ශ්රීමද්වාල්මීකීය රාමායණේ යුද්ධකාංඩම් ।
අථ ත්රිෂෂ්ටිතමස්සර්ගඃ ।
තස්යරාක්ෂසරාජස්යනිශම්යපරිදේවිතම් ।
කුංභකර්ණෝබභාෂේදංවචනංප්රජහාස ච ॥ 1 ॥
දෘෂ්ටෝ දෝෂෝ හි යෝऽස්මාභිඃ පුරා මංත්රවිනිර්ණයේ ।
හිතේෂ්වනභියුක්තේන සෝऽයමාසාදිතස්ත්වයා ॥ 2 ॥
ශීඝ්රංඛල්වභ්යුපේතංත්වාංඵලංපාපස්යකර්මණඃ ।
නිරයේෂ්වේවපතනංයථාදුෂ්කෘතකර්මණඃ ॥ 3 ॥
ප්රථමංවෛමහාරාජකෘත්යමේතදචිංතිතම් ।
කේවලංවීර්යදර්පේණනානුබංධෝවිචිංතිතඃ ॥ 4 ॥
යඃපශ්චාතූර්වකාර්යාණිකුර්යාදෛශ්වර්යමාස්ථිතඃ ।
පූර්වංචෝත්තරකාර්යාණි න ස වේදනයානයා ॥ 5 ॥
දේශකාලවිහීනානිකර්මාණිවිපරීතවත් ।
ක්රියමාණානිදුෂ්යංතිහවීංෂ්යප්රයතේෂ්විව ॥ 6 ॥
ත්රයාණාංපංචධායෝගංකර්මණාංයඃප්රපශ්යති ।
සචිවෛස්සමයංකෘත්වා ස සභ්යේවර්තතේපථි ॥ 7 ॥
යථාගමං ච යෝරාජාසමයංවිචිකීර්ෂති ।
බුධ්යතේසචිවාන්බධ්යාසුහෘදශ්චානුපශ්යති ॥ 8 ॥
ධර්මමර්ථං ච කාමං ච සර්වාන්වාරක්ෂසාංපතේ ।
භජතේපුරුෂඃකාලේත්රීණිද්වංද්වානිවාපුනඃ ॥ 9 ॥
ත්රිෂුචෛතේෂුයච්ඡ්රේෂ්ඨංශ්රුත්වාතන්නාවබුධ්යතේ ।
රාජාවාරාජමාත්රෝවාව්යර්ථංතස්යබහුශ්රුතම් ॥ 10 ॥
උපප්රදානංසාංත්වං ච භේදංකාලේ ච වික්රමම් ।
යෝගං ච රක්ෂසාංශ්රේෂ්ඨතාවුභෞ ච නයානයෞ ॥ 11 ॥
කාලේධර්මාර්ථකාමාන්යස්සම්මංත්ऱ්යසචිවෛඃසහ ।
නිෂේවේතාත්මවාන්ලෝකේ න ස ව්යසනමාප්නුයාත් ॥ 12 ॥
හිතානුබංධමාලෝච්යකාර්යාත්කාර්යමිහාත්මනඃ ।
රාජාසහාර්ථතත්ත්වජ්ඤෛස්සචිවෛර්බුස්සහිජීවති ॥ 13 ॥
අනභිජ්ඤායශාස්ත්රාර්ථාන් පුරුෂාඃපශුබුද්ධයඃ ।
ප්රාගල්භ්යාද්වක්තුමිච්ඡංතිමංත්රේෂ්වභ්යංතරීකෘතාඃ ॥ 14 ॥
අශාස්ත්රවිදුෂාංතේෂාං න කාර්යමභිහිතංවචඃ ।
අර්ථශාස්ත්රානභිජ්ඤානාංවිපුලාංශ්රියමිච්ඡතාම් ॥ 15 ॥
අහිතං ච හිතාකාරංධාර්ෂ්ට්යාජ්ජල්පංතියේනරාඃ ।
අවේක්ෂ්යමංත්රබාහ්යාස්තේකර්තව්යාඃකෘත්යදූෂණාඃ ॥ 16 ॥
විනාශයංතෝභර්තාරංසහිතාශ්ශත්රුභිර්බුධෛඃ ।
විපරීතානිකෘත්යානිකාරයංතීහමංත්රිණඃ ॥ 17 ॥
තාන්භර්තාමිත්රසංකාශානමිත්රාන්මංත්රනිර්ණයේ ।
ව්යවහාරේණජානීයාත්සචිවානුපසම්හිතාන් ॥ 18 ॥
චපලස්යේහකෘත්යානිසහසානුප්රධාවතඃ ।
ඡිද්රමන්යේප්රපද්යංතේක්රෞංචස්ය ඛ මිවද්විජාඃ ॥ 19 ॥
යෝහිශත්රුමවජ්ඤායනාත්මානමභිරක්ෂති ।
අවාප්නෝතිහිසෝऽනර්ථාන් ස්ථානාච්චව්යවරෝප්යතේ ॥ 20 ॥
යදුක්තමිහතේපූර්වංක්රියතාමනුජේන ච ।
තදේවනෝහිතංවාක්යංයදිච්ඡසි ච තත්කුරු ॥ 21 ॥
තත්තුශ්රුත්වාදශග්රීවඃකුංභකර්ණස්යභාෂිතම් ।
භ්රුකුටිංචෛවසංචක්රේක්රුද්ධශ්චෛනමභාෂත ॥ 22 ॥
මාන්යෝගුරුවාරිචාර්යඃකිමාංත්වමනුශාසසි ।
කිමේවංවාක්ඡ්රමංකෘත්වාකාලේයුක්තංවිධීයතාම් ॥ 23 ॥
විභ්රමාච්චිත්තමෝහාද්වාබලවීර්යාශ්රයේණවා ।
නාභිපන්නමිදානීංයද්ව්යර්ථාතස්යපුනඃකථාඃ ॥ 24 ॥
අස්මින්කාලේතුයද්යුක්තංතදිදානීංවිධීයතාම් ।
ගතංතුනානුශෝචංතිගතංතුගතමේවහි ॥ 25 ॥
මමාපනයජංදෝෂංවික්රමේණසමීකුරු ।
යදිඛල්වස්තිමේස්නේහෝවික්රමංවාऽවගච්ඡසි ॥ 26 ॥
යදිවකාර්යංමේතත්තේහෘදිකාර්යතමංමතම් ।
ස සුහෘද්යෝවිපන්නාර්ථංදීනමභ්යවපද්යතේ ॥ 27 ॥
ස බංධුර්යෝऽපනීතේෂුසාහාය්යායෝපකල්පතේ ।
තමථෛවංබ්රුවාණංතුවචනංධීරදාරුණම් ॥ 28 ॥
රුෂ්ටෝऽයමිතිවිජ්ඤායශනෛශ්ශ්ලක්ෂණමුවාච හ ।
අතීවහිසමාලක්ෂ්යභ්රාතරංක්ෂුභිතේංද්රියම් ॥ 29 ॥
කුංභකර්ණශ්ශනෛර්වාක්යංබභාෂේපරිසාංත්වයන් ।
ශෘණුරාජන්නවහිතෝමමවාක්යමරිංදම ॥ 30 ॥
අලංරාක්ෂසරාජේංද්ර සංතාපමුපපද්යතේ ।
රෝෂං ච සංපරිත්යජ්යස්වස්ථෝභවිතුමර්හසි ॥ 31 ॥
නෛතන්මනසිකර්තව්යංමයිජීවතිපාර්ථිව ।
තමහංනාශයිෂ්යාමියත්කෘතේපරිතප්යතේ ॥ 32 ॥
අවශ්යංතුහිතංවාච්යංසර්වාවස්ථාංතවමයා ।
බංධුභාවාදභිහිතංභ්රාතෘස්නේහාච්ඡපාර්ථිව ॥ 33 ॥
සදෘශංයත්තුකාලේऽස්මින් කර්තුංස්නිග්ධේනබංධුනා ।
ශත්රූණාංකදනංපශ්යක්රියමාණංමයාරණේ ॥ 34 ॥
අද්යපශ්යමහාබාහෝ මයාසමරමූර්ධනි ।
හතේරාමේසහභ්රාත්රාද්රවංතීංහරිවාහිනීම් ॥ 35 ॥
අද්යරාමස්යතද්දෘෂ්ටවාමයානීතංරණාච්ඡිරඃ ।
සුඛීභවමහාබාහෝ සීතාභවතුදුඃඛිතා ॥ 36 ॥
අද්යරාමස්යපශ්යංතුනිධනංසුමහත්ප්රියම් ।
ලංකායාංරාක්ෂසාඃසර්වේයේතේනිහතබාංධවාඃ ॥ 37 ॥
අද්යශෝකපරීතානාංස්වබංධුවධකාරණාත් ।
ශත්රෝර්යුධිවිනාශේනකරෝම්යස්රප්රමාර්ජනම් ॥ 38 ॥
අද්යපර්වතසංකාශංසසූර්යමිවතෝයදම් ।
විකීර්ණංපශ්යසමරේසුග්රීවංප්ලවගෝත්තම ॥ 39 ॥
කථං ච රාක්ෂසෛරේභිර්මයා ච පරිරක්ෂිතඃ ।
ජිඝාංසුභිර්දාශරථිං වධ්යසේ ත්වමිහානඝ ॥ 40 ॥
මාංනිහත්යකිලත්වාංහිනිහනිෂ්යතිරාඝවඃ ।
නාහමාත්මනිසංතාපංගච්ඡේයංරාක්ෂසාධිප ॥ 41 ॥
කාමංවතිදානීමපිමාංව්යාදිශත්වංපරංතප ।
න පරඃප්රේෂණීයස්තේයුද්ධායාතුලවික්රම ॥ 42 ॥
අහමුත්සාදයිෂ්යාමිශත්රූංස්තවමහාබලඃ ।
යදිශක්රෝයදියමෝයදිපාවකමාරුතෞ ॥ 43 ॥
තානහංයෝධයිෂ්යාමිකුබේරවරුණාවපි ।
ගිරිමාත්රශරීරස්යශිතශූලධරස්යමේ ॥ 44 ॥
නර්දතස්තීක්ෂණදංෂ්ට්රස්යබිභීයාච්චපුරංදරඃ ।
අථවාත්යක්තශස්ත්රස්යමෘද්නතස්තරසාරිපූන් ॥ 45 ॥
න මේප්රතිමුඛේස්ථාතුංකශ්චිත් ශක්තෝජිජීවිෂුඃ ।
නෛවශක්ත්යා න ගදයානාසිනානිශිතෛශ්ශරෛඃ ॥ 46 ॥
හස්තාභ්යාමේවසම්රබ්දෝහනිෂ්යාම්යපිවජ්රිණම් ।
යදිමේමුෂ්ටිවේගං ස රාඝවෝऽද්යසහිෂ්යතේ ॥ 47 ॥
තතඃපාශ්යංතිබාණෞඝාරුධිරංරාඝවස්යතු ।
චිංතයාබාධ්යසේරාජන්කිමර්ථංමයිතිෂ්ඨති ॥ 48 ॥
සෝऽහංශත්රුවිනාශාය තව නිර්යාතුමුද්යතඃ ।
මුංචරාමාද්භයංරාජ න්හනිෂ්යාමීහසම්යුගේ ॥ 49 ॥
රාඝවංලක්ෂ්මණංචෛවසුග්රීවං ච මහාබලම් ।
හනූමංතං ච රක්ෂෝඝ්නංලංකායේනප්රදීපිතා ॥ 50 ॥
හරීංශ්චාපිහනියිෂ්යාමිසංයුගේසමවාස්ථිවාන් ।
අසාධාරණමිච්ඡාමිනදාතුංමහද්යශඃ ॥ 51 ॥
යදිචේංද්රාද්භයං රාජන්යදි චාපි ස්වයංභුවඃ ।
තතෝऽහං නාශයිෂ්යාමි නෛශං තම ඉවාංශුමාන් ॥ 52 ॥
අපිදේවාශ්ශයිෂ්යංතේක්රුද්ධේමයිමහීතලේ ।
යමං ච ශමයිෂ්යාමිභක්ෂයිෂ්යාමිපාවකම් ॥ 53 ॥
ආදිත්යංපාතයිෂ්යාමිසනක්ෂත්රංමහීතලේ ।
ශතක්රතුංවධිෂ්යාමිපාස්යාමිවරුණාලයම් ॥ 54 ॥
පර්වතාංශ්චූර්ණයිෂ්යාමිදාරයිෂ්යාමිමේදිනීම් ।
දීර්ඝකාලංප්රසුප්තස්යකුංභකර්ණස්යවික්රමම් ॥ 55 ॥
අද්යපශ්යංතුභූතානිභක්ෂ්යමාණානිසර්වශඃ ।
නන්විදංත්රිදිවංසර්වමාහාරස්ය න පූර්යතේ ॥ 56 ॥
වධේනතේදාශරථේඃසුඛාර්හංසුඛංසමාහර්තුමහංව්රජාමි ।
නිහත්යරාමංසහලක්ෂ්මණේනඛාදාමින්හරියූථමුඛ්යාන් ॥ 57 ॥
රමස්වරාජන් පිබචාද්යවාරුණීංකුරුෂ්වකෘත්යානිවිනීයතාංම් ।
මයාද්යරාමේගමිතේයමක්ෂ්යංචිරායසීතාවශගාති ॥ 58 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ත්රිෂෂ්ටිතමස්සර්ගඃ ॥
