംതാമഭിധാവംതിമഹാവാരണസംനിഭാഃ ॥ 19 ॥
ജയത്യതിബലോരാമോലക്ഷ്മണശ്ചമഹാബലഃ ।
രാജാജയതിസുഗ്രീവോരാഘവേണാഭിപാലിതഃ ॥ 20 ॥
ഇത്യേവംഘോഷയംതശ്ചഗര്ജംതശ്ചപ്ലവംഗമാഃ ।
അഭ്യധാവംതലംകായാഃപ്രാകാരംകാമരൂപിണഃ ॥ 21 ॥
വീരബാഹുഃസുബാഹുശ്ചനലശ്ചവനഗോചരഃ ।
നിപീഡ്യോപനിവിഷ്ടാസ്തേപ്രാകാരംഹരിയൂഥപാഃ ।
ഏതസ്മിന്നംതരേചക്രുഃസ്കംധാവാരനിവേശനമ് ॥ 22 ॥
പൂർവദ്വാരംതുകുമുദഃകോടീഭിര്ദശഭിർവൃതഃ ।
ആവൃത്യബലവാംസ്തസ്ഥൌഹരിഭിര്ജിതകാശിഭിഃ ॥ 23 ॥
സാഹായ്യാര്ഥംതുതസ്യൈവനിവിഷ്ടഃപ്രഘസോഹരിഃ ।
പനസശ്ചമഹാബാഹുർവാനരൈര്ബഹുഭിർവൃതഃ ॥ 24 ॥
ദക്ഷിണംദ്വാരമാഗമ്യവീരഃശതബലിഃകപിഃ ।
ആവൃത്യബലവാംസ്തസ്ഥൌവിംശത്യാകോടിഭിർവൃതഃ ॥ 25 ॥
സുഷേണഃപശ്ചിമദ്വാരംഗതസ്താരാപിതാഹരിഃ ।
ആവൃത്യബലവാംസ്തസ്ഥൌഷഷ്ടികോടിഭിരാവൃതഃ ॥ 26 ॥
ഉത്തരംദ്വാരമാസാദ്യരാമഃസൌമിത്രിണാസഹ ।
ആവൃത്യബലവാംസ്തസ്ഥൌസുഗ്രീവശ്ചഹരീശ്വരഃ ॥ 27 ॥
ഗോലാംഗൂലോമഹാകായോഗവാക്ഷോഭീമദര്ശനഃ ।
വൃതഃകോട്യാമഹാവീര്യസ്തസ്ഥൌരാമസ്യപാര്ശ്വതഃ ॥ 28 ॥
ഋക്ഷാണാംഭീമവേഗാനാംധൂമ്രഃശത്രുനിബര്ഹണഃ ।
വൃതഃകോട്യാമഹാവീര്യസ്തസ്ഥൌരാമസ്യപാര്ശ്വതഃ ॥ 29 ॥
സന്നദ്ധസ്തുമഹാവീര്യോഗദാപാണിർവിഭീഷണഃ ।
വൃതോയസ്തൈസ്തുസചിവൈസ്തസ്ഥൌതത്രമഹാബലഃ ॥ 30 ॥
ഗജോഗവാക്ഷോഗവയഃശരഭോഗംധമാദനഃ ।
സമംതാത്പരിധാവംതോരരക്ഷുര്ഹരിവാഹിനീമ് ॥ 31 ॥
തതഃകോപപരീതാത്മാരാവണോരാക്ഷസേശ്വരഃ ।
നിര്യാണംസർവസൈന്യാനാംദ്രുതമാജ്ഞാപയത്തദാ ॥ 32 ॥
ഏതച്ഛ്രുത്വാതതോവാക്യംരാവണസ്യമുഖോദ്ഗതമ് ।
സഹസാഭീമനിര്ഘോഷമുദ്ഘുഷ്ടംരജനീചരൈഃ ॥ 33 ॥
തതഃപ്രചോദിതാഭേര്യശ്ചംദ്രപാംഡരപുഷ്കരാഃ ।
ഹേമകോണാഹതാഭീമാരാക്ഷസാനാംസമംതതഃ ॥ 34 ॥
വിനേദുശ്ചമഹാഘോഷാഃശംഖാഃശതസഹസ്രശഃ ।
രാക്ഷസാനാംസുഘോരാണാംമുഖമാരുതപൂരിതാഃ ॥ 35 ॥
തേബഭുഃശുഭനീലാംഗാഃസശംഖാരജനീചരാഃ ।
വിദ്യുന്മംഡലസന്നദ്ധാഃസബലാകാഇവാംബുദാഃ ॥ 36 ॥
നിഷ്പതംതിതതഃസൈന്യാഹൃഷ്ടാരാവണചോദിതാഃ ।
സമയേപൂര്യമാണസ്യവേഗാഇവമഹോദധേഃ ॥ 37 ॥
തതോവാനരസൈന്യേനമുക്തോനാദഃസമംതതഃ ।
മലയഃപൂരിതോയേനസസാനുപ്രസ്ഥകംദരഃ ॥ 38 ॥
ശംഖദുംദുഭിസംഘുഷ്ടഃസിമ്ഹനാദസ്തരസ്വിനാമ് ।
പൃഥിവീംചാംതരിക്ഷംചസാഗരംചൈവനാദയന് ॥ 39 ॥
ഗജാനാംബൃംഹിതൈഃസാര്ധംഹയാനാംഹേഷിതൈരപി ।
രഥാനാംനേമിഘോഷൈശ്ചരക്ഷസാമ്വദനസ്വനഃ ॥ 40 ॥
ഏതസ്മിന്നംതരേഘോരഃസംഗ്രാമഃസമവര്തത ।
രക്ഷസാംവാനരാണാംചയഥാദേവാസുരേപുരാ ॥ 41 ॥
തേഗദാഭിഃപ്രദീപ്താഭിഃശക്തിശൂലപരശ്വധൈഃ ।
നിജഘ്നുർവാനരാന്ഘോരാഃകഥയംതഃസ്വവിക്രമാന് ॥ 42 ॥
രാജന് ജയ ജയേത്യുക്ത്വാ സ്വസ്വനാമകഥാം തതഃ ।
രാക്ഷസാസ്ത്വപരേ ഭീമാഃ പ്രാകാരസ്ഥാമഹീം ഗതാന് ॥ 43 ॥
തഥാവൃക്ഷൈര്മഹാകായാഃപർവതാഗ്രൈശ്ചവാനരാഃ ।
നിജഘ്നുസ്താനിരക്ഷാംസിനഖൈര്ദംതൈശ്ചവേഗിതാഃ ॥ 44 ॥
രാക്ഷസാസ്ത്വപരേഭീമാഃപ്രാകാരസ്ഥാമഹീഗതാന് ।
ഭിംദിപാലൈശ്ചഖഡ്ഗൈശ്ചശൂലൈശ്ചൈവവ്യദാരയന് ॥ 45 ॥
വാനരാശ്ചാപിസംക്രുദ്ധാഃപ്രാകാരസ്ഥാന്മഹീഗതാഃ ।
രാക്ഷസാന്പാതയാമാസുഃസമാപ്ലുത്യപ്ലവംഗമാഃ ॥ 46 ॥
സസംപ്രഹാരസ്തുമുലോമാംസശോണിതകര്ദമഃ ।
രക്ഷസാംവാനരാണാംചസംബഭൂവാദ്ഭുതോപമാഃ ॥ 47 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ദ്വിചത്വാരിംശസ്സര്ഗഃ ॥
