ශ්රීමද්වාල්මීකීය රාමායණේ අරණ්යකාංඩම් ।
අථ ෂට්චත්වාරිංශස්සර්ගඃ ।
තයා පරුෂමුක්තස්තු කුපිතෝ රාඝවානුජඃ ।
ස විකාංක්ෂන්භෘශං රාමං ප්රතස්ථේ නචිරාදිව ॥ 1 ॥
තදාසාද්ය දශග්රීවඃ ක්ෂිප්රමංතරමාස්ථිතඃ ।
අභිචක්රාම වෛදේහීං පරිව්රාජකරූපධෘක් ॥ 2 ॥
ශ්ලක්ෂ්ණකාෂායසංවීතශ්ශිඛී ඡත්රී උපානහී ।
වාමේ චාංසේऽවසජ්යාථ ශුභේ යෂ්ටිකමංඩලූ ॥ 3 ॥
පරිව්රාජකරූපේණ වෛදේහීමන්වපද්යත ।
තාමාසසාදාතිබලෝ භ්රාතෘභ්යාං රහිතාං වනේ ॥ 4 ॥
රහිතාං චංද්රසූර්යාභ්යාං සංධ්යාමිව මහත්තමඃ ।
තාමපශ්යත්තතෝ බාලාං රාමපත්නීං යශස්විනීම් ॥ 5 ॥
රෝහිණීං ශශිනා හීනාං ග්රහවද්භෘශදාරුණඃ ।
තමුග්රතේජඃකර්මාණං ජනස්ථානරූහා ද්රුමාඃ ॥ 6 ॥
සමීක්ෂ්ය සංප්රකංපංතේ න ප්රවාති ච මාරුතඃ ।
ශීඝ්රස්රෝතාශ්ච තං දෘෂ්ට්වා වීක්ෂංතං රක්තලෝචනම් ॥ 7 ॥
ස්තිමිතං ගංතුමාරේභේ භයාද්ගෝදාවරී නදී ।
රාමස්ය ත්වංතරප්රේප්සුර්දශග්රීවස්තදංතරේ ॥ 8 ॥
උපතස්ථේ ච වෛ දේහීං භික්ෂුරූපේණ රාවණඃ ।
අභව්යෝ භව්යරූපේණ භර්තාරමනුශෝචතීම් ॥ 9 ॥
අභ්යවර්තත වෛදේහීං චිත්රාමිව ශනෛශ්චරඃ ।
ස පාපෝ භව්යරූපේණ තෘණෛඃ කූප ඉවාවෘතඃ ॥ 10 ॥
අතිෂ්ඨත්ප්රේක්ෂ්ය වෛදේහීං රාමපත්නිං යශස්විනීම් ।
ශුභාං රුචිරදංතෝෂ්ඨීං පූර්ණචංද්රනිභානනාම් ॥ 11 ॥
ආසීනාං පර්ණශාලායාං බාෂ්පශෝකාභිපීඩිතාම් ।
ස තාං පද්මපලාශාක්ෂීං පීතකෞශේයවාසිනීම් ॥ 12 ॥
අභ්යගච්ඡත වෛදේහීං දුෂ්ටචේතා නිශාචරඃ ।
ස මන්මථශරාවිෂ්ටෝ බ්රහ්මඝෝෂමුදීරයන් ॥ 13 ॥
අබ්රවීත්ප්රශ්රිතං වාක්යං රහිතේ රාක්ෂසාධිපඃ ।
තාමුත්තමාං ස්ත්රියං ලෝකේ පද්මහීනාමිව ශ්රියම් ॥ 14 ॥
විභ්රාජමානාං වපුෂා රාවණඃ ප්රශශංස හ ।
කා ත්වං කාංචනවර්ණාභේ පීතකෞශේයවාසිනි ॥ 15 ॥
කමලානාං ශුභාං මාලාං පද්මිනීව හි බිභ්රතී ।
හ්රීඃ කීර්තිඃ ශ්රීශ්ශුභා ලක්ෂ්මීරප්සරා වා ශුභානනේ ॥ 16 ॥
භූතිර්වා ත්වං වරාරෝහේ රතිර්වා ස්වෛරචාරිණී ।
සමාශ්ශිඛරිණස්ස්නිග්ධාඃ පාංඩුරා දශනාස්තව ॥ 17 ॥
විශාලේ විමලේ නේත්රේ රක්තාංතේ කෘෂ්ණතාරකේ ।
විශාලං ජඝනං පීනමූරූ කරිකරෝපමෞ ॥ 18 ॥
ඒතාවුපචිතෞ වෘත්තෞ සංහතෞ සංප්රවල්ගිතෞ ।
පීනෝන්නතමුඛෞ කාංතෞ ස්නිග්ධෞ තාලඵලෝපමෞ ॥ 19 ॥
මණිප්රවේකාභරණෞ රුචිරෞ තේ පයෝධරෞ ।
චාරුස්මිතේ චාරුදති චාරුනේත්රේ විලාසිනි ॥ 20 ॥
මනෝ හරසි මේ කාංතේ නදී කූලමිවාංභසා ।
කරාංතමිතමධ්යාසි සුකේශී සංහතස්තනී ॥ 21 ॥
නෛව දේවී න ගංධර්වී න යක්ෂී න ච කින්නරී ।
නෛවංරූපා මයා නාරී දෘෂ්ටපූර්වා මහීතලේ ॥ 22 ॥
රූපමග්ර්යං ච ලෝකේෂු සෞකුමාර්යං වයශ්චතේ ।
ඉහ වාසශ්ච කාංතාරේ චිත්තමුන්මාදයංති මේ ॥ 23 ॥
සා ප්රතික්රාම භද්රං තේ නෛවං වස්තුමිහාර්හසි ।
රාක්ෂසානාමයං වාසෝ ඝෝරාණාං කාමරූපිණාම් ॥ 24 ॥
ප්රාසාදාග්රාණි රම්යාණි නගරෝපවනානි ච ।
සංපන්නානි සුගංධීනි යුක්තාන්යාචරිතුං ත්වයා ॥ 25 ॥
වරං මාල්යං වරං භෝජ්යං වරං වස්ත්රං ච ශෝභනේ ।
භර්තාරං ච වරං මන්යේ ත්වද්යුක්තමසිතේක්ෂණේ ॥ 26 ॥
කා ත්වං භවසි රුද්රාණාං මරුතාං වා වරානනේ ।
වසූනාං වා වරාවෝහේ දේවතා ප්රතිභාසි මේ ॥ 27 ॥
නේහ ගච්ඡංති ගංධර්වා න දේවා න ච කින්නරාඃ ।
රාක්ෂසානාමයං වාසඃ කථං නු ත්වමිහාගතා ॥ 28 ॥
ඉහ ශාඛාමෘගාස්සිංහා ද්වීපිව්යාඝ්රමෘගාස්තථා ।
ඍක්ෂාස්තරක්ෂවඃ කංකාඃ කථං තේභ්යෝ න බිභ්යසි ॥ 29 ॥
මදාන්විතානාං ඝෝරාණාං කුංජරාණාං තරස්විනාම් ।
කථමේකා මහාරණ්යේ න බිභේෂි වරානනේ ॥ 30 ॥
කාසි කස්ය කුතශ්චිත්ත්වං කිං නිමිත්තං ච දංඩකාන් ।
ඒකා චරසි කල්යාණි ඝෝරාන්රාක්ෂසසේවිතාන් ॥ 31 ॥
ඉති ප්රශස්තා වෛදේහී රාවණේන දුරාත්මනා ।
ද්විජාතිවේශේණ හි තං දෘෂ්ට්වා රාවණමාගතම් ॥ 32 ॥
සර්වෛරතිථිසත්කාරෛඃ පූජයාමාස මෛථිලී ।
උපනීයාසනං පූර්වං පාද්යේනාභිනිමංත්ර්ය ච ॥ 33 ॥
අබ්රවීත්සිද්ධමිත්යේව තදා තං සෞම්යදර්ශනම් ।
ද්විජාතිවේෂේණ සමීක්ෂ්ය මෛථිලී සමාගතං පාත්රකුසුංභධාරිණම් ।
අශක්යමුද්වේෂ්ටුමපායදර්ශනං න්යමංත්රයද්බ්රාහ්මණවත්තදාංගනා ॥ 34 ॥
ඉයං බෘසී බ්රාහ්මණ කාමමාස්යතාමිදං ච පාද්යං ප්රතිගෘහ්යතාමිති ।
ඉදං ච සිද්ධං වනජාතමුත්තමං ත්වදර්ථමව්යග්රමිහෝපභුජ්යතාම් ॥ 35 ॥
නිමංත්ර්යමාණඃ ප්රතිපූර්ණභාෂිණීං නරේංද්රපත්නීං ප්රසමීක්ෂ්ය මෛථිලීම් ।
ප්රසහ්ය තස්යාහරණේ ධෘතං මනඃ සමර්පයත්ස්වාත්මවධාය රාවණඃ ॥ 36 ॥
තතඃ සුවේෂං මෘගයාගතං පතිං ප්රතීක්ෂමාණා සහලක්ෂ්මණං තදා ।
විවීක්ෂමාණා හරිතං දදර්ශ තන්මහද්වනං නෛව තු රාමලක්ෂ්ණෞ ॥ 37 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අරණ්යකාංඩේ ෂට්චත්වාරිංශස්සර්ගඃ ॥
