ශ්රීමද්වාල්මීකීය රාමායණේ බාලකාංඩම් ।
අථ ඒකෝනසප්තතිතමස්සර්ගඃ ।
තතෝ රාත්ර්යාං ව්යතීතායාං සෝපාධ්යායඃ සබාංධවඃ ।
රාජා දශරථෝ හෘෂ්ට ස්සුමංත්රමිදමබ්රවීත් ॥ 1 ॥
අද්ය සර්වේ ධනාධ්යක්ෂා ධනමාදාය පුෂ්කලම් ।
ව්රජංත්වග්රේ සුවිහිතා නානාරත්නසමන්විතාඃ ॥ 2 ॥
චතුරංගබලං චාපි ශීඝ්රං නිර්යාතු සර්වශඃ ।
මමජ්ඤාසමකාලං ච යානයුග්යමනුත්තමම් ॥ 3 ॥
වසිෂ්ඨෝ වාමදේවශ්ච ජාබාලිරථ කාශ්යපඃ ।
මාර්කංඩේයශ්ච දීර්ඝායුඃඍෂිඃ කාත්යායනස්තථා ॥ 4 ॥
ඒතේ ද්විජාඃ ප්රයාංත්වග්රේ ස්යංදනං යෝජයස්ව මේ ।
යථා කාලාත්යයෝ න ස්යා ද්දූතා හි ත්වරයංති මාම් ॥ 5 ॥
වචනාත්තු නරේංද්රස්ය සා සේනා චතුරංගිණී ।
රාජානමෘෂිභි ස්සාර්ධං ව්රජංතං පෘෂ්ඨතෝऽන්වගාත් ॥ 6 ॥
ගත්වා චතුරහං මාර්ගං විදේහානභ්යුපේයිවාන් ।
රාජා තු ජනක ශ්ශ්රීමාන් ශ්ශ්රුත්වා පූජාමකල්පයත් ॥ 7 ॥
තතෝ රාජානමාසාද්ය වෘද්ධං දශරථං නෘපම් ।
ජනකෝ මුදිතෝ රාජා හර්ෂං ච පරමං යයෞ ॥ 8 ॥
උවාච ච නරශ්රේෂ්ඨෝ නරශ්රේෂ්ඨං මුදාऽන්විතඃ ।
ස්වාගතං තේ මහාරාජ දිෂ්ට්යා ප්රාප්තෝऽසි රාඝව ॥ 9 ॥
පුත්රයෝරුභයෝඃ ප්රීතිං ලප්ස්යසේ වීර්යනිර්ජිතාම් ।
දිෂ්ට්යා ප්රාප්තෝ මහාතේජා වසිෂ්ඨෝ භගවානෘෂිඃ ॥ 10 ॥
සහ සර්වෛර්ද්විජශ්රේෂ්ඨෛර්දේවෛරිව ශතක්රතුඃ ।
දිෂ්ට්යා මේ නිර්ජිතා විඝ්නා දිෂ්ට්යා මේ පූජිතං කුලම් ॥ 11 ॥
රාඝවෛ ස්සහ සංබංධාද්වීර්යශ්රේෂ්ඨෛර්මහාත්මභිඃ ।
ශ්වඃ ප්රභාතේ නරේංද්රේංද්ර නිර්වර්තයිතුමර්හසි ॥ 12 ॥
යජ්ඤස්යාංතේ නරශ්රේෂ්ඨ විවාහමෘෂිසම්මතම් ।
තස්ය තද්වචනං ශ්රුත්වා ඍෂිමධ්යේ නරාධිපඃ ॥ 13 ॥
වාක්යං වාක්යවිදාං ශ්රේෂ්ඨඃ ප්රත්යුවාච මහීපතිම් ।
ප්රතිග්රහෝ දාතෘවශ ශ්ශ්රෘතමේතන්මයා පුරා ॥ 14 ॥
යථා වක්ෂ්යසි ධර්මජ්ඤ තත්කරිෂ්යාමහේ වයම් ।
ධර්මිෂ්ඨං ච යශස්යං ච වචනං සත්යවාදිනඃ ॥ 15 ॥
ශ්රුත්වා විදේහාධිපතිඃ පරං විස්මයමාගතඃ ।
තත ස්සර්වේ මුනිගණාඃ පරස්පරසමාගමේ ॥ 16 ॥
හර්ෂේණ මහතා යුක්තාස්තාං නිශාමවසන් සුඛම් ।
රාජා ච රාඝවෞ පුත්රෞ නිශාම්ය පරිහර්ෂිතඃ ॥ 17 ॥
උවාස පරමප්රීතෝ ජනකේන සුපූජිතඃ ।
ජනකෝऽපි මහාතේජාඃ ක්රියාං ධර්මේණ තත්ත්වවිත් ॥ 18 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ ඒකෝනසප්තතිතමස්සර්ගඃ ॥
