ශ්රීමද්වාල්මීකීය රාමායණේ කිෂ්කිංධාකාංඩම් ।
අථ ඒකෝනෂෂ්ටිතමස්සර්ගඃ ।
තතස්තදමෘතාස්වාදං ගෘධ්රරාජේන භාෂිතම් ।
නිශම්ය මුදිතා හෘෂ්ටාස්තේ වචඃ ප්ලවගර්ෂභාඃ ॥ 1 ॥
ජාංබවාන් වානරශ්රේෂ්ඨස්සහ සර්වෛඃ ප්ලවංගමෛඃ ।
භූතලාත්සහසෝත්ථාය ගෘධ්රරාජානමබ්රවීත් ॥ 2 ॥
ක්ව සීතා කේන වා දෘෂ්ටා කෝ වා හරති මෛථිලීම් ।
තදාඛ්යාතු භවාත්සර්වං ගතිර්භව වනෞකසාම් ॥ 3 ॥
කෝ දාශරථි බාණානාං වජ්රවේගනිපාතිනාම් ।
ස්වයං ලක්ෂ්මණමුක්තානාං න චිංතයති වික්රමම් ॥ 4 ॥
ස හරීන්ප්රීතිසංයුක්තාන්සීතාශ්රුතිසමාහිතාන් ।
පුනරාශ්වසයන්ප්රීතඃ ඉදං වචනමබ්රවීත් ॥ 5 ॥
ශ්රූයතාමිහ වෛදේහ්යා යථා මේ හරණං ශ්රුතම් ।
යේන චාපි මමාऽඛ්යාතං යත්ර වායතලෝචනා ॥ 6 ॥
අහමස්මින්ගිරෞ දුර්ගේ බහුයෝජනමායතේ ।
චිරාන්නිපතිතෝ වෘද්ධඃ ක්ෂීණප්රාණපරාක්රමඃ ॥ 7 ॥
තං මාමේවං ගතං පුත්රස්සුපාර්ශ්වෝනාම නාමතඃ ।
ආහාරේණ යථාකාලං බිභර්ති පතතාං වරඃ ॥ 8 ॥
තීක්ෂ්ණකාමාස්තු ගංධර්වාස්තීක්ෂ්ණකෝපා භුජංගමාඃ ।
මෘගාණාං තු භයං තීක්ෂ්ණං තතස්තීක්ෂ්ණක්ෂුධා වයම් ॥ 9 ॥
ස කදාචිත්ක්ෂුධාර්තස්ය මමාහාරාභිකාංක්ෂිණඃ ।
ගතසූර්යේऽහනි ප්රාප්තෝ මම පුත්රෝ හ්යනාමිෂඃ ॥ 10 ॥
ස මාමාහාරසංරෝධාත්පීඩිතං ප්රීතිවර්ධනඃ ।
අනුමාන්ය යථාතත්ත්වමිදං වචනමබ්රවීත් ॥ 11 ॥
අහං තාත යථාකාලමාමිෂාර්ථී ඛමාප්ලුතඃ ।
මහේංද්රස්ය ගිරේර්ද්වාරමාවෘත්ය සුසමාස්ථිතඃ ॥ 12 ॥
තත්ර සත්ත්වසහස්රාණාං සාගරාංතරචාරිණාම් ।
පංථානමේකෝऽධ්යවසං සන්නිරෝද්ධුමවාඞ්මුඛඃ ॥ 13 ॥
තත්ර කශ්චින්මයා දෘෂ්ට ස්සූර්යෝදයසමප්රභාම් ।
ස්ත්රියමාදාය ගච්ඡන්වෛ භින්නාංජනචයප්රභඃ ॥ 14 ॥
සෝऽහමභ්යවහාරාර්ථී තෞ දෘෂ්ට්වා කෘතනිශ්චයඃ ।
තේන සාම්නා විනීතේන පංථානමභියාචිතඃ ॥ 15 ॥
න හි සාමෝපපන්නානාං ප්රහර්තා විද්යතේ ක්වචිත් ।
නීචේෂ්වපි ජනඃ කශ්චිත්කිමංග බත මද්විධඃ ॥ 16 ॥
ස යාතස්තේජසා ව්යෝම සංක්ෂිපන්නිව වේගතඃ ।
අථාऽහං ඛේචරෛර්භූතෛරභිගම්ය සභාජිතඃ ॥ 17 ॥
දිෂ්ට්යා ජීවති සීත ඉති හි අබ්රුවන් මාං මහර්ෂයඃ ।
කථංචිත් ස කලත්රඃ අසෞ ගතඃ තේ ස්වස්ති අසංශයම් ॥ 18 ॥
ඒව මුක්තස්තතෝऽහං තෛස්සිද්ධෛඃ පරමශෝභනෛඃ ।
ස ච මේ රාවණෝ රාජා රක්ෂසාං ප්රතිවේදිතඃ ॥ 19 ॥
හරංදාශරථේර්භාර්යාං රාමස්ය ජනකාත්මජාම් ।
භ්රෂ්ටාභරණකෞශේයාං ශෝකවේගපරාජිතාම් ॥ 20 ॥
රාමලක්ෂ්මණයෝර්නාම ක්රෝශංතීං මුක්තමූර්ධජාම් ।
ඒෂ කාලාත්යයස්තාවදිති කාලවිදාං වරඃ ॥ 21 ॥
ඒතමර්ථං සමග්රං මේ සුපාර්ශ්වඃ ප්රත්යවේදයත් ।
තච්ඡෘත්වාऽපි හි මේ බුද්ධිර්නාසීත්කාචිත්පරාක්රමේ ॥ 22 ॥
අපක්ෂෝ හි කථං පක්ෂී කර්ම කිංචිදුපක්රමේ ।
යත්තු ශක්යං මයා කර්තුං වාග්බුද්ධිගුණවර්තිනා ॥ 23 ॥
ශ්රූයතාං තත්ප්රවක්ෂ්යාමි භවතාං පෞරුෂාශ්රයම් ।
වාඞ්මතිභ්යාං තු සර්වේෂාං කරිෂ්යාමි ප්රියං හි වඃ ॥ 24 ॥
යද්ධි දාශරථේඃ කාර්යං මම තන්නාත්ර සංශයඃ ।
තේ භවංතෝ මතිශ්රේෂ්ඨා බලවංතෝ මනස්විනඃ ॥ 25 ॥
ප්රේෂිතාඃ කපිරාජේන දේවෛරපි දුරාසදාඃ ।
රාමලක්ෂ්මණබාණාශ්ච නිශිතාඃ කංකපත්රිණඃ ॥ 26 ॥
ත්රයාණාමපි ලෝකානාං පර්යාප්තාස්ත්රාණනිග්රහේ ।
කාමං ඛලු දශග්රීව ස්තේජෝබලසමන්විතඃ ॥ 27 ॥
භවතාං තු සමර්ථානාං න කිංචිදපි දුෂ්කරම් ।
තදලං කාලසංගේන ක්රියතාං බුද්ධිනිශ්චයඃ ॥ 28 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ කිෂ්කිංධාකාංඩේ ඒකෝනෂෂ්ටිතමස්සර්ගඃ ॥
