ශ්රීමද්වාල්මීකීය රාමායණේ සුංදරකාංඩම් ।
අථ පංචචත්වාරිංශස්සර්ගඃ ।
තතස්තේ රාක්ෂසේංද්රේණ චෝදිතා මංත්රිණස්සුතාඃ ।
නිර්යයුර්භවනාත්තස්මාත්සප්තසප්තාර්චිවර්චසඃ ॥ 1 ॥
මහාබලපරීවාරා ධනුෂ්මංතෝ මහාබලාඃ ।
කෘතාස්ත්රාස්ත්රවිදාං ශ්රේෂ්ඨාඃ පරස්පරජයෛෂිණඃ ॥ 2 ॥
හේමජාලපරික්ෂිප්තෛර්ධ්වජවද්භිඃ පතාකිභිඃ ।
තෝයදස්වනනිර්ඝෝෂෛර්වාජියුක්තෛර්මහාරථෛඃ ॥ 3 ॥
තප්තකාංචනචිත්රාණි චාපාන්යමිතවික්රමාඃ ।
විස්ඵාරයංතස්සංහෘෂ්ටාස්තටිත්වංත ඉවාංබුදාඃ ॥ 4 ॥
ජනන්යස්තු තතස්තේෂාං විදිත්වා කිංකරාන්හතාන් ।
බභූවුශ්ශෝකසංභ්රාංතාස්සබාංධවසුහෘජ්ජනාඃ ॥ 5 ॥
තේ පරස්පරසංඝර්ෂාත්තප්තකාංචනභූෂණාඃ ।
අභිපේතුර්හනූමංතං තෝරණස්ථමවස්ථිතම් ॥ 6 ॥
සෘජංතෝ බාණවෘෂ්ටිං තේ රථගර්ජිතනිස්ස්වනාඃ ।
වෘෂ්ටිමංත ඉවාංභෝදා විචේරුර්නෛඍතාංබුදාඃ ॥ 7 ॥
අවකීර්ණස්තතස්තාභිර්හනුමාන්ශරවෘෂ්ටිභිඃ ।
අභවත්සංවෘතාකාරශ්ශෛලරාඩිව වෘෂ්ටිභිඃ ॥ 8 ॥
ස ශරාන්මෝඝයාමාස තේෂාමාශුචරඃ කපිඃ ।
රථවේගං ච වීරාණාං විචරන්විමලේऽංබරේ ॥ 9 ॥
ස තෛඃ ක්රීඩංධනුෂ්මද්භිර්ව්යෝම්නි වීරඃ ප්රකාශතේ ।
ධනුෂ්මද්භිර්යථා මේඝෛර්මාරුතඃ ප්රභුරංබරේ ॥ 10 ॥
ස කෘත්වා නිනදං ඝෝරං ත්රාසයංස්තාං මහාචමූම් ।
චකාර හනුමාන්වේගං තේෂු රක්ෂස්සු වීර්යවාන් ॥ 11 ॥
තලේනාභ්යහනත්කාංශ්චිත්පාදෛඃ කාංශ්චිත්පරංතපඃ ।
මුෂ්ටිනාභ්යහනත්කාංශ්චින්නඛෛඃ කාංශ්චිද්ව්යදාරයත් ॥ 12 ॥
ප්රමමාථෝරසා කාංශ්චිදූරුභ්යාමපරාන්කපිඃ ।
කේචිත්තස්ය නිනාදේන තත්රෛව පතිතා භුවි ॥ 13 ॥
තතස්තේෂ්වවසන්නේෂු භූමෞ නිපතිතේෂු ච ।
තත්සෛන්යමගමත්සර්වං දිශෝදශ භයාර්දිතම් ॥ 14 ॥
විනේදුර්විස්වරං නාගා නිපේතුර්භුවි වාජිනඃ ।
භග්නනීඩධ්වජච්ඡත්රෛර්භූශ්ච කීර්ණාऽභවද්රථෛඃ ॥ 15 ॥
ස්රවතා රුධිරේණාථ ස්රවංත්යෝ දර්ශිතාඃ පථි ।
විවිධෛශ්ච ස්වරෛර්ලංකා නනාද විකෘතං තදා ॥ 16 ॥
ස තාන්ප්රවෘද්ධාන්විනිහත්ය රාක්ෂසාන් මහාබලශ්චංඩපරාක්රමඃ කපිඃ ।
යුයුත්සුරන්යෛඃ පුනරේව රාක්ෂසෛ ස්තමේව වීරෝऽභිජගාම තෝරණම් ॥ 17 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ සුංදරකාංඩේ පංචචත්වාරිංශස්සර්ගඃ ॥
