ශ්රීමද්වාල්මීකීය රාමායණේ අයෝධ්යාකාංඩම් ।
අථ චතුරශීතිතමස්සර්ගඃ ।
තතෝ නිවිෂ්ටාං ධ්වජිනීං ගංගාමන්වාශ්රිතාං නදීම් ।
නිෂාදරාජෝ දෘෂ්ට්වෛව ජ්ඤාතීන්සංත්වරිතෝऽऽබ්රවීත් ॥ 1 ॥
මහතීයමිතස්සේනා සාගරාභා ප්රදෘශ්යතේ ।
නාස්යාංතමධිගච්ඡාමි මනසාපි විචිංතයන් ॥ 2 ॥
යථා තු ඛලු දුර්බුද්ධිර්භරත ස්ස්වයමාගතඃ ।
ස ඒෂ හි මහාකායඃ කෝවිදාරධ්වජෝ රථේ ॥ 3 ॥
බංධයිෂ්යති වා දාශානථවාऽස්මාන්වධිෂ්යති ।
අථ දාශරථිං රාමං පිත්රා රාජ්යාද්විවාසිතම් ॥ 4 ॥
සංපන්නාං ශ්රියමන්විච්ඡන්ස්තස්ය රාජ්ඤ ස්සුදුර්ලභාම් ।
භරතඃ කෛකයීපුත්රෝ හංතුං සමධිගච්ඡති ॥ 5 ॥
භර්තාචෛව සඛාචෛව රාමෝ දාශරථිර්මම ।
තස්යාර්ථකාමාස්සන්නද්ධා ගංගාऽනූපේ ප්රතිෂ්ඨත ॥ 6 ॥
තිෂ්ඨංතු සර්වේ දාශාශ්ච ගංගාමන්වාශ්රිතා නදීම් ।
බලයුක්තා නදීරක්ෂා මාංසමූලඵලාශනාඃ ॥ 7 ॥
නාවාං ශතානාං පංචානාං කෛවර්තානාං ශතං ශතම් ।
සන්නද්ධානාං තථා යූනාං තිෂ්ඨංත්විත්යභ්යචෝදයත් ॥ 8 ॥
යදාऽऽදුෂ්ටස්තු භරතෝ රාමස්යේහ භවිෂ්යති ।
සේයං ස්වස්තිමතී සේනා ගංගාමද්ය තරිෂ්යති ॥ 9 ॥
ඉත්යුක්ත්වෝපායනං ගෘහ්ය මත්ස්යමාංසමධූනි ච ।
අභිචක්රාම භරතං නිෂාදාධිපතිර්ගුහඃ ॥ 10 ॥
තමායාංතං තු සංප්රේක්ෂ්ය සූතපුත්රඃ ප්රතාපවාන් ।
භරතායාऽචචක්ෂේऽථ විනයජ්ඤෝ විනීතවත් ॥ 11 ॥
ඒෂ ජ්ඤාතිසහස්රේණ ස්ථපතිඃ පරිවාරිතඃ ।
කුශලෝ දංඩකාරණ්යේ වෘද්ධෝ භ්රාතුශ්ච තේ සඛා ॥ 12 ॥
තස්මාත්පශ්යතු කාකුත්ස්ථ ත්වාං නිෂාදාධිපෝ ගුහඃ ।
අසංශයං විජානීතේ යත්ර තෞ රාමලක්ෂ්මණෞ ॥ 13 ॥
ඒතත්තු වචනං ශ්රුත්වා සුමංත්රාද්භරත ශ්ශුභම් ।
උවාච වචනං ශීඝ්රං ගුහඃ පශ්යතු මාමිති ॥ 14 ॥
ලබ්ධ්වාऽභ්යනුජ්ඤාං සංහෘෂ්ටෝ ජ්ඤාතිභිඃ පරිවාරිතඃ ।
ආගම්ය භරතං ප්රහ්වෝ ගුහෝ වචනමබ්රවීත් ॥ 15 ॥
නිෂ්කුටශ්චෛව දේශෝऽයං වංචිතාශ්චාපි තේ වයම් ।
නිවේදයාමස්තේ සර්වේ ස්වකේ දාසකුලේ වස ॥ 16 ॥
අස්ති මූලං ඵලංචෛව නිෂාදෛස්සමුපාහෘතම් ।
ආර්ද්රං ච මාංසං ශුෂ්කං ච වන්යං චෝච්චාවචං මහත් ॥ 17 ॥
ආශංසේ ස්වාශිතා සේනා වත්ස්යතීමාං විභාවරීම් ।
අර්චිතෝ විවිධෛඃ කාමෛ ශ්ශ්ව ස්සසෛන්යෝ ගමිෂ්යසි ॥ 18 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ චතුරශීතිතමස්සර්ගඃ ॥
