ශ්රීමද්වාල්මීකීය රාමායණේ කිෂ්කිංධාකාංඩම් ।
අථ ෂට්පංචාශස්සර්ගඃ ।
උපවිෂ්ටාස්තු තේ සර්වේ යස්මින්ප්රායං ගිරිස්ථලේ ।
හරයෝ ගෘධ්රරාජශ්ච තං දේශමුපචක්රමේ ॥ 1 ॥
සංපාතිර්නාම නාම්නා තු චිරංජීවී විහංගමඃ ।
භ්රාතා ජටායුෂඃ ශ්රීමාන්විඛ්යාතබලපෞරුෂඃ ॥ 2 ॥
කංදරාදභිනිෂ්ක්රම්ය ස විංධ්යස්ය මහාගිරේඃ ।
උපවිෂ්ටාන්හරීංදෘෂ්ට්වා හෘෂ්ටාත්මා ගිරමබ්රවීත් ॥ 3 ॥
විධිඃ කිල නරං ලෝකේ විධානේනානුවර්තතේ ।
යථාऽයං විහිතෝ භක්ෂ්යශ්චිරාන්මහ්යමුපාගතඃ ॥ 4 ॥
පරංපරාණාං භක්ෂිෂ්යේ වානරාණාං මෘතං මෘතම් ।
උවාචේදං වචඃ පක්ෂී තාන්නිරීක්ෂ්ය ප්ලවංගමාන් ॥ 5 ॥
තස්ය තද්වචනං ශ්රුත්වා භක්ෂ්යලුබ්ධස්ය පක්ෂිණඃ ।
අංගදඃ පරමායස්තෝ හනූමංතමථාබ්රවීත් ॥ 6 ॥
පශ්ය සීතාපදේශේන සාක්ෂාද්වෛවස්වතෝ යමඃ ।
ඉමං දේශමනුප්රාප්තෝ වානරාණාං විපත්තයේ ॥ 7 ॥
රාමස්ය න කෘතං කාර්යං රාජ්ඤෝ න ච වචඃ කෘතම් ।
හරීණාමියමජ්ඤාතා විපත්තිස්සහසාගතා ॥ 8 ॥
වෛදේහ්යාඃ ප්රියකාමේන කෘතං කර්ම ජටායුෂා ।
ගෘධ්රාරාජේන යත්තත්ර ශ්රුතං වස්තදශේෂතඃ ॥ 9 ॥
තථා සර්වාණි භූතානි තිර්යග්යෝනිගතාන්යපි ।
ප්රියං කුර්වංති රාමස්ය ත්යක්ත්වා ප්රාණාන්යථා වයම් ॥ 10 ॥
අන්යෝऽන්යමුපකුර්වංති ස්නේහකාරුණ්යයංත්රිතාඃ ।
තේන තස්යෝපකාරාර්ථං ත්යජතාऽත්මානමාත්මනා ॥ 11 ॥
ප්රියං කෘතං හි රාමස්ය ධර්මජ්ඤේන ජටායුෂා ।
රාඝවාර්ථේ පරිශ්රාංතා වයං සංත්යක්තජීවිතාඃ ॥ 12 ॥
කාංතාරාණි ප්රපන්නාඃ ස්ම න ච පශ්යාම මෛථිලීම් ।
ස සුඛී ගෘධ්රරාජස්තු රාවණේන හතෝ රණේ ॥ 13 ॥
මුක්තශ්ච සුග්රීවභයාද්ගතශ්ච පරමාං ගතිම් ।
ජටායුෂෝ විනාශේන රාජ්ඤෝ දශරථස්ය ච ॥ 14 ॥
හරණේන ච වෛදේහ්යා ස්සංශයං හරයෝ ගතාඃ ।
රාමලක්ෂ්මණයෝර්වාසශ්ච අරණ්යේ සහ සීතයා ॥ 15 ॥
රාඝවස්ය ච බාණේන වාලිනශ්ච තථා වධඃ ।
රාමකෝපාදශේෂාණාං රක්ෂසානාං තථා වධඃ ॥ 16 ॥
කෛකේය්යා වරදානේන ඉදං ච විකෘතං කෘතම් ।
තදසුඛමනුකීර්තිතං වචෝ භුවි පතිතාංශ්ච සමීක්ෂ්ය වානරාන් ।
භෘශචලිතමතිර්මහාමතිඃ කෘපණමුදාහෘතවාන් ස ගෘධ්රරාට් ॥ 17 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ කිෂ්කිංධාකාංඩේ ෂට්පංචාශස්සර්ගඃ ॥
