ශ්රීමද්වාල්මීකීය රාමායණේ යුද්ධකාංඩම් ।
අථ ඒකෝනෂෂ්ටිතමස්සර්ගඃ ।
තස්මින්හතේරාක්ෂසසෛන්යපාලේප්ලවංගමානාමෘෂභේණයුද්ධේ ।
භීමයුධංසාගරතුල්යවේගංවිදුද්රුවේරාක්ෂසරාජසෛන්යම් ॥ 1 ॥
ගත්වාऽථරක්ෂෝධිපතේශ්ශශංසුස්සේනාපතිංපාවකසූනුශස්තම් ।
තච්ඡාපිතේෂාංවචනංනිශම්යරක්ෂෝධිපඃක්රෝධවශංජගාම ॥ 2 ॥
සඞ් ඛ්යේප්රහස්තංනිහතංනිශම්යශෝකාර්දිතඃක්රෝධපරීතචේතාඃ ।
උවාචතාන්රාක්ෂසයූථමුඛ්යානිංද්රෝයථානිර්ජරයෝථමුඛ්යාන් ॥ 3 ॥
නාවජ්ඤාරිපවේකාර්යායෛරිංද්රබලසූදනඃ ।
සූදිතස්සෛන්යපාලෝමේසානුයාත්රස්සකුංජරඃ ॥ 4 ॥
සෝऽහංරිපුවිනාශායවිජයායාවිචාරයන් ।
ස්වයමේවගමිෂ්යාමිරණශීර්ෂංතදද්භුතම් ॥ 5 ॥
අද්යතද්වානරානීකංරාමංචසහලක්ෂ්මණම් ।
නිර්දහිෂ්යාමිබාණෞඝෛර්වනංදීප්ස්සෛරිවානගිභිඃ ॥ 6 ॥
සඒවමුක්ත්වාජ්වලනප්රකාශංරථංතුරංගෝත්තමරාජයුක්තම් ।
ප්රකාශමානංවපුෂාජ්වලංතංසමාරුරෝහාමරරාජශත්රුඃ ॥ 7 ॥
ස ශන්ඛ භේරී පටහ ප්රණාදෛර් ।
ආස්ඵෝටිත ක්ෂ්වේඩිත සිම්හ නාදෛහ් ।
පුණ්යෛහ් ස්තවෛශ් ච අප්ය් අභිපූජ්යමානස් ।
ස්තදා යයෞ රාක්ෂස රාජ මුඛ්යහ් ॥ 8 ॥
ස නීලජීමූතනිකාශරූපෛ ।
ර්මාංස අශනෛහ් පාවක දීප්ත නේත්රෛහ් ।
බභෞ වෘතෝ රාක්ෂස රාජ මුඛ්යෛර් ।
භූතෛර් වෘතෝ රුද්ර;ඉව අමර ඊශහ් ॥ 9 ॥
තතෝනගර්යාස්සහසාමහෞජානිෂ්ක්රම්යතද්වානරසෛන්යමුග්රම් ।
මහාර්ණවාභ්රස්තනිතංදදර්ශසමුද්යතංපාදපශෛලහස්තම් ॥ 10 ॥
තද්රාක්ෂසානීකමතිප්රචංඩමාලෝක්යරාමෝභුජගේංද්රබාහුඃ ।
විභීෂණංශස්ත්රභෘතාංවරිෂ්ඨමුවාචසේවානුගතඃපෘථුශ්රීඃ ॥ 11 ॥
නානාපතාකධ්වජශස්ත්රජුෂ්ටංප්රාසාසිශූලායුථවජ්රජුෂ්ටම් ।
කස්යේදමක්ෂෝභ්යමභීරුජුෂ්ටංමහේංද්රෝපමනාගජුෂ්ටම් ॥ 12 ॥
තතස්තුරාමස්යනිශම්යවාක්යංවිභීෂණංශ්ශක්රසමානවීර්යඃ ।
ශශංසරාමස්යබලප්රවේගංමහාත්මනාංරාක්ෂසපුංගවානාම් ॥ 13 ॥
යෝऽසෞගජස්කංධගතෝමහාත්මානවෝදිතාර්කෝපමතාම්රවක්ත්රඃ ।
ප්රකංපයන්නාගශිරෝऽභ්යුපෛතිහ්යකංපනංත්වේනමවේහිරාජන් ॥ 14 ॥
යෝ අසෞ රථස්ථෝ මෘග රාජ කේතුර් ।
ධූන්වන් ධනුහ් ශක්ර ධනුහ් ප්රකාශම් ।
කරී ඉව භාත්ය් උග්ර විවෘත්ත දම්ෂ්ට්රහ් ।
ස;ඉංද්රජින් නාම වර ප්රධානහ් ॥ 15 ॥
යශ්චෛෂව්නිධ්යාස්තමහේංද්රකල්පෝධන්වීරථස්ථෝऽතිරථෝතිවීරඃ ।
විෂ්පාරයන් චාපමතුල්යමානංනාම්නාතිකායෝऽතිවිවෘද්ධකායඃ ॥ 16 ॥
යෝऽසෞනවාර්කෝදිතතාම්රචක්ෂුරාරුහ්යඝංටානිනදප්රණාදම් ।
ගජංඛරංගර්ජතිවෛමහාත්මාමහෝදරෝනාමසඒෂඃවීරඃ ॥ 17 ॥
යෝऽසෞහයංකාංචනචිත්රභාංඩමාරුහ්යසංධ්යාභ්රගිරිප්රකාශම් ।
ප්රාසංසමුද්යම්යමරීචිනද්ධංපිශාචඒෂෝऽශනිතුල්යවේගඃ ॥ 18 ॥
යශ්චෛෂශූලංනිශිතංප්රගෘහ්යවිද්යුත්ප්රභංකිංකරවජ්රවේගම් ।
වෘෂේංද්රමාස්ථායගිරිප්රකාශමායාතියෝऽසෞත්රිශිරායශස්වී ॥ 19 ॥
අසෞචජීමූතනිකාශරූපඃකුංභඃපෘථුව්යූඪසුජාතවක්ෂාඃ ।
සමාහිතඃපන්නගරාජකේතුර්විෂ්පාරයන්යාතිධනුර්විධූන්වන් ॥ 20 ॥
යශ්චෛෂජාංබූනදවජ්රජුෂ්ටංදීප්තංසධූමංපරිඝංප්රගෘහ්ය ।
ආයාතිරක්ෂෝබලකේතුභූතඃසෝऽසෞනිකුංභෝऽද්භුතඝෝරකර්මා ॥ 21 ॥
යශ්චෛෂචාපාසිශරෞඝජුෂ්ටංපතාකිනංපාවකදීප්තරූපම් ।
රථංසමාස්ථායවිභාත්යුදග්රෝනරාංතකෝऽසෞනගශෘංගයෝධී ॥ 22 ॥
යශ්චෛෂනානාවිධඝෝරරූපෛර්ව්යාඝ්රෝෂ්ට්රනාගේංද්රමෘගාශ්වවක්ත්රෛඃ ।
භූතෛර්වෘතෝභාතිවිවෘත්තනේත්ස්රෛසෝऽසෞසුරාණාමපිදර්පහංතා ॥ 23 ॥
යත්ර ඒතද් ඉංදු ප්රතිමං විභාතිච් ।
චත්ත්රං සිතං සූක්ෂ්ම ශලාකං අග්ර්යම් ।
අත්ර ඒෂ රක්ෂෝ අධිපතිර් මහාත්මා ।
භූතෛර් වෘතෝ රුද්ර;ඉව අවභාති ॥ 24 ॥
අසෞ කිරීටී චල කුංඩල ආස්යෝ ।
නාග ඉංද්ර විංධ්ය උපම භීම කායහ් ।
මහා ඉංද්ර වෛවස්වත දර්ප හංතා ।
රක්ෂෝ අධිපහ් සූර්ය;ඉව අවභාති ॥ 25 ॥
ප්රත්යුවාචතතෝරාමෝවිභීෂණමරිංදම් ।
අහෝදීප්තමහාතේජාරාවණෝරාක්ෂසේශ්වරඃ ॥ 26 ॥
ආදිත්ය;ඉව දුෂ්ප්රේක්ෂ්යෝ රශ්මිභිර් භාති රාවණහ් ।
සුව්යක්තං ලක්ෂයේ හ්ය් අස්ය රූපං තේජහ් සමාවෘතම් ॥ 27 ॥
දේවදානවවීරාණාංවපුර්නෛවංවිධංභවේත් ।
යාදෘශංරාක්ෂසේංද්රස්යවපුරේතත්ප්රකාශතේ ॥ 28 ॥
සර්වේපර්වතසංකාශාස්සර්වේපර්වතයෝධිනඃ ।
සර්වේදීප්තායුධධරායෝධාශ්චාස්යමහෝජසඃ ॥ 29 ॥
භාතිරක්ෂෝරාජෝऽසෞප්රදීප්ත්තෛර්භීමවික්රමෛඃ ।
භූතෛඃපරිවෘතස්තීක්ෂ්ණෛර්දේහවද්භිරිවාංතකඃ ॥ 30 ॥
දිෂ්ට්යාऽයමද්යපාපාත්මාමමදෘෂ්ටිපථංගතඃ ।
අද්යක්රෝධංවිමෝක්ෂ්යාමිසීතාහරණසංභවම් ॥ 31 ॥
ඒවමුක්ත්වාතතෝරාමෝධනුරාදායවීර්යවාන් ।
ලක්ෂ්මණානුචරස්තස්ථෞසමුද්ධෘත්යශරෝත්තමම් ॥ 32 ॥
තතඃසරක්ෂෝධිපතිර්මහාත්මාරක්ෂාංසිතාන්යාහමහාබලානි ।
ද්වාරේෂුචර්යාගෘහගෝපුරේෂුසුනිර්වෘතාස්තිෂ්ඨතනිර්විශංකාඃ ॥ 33 ॥
හාऽගතංමාංසහිතංභවද්භිර්වනෞකසශ්ඡිද්රමිදංවිදිත්වා ।
ශූන්යාපුරීංදුෂ්ප්රසහාංප්රමථ්යප්රධර්ෂයේයුස්සහසාසමේතාඃ ॥ 34 ॥
විසර්ජයිත්වාසචිවාංස්තතස්තාන්ගතේෂුරක්ෂස්සුයථානියෝගම් ।
ව්යචාරයද්වානරසාගරෞඝංමහාඣෂඃපූර්ණමිවාර්ණවෞඝම් ॥ 35 ॥
තමාපතංතංසහසාසමීක්ෂ්යදීප්තේෂුචාපංයුධිරාක්ෂසේංද්රම් ।
මහත්සමුත්පාට්යමහීධරාග්රංදුද්රාවරක්ෂෝධිපතිංහරීශඃ ॥ 36 ॥
තච්ඡෛලශෘංගංබහුවෘක්ෂසානුංප්රගෘහ්යචික්ෂේපනිශාචරාය ।
තමාපතංතංසහසාසමීක්ෂ්යචිච්ඡේදබාණෛස්තපනීයපුංඛෛඃ ॥ 37 ॥
තස්මින් ප්රවෘද්ධෝත්තමසානුවෘක්ෂේශෘංගේවිකීර්ණේපතිතේපෘථිව්යාම් ।
මහාහිකල්පංශරමංතකාභංසමාදධේරාක්ෂසලෝකනාථඃ ॥ 38 ॥
සතංගෘහීත්වාऽනිලතුල්යවේගංසවිස්ඵුලිංගජ්වලනප්රකාශම් ।
බාණංමහේංද්රාශනිතුල්යවේගංචික්ෂේපසුග්රීවවධායරුෂ්ටඃ ॥ 39 ॥
සසායකෝරාවණබාහුමුක්තඃශක්රාශනිප්රඛ්යවපුශ්ශිතාග්රඃ ।
සුග්රීවමාසාද්යබිභේදවේගාද්ගුහේරිතාක්රෞංචමිවෝග්රශක්තිඃ ॥ 40 ॥
සසායකාර්තෝවිපරීතචේතාඃකූජන්පෘථිව්යාංනිපපාතවීරඃ ।
තංප්රේක්ෂ්යභූමෞපතිතංවිසංජ්ඤංනේදුඃප්රහෘෂ්ටායුධියාතුධානාඃ ॥ 41 ॥
තතෝගවාක්ෂෝගවයස්සුදංෂ්ට්රස්ත්වථර්ෂභෝජ්යෝතිමුඛෝනලශ්ච ।
ශෛලාන් සමුත්පාට්යවිවෘද්ධකායාඃප්රදුද්රුවුස්තංප්රතිරාක්ෂසේංද්රම් ॥ 42 ॥
තේෂාංප්රහාරාන් සචකාරමෝඝාන් රක්ෂෝධිපෝබාණශතෛඃශිතාග්රෛඃ ।
තාන්වානරේංද්රානපිබාණජාලෛර්බිභේදජාංබූනදචිත්රපුංඛෛඃ ॥ 43 ॥
තේවානරේංද්රාස්ත්රිදශාරිබාණෛර්භින්නානිපේතුර්භුවිභීමකායාඃ ।
තතස්තුතද්වානරසෛන්යමුග්රංප්රච්ඡාදයාමාසසබාණජාලෛඃ ॥ 44 ॥
තේවධ්යමානාඃපතිතාඃප්රවීරානානද්යමානාභයශල්යවිද්ධාඃ ।
ශාඛාමෘගාරාවණසායකාර්තාජග්මුශ්ශරණ්යංශරණංස්මරාමම් ॥ 45 ॥
තතෝ මහාත්මා ස ධනුර් ධනුෂ්මාන් ।
ආදාය රාමහ් සහරා ජගාම ।
තං ලක්ෂ්මණහ් ප්රාන්ජලිර් අභ්යුපේත්ය ।
උවාච වාක්යං පරම අර්ථ යුක්තම් ॥ 46 ॥
කාමමාර්යස්සුපර්යාප්තෝවධායාස්යදුරාත්මනඃ ।
විධමිෂ්යාම්යහංචෛතමනුජානීහිමාංවිභෝ ॥ 47 ॥
තමබ්රවීන්මහාතේජාරාමස්සත්යපරාක්රමඃ ।
ගච්ඡයත්නපරශ්චාපිභවලක්ෂ්මණ සංයුගේ ॥ 48 ॥
රාවණෝහිමහාවීර්යෝරණේऽද්භුතපරාක්රමඃ ।
ත්රෛලෝක්යේනාපිසංක්රුද්ධෝදුෂ්ප්රසහ්යෝනසංශයඃ ॥ 49 ॥
තස්යච්ඡිද්රාණිමාර්ගස්වස්වච්ඡිද්රාණිචලක්ෂ්ය ।
චක්ෂුෂාධනුෂායත්නා ප්රක්ෂාත්මානංසමාහිතඃ ॥ 50 ॥
රාඝවස්යවචශ්ශ්රුත්වාසපරිෂ්වජ්යාභිපූජ්යච ।
අභිවාද්යතත් රාමංයයෞසෞමිත්රිරාහවම් ॥ 51 ॥
සරාවණංවාරණහස්තබාහුංදදර්ශභීමෝද්යතදීප්තචාපම් ।
ප්රච්ඡාදයංතංශරවෘෂ්ටිජාලෛස්තාන්වානරාභනින්නවිකීර්ණදේහාන් ॥ 52 ॥
තමාලෝක්යමහාතේජාහනූමාන්මාරුතාත්මජඃ ।
නිවාර්යශරජාලානිප්රදුද්රාවසරාවණම් ॥ 53 ॥
රථංතස්යසමාසාද්යබාහුමුද්යම්යදක්ෂිණම් ।
ත්රාසයන්රාවණංධීමාන්හනූමාන්වාක්යමබ්රවීත් ॥ 54 ॥
දේවදානවගංධර්වායක්ෂාශ්චසහරාක්ෂෛසෛඃ ।
අවශ්යංතුත්වයාභග්නාවානරේභ්යස්තුතේභයම් ॥ 55 ॥
ඒෂමේදක්ෂිණෝබාහුඃපංචශාඛඃසමුද්යතඃ ।
විධමිෂ්යතිතේදේහාද්භූතාත්මානංචිරෝෂිතම් ॥ 56 ॥
ශ්රුත්වාහනුමතෝවාක්යංරාවණෝභීමවික්රමඃ ।
සංරක්තනයනඃක්රෝධාදිදංවචනමබ්රවීත් ॥ 57 ॥
ක්ෂිප්රංප්රහරනිඃශංකංස්ථිරාංකීර්තිමවාප්නුහි ।
තතස්ත්වාංජ්ඤාතවික්රාංතංනාශයිෂ්යාමිවානර ॥ 58 ॥
රාවණස්යවචශ්ශ්රුත්වාවායුසූනුර්වචෝऽබ්රවීත් ।
ප්රහෘතංහිමයාපූර්වමක්ෂංතවසුතංතව ॥ 59 ॥
ඒවමුක්තෝමහාතේජාරාවණෝරාක්ෂසේශ්වරඃ ।
ආජඝානානිලසුතංතලේනෝරසිවීර්යවාන් ॥ 60 ॥
සතලාභිහතස්තේනචචාලචමුහුර්මුහුඃ ।
ස්ථිත්වාමුහූර්තංතේජස්වීස්ථෛර්යංකෘත්වාමහාමතිඃ ॥ 61 ॥
ආජඝානාභිසංකෘද්ධස්තලේනෛවාමරද්විෂම් ।
තතස්තතේනාභිහතෝවානරේණමහාත්මනා ॥ 62 ॥
දශග්රීවඃසමාධූතෝයථාභූමිචලේऽචලඃ ।
සංග්රාමේතංතථාදෘෂ්ටවාරාවණංතලතාඩිතම් ॥ 63 ॥
ඍෂයෝවානරාඃසිද්ධානේදුර්දේවාස්සහාසුරෛඃ ।
අථාऽශ්වාස්යමහාතේජාරාවණෝවාක්යමබ්රවීත් ॥ 64 ॥
සාධුවානර වීර්යේණශ්ලාඝනීයෝऽසිමේරිපුඃ ।
රාවණේනෛවමුක්තස්තුමාරුතිර්වාක්යමබ්රවීත් ॥ 65 ॥
ධිගස්තුමමවීර්යේණයස්ත්වංජීවසිරාවණ ।
සකෘත්තුප්රහරේදානීංදුර්භුද්ධේ කිංවිකත්ථසේ ॥ 66 ॥
තතස්ත්වාංමාමිකාමුෂ්ටිර්නයිෂ්යතියමක්ෂයම් ।
තෝමාරතිවාක්යේනකෝධස්තස්යතදාऽජ්වලත් ॥ 67 ॥
සංරක්තනයනෝයත්නාන්මුෂ්ටිමුද්යම්යදක්ෂිණම් ।
පාතයාමාසවේගේනවානරෝරසිවීර්යවාන් ॥ 68 ॥
හනූමාන් වක්ෂසිව්යූඪේසංචචාලහතඃපුනඃ ।
විහ්වලංතුතදාදෘෂ්ටවාහනූමංතංමහාබලම් ॥ 69 ॥
රථේනාතිරථශශීඝ්රංනීලංප්රතිසමභ්යගාත් ।
රාක්ෂසානාමධිපතිර්ධශග්රීවඃප්රතාපවාන් ॥ 70 ॥
පන්නගප්රතිමෛර්භීමෛඃපරමර්මාභිභේදිභිඃ ।
ශරෛරාදීපයාමාසනීලංහරිචමූපතිම් ॥ 71 ॥
සශරෞඝසමායස්තෝනීලඃකපිචමූපතිඃ ।
කරේණේකෛනේශෛලාග්රංරක්ෂෝධිපතයේऽසෘජත් ॥ 72 ॥
හනූමානපිතේජස්වීසමාශ්වස්තෝමහාමනාඃ ।
විප්රේක්ෂමාණෝයුද්ධේප්සුස්සරෝෂමිදමබ්රවීත් ॥ 73 ॥
නීලේනසහසංයුක්තංරාවණංරාක්ෂසේශ්වරම් ।
අන්යේනයුද්යමානස්යනයුක්තමභිධාවනම් ॥ 74 ॥
රාවණෝऽපිමහාතේජාස්තංච්ඡෘංගංසප්තභිඃශරෛඃ ।
ආජඝානසුතීක්ෂ්ණාග්රෛස්තද්විකීර්ණංපපාතහ ॥ 75 ॥
තද්විකීර්ණංගිරේශ්ශෘංගංදෘෂ්ටවාහරිචමූපතිඃ ।
කාලානගිරිවජජ්වාලකෝපේනපරවීරහා ॥ 76 ॥
සෝऽශ්වකර්ණාංධාන් ශාලාංශ්චූතාශ්චාපිසුපුෂ්පිතාන් ।
අන්යාංශ්චවිවිධාන් වෘක්ෂාන්නීලශ්චික්ෂේපසංයුගේ ॥ 77 ॥
සතාන්වෘක්ෂාන් සමාසාද්යප්රතිචිච්ඡේදරාවණඃ ।
අභ්යවර්ෂත්සුඝෝරේණශරවර්ෂේණපාවකිම් ॥ 78 ॥
අභිවෘෂ්ටශ්ශරෞඝේණමේඝේනේවමහාබලඃ ।
හ්රස්වංකෘත්වාතතෝරූපංධ්වජාග්රේනිපපාතහ ॥ 79 ॥
පාවකාත්මජමාලෝක්යධ්වජාග්රේසමවස්ථිතම් ।
ජජ්වාලරාවණඃක්රෝධාත්තතෝනීලෝනනාදච ॥ 80 ॥
ධ්වජාග්රේධනුෂශ්චාග්රේකිරීටාග්රේචතංහරිම් ।
ලක්ෂ්මණෝऽථහනූමාංශ්චදෘෂ්ටවාරාමශ්චවිස්මිතාඃ ॥ 81 ॥
රාවණෝऽපිමහාතේජාඃකපිලාඝවවිස්මිතඃ ।
අස්ත්රමාහාරයාමාසදීප්තමාග්නේයමද්භුතම් ॥ 82 ॥
තතස්තේචුක්රුශුර්හෘෂ්ටාලබ්දලක්ෂාඃප්ලවංගමාඃ ।
නීලලාඝවසංභ්රාංතංදෘෂ්ටවාරාවණමාහවේ ॥ 83 ॥
වානරාණාංචනාදේවසංරබ්දෝරාවණස්තදා ।
සංභ්රමාවිෂ්ටහෘදයෝනකිංචිත්ප්රත්යපද්යත ॥ 84 ॥
ආග්නේයේනාධසංයුක්තංගෘහීත්වාරාවණශ්ශරම් ।
ධ්වජශීර්ෂස්ථිතංසීලමුදෛක්ෂතනිශාචරඃ ॥ 85 ॥
තතෝऽබ්රවීන්මහාතේජාරාවණෝරාක්ෂසේශ්වරඃ ।
කපේලාඝවයුක්තෝऽසිමායයාපරයාऽනයා ॥ 86 ॥
ජීවිතංඛලුරක්ෂස්වයදිශක්තෝऽපිවානර ।
තානිතාන්යාත්මරූපාණිසෘජසිත්වමනේකශඃ ॥ 87 ॥
තථාපිත්වාංමයාමුක්තස්සායෝකෝऽස්ත්රප්රයෝජිතඃ ।
ජීවිතංපරිරක්ෂංතංජීවිතාද්භ්රංශයිෂ්යති ॥ 88 ॥
ඒවමුක්ත්වාමහාබාහූරාවණෝරාක්ෂසේශ්වරඃ ।
සංධායබාණමස්ත්රණචමූපතිමතාඩයත් ॥ 89 ॥
සෝऽස්ත්රයුක්තේනබාණේනනීලෝවක්ෂසිතාඩිතඃ ।
නිර්ධහ්යමානස්සහසානිපපාතමහීතලේ ॥ 90 ॥
පිතෘමහාත්ම්යසංයෝගාත්මනශ්චාපිතේජසා ।
ජානුභ්යානුපතද්භූමෞනතුප්රාණෛර්ව්යයුජ්යත ॥ 91 ॥
විසංජ්ඤංවානරංදෘෂ්ටවාදශග්රීවෝරණෝත්සුකඃ ।
රථේනාංබුදනාදේනසෞමිත්රිමභිදුද්රුවේ ॥ 92 ॥
ආසාද්යරණමධ්යේතංවාරයිත්වාස්ථිතෝජ්වලන් ।
ධනුර්විෂ්ඵාරයාමාසකංපයන්නිවමේදිනීම් ॥ 93 ॥
තමාහසෞමිත්රිරදීනසත්ත්වෝවිෂ්ඵාරයංතංධනුරප්රමේයම් ।
අභ්යේහිමාමද්යනිශාචරේංද්රනවානරාංස්ත්වප්රතියෝද්ධුමර්හඃ ॥ 94 ॥
සතස්යවාක්යංප්රතිපූර්ණඝෝෂංජ්යාශබ්දමුග්රංචනිශම්යරාජා ।
ආසාද්යසෞමිත්රිමවස්ථිතංතංකෝපාන්විතෝවාචමුවාචරක්ෂඃ ॥ 95 ॥
දිෂ්ට්යාසිමේරාඝව දෘෂ්ටිමාර්ගංප්රාප්තෝऽංතගාමීවිපරීතබුද්ධිඃ ।
අස්මින් ක්ෂණේයාස්යසිමෘත්යුදේශංසංපාද්යමානෝමමබාණජාලෛඃ ॥ 96 ॥
තමාහසෞමිත්රිරවිස්මයානෝගර්ජංතමුද්වෘත්තසිතාග්රදංෂ්ට්රම් ।
රාජන්නගර්ජංතිමහාප්රභාවාවිකත්ථසේපාපකෘතාංවරිෂ්ඨ ॥ 97 ॥
ජානාමිවීර්යංතවරාක්ෂසේංද්රබලංප්රතාපංචපරාක්රමංච ।
අවස්ථිතෝऽහංශරචාපපාණිරාගච්ඡකිංමෝඝවිකත්ථනේන ॥ 98 ॥
සඒවමුක්තඃකුපිතස්සසර්ජරක්ෂෝථිපස්සප්තශරාන් සුපුංඛාන් ।
තාන්ලක්ෂ්මණඃකාංචනචිත්රිපුංඛෛශ්චිච්ඡේදබාණෛර්නිශිතාග්රධාරෛඃ ॥ 99 ॥
තාන් ප්රේක්ෂමාණස්සහසානිකෘත්තානිකෘත්තභෝගානිවපන්නගේංද්රාන් ।
ලංකේශ්වරඃක්රෝධවශංජගාමසසර්ජචාන්යාන්නිශිතාන්පෘෂත්කාන් ॥ 100 ॥
සබාණවර්ෂංතුවවර්ෂතීව්රංරාමානුජඃකාර්මුකසංප්රයුක්තම් ।
ක්ෂුරාර්ධචංද්රෝත්තමකර්ණිභල්ලෛඃශරාංශ්චචිච්ඡේදනචුක්ෂුභේච ॥ 101 ॥
සබාණජාලාන්යථතානිතානිමෝඝානිපශ්යංස්ත්රිදශාරිරාජඃ ।
විසිස්මියේලක්ෂ්මණලාඝවේනපුනශ්චබාණාන්නිශිතාන්මුමෝච ॥ 102 ॥
සලක්ෂ්මණශ්චාපිශරාන් ශිතාග්රාන්මහේංද්රතුල්යෝऽශනිතුල්යවේගාන් ।
සංධායචාපේජ්වලනප්රකාශාන් සසර්ජරක්ෂෝධිපතේර්වධාය ॥ 103 ॥
සතාන් ප්රචිච්ඡේදහිරාක්ෂසේංද්රඃඡිත්වාචතන්ලක්ෂ්මණමාජඝාන ।
ශරේණකාලාග්නිසමප්රභේණස්වයංභුදත්තේනලලාටදේශේ ॥ 104 ॥
සලක්ෂ්මණෝරාවණසායකාර්තශ්චචාලචාපංශිධිලංප්රගෘහ්ය ।
පුනශ්චසංජ්ඤාංප්රතිලභ්යකෘච්ඡ්රාච්චිච්ඡේදචාපංත්රිදශේංද්රශත්රෝ ॥ 105 ॥
නිකෘත්තචාපංත්රිභිරාජඝානබාණෛස්තදාදාශරථිශ්ශිතාග්රෛඃ ।
සසායකාර්තෝවිචචාලරාජාකෘච්ඡ්රාච්ඡසංජ්ඤාංපුනරාසසාද ॥ 106 ॥
සකෘත්තචාපඃශරතාඩිතශ්චමේදාර්ද්රගාත්රෝරුධිරාවසික්තඃ ।
ජග්රාහශක්තිංස්වයමුග්රශක්තිස්ස්වයංභුදත්තාංයුධිදේවශත්රුඃ ॥ 107 ॥
සතාංසධූමානලසන්නිකාශාංවිත්රාසනීංසංයතිවානරාණාම් ।
චික්ෂේපශක්තිංතරසාජ්වලංතීංසෞමිත්රයේරාක්ෂසරාෂ්ට්රනාථඃ ॥ 108 ॥
තාමාපතංතීංභරතානුජෝऽස්ත්රෛර්ජඝානබාණෛශ්චහුතාග්නිකල්පෛඃ ।
තථාපිසාතස්යවිවේශශක්තිර්භුජාංතරංදාශරථේර්විශාලම් ॥ 109 ॥
සශක්තිමාන් ශක්තිසමාහතඃසන් ප්රජජ්වාලමුහුඃරඝුප්රවීරඃ ।
තංවිහ්වලංතංසහසාභ්යුපේත්යජග්රාහරාජාතරසාභුජාභ්යාම් ॥ 110 ॥
හිමවාන් මංදරෝමේරුස්තෛලෝක්යංවාසහාමරෛඃ ।
ශක්යංභුජාභ්යාමුද්ධර්තුංනසඞ් ඛ්යේභරතානුජඃ ॥ 111 ॥
ශක්ත්යාබ්රාහ්ම්යාහිසෞමිත්රිස්තාඩිතාස්තුස්තනාංතරේ ।
විෂ්ණෝරචින්යංත්යංස්වංභාගමාත්මානංප්රත්යනුස්මරත් ॥ 112 ॥
තතෝදානවදර්පඝ්නංසෞමිත්රිංදේවකංටකඃ ।
තංපීඩයිත්වාබාහුභ්යාංනප්රභුර්ලංඝනේऽභවත් ॥ 113 ॥
අථවායුසුතඃක්රුද්ධෝරාවණංසමභිද්රවත් ।
ආජඝානෝරසික්රුද්ධෝවජ්රකල්පේනමුෂ්ටිනා ॥ 114 ॥
තේනමුෂ්ටිප්රහාරේණරාවණෝරාක්ෂසේශ්වරඃ ।
ජානුභ්යාමපතද්භූමෞචචාලචපපාතච ॥ 115 ॥
ආස්යෛශ්ච නේත්රෛඃ ශ්රවණෛඃ පපාත රුධිරං බහු ।
විඝාර්ණමානෝ නිශ්චේෂ්ටෝ රථෝපස්ථ උපාචිශත් ॥ 116 ॥
විසංජ්ඤෝමූර්ච්ඡ්රිතශ්චාසීන්නචස්ථානංසමාලභත් ।
විසංජ්ඤංරාවණංදෘෂ්ටවාසමරේභීමවික්රමම් ॥ 117 ॥
ඍෂයෝවානරාශ්චෛවනේදුර්දේවාස්සවාසවාඃ ।
හනූමානපිතේජස්වීලක්ෂ්මණංරාවණාර්ධිතම් ॥ 118 ॥
ආනයද්රාඝවාභ්යාශංබාහුභ්යාංපරිගෘහ්යතම් ।
වායුසූනෝඃසුහෘත්ත්වේනභක්ත්යාපරමයාචසඃ ॥ 119 ॥
ශත්රූණාමප්රකංප්යෝऽපිලඝුත්වමගමත්කපේඃ ।
තංසමුත්සෘජ්යසාශක්තිඃසෞමිත්රිංයුධිදුර්ජයම් ॥ 120 ॥
රාවණස්යරථේතස්මින් ස්ථානංපුනරුපාගතා ।
ආශ්වස්තශ්චනිශල්යශ්චලක්ෂ්මණශ්ශත්රුසූදනඃ ॥ 121 ॥
විෂ්ණෝර්භාගමමීමාංස්යමාත්මානංප්රත්යනුස්මරන් ।
රාවණෝऽපිමහාතේජාඃප්රාප්යසංජ්ඤාංමහාහවේ ॥ 122 ॥
ආදදේනිශිතාන් බාණාන් ජග්රාහචමහද්ධමඃ ।
නිපාතිතමහාවීරාංද්රවංතීංවානරීංචමූම් ॥ 123 ॥
රාඝවස්තුරණේදෘෂ්ටවාරාවණංසමභිද්රවත් ।
අථෛවමුපසංගම්යහනූමාන්වාක්යමබ්රවීත් ॥ 124 ॥
මමපෘෂ්ඨංසමාරුහ්යරාක්ෂසංශාස්තුමර්හසි ।
විෂ්ණුර්යථාගරුත්මංතංබලවංතංසමාහිතඃ ॥ 125 ॥
තච්ඡ්රුත්වාරාඝවෝවාක්යංවායුපුත්රේණභාෂිතම් ।
ආරුරෝහමහාශූරංබලවංතංමහාකපිම් ॥ 126 ॥
රථස්ථංරාවණංසඞ් ඛ්යේදදර්ශමනුජාධිපඃ ।
තමාලෝක්යමහාතේජාඃප්රදුද්රාවසරාඝවඃ ॥ 127 ॥
වෛරෝචනිවක්රුද්ධෝවිෂ්ණුරභ්යුද්යතායුධඃ ।
ජ්යාශබ්දමකරෝත්තීව්රංවජ්රනිෂ්පේෂනිස්වනම් ॥ 128 ॥
ගිරාගංභීරයාරාමෝරාක්ෂසේංද්රමුවාචහ ।
තිෂ්ඨතිෂ්ඨමමත්වංහිකෘත්වාවිප්රියමීදෘශම් ॥ 129 ॥
ක්වනුරාක්ෂසශාර්දූල ගතෝමෝක්ෂමවාප්ස්යසි ।
යදීංද්රවෛවස්වතභාස්කරාන්වාස්වයංභුවෛශ්වානරශංකරාන්වා ।
ගමිෂ්යසිත්වංදශවාදිශෝවාතථාපිමේනාද්යගතෝවිමෝක්ෂ්යසේ ॥ 130 ॥
යශ්චෛෂ ශක්ත්යා නිහතස්ත්වයාද්ය ।
ගච්ඡන්විෂාදං සහසාභ්යුපේත්ය ।
ස ඒෂ රක්ෂෝගණරාජ මෘත්යුඃ ।
සපුත්රපෞත්රස්ය තවාද්ය යුද්ධේ ॥ 131 ॥
ඒතේනචාත්යද්භුතදර්ශනානිශරෛර්ජවස්ථානකෘතාලයානි ।
චතුර්ධශාන්යාත්තවරායුධානිරක්ෂඃසහස්රාණිනිෂූදිතානි ॥ 132 ॥
රාඝවස්යවචශ්ශ්රුත්වාරාක්ෂසේංද්රෝමහාබලඃ ।
වායුපුත්රංමහාවේගංවහංතංරාඝවංරණේ ॥ 133 ॥
රෝෂේණමහතාවිෂ්ටඃපූර්වවෛරමනුස්මරන් ।
ආජඝානශරෛර්දීප්ස්සෛඃකාලානලශිඛෝපමෛඃ ॥ 134 ॥
රාක්ෂසේනාහවේතස්යතාඩිතස්යාපිසායකෛඃ ।
ස්වභාවතේජෝයුක්තස්යභූයස්තේජෝऽභ්යවර්ධත ॥ 135 ॥
තතෝරාමෝමහාතේජාරාවණේනකෘතව්රණම් ।
දෘෂ්ටවාප්ලවගශාර්දූලංක්රෝධස්යවශමේයිවාන් ॥ 136 ॥
තස්යාභිසංක්රම්යරථංසචක්රංසාශ්වධ්වජච්ඡත්රමහාපතාකම් ।
සසාරථිංසාශනිශූලඛඩගංරාමඃප්රචිච්ඡේදශරෛස්සුපුංඛෛඃ ॥ 137 ॥
අථේංද්රශත්රුංතරසාජඝානබාණේනවජ්රාශනිසන්නිභේන ।
භුජාංතරේව්යූඪසුජාතරූපේවජ්රේණමේරුංභගවානිවේංද්රඃ ॥ 138 ॥
යෝවජ්රපාතශනිසන්නිපාතාන්නචක්ෂුභේනාපිචචාලරාජා ।
සරාමබාණාභිහතෝභෘශාර්තශ්චචාලචාපංචමුමෝචවීරඃ ॥ 139 ॥
තංවිහ්වලංතංප්රසමීක්ෂ්යරාමස්සමාදදේදීප්තමථාර්ථචංද්රම් ।
තේනාර්කවර්ණංසහසාකිරීටංචිච්ඡේදරක්ෂෝධිපතේර්මහාත්මා ॥ 140 ॥
තංනිර්විෂාශීවිෂසන්නිකාශංශාංතාර්චිෂංසූර්යමිවාප්රකාශම් ।
ගතශ්රියංකෘත්තකිරීටකූටමුවාචරාමෝයුධිරාක්ෂසේංද්රම් ॥ 141 ॥
කෘතං ත්වයා කර්ම මහත්සුභීමම් ।
හතප්රවීරශ්ච කෘතස්ත්වයාහම් ।
තස්මාත්පරිශ්රාංත ඉති ව්යවස්ය ।
න්න ත්වාං ශරෛර්මඍත්යුවශං නයාමි ॥ 142 ॥
ගච්ඡානුජානාමිරණාර්ධිතස්ත්වංප්රවිශ්යරාත්රිංචරරාජලංකාම් ।
ආශ්වස්යනිර්යාහිරථීචධන්වීතදාබලංප්රේක්ෂ්යසිමේරථස්ථඃ ॥ 143 ॥
සඒවමුක්තෝහතදර්පහර්ෂෝනිකෘත්තචාපශ්චහතාශ්වසූතඃ ।
ශරාර්දිතඃකෘත්තමහාකිරීටෝවිවේශලංකාංසහසාස්මරාජා ॥ 144 ॥
ප්රවිෂ්ටේරජනීචරේංද්රේමහාබලේදාවවදේවශත්රෞ ।
හරීන් විශල්යාන් සහලක්ෂ්මණේනචකාරරාමඃපරමාහවාග්රේ ॥ 145 ॥
තස්මින්ප්රභන්නේත්රිදශේංද්රශතෞසුරාසුරාභූතගණාදිශශ්ච ।
සසාගරාස්සර්ෂිමහෝරගාශ්චතථෛවභූම්යංබුචරාශ්චප්රහෘෂ්ටාඃ ॥ 146 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ඒකෝනෂෂ්ටිතමස්සර්ගඃ ॥
