ශ්රීමද්වාල්මීකීය රාමායණේ යුද්ධකාංඩම් ।
අථ ඒකෝනශතතමස්සර්ගඃ ।
මහෝදරේතුනිහතේමහාපාර්ශ්වෝමහාබලඃ ।
සුග්රීවේණසමීක්ෂ්යාථක්රෝධාත්සම්රරක්තලෝචනඃ ॥ 1 ॥
අංගදස්යචමූංභීමාංක්ෂෝභයාමාසසායකෛඃ ।
සවානරාණාංමුඛ්යානාමුත්තමාංගානිසර්වශඃ ॥ 2 ॥
පාතයාමානකායේභ්යඃඵලංවෘංතාදිවානිලඃ ।
කේෂාංචිදිෂුභිර්බාහුන් ස්කංධාංශ්ඡිච්ඡේදරාක්ෂසඃ ච ॥ 3 ॥
වානරාණාංසුංකෘද්ධඃ පාර්ශ්වංකේෂාංව්යදාරයත් ।
තේऽර්දිතාබාණවර්ෂේණමහාපාර්ශ්වේනවානරාඃ ॥ 4 ॥
විෂාදවිමුඛාඃසර්වේබභූවුර්ගතචේතසඃ ।
නිරීක්ෂ්යබලමුද්විග්නමංගදෝරාක්ෂසාර්දිතම් ॥ 5 ॥
පූරිතා තේන ශබ්දේන සනදීගිරිකානනා ।
සංචචාල මහී සර්වා සවරාහමෘගද්විපා ॥ 6 ॥
සමරේවානරශ්රේෂ්ඨෝමහාපාර්ශ්වේන්යපාතයත් ।
ස තුතේනප්රහාරේණමහාපාර්ශ්වෝවිචේතනඃ ॥ 7 ॥
සසූතස්ස්යංදනාත්තස්මාද්විසංජ්ඤශ්චාපතද්භුවි ।
ස ඍක්ෂරාජස්තේජස්වීනීලාංජනචයෝපමඃ ॥ 8 ॥
නිෂ්පත්යසුමහාවීර්යස්ස්වාද්ව්යූහන්මේඝසන්නිභාත් ।
ප්රගෘහ්යගිරිශෘංගාභාංක්රුද්ධස්සවිපුලාංශිලාම් ॥ 9 ॥
අශ්වාංජඝානතරසාබභංජතං ස්යංදනං ච තම් ।
මුහූර්තාල්ලබ්ධසංජ්ඤස්තුමහාපාර්ශ්වෝමහාබලඃ ॥ 10 ॥
අංගදංබහුභිර්බාණෛර්භූයස්තංප්රත්යවිධ්යත ।
ජාංබවංතංත්රිභිර්බාණෛරාජඝානස්තනාංතරේ ॥ 11 ॥
ඍක්ෂරාජංගවාක්ෂං ච ජඝානබහුභිශ්ශරෛඃ ।
ජාංබවංතංගවාක්ෂං ච ස දෘෂ්ටවාශරපීඩිතෞ ॥ 12 ॥
ජග්රාහපරිඝංඝෝරමංගදඃක්රෝධමූර්ඡිතඃ ।
තස්යාංගදඃප්රකුපිතෝරාක්ෂසස්යතමායසම් ॥ 13 ॥
දූරස්ථිතස්යපරිඝංරවිරශ්මිසමප්රභම් ।
ද්වාවාභ්යාංභුජාභ්යාංසංගෘහ්යභ්රාමයිත්වා ච වේගවාන් ॥ 14 ॥
මහාපාර්ශ්වස්යචික්ෂේපවධාර්ථංවාලිනස්සුතඃ ।
ස තුක්ෂිප්තෝබලවතාපරිඝංතස්යරක්ෂසඃ ॥ 15 ॥
ධනුශ්චසශරංහස්තාඡචිරස්ත්රාංචාප්යපාතයත් ।
තංසමාසාද්යවේගේනවාලිපුත්රඃප්රතාපවාන් ॥ 16 ॥
තලේනාභ්යහනත්ක්රුද්ධඃ කර්ණමූලේ සකුංඩලේ ।
ස තුක්රුද්ධෝමහාවේගෝමහාපාර්ශ්වෝමහාද්යුති ॥ 17 ॥
කරේණෛකේනජග්රාහසුමහාංතංපරශ්වථම් ।
තංම්තෛලධෞතංවිමලංශෛලසාරමයංදෘඪම් ॥ 18 ॥
රාක්ෂසඃපරමක්රුද්ධෝවාලිපුත්රේන්යපාතයත් ।
තේනවාමාංසඵලකේභෘශංප්රත්යවපාදිතම් ॥ 19 ॥
අංගදෝමෝක්ෂ්යාමාසසරෝෂස්සපරශ්වධම් ।
සවීරෝවජ්රසංකාශමංගදෝමුෂ්ටිමාත්මනඃ ॥ 20 ॥
සංවර්තයත්සුසංකෘද්ධඃපිතෘතුල්යපරාක්රමඃ ।
රාක්ෂසස්යස්තනාභ්යාශේමර්මජ්ඤෝහෘදයංප්රති ॥ 21 ॥
ඉංද්රාශනිමස්පර්ශං ස මුෂ්ටිංවින්යපාතයත් ।
තේනතස්යනිපාතේනරාක්ෂසස්යමහාමෘධේ ॥ 22 ॥
පඵාලහෘදයංචාස්ය ස පපාතහතෝභුවි ।
ස්මින්නිපතිතේභූමෞතත්සෛන්යංසංප්රචුක්ෂුභේ ॥ 23 ॥
අභවච්චමහාන්ක්රෝධස්සමරේරාවණස්යතු ।
වානරාණාංශ්චහෘෂ්ටානාංසිංහනාදඃසුපුෂ්කලඃ ॥ 24 ॥
ස්පෝටයන්නිවශබ්දේනලංකාංසාට්ටාලගෝපුරාම් ।
මහේංද්රේණේවදේවානාංනාදස්සමභවන්මහාන් ॥ 25 ॥
අථෛංද්රශත්රුස්ත්රිදිවාලයානාංවනෞකනාංචෛවම්හාප්රණාදම් ।
ශ්රුත්වාසරෝෂංයුධිරාක්ෂසේංද්රඃ ।
පුනශ්චයුද්ධාභිමුඛෝऽවතස්ථේ ॥ 26 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ඒකෝනශතතමස්සර්ගඃ ॥
