ශ්රීමද්වාල්මීකීය රාමායණේ යුද්ධකාංඩම් ।
අථ චතුඃෂෂ්ටිතමස්සර්ගඃ ।
තදුක්තමතිකායස්යබලිනෝබාහුශාලිනඃ ।
කුංභකර්ණස්යවචනංශ්රුත්වෝවාචමහෝදරඃ ॥ 1 ॥
කුංභකර්ණකුලේජාතෝධෘෂ්ටඃප්රාකෘතදර්ශනඃ ।
අවලිප්තෝ න ශක්නෝෂිකෘත්යංසර්වත්රවේදිතුම් ॥ 2 ॥
ස්ථානංවෘද්ධිං ච හානි ච දේශකාලවිභාගවිත් ।
ආත්මනශ්චපරේෂාං ච බුධ්යතේරාක්ෂසර්ෂභඃ ॥ 3 ॥
යත්තුශක්යංබලවතාකර්තුංප්රාකෘතබුද්ධිනා ।
අනුපාසිතවෘද්ධේනකඃකුර්යාත්තාදෘශංනරඃ ॥ 4 ॥
යාංස්තුධර්මාර්ථකාමාංස්ත්වංබ්රවීෂිපෘථගාශ්රයාන් ।
අවබෝද්ධුංස්වභාවේතාන්නහිලක්ෂණමස්තිතාන් ॥ 5 ॥
කර්මචෛවහිසර්වේෂාංකාරණානාංප්රයෝජකම් ।
ශ්රේයඃපාපීයසාංචාත්රඵලංභවතිකර්මණාම් ॥ 6 ॥
නිශ්ශ්රේයසඵලාවේවධර්මාර්ථාවිතරාවපි ।
අධර්මානර්ථයෝඃප්රාප්තිඃඵලං ච ප්රත්යවායිකම් ॥ 7 ॥
ඓහලෞකිකපාරක්යංකර්මපුංභිර්නිෂේව්යතේ ।
කර්මාණ්යපිතුකල්යානිලභතේකාමමාස්ථිතඃ ॥ 8 ॥
තත්රක්ලුප්තමිදංරාජ්ඤාහෘදිකාර්යංමතං ච නඃ ।
ශත්රෞහිසාහසංයත්ස්යාත්කිමිවාත්රාපනීයතේ ॥ 9 ॥
ඒකස්යෛවාභියානේතුහේතුර්යඃකථිතස්ත්වයා ।
තත්රාප්යනුපපන්නංතේවක්ෂ්යාමියදසාධු ච ॥ 10 ॥
යේනපූර්වංජනස්ථානේබහවෝऽතිබලාහතාඃ ।
රාක්ෂසාරාඝවංතංත්වංකථමේකෝජයිෂ්යසි ॥ 11 ॥
යේපුරානිර්ජිතාස්තේනජනස්ථානේමහෞජසඃ ।
රාක්ෂසාංස්තාන්පුරේසර්වාන්භීතානද්යාපිපශ්යසි ॥ 12 ॥
තංසිංහමිවසංක්රුද්ධංරාමංදශරථාත්මජම් ।
සර්පංසුප්තමිවබුද්ධ්යප්රබෝධයිතුමිච්ඡසි ॥ 13 ॥
ජ්වලංතංතේජසානිත්යංක්රෝධේන ච දුරාසදම් ।
කස්තංමෘත්යුමිවාසහ්යමාසාදයිතුමර්හති ॥ 14 ॥
සංශයස්ථමිදංසර්වංශත්රෝඃප්රතිසමාසනේ ।
ඒකස්යගමනංතත්ර න හිමේරෝචතේභෘශම් ॥ 15 ॥
හීනාර්ථස්තුසමෘද්ධාර්ථංකෝරිපුංප්රාකෘතංයථා ।
නිශ්චිත්යජීවිතත්යාගේවශමානේතුමිච්ඡති ॥ 16 ॥
යස්යනාස්තිමනුෂ්යේෂුසදෘශෝරාක්ෂසෝත්තම ।
කථමාශංසසේයෝද්ධුංතුල්යේනේංද්රවිවස්වතෝඃ ॥ 17 ॥
ඒවමුක්ත්වාතුසම්රබ්දඃකුංභකර්ණංමහෝදරඃ ।
උවාචරක්ෂසාංමධ්යේරාවණංලෝකරාවණම් ॥ 18 ॥
ලබ්ධ්වාපුනස්ත්වංවෛදේහීංකිමර්ථංසංප්රජල්පසි ।
යදීච්ඡසිතදාසීතාවශගාතේභවිෂ්යති ॥ 19 ॥
දෘෂ්ටඃකශ්චදුපායෝමේසීතෝපස්ථානකාරකඃ ।
රුචිතශ්චේත්ස්වයාබුධ්යාරාක්ෂසේංද්ර තංශෘණු ॥ 20 ॥
අහංද්විජිහ්වස්සම්හ්රාදීකුංභකර්ණෝවිතර්දනඃ ।
පංචරාමවධායෛතේනිර්යාංත්විත්යවඝෝෂය ॥ 21 ॥
තතෝගත්වාවයංයුද්ධංදාස්යාමස්තස්යයත්නතඃ ।
ජේෂ්යාමෝයදිතේශත්රූන්නෝපායෛඃකෘත්යමස්තිනඃ ॥ 22 ॥
අථජීවතිනශ්ශත්රුර්වයං ච කෘතසම්යුගාඃ ।
තතස්තදභිපත්ස්යාමෝමනසායත්සමීක්ෂිතම් ॥ 23 ॥
වයංයුද්ධාදිහේෂ්යාමෝරුධිරේණසමුක්ෂිතාඃ ।
විදාර්යස්වතනුංබාණෛරාමනාමාංකිතෛශ්ශිතෛඃ ॥ 24 ॥
භක්ෂිතෝරාඝවෝऽස්මාභිර්ලක්ෂ්මණශ්චේතිවාදිනඃ ।
තවපාදෞග්රහීෂ්යාමස්ත්වංනඃකාමංප්රපූරය ॥ 25 ॥
භක්ෂිතෝ රාඝවෝऽස්මාභිර්ලක්ෂ්මණශ්චේති වාදිනඃ ।
තව පාදෞ ග්රහීෂ්යාමස්ත්වං නඃ කාම ප්රපූරය ॥ 26 ॥
ප්රීතෝනාමතතෝභූත්වාභෘත්යානාංත්වමරිංදම ।
භෝගාංශ්චපරිවාරාංශ්චකාමාංශ්චවසුදාපය ॥ 27 ॥
තතෝමාල්යානිවාසාංසිවීරාණාමනුලේපනම් ।
පේයං ච බහුයෝධේභ්යස්ස්වයං ච මුදිතඃපිබ ॥ 28 ॥
තතෝऽස්මින් බහුලීභූතේකෞලීනේසර්වතෝගතේ ।
භක්ෂිතස්සසුහෘද්රාමෝරාක්ෂසෛරිතිවිශ්රුතේ ॥ 29 ॥
ප්රවිශ්යාශ්වාස්යචාපිත්වංසීතාංරහසිසාංත්වය ।
ධනධාන්යෛශ්චකාමෛශ්චරත්නෛශ්චානාංප්රලෝභය ॥ 30 ॥
අනයෝපධයාරාජන් භයශෝකානුබංධයා ।
අකාමාත්වද්වශංසීතානෂ්ටනාථාභවිෂ්යති ॥ 31 ॥
ංජනීයම්හිභර්තාරංවිනෂ්ටමවගම්යසා ।
නෛරාශ්යාත් ස්ත්රීලඝුත්වාච්චත්වද්වශංප්රතිපත්ස්යතේ ॥ 32 ॥
සාපුරාසුඛසම්වෘද්ධාසුඛාර්හාදුඃඛකර්ශිතා ।
ත්වය්යධීනංසුඛංජ්ඤාත්වාසර්වථෝගමිෂ්යති ॥ 33 ॥
ඒතත්සුනීතංමමදර්ශනේනරාමංහිදෘෂ්ටවෛභවේදනර්ධඃ ।
ඉහෛවතේසේත්ස්යතිමෝත්සුකෝභූර්මහානයුද්ධේනසුඛස්යලාභඃ ॥ 34 ॥
අදෘෂ්ටසෛන්යෝහ්යනවාප්තසංශයෝරිපූනයුද්ධේනජයන් ජනාධිප ।
යශශ්චපුණ්යං ච මහන්මහීපතේශ්රශියං ච කීර්තිං ච චිරම් ॥ 35 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ චතුඃෂෂ්ටිතමස්සර්ගඃ ॥
