ශ්රීමද්වාල්මීකීය රාමායණේ අරණ්යකාංඩම් ।
අථ අෂ්ටමස්සර්ගඃ ।
රාමස්තු සහසෞමිත්රිස්සුතීක්ෂ්ණේනාභිපූජිතඃ ।
පරිණාම්ය නිශාං තත්ර ප්රභාතේ ප්රත්යබුධ්යත ॥ 1 ॥
උත්ථාය තු යථාකාලං රාඝවස්සහසීතයා ।
උපස්පෘශ්යසුශිතේන ජලේනෝත්පලගංධිනා ॥ 2 ॥
අථ තේऽග්නිං සුරාංශ්චෛව වෛදේහී රාමලක්ෂ්මණෞ ।
කාල්යං විධිවදභ්යර්ච්ය තපස්විශරණේ වනේ ॥ 3 ॥
උදයංතං දිනකරං දෘෂ්ට්වා විගතකල්මෂාඃ ।
සුතීක්ෂ්ණභිගම්යේදං ශ්ලක්ෂ්ණං වචනමබ්රුවන් ॥ 4 ॥
සුඛෝෂිතාස්ස්මභගවංස්ත්වයා පූජ්යේන පූජිතාඃ ।
ආපෘච්ඡාමඃ ප්රයාස්යාමෝ මුනයස්ත්වරයංති නඃ ॥ 5 ॥
ත්වරාමහේ වයං ද්රෂ්ටුං කෘත්ස්නමාශ්රමමංඩලම් ।
ඍෂීණාං පුණ්යශීලානාං දංඩකාරණ්යවාසිනාම් ॥ 6 ॥
අභ්යනුජ්ඤාතුමිච්ඡාමස්සහෛභිර්මුනිපුංගවෛඃ ।
ධර්මනිත්යෛස්තපෝදාංතෛර්විශිඛෛරිව පාවකෛඃ ॥ 7 ॥
අවිෂහ්යාතපෝ යාවත්සූර්යෝ නාතිවිරාජතේ ।
අමාර්ගේණාගතාං ලක්ෂ්මීං ප්රාප්යේවාන්වයවර්ජිතඃ ॥ 8 ॥
තාවදිච්ඡාමහේ ගංතුමිත්යුක්ත්වා චරණෞ මුනේඃ ।
වවංදේ සහසෞමිත්රිස්සීතයා සහ රාඝවඃ ॥ 9 ॥
තෞ සංස්පෘශංතෞ චරණාවුත්ථාප්ය මුනිපුංගවඃ ।
ගාඪමාලිංග්ය සස්නේහමිදං වචනමබ්රවීත් ॥ 10 ॥
අරිෂ්ටං ගච්ඡ පංථානං රාම සෞමිත්රිණා සහ ।
සීතයා චානයා සාර්ධං ඡායයේවානුවෘත්තයා ॥ 11 ॥
පශ්යාශ්රමපදං රම්යං දංඩකාරණ්යවාසිනාම් ।
ඒෂාං තපස්විනාං වීර තපසා භාවිතාත්මනාම් ॥ 12 ॥
සප්රාජ්යඵලමූලානි පුෂ්පිතානි වනානි ච ।
ප්රශස්තමෘගයූථානි ශාංතපක්ෂිගණානි ච ॥ 13 ॥
ඵුල්ලපංකජෂංඩානි ප්රසන්නසලිලානි ච ।
කාරංඩවවිකීර්ණානි තටාකානි සරාංසි ච ॥ 14 ॥
ද්රක්ෂ්යසේ දෘෂ්ටිරම්යාණි ගිරිප්රස්රවණානි ච ।
රමණීයාන්යරණ්යානි මයූරාභිරුතානි ච ॥ 15 ॥
ගම්යතාං වත්ස සෞමිත්රේ භවානපි ච ගච්ඡතු ।
ආගංතව්යං ච තේ දෘෂ්ට්වා පුනරේවාශ්රමං මම ॥ 16 ॥
ඒවමුක්තස්තථේත්යුක්ත්වා කාකුත්ස්ථස්සහලක්ෂ්මණඃ ।
ප්රදක්ෂිණං මුනිං කෘත්වා ප්රස්ථාතුමුපචක්රමේ ॥ 17 ॥
තතශ්ශුභතරේ තූණී ධනුෂී චායතේක්ෂණා ।
දදෞ සීතා තයෝර්භ්රාත්රෝඃ ඛංගෞ ච විමලෞ තතඃ ॥ 18 ॥
ආබධ්ය ච ශුභේ තූණී චාපේ චාදාය සුස්වනෞ ।
නිෂ්ක්රාංතාවාශ්රමාද්ගංතුමුභෞ තෞ රාමලක්ෂ්මණෞ ॥ 19 ॥
ශ්රීමංතෞ රූපසංපන්නෞ දීප්යමානෞ ස්වතේජසා ।
ප්රස්ථිතෞ ධෘතචාපෞ තෞ සීතයා සහ රාඝවෞ ॥ 20 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අරණ්යකාංඩේ අෂ්ටමස්සර්ගඃ ॥
