ශ්රීමද්වාල්මීකීය රාමායණේ යුද්ධකාංඩම් ।
අථ ද්විචත්වාරිංශස්සර්ගඃ ।
තතස්තේරාක්ෂසාස්තත්රගත්වාරාවණමංදිරම් ।
න්යවේදයන්පුරීංරුද්ධාංරාමේණසහවානරෛඃ ॥ 1 ॥
රුද්ධාංතුනගරීංශ්රුත්වාජාතක්රෝධෝනිශාචරඃ ।
විධානංද්විගුණංශ්රුත්වාප්රාසාදංසෝऽධ්යරෝහත ॥ 2 ॥
සදදර්ශාවෘතාංලංකාංසශෛලවනකානනාම් ।
අසංඛ්යේයෛර්හරිගණෛඃසර්වතෝයුද්ධකාංක්ෂිභිඃ ॥ 3 ॥
සදෘෂ්ට්වාවානරෛඃසර්වාංවසුධාංකවලීකෘතාම් ।
කථංක්ෂපයිතව්යාඃස්යුරිතිචිංතාපරෝऽභවත් ॥ 4 ॥
සචිංතයිත්වාසුචිරංධෛර්යමාලංබ්යරාවණඃ ।
රාඝවංහරියූථාංශ්චදදර්ශායතලෝචනඃ ॥ 5 ॥
රාඝවඃසහසෛන්යේනමුදිතෝනාමපුප්ලුවේ ।
ලංකාංදදර්ශගුප්තාංවෛසර්වතෝරාක්ෂසෛර්වෘතාම් ॥ 6 ॥
දෘෂ්ට්වාදාශරථිර්ලංකාංචිත්රධ්වජපතාකිනීම් ।
ජගාමසහසාසීතාංදූයමානේනචේතසා ॥ 7 ॥
අත්රසාමෘගශාවාක්ෂීමත්කෘතේජනකාත්මජා ।
පීඩ්යතේශෝකසංතප්තාකෘශාස්ථංඩිලශායිනී ॥ 8 ॥
පීඩ්යමානාංසධර්මාත්මාවෛදේහීමනුචිංතයන් ।
ක්ෂිප්රමාජ්ඤාපයාමාසවානරාංද්විෂතාංවධේ ॥ 9 ॥
ඒවමුක්තේතුවචනේරාමේණාක්ලිෂ්ටකර්මණා ।
සංඝර්ෂමාණාඃප්ලවගාඃසිම්හනාදෛරනාදයන් ॥ 10 ॥
ශිඛරෛර්විකිරාමෛනාංලංකාංමුෂ්ටිභිරේවවා ।
ඉතිස්මදධිරේසර්වේමනාංසිහරියූථපාඃ ॥ 11 ॥
උද්යම්යගිරිශෘංගාණිශිඛරාණිමහාංතිච ।
තරූංශ්චෝත්පාට්යවිවිධාංස්තිෂ්ඨංතිහරියූථපාඃ ॥ 12 ॥
ප්රේක්ෂතෝරාක්ෂසේංද්රස්යතාන්යනීකානිභාගශඃ ।
රාඝවප්රියකාමාර්ථංලංකාමාරුරුහුස්තදා ॥ 13 ॥
තේතාම්රවක්ත්රාහේමාභාරාමාර්ථේත්යක්තජීවිතාඃ ।
ලංකාමේවාභ්යවර්තංතසාලතාලශිලායුධාඃ ॥ 14 ॥
තේද්රුමෛඃපර්වතාග්රෛශ්චමුෂ්ටිභිශ්චප්ලවංගමාඃ ।
ප්රාකාරාග්රාණ්යරණ්යානිමමංථුස්තෝරණානිච ॥ 15 ॥
පාරිඛාඃපූරයංතිස්මප්රසන්නසලිලායුතාඃ ।
පාංසුභිඃපර්වතාග්රෛශ්චතෘණෛඃකාෂ්ඨෛශ්චවානරාඃ ॥ 16 ॥
තතඃසහස්රයූථාශ්චකෝටීයූථාශ්චවානරාඃ ।
කෝටීශතයුතාශ්චාන්යේලංකාමාරුරුහුස්තදා ॥ 17 ॥
කාංචනානිප්රමෘද්නංතස්තෝරණානිප්ලවංගමාඃ ।
කෛලාසශිඛරාභානිගෝපුරාණිප්රමථ්යච ॥ 18 ॥
ආප්ලවංතඃප්ලවංතශ්චගර්ජංතශ්චප්ලවංගමාඃ ।
ලංකාංතාමභිධාවංතිමහාවාරණසංනිභාඃ ॥ 19 ॥
ජයත්යතිබලෝරාමෝලක්ෂ්මණශ්චමහාබලඃ ।
රාජාජයතිසුග්රීවෝරාඝවේණාභිපාලිතඃ ॥ 20 ॥
ඉත්යේවංඝෝෂයංතශ්චගර්ජංතශ්චප්ලවංගමාඃ ।
අභ්යධාවංතලංකායාඃප්රාකාරංකාමරූපිණඃ ॥ 21 ॥
වීරබාහුඃසුබාහුශ්චනලශ්චවනගෝචරඃ ।
නිපීඩ්යෝපනිවිෂ්ටාස්තේප්රාකාරංහරියූථපාඃ ।
ඒතස්මින්නංතරේචක්රුඃස්කංධාවාරනිවේශනම් ॥ 22 ॥
පූර්වද්වාරංතුකුමුදඃකෝටීභිර්දශභිර්වෘතඃ ।
ආවෘත්යබලවාංස්තස්ථෞහරිභිර්ජිතකාශිභිඃ ॥ 23 ॥
සාහාය්යාර්ථංතුතස්යෛවනිවිෂ්ටඃප්රඝසෝහරිඃ ।
පනසශ්චමහාබාහුර්වානරෛර්බහුභිර්වෘතඃ ॥ 24 ॥
දක්ෂිණංද්වාරමාගම්යවීරඃශතබලිඃකපිඃ ।
ආවෘත්යබලවාංස්තස්ථෞවිංශත්යාකෝටිභිර්වෘතඃ ॥ 25 ॥
සුෂේණඃපශ්චිමද්වාරංගතස්තාරාපිතාහරිඃ ।
ආවෘත්යබලවාංස්තස්ථෞෂෂ්ටිකෝටිභිරාවෘතඃ ॥ 26 ॥
උත්තරංද්වාරමාසාද්යරාමඃසෞමිත්රිණාසහ ।
ආවෘත්යබලවාංස්තස්ථෞසුග්රීවශ්චහරීශ්වරඃ ॥ 27 ॥
ගෝලාංගූලෝමහාකායෝගවාක්ෂෝභීමදර්ශනඃ ।
වෘතඃකෝට්යාමහාවීර්යස්තස්ථෞරාමස්යපාර්ශ්වතඃ ॥ 28 ॥
ඍක්ෂාණාංභීමවේගානාංධූම්රඃශත්රුනිබර්හණඃ ।
වෘතඃකෝට්යාමහාවීර්යස්තස්ථෞරාමස්යපාර්ශ්වතඃ ॥ 29 ॥
සන්නද්ධස්තුමහාවීර්යෝගදාපාණිර්විභීෂණඃ ।
වෘතෝයස්තෛස්තුසචිවෛස්තස්ථෞතත්රමහාබලඃ ॥ 30 ॥
ගජෝගවාක්ෂෝගවයඃශරභෝගංධමාදනඃ ।
සමංතාත්පරිධාවංතෝරරක්ෂුර්හරිවාහිනීම් ॥ 31 ॥
තතඃකෝපපරීතාත්මාරාවණෝරාක්ෂසේශ්වරඃ ।
නිර්යාණංසර්වසෛන්යානාංද්රුතමාජ්ඤාපයත්තදා ॥ 32 ॥
ඒතච්ඡ්රුත්වාතතෝවාක්යංරාවණස්යමුඛෝද්ගතම් ।
සහසාභීමනිර්ඝෝෂමුද්ඝුෂ්ටංරජනීචරෛඃ ॥ 33 ॥
තතඃප්රචෝදිතාභේර්යශ්චංද්රපාංඩරපුෂ්කරාඃ ।
හේමකෝණාහතාභීමාරාක්ෂසානාංසමංතතඃ ॥ 34 ॥
විනේදුශ්චමහාඝෝෂාඃශංඛාඃශතසහස්රශඃ ।
රාක්ෂසානාංසුඝෝරාණාංමුඛමාරුතපූරිතාඃ ॥ 35 ॥
තේබභුඃශුභනීලාංගාඃසශංඛාරජනීචරාඃ ।
විද්යුන්මංඩලසන්නද්ධාඃසබලාකාඉවාංබුදාඃ ॥ 36 ॥
නිෂ්පතංතිතතඃසෛන්යාහෘෂ්ටාරාවණචෝදිතාඃ ।
සමයේපූර්යමාණස්යවේගාඉවමහෝදධේඃ ॥ 37 ॥
තතෝවානරසෛන්යේනමුක්තෝනාදඃසමංතතඃ ।
මලයඃපූරිතෝයේනසසානුප්රස්ථකංදරඃ ॥ 38 ॥
ශංඛදුංදුභිසංඝුෂ්ටඃසිම්හනාදස්තරස්විනාම් ।
පෘථිවීංචාංතරික්ෂංචසාගරංචෛවනාදයන් ॥ 39 ॥
ගජානාංබෘංහිතෛඃසාර්ධංහයානාංහේෂිතෛරපි ।
රථානාංනේමිඝෝෂෛශ්චරක්ෂසාම්වදනස්වනඃ ॥ 40 ॥
ඒතස්මින්නංතරේඝෝරඃසංග්රාමඃසමවර්තත ।
රක්ෂසාංවානරාණාංචයථාදේවාසුරේපුරා ॥ 41 ॥
තේගදාභිඃප්රදීප්තාභිඃශක්තිශූලපරශ්වධෛඃ ।
නිජඝ්නුර්වානරාන්ඝෝරාඃකථයංතඃස්වවික්රමාන් ॥ 42 ॥
රාජන් ජය ජයේත්යුක්ත්වා ස්වස්වනාමකථාං තතඃ ।
රාක්ෂසාස්ත්වපරේ භීමාඃ ප්රාකාරස්ථාමහීං ගතාන් ॥ 43 ॥
තථාවෘක්ෂෛර්මහාකායාඃපර්වතාග්රෛශ්චවානරාඃ ।
නිජඝ්නුස්තානිරක්ෂාංසිනඛෛර්දංතෛශ්චවේගිතාඃ ॥ 44 ॥
රාක්ෂසාස්ත්වපරේභීමාඃප්රාකාරස්ථාමහීගතාන් ।
භිංදිපාලෛශ්චඛඩ්ගෛශ්චශූලෛශ්චෛවව්යදාරයන් ॥ 45 ॥
වානරාශ්චාපිසංක්රුද්ධාඃප්රාකාරස්ථාන්මහීගතාඃ ।
රාක්ෂසාන්පාතයාමාසුඃසමාප්ලුත්යප්ලවංගමාඃ ॥ 46 ॥
සසංප්රහාරස්තුමුලෝමාංසශෝණිතකර්දමඃ ।
රක්ෂසාංවානරාණාංචසංබභූවාද්භුතෝපමාඃ ॥ 47 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ද්විචත්වාරිංශස්සර්ගඃ ॥
