ශ්රීමද්වාල්මීකීය රාමායණේ කිෂ්කිංධාකාංඩම් ।
අථ ෂට්චත්වාරිංශස්සර්ගඃ ।
ගතේෂු වානරේංද්රේෂු රාමස්සුග්රීවමබ්රවීත් ।
කථං භවාන්විජානීතේ සර්වං වෛ මංඩලං භුවඃ ॥ 1 ॥
සුග්රීවස්තු තතෝ රාමමුවාච ප්රණතාත්මවාන් ।
ශ්රූයතාං සර්වමාඛ්යාස්යේ විස්තරේණ නරර්ෂභ ॥ 2 ॥
යදා තු දුංදුභිං නාම දානවං මහිෂාකෘතිම් ।
පරිකාලයතේ වාලී මලයං ප්රති පර්වතම් ॥ 3 ॥
තදා විවේශ මහිෂෝ මලයස්ය ගුහාං ප්රති ।
විවේශ වාලී තත්රාපි මලයං තජ්ජිඝාංසයා ॥ 4 ॥
තතෝऽහං තත්ර නික්ෂිප්තෝ ගුහාද්වාරි විනීතවත් ।
න ච නිෂ්ක්රාමතේ වාලී තදා සංවත්සරේ ගතේ ॥ 5 ॥
තතඃ ක්ෂතජවේගේන ආපුපූරේ තදා බිලම් ।
තදහං විස්මිතෝ දෘෂ්ට්වා භ්රාතෘශෝකවිෂාර්දිතඃ ॥ 6 ॥
අථාऽහං කෘතබුද්ධිස්තු සුව්යක්තං නිහතෝ ගුරුඃ ।
ශිලා පර්වතසංකාශා බිලද්වාරි මයා කෘතා ॥ 7 ॥
අශක්නුව න්නිෂ්ක්රමිතුං මහිෂෝ විනශේදිති ।
තතෝऽහමාගාං කිෂ්කිංධාං නිරාශස්තස්ය ජීවිතේ ॥ 8 ॥
රාජ්යං ච සුමහත්ප්රාප්ය තාරයා රුමයා සහ ।
මිත්රෛශ්ච සහිතස්තත්ර වසාමි විගතජ්වරඃ ॥ 9 ॥
ආජගාම තතෝ වාලී හත්වා තං දානවර්ෂභම් ।
තතෝऽහමදදාං රාජ්යං ගෞරවාද්භයයංත්රිතඃ ॥ 10 ॥
ස මාං ජිඝාංසුර්දුෂ්ටාත්මා වාලී ප්රව්යථිතේංද්රියඃ ।
පරිකාලයතේ ක්රෝධාද්ධාවංතං සචිවෛස්සහ ॥ 11 ॥
තතෝऽහං වාලිනා තේන සාऽනුබද්ධඃ ප්රධාවිතඃ ।
නදීශ්ච විවිධාඃ පශ්යන්වනානි නගරාණි ච ॥ 12 ॥
ආදර්ශතලසංකාශා තතෝ වෛ පෘථිවී මයා ।
අලාතචක්රප්රතිමා දෘෂ්ටා ගෝෂ්පදවත්තදා ॥ 13 ॥
පූර්වාං දිශං තතෝ ගත්වා පශ්යාමි විවිධාන් ද්රුමාන් ।
පර්වතන්ශ්ච නදී රම්යාස්සරාංසි විවිධානි ච ॥ 14 ॥
උදයං තත්ර පශ්යාමි පර්වතං ධාතුමංඩිතම් ।
ක්ෂීරෝදං සාගරං චෛව නිත්යමප්සරසාලයම් ॥ 15 ॥
පරිකාලයමානස්තු වාලිනාऽභිද්රුත ස්තදා ।
පුනරාවෘත්ය සහසා ප්රස්ථිතෝऽහං තදා විභෝ ॥ 16 ॥
පුනරාවර්තමානස්තු වාලිනාऽභිද්රුතෝද්රුතම් ।
දිශස්තස්යාස්තතෝ භූයඃ ප්රස්ථිතෝ දක්ෂිණාං දිශම් ।
විංධ්යපාදපසංකීර්ණාං චංදනද්රුමශෝභිතාම් ॥ 17 ॥
ද්රුමශෛලාංස්තතඃ පශ්යන්භූයෝ දක්ෂිණතෝऽපරාම් ।
පශ්චිමාං ච දිශං ප්රාප්තා වාලිනා සමභිද්රුතඃ ॥ 18 ॥
සංපශ්යන්විවිධාංදේශානස්තං ච ගිරිසත්තමම් ।
ප්රාප්ය චාස්තං ගිරිශ්රේෂ්ඨමුත්තරාං සංප්රධාවිතඃ ॥ 19 ॥
හිමවංතං ච මේරුං ච සමුද්රං ච තථෝත්තරම් ।
යදා න විංදං ශරණං වාලිනා සමභිද්රුතඃ ॥ 20 ॥
තදා මාං බුද්ධිසංපන්නෝ හනූමාන්වාක්යමබ්රවීත් ।
ඉදානීං මේ ස්මෘතං රාජන්යථා වාලී හරීශ්වරඃ ॥ 21 ॥
මතංගේන තදා ශප්තෝ හ්යස්මින්නාශ්රමමංඩලේ ।
ප්රවිශේද්යදි වෛ වාලී මූර්ධාऽස්ය ශතධා භවේත් ॥ 22 ॥
තත්ර වාසස්සුඛෝऽස්මාකං නිරුද්විග්නෝ භවිෂ්යති ।
තතඃ පර්වතමාසාද්ය ඍෂ්යමූකං නෘපාත්මජ ॥ 23 ॥
න විවේශ තදා වාලී මතංගස්ය භයාත්තදා ।
ඒවං මයා තදා රාජන්ප්රත්යක්ෂමුපලක්ෂිතම් ॥ 24 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ කිෂ්කිංධාකාංඩේ ෂට්චත්වාරිංශස්සර්ගඃ ॥
