ශ්රීමද්වාල්මීකීය රාමායණේ බාලකාංඩම් ।
අථ ෂට්සප්තතිතමස්සර්ගඃ ।
ශ්රුත්වා තජ්ජාමදග්න්යස්ය වාක්යං දාශරථිස්තදා ।
ගෞරවාද්යංංත්රිතකථඃ පිතූ රාමමථාබ්රවීත් ॥ 1 ॥
ශ්රුතවානස්මි යත්කර්ම කෘතවානසි භාර්ගව ।
අනුරුංධ්යාමහේ බ්රහ්මන් පිතුරානෘණ්යමාස්ථිතම් ॥ 2 ॥
වීර්යහීනමිවාශක්තං ක්ෂත්රධර්මේණ භාර්ගව ।
අවජානාසි මේ තේජඃ පශ්ය මේऽද්ය පරාක්රමම් ॥ 3 ॥
ඉත්යුක්ත්වා රාඝවඃ ක්රුද්ධෝ භාර්ගවස්ය ශරාසනම් ।
ශරං ච ප්රතිජග්රාහ හස්තාල්ලඝුපරාක්රමඃ ॥ 4 ॥
ආරෝප්ය ස ධනූ රාම ශ්ශරං සජ්යං චකාර හ ।
ජාමදග්න්යං තතෝ රාමං රාමඃ ක්රුද්ධෝऽබ්රවීද්වචඃ ॥ 5 ॥
බ්රාහ්මණෝऽසීති පූජ්යෝ මේ විශ්වාමිත්රකෘතේන ච ।
තස්මාච්ඡක්තෝ න තේ රාම මෝක්තුං ප්රාණහරං ශරම් ॥ 6 ॥
ඉමාං පාදගතිං රාම තපෝබලසමාර්ජිතාම් ।
ලෝකානප්රතිමාන්වා තේ හනිෂ්යාමි යදිච්ඡසි ॥ 7 ॥
න හ්යයං වෛෂ්ණවෝ දිව්ය ශ්ශරඃ පරපුරංජයඃ ।
මෝඝඃ පතති වීර්යේණ බලදර්පවිනාශනඃ ॥ 8 ॥
වරායුධධරං රාමං ද්රෂ්ටුං සර්ෂිගණා ස්සුරාඃ ।
පිතාමහං පුරස්කෘත්ය සමේතාස්තත්ර සංඝශඃ ॥ 9 ॥
ගංධර්වාප්සරසශ්චෛව සිද්ධචාරණකින්නරාඃ ।
යක්ෂරාක්ෂසනාගාශ්ච තද්ද්රෂ්ටුං මහදද්භුතම් ॥ 10 ॥
ජඩීකෘතේ තදාऽලෝකේ රාමේ වරධනුර්ධරේ ।
නිර්වීර්යෝ ජාමදග්න්යෝऽසෞ රාමෝ රාමමුදෛක්ෂත ॥ 11 ॥
තේජෝභිහතවීර්යත්වාජ්ජාමදග්න්යෝ ජඩීකෘතඃ ।
රාමං කමලපත්රාක්ෂං මංදං මංදමුවාච හ ॥ 12 ॥
කාශ්යපාය මයා දත්තා යදා පූර්වං වසුංධරා ।
විෂයේ මේ න වස්තව්යමිති මාං කාශ්යපෝऽබ්රවීත් ॥ 13 ॥
සෝऽහං ගුරුවචඃ කුර්වන් පෘථිව්යාං න වසේ නිශාම් ।
කෘතා ප්රතිජ්ඤා කාකුත්ස්ථ කෘතා භූඃ කාශ්යපස්ය හි ॥ 14 ॥
තදිමාං ත්වං ගතිං වීර හංතුං නාර්හසි රාඝව ।
මනෝජවං ගමිෂ්යාමි මහේංද්රං පර්වතෝත්තමම් ॥ 15 ॥
ලෝකාස්ත්වප්රතිමා රාම නිර්ජිතාස්තපසා මයා ।
ජහි තාන් ශරමුඛ්යේන මා භූත්කාලස්ය පර්යයඃ ॥ 16 ॥
අක්ෂය්යං මධුහංතාරං ජානාමි ත්වාං සුරේශ්වරම් ।
ධනුෂෝऽස්ය පරාමර්ශාත් ස්වස්ති තේऽස්තු පරංතප ॥ 17 ॥
ඒතේ සුරගණාස්සර්වේ නිරීක්ෂංතේ සමාගතාඃ ।
ත්වාමප්රතිමකර්මාණමප්රතිද්වංද්වමාහවේ ॥ 18 ॥
න චේයං මම කාකුත්ස්ථ ව්රීඩා භවිතුමර්හති ।
ත්වයා ත්රෛලෝක්යනාථේන යදහං විමුඛීකෘතඃ ॥ 19 ॥
ශරමප්රතිමං රාම මෝක්තුමර්හසි සුව්රත ।
ශරමෝක්ෂේ ගමිෂ්යාමි මහේංද්රං පර්වතෝත්තමම් ॥ 20 ॥
තථා බ්රුවති රාමේ තු ජාමදග්නයේ ප්රතාපවාන් ।
රාමෝ දාශරථි ශ්ශ්රීමාන් චික්ෂේප ශරමුත්තමම් ॥ 21 ॥
ස හතාන් දෘශ්ය රාමේණ ස්වාංල්ලෝකාංස්තපසාර්ජිතාන් ।
ජාමදග්න්යෝ ජගාමාශු මහේංද්රං පර්වතෝත්තමම් ॥ 22 ॥
තතෝ විතිමිරාස්සර්වා දිශශ්චෝපදිශස්තථා ।
සුරා ස්සර්ෂිගණා රාමං ප්රශශංසුරුදායුධම් ॥ 23 ॥
රාමං දාශරථිං රාමෝ ජාමදග්න්යඃ ප්රශස්ය ච ।
තතඃ ප්රදක්ෂිණී කෘත්ය ජගාමාත්මගතිං ප්රභුඃ ॥ 24 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ ෂට්සප්තතිතමස්සර්ගඃ ॥
