ශ්රීමද්වාල්මීකීය රාමායණේ යුද්ධකාංඩම් ।
අථ අෂ්ටපංචාශස්සර්ගඃ ।
තතඃප්රහස්තංනිර්යාංතංදෘෂ්ටවාභීමපරාක්රමම් ।
උවාචසස්මිතංරාමෝවිභීෂණමරිංදමඃ ॥ 1 ॥
කඒෂස්සුමහාකායෝබලේනමහතාවෘතඃ ।
ආචක්ෂ්වමේමහාබාහෝ වීර්යවංතංනිශාචරම් ॥ 2 ॥
රාඝවස්යවචශ්ශ්රුත්වාප්රත්යුවාචවිභීෂණඃ ॥ 3 ॥
ඒෂසේනාපතිස්තස්යප්රහස්තෝනාමරාක්ෂසඃ ।
ලංකායාංරාක්ෂසේංද්රස්යත්රිභාගබලසම්වෘතඃ ॥ 4 ॥
වීර්යවානස්ත්රවිච්ඡූරඃසුප්රඛ්යාශ්චපරාක්රමේ ।
තතඃප්රහස්තංනිර්යාංතංභීමංභීමපරාක්රමම් ॥ 5 ॥
ගර්ජංතංසුමහාකායංරාක්ෂසෛරභිසම්වෘතම් ।
දදර්ශමහතීසේනාවානරාණාංබලීයසාම් ॥ 6 ॥
අභිසංජාතරෝෂාණාංප්රහස්තමභිගර්ජතාම් ।
ඛඩගශක්ත්යෘෂ්ණිබාණාශ්චශූලානිමුසලානිච ॥ 7 ॥
ගදාශ්චපරිඝාඃප්රාසාවිවිධාශ්චපරිශ්වධාඃ ।
නූංෂිචවිචිත්රාණිරාක්ෂසානාංජයෛෂිණාම් ॥ 8 ॥
ප්රගෘහීතාන්යශෝභංතවානරානභිධාවතාම් ।
ජගෘහුඃපාදපාංශ්චාපිපුෂ්පිතාන්වානරර්ෂභාඃ ॥ 9 ॥
ශිලාශ්චවිපුලාදීර්ඝායෝද්ධුකාමාඃප්ලවංගමාඃ ।
තේෂාමන්යෝන්යමාසාද්යසංග්රාමඃසුමහානභූත් ॥ 10 ॥
බහූනාමශ්මවෘෂ්ටිංචශරවර්ෂංචවර්ෂතාම් ।
බහවෝරාක්ෂසායුද්ධේබහූන්වානරයූධපාන් ॥ 11 ॥
වානරාරාක්ෂසාංශ්චාපිනිජඝ්නුර්බහවෝබහූන් ।
ශූලෛඃප්රමථිතාඃකේචිත්කේචිච්චපරමායුධෛඃ ॥ 12 ॥
පරිඝෛරාහතාඃකේචිත්කේචිච්ඡින්නාඃපරශ්වධෛඃ ।
නිරුච්ඡවාසාඃකෘතාඃ කේචිත්පතිතාධරණීතලේ ॥ 13 ॥
විභින්නහෘදයාඃකේචිදිෂුසංධානසංදිතාඃ ।
කේචිව්දිධාකෘතාඃඛඩගෛඃස්ඵුරංතඃපතිතාභුවි ॥ 14 ॥
වානරාරාක්ෂසෛශ්ශූලෛපාර්ශ්වතශ්චාවදාරිතාඃ ।
වානරෛශ්චාපිසංක්රුද්ධෛරාක්ෂසෞඝාඃසමංතතඃ ॥ 15 ॥
පාදපෛර්ගිරිශෘංගෛශ්චසංපිෂ්ටාවසුධාතලේ ।
වජ්රස්පර්ශතලෛර්හස්ස්සෛර්මුෂ්ටිභිශ්චහතාභෘශම් ॥ 16 ॥
වේමුශ්ශෝණිතමාස්යේභ්යෝවිශීර්ණදශනේක්ෂණාඃ ।
ආර්තස්වනංචස්වනතාංසිංහනාදංචනර්දතාම් ॥ 17 ॥
බභූවතුමුලශ්ශබ්දෝහරීණාංරක්ෂසාංයුධි ।
වානරාරාක්ෂසාඃක්රුද්ධාවීරමාර්ගමනුව්රතාඃ ॥ 18 ॥
විවෘත්තනයනාඃක්රූරාශ්චක්රුඃකර්මාණ්යභීතවත් ।
නරාංතකඃකුංභහනුර්මහානාදස්සමුන්නතඃ ॥ 19 ॥
ඒතේප්රහස්තසචිවාස්සර්වේජඝ්නුර්වනෞකසඃ ।
තේෂාමාපතතාංශීඝ්රංනිඝ්නතාංචාපිවානරාන් ॥ 20 ॥
ද්විවිදෝගිරිශෘංගේණජඝානෛකංනරාංතකම් ।
දුර්මුඛඃපුනරුත්ථායකපිස්සවිපුලද්රුමම් ॥ 21 ॥
රාක්ෂසංක්ෂිප්රහස්තස්තුසමුන්නතමපෝථයත් ।
ජාංබවාංස්තුසුසංක්රුද්ධඃප්රගෘහ්යමහතීංශිලාම් ॥ 22 ॥
පාතයාමාසතේජස්වීමහානාදස්යවක්ෂසි ।
අථකුංභහනුස්තත්රතාරේණාසාද්යවීර්යවාන් ॥ 23 ॥
වෘක්ෂේණාභිහතෝමූර්ධ්නිප්රාණාන්සංත්යාජයද්රණේ ।
අමෘෂ්යමාණස්තත්කර්මප්රහස්තෝරථමාශ්රිතඃ ॥ 24 ॥
චකාර කදනං ඝෝරං ධනුෂ් පාණිර් වන ඕකසාම් ।
ආවර්ත;ඉව සම්ජජ්නේ;උභයෝහ් සේනයෝස් තදා ॥ 25 ॥
ක්ෂුභිතස්යාප්රමේයස්යසාගරස්යේවනිස්ස්වනඃ ।
මහතාහිශරෞඝේණප්රහස්තෝයුද්ධකෝවිදඃ ॥ 26 ॥
අර්දයාමාසසංක්රුද්ධෝවානරාන් පරමාහවේ ।
වානරාණාංශරීරෛශ්චරාක්ෂසානාංචමේදිනී ॥ 27 ॥
බභූන්විචිතාඝෝරාඃපතිතෛරිවපර්වතෛ ।
සාමහීරුධිරෞඝේණප්රච්ඡන්නාසංප්රකාශතේ ॥ 28 ॥
සංඡන්නාමාධවේමාසිපලාශෛරිවපුෂ්පිතෛඃ ।
හතවීරෞඝවස්රාංතුභග්නායුධමහාද්රුමාම් ॥ 29 ॥
ශෝණිත ඕඝ මහා තෝයාං යම සාගර ගාමිනීම් ।
යකෘත් ප්ලීහ මහා පන්කාං විනිකීර්ණ අංත්ර ශෛබලාම් ॥ 30 ॥
භින්නකායශිරෝමීනාමංගාවයවශාද්වලාම් ।
ගෘධ්රහංසගණාකීර්ණාංකංකසාරසසේවිතාම් ॥ 31 ॥
මේදඃඵේනසමාකීර්ණාමාර්තසංතිතස්වනාම් ।
තාංකාපුරෂුදුස්තාරාංයුද්ධභූමිමයීංනදීම් ॥ 32 ॥
නදීමිවඝනාපායේහංසසාරසසේවිතාම් ।
රාක්ෂසාඃකපිමුඛ්යාශ්චතේරුස්තාංදුස්තරාංනදීම් ॥ 33 ॥
යථා පද්ම රජෝ ධ්වස්තාං නලිනීං ගජ යූථපාඃ ।
තතඃ සෘජංතං බාණ ඕඝාන් ප්රහස්තං ස්යංදනේ ස්ථිතම් ॥ 34 ॥
දදර්ශ තරසා නීලෝ විනිඝ්නංතං ප්ලවං ගමාන් ।
උද්ධූත ඉව වායුඃ ඛේ මහාදභ්රබලං බලාත් ॥ 35 ॥
සමීක්ෂ්යාභිද්රුතංයුද්ධේප්රහස්තෝවාහිනීපතිඃ ।
රථේනාදිත්යවර්ණේනනීලමේවාභිදුද්රුවේ ॥ 36 ॥
සධනුර්ධන්විනාංශ්රේෂ්ඨෝවිකෘෂ්යපරමාහවේ ॥ 37 ॥
නීලායව්යසෘජද්බාණාන්ප්රහස්තෝවාහිනීපතිඃ ।
තේප්රාප්යවිශිඛානීලංවිනිර්භිද්යසමාහිතාඃ ॥ 38 ॥
මහීංජග්මුර්මහාවේගාරුෂිතාඉවපන්නගාඃ ।
නීලඃශරෛරභිහතෝනිශිතෛර්ජ්වලනෝපමෛඃ ॥ 39 ॥
සතංපරමදුර්ධර්ෂමාපතංතංමහාකපිඃ ।
ප්රහස්තංතාඩයාමාසවෘක්ෂමුත්පාට්යවීර්යවාන් ॥ 40 ॥
සතේනාභිහතඃක්රුද්ධෝනදන්රාක්ෂසපුංගවඃ ।
වවර්ෂශරවර්ෂාණිප්ලවංගානාංචමූපතෞ ॥ 41 ॥
තස්යබාණගණාන්ඝාරාන්රාක්ෂසස්යමහාබලඃ ।
අපාරයන්වාරයිතුංප්රත්යගෘහ්ණාන්නිමීලිතඃ ॥ 42 ॥
යථෛවගෝවෘෂෝවර්ෂංශාරදංශීඝ්රමාගතම් ।
ඒවමේවප්රහස්තස්යශරවර්ෂංදුරාසදම් ॥ 43 ॥
නිමීලිතාක්ෂස්සහසානීලස්සේහේදුරාසදාන් ।
රෝෂිතශ්ශරවර්ෂේණසාලේනමහතාමහාන් ।
ප්රජඝානහයානනීලඃප්රහස්තස්යමහාබලඃ ॥ 44 ॥
තතන්සචාපමුද්ගෘහ්යප්රහස්තස්යමහාබලඃ ।
බභංජතරසානීලෝනනාදචපුනඃපුනඃ ॥ 45 ॥
විධනුස්තුකෘතස්තේනප්රහස්තෝවාහිනීපතිඃ ।
ප්රගෘහ්යමුසලංඝෝරංස්යංදනාදවපුප්ලුවේ ॥ 46 ॥
තාවුභෞවාහිනීමුඛ්යෞජාතවෛරෞතරස්විනෞ ।
ස්ථිතෞක්ෂතජගදිග්ධාංගෞප්රභින්නාවිවකුංජරෞ ॥ 47 ॥
උල්ලිඛංතෞසුතීක්ෂ්ණාභිර්දංෂ්ට්රාභිරිතරේතරම් ।
සිංහශාර්දූලසදෘශෞසිංහශාර්දූලචේෂ්ටිතෞ ॥ 48 ॥
වික්රාංතවිජයෞවීරෞසමරේෂ්න්විවර්තිනෞ ।
කාංක්ෂමාණෞයශඃප්රාප්තුංවෘත්රවාසවයෝස්සහ ॥ 49 ॥
ආජඝානතදානීලංලලාටේමුසලේනසඃ ।
ප්රහස්තඃපරමායත්තස්තතස්සුස්රාවශෝණිතම් ॥ 50 ॥
තතඃශෝණිතදිග්ධාංගඃප්රගෘහ්යසුමහාතරුම් ।
ප්රහස්තස්යෝරසික්රුද්ධෝවිසසර්ජමහාකපිඃ ॥ 51 ॥
තමචිංත්යප්රහාරංසප්රගෘහ්යමුසලංමහත් ।
අභිදුද්රාවබලිනංබලානනීලංප්ලවංගමම් ॥ 52 ॥
තමුග්රවේගංසංරබ්ධමාපතංතංමහාකපිඃ ।
තතස්සංප්රේක්ෂ්යජග්රාහමහාවේගෝමහාශිලාම් ॥ 53 ॥
තස්යයුද්ධාභිකාමස්යමෘථේමුසලයෝධින ।
ප්රහස්තස්යශිලාංනීලෝමූර්ධ්නිතූර්ණමපාතයත් ॥ 54 ॥
සාතේනකපිමුඛ්යේනවිමුක්තාමහතීශිලා ।
බිභේදබහුධාඝෝරාප්රහස්තස්යශිරස්තදා ॥ 55 ॥
විභින්න ශිරසස් තස්ය බහු සුස්රාව ශෝණිතම් ।
ශරීරාද් අපි සුස්රාව ගිරේහ් ප්රස්රවණං යථා ॥ 56 ॥
විභින්නශිරසස්තස්යබහුසුස්රාවශෝණිතම් ।
ශරීරාදපිසුස්රාවගිරේඃප්රස්රවණංයථා ॥ 57 ॥
හතේප්රහස්තේනීලේනතදකංප්යංමහාබලම් ।
රාක්ෂසානාමහෘෂ්ටානාංලංකාමභිජගාමහ ॥ 58 ॥
නශේකුස්සමවස්ථාතුංනිහතේවාහිනීපතෞ ।
සේතුබංධංසමාසාද්යවිශීර්ණංසලිලංයථා ॥ 59 ॥
හතේතස්මිංශ්චමූමුඛ්යේරාක්ෂසාස්තේනිරුද්යමාඃ ।
රක්ෂඃපතිගෘහංගත්වාධ්යානමූකත්වමාස්ථිතාඃ ॥ 60 ॥
ප්රාප්තාශ්ශෝකාර්ණවංතීව්රංනිස්සජ්ඤෞඉවතේऽභවන් ।
තතස්තුනීලෝවිජයීමහාබලඃප්රශස්යමානඃසුකෘතේනකර්මණා ।
සමේත්යරාමේණසලක්ෂ්මණේනප්රහෘෂ්ටරූපස්තුබභූවයූථපඃ ॥ 61 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ අෂ්ටපංචාශස්සර්ගඃ ॥
