ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଏକୋନଷଷ୍ଟିତମସ୍ସର୍ଗଃ ।
ତସ୍ମିନ୍ହତେରାକ୍ଷସସୈନ୍ୟପାଲେପ୍ଲଵଂଗମାନାମୃଷଭେଣୟୁଦ୍ଧେ ।
ଭୀମୟୁଧଂସାଗରତୁଲ୍ୟଵେଗଂଵିଦୁଦ୍ରୁଵେରାକ୍ଷସରାଜସୈନ୍ୟମ୍ ॥ 1 ॥
ଗତ୍ଵାଽଥରକ୍ଷୋଧିପତେଶ୍ଶଶଂସୁସ୍ସେନାପତିଂପାଵକସୂନୁଶସ୍ତମ୍ ।
ତଚ୍ଛାପିତେଷାଂଵଚନଂନିଶମ୍ୟରକ୍ଷୋଧିପଃକ୍ରୋଧଵଶଂଜଗାମ ॥ 2 ॥
ସଙ୍ ଖ୍ୟେପ୍ରହସ୍ତଂନିହତଂନିଶମ୍ୟଶୋକାର୍ଦିତଃକ୍ରୋଧପରୀତଚେତାଃ ।
ଉଵାଚତାନ୍ରାକ୍ଷସୟୂଥମୁଖ୍ୟାନିଂଦ୍ରୋୟଥାନିର୍ଜରୟୋଥମୁଖ୍ୟାନ୍ ॥ 3 ॥
ନାଵଜ୍ଞାରିପଵେକାର୍ୟାୟୈରିଂଦ୍ରବଲସୂଦନଃ ।
ସୂଦିତସ୍ସୈନ୍ୟପାଲୋମେସାନୁୟାତ୍ରସ୍ସକୁଂଜରଃ ॥ 4 ॥
ସୋଽହଂରିପୁଵିନାଶାୟଵିଜୟାୟାଵିଚାରୟନ୍ ।
ସ୍ଵୟମେଵଗମିଷ୍ୟାମିରଣଶୀର୍ଷଂତଦଦ୍ଭୁତମ୍ ॥ 5 ॥
ଅଦ୍ୟତଦ୍ଵାନରାନୀକଂରାମଂଚସହଲକ୍ଷ୍ମଣମ୍ ।
ନିର୍ଦହିଷ୍ୟାମିବାଣୌଘୈର୍ଵନଂଦୀପ୍ସ୍ସୈରିଵାନଗିଭିଃ ॥ 6 ॥
ସଏଵମୁକ୍ତ୍ଵାଜ୍ଵଲନପ୍ରକାଶଂରଥଂତୁରଂଗୋତ୍ତମରାଜୟୁକ୍ତମ୍ ।
ପ୍ରକାଶମାନଂଵପୁଷାଜ୍ଵଲଂତଂସମାରୁରୋହାମରରାଜଶତ୍ରୁଃ ॥ 7 ॥
ସ ଶନ୍ଖ ଭେରୀ ପଟହ ପ୍ରଣାଦୈର୍ ।
ଆସ୍ଫୋଟିତ କ୍ଷ୍ଵେଡିତ ସିମ୍ହ ନାଦୈହ୍ ।
ପୁଣ୍ୟୈହ୍ ସ୍ତଵୈଶ୍ ଚ ଅପ୍ୟ୍ ଅଭିପୂଜ୍ୟମାନସ୍ ।
ସ୍ତଦା ୟୟୌ ରାକ୍ଷସ ରାଜ ମୁଖ୍ୟହ୍ ॥ 8 ॥
ସ ନୀଲଜୀମୂତନିକାଶରୂପୈ ।
ର୍ମାଂସ ଅଶନୈହ୍ ପାଵକ ଦୀପ୍ତ ନେତ୍ରୈହ୍ ।
ବଭୌ ଵୃତୋ ରାକ୍ଷସ ରାଜ ମୁଖ୍ୟୈର୍ ।
ଭୂତୈର୍ ଵୃତୋ ରୁଦ୍ର;ଇଵ ଅମର ଈଶହ୍ ॥ 9 ॥
ତତୋନଗର୍ୟାସ୍ସହସାମହୌଜାନିଷ୍କ୍ରମ୍ୟତଦ୍ଵାନରସୈନ୍ୟମୁଗ୍ରମ୍ ।
ମହାର୍ଣଵାଭ୍ରସ୍ତନିତଂଦଦର୍ଶସମୁଦ୍ୟତଂପାଦପଶୈଲହସ୍ତମ୍ ॥ 10 ॥
ତଦ୍ରାକ୍ଷସାନୀକମତିପ୍ରଚଂଡମାଲୋକ୍ୟରାମୋଭୁଜଗେଂଦ୍ରବାହୁଃ ।
ଵିଭୀଷଣଂଶସ୍ତ୍ରଭୃତାଂଵରିଷ୍ଠମୁଵାଚସେଵାନୁଗତଃପୃଥୁଶ୍ରୀଃ ॥ 11 ॥
ନାନାପତାକଧ୍ଵଜଶସ୍ତ୍ରଜୁଷ୍ଟଂପ୍ରାସାସିଶୂଲାୟୁଥଵଜ୍ରଜୁଷ୍ଟମ୍ ।
କସ୍ୟେଦମକ୍ଷୋଭ୍ୟମଭୀରୁଜୁଷ୍ଟଂମହେଂଦ୍ରୋପମନାଗଜୁଷ୍ଟମ୍ ॥ 12 ॥
ତତସ୍ତୁରାମସ୍ୟନିଶମ୍ୟଵାକ୍ୟଂଵିଭୀଷଣଂଶ୍ଶକ୍ରସମାନଵୀର୍ୟଃ ।
ଶଶଂସରାମସ୍ୟବଲପ୍ରଵେଗଂମହାତ୍ମନାଂରାକ୍ଷସପୁଂଗଵାନାମ୍ ॥ 13 ॥
ୟୋଽସୌଗଜସ୍କଂଧଗତୋମହାତ୍ମାନଵୋଦିତାର୍କୋପମତାମ୍ରଵକ୍ତ୍ରଃ ।
ପ୍ରକଂପୟନ୍ନାଗଶିରୋଽଭ୍ୟୁପୈତିହ୍ୟକଂପନଂତ୍ଵେନମଵେହିରାଜନ୍ ॥ 14 ॥
ୟୋ ଅସୌ ରଥସ୍ଥୋ ମୃଗ ରାଜ କେତୁର୍ ।
ଧୂନ୍ଵନ୍ ଧନୁହ୍ ଶକ୍ର ଧନୁହ୍ ପ୍ରକାଶମ୍ ।
କରୀ ଇଵ ଭାତ୍ୟ୍ ଉଗ୍ର ଵିଵୃତ୍ତ ଦମ୍ଷ୍ଟ୍ରହ୍ ।
ସ;ଇଂଦ୍ରଜିନ୍ ନାମ ଵର ପ୍ରଧାନହ୍ ॥ 15 ॥
ୟଶ୍ଚୈଷଵ୍ନିଧ୍ୟାସ୍ତମହେଂଦ୍ରକଲ୍ପୋଧନ୍ଵୀରଥସ୍ଥୋଽତିରଥୋତିଵୀରଃ ।
ଵିଷ୍ପାରୟନ୍ ଚାପମତୁଲ୍ୟମାନଂନାମ୍ନାତିକାୟୋଽତିଵିଵୃଦ୍ଧକାୟଃ ॥ 16 ॥
ୟୋଽସୌନଵାର୍କୋଦିତତାମ୍ରଚକ୍ଷୁରାରୁହ୍ୟଘଂଟାନିନଦପ୍ରଣାଦମ୍ ।
ଗଜଂଖରଂଗର୍ଜତିଵୈମହାତ୍ମାମହୋଦରୋନାମସଏଷଃଵୀରଃ ॥ 17 ॥
ୟୋଽସୌହୟଂକାଂଚନଚିତ୍ରଭାଂଡମାରୁହ୍ୟସଂଧ୍ୟାଭ୍ରଗିରିପ୍ରକାଶମ୍ ।
ପ୍ରାସଂସମୁଦ୍ୟମ୍ୟମରୀଚିନଦ୍ଧଂପିଶାଚଏଷୋଽଶନିତୁଲ୍ୟଵେଗଃ ॥ 18 ॥
ୟଶ୍ଚୈଷଶୂଲଂନିଶିତଂପ୍ରଗୃହ୍ୟଵିଦ୍ୟୁତ୍ପ୍ରଭଂକିଂକରଵଜ୍ରଵେଗମ୍ ।
ଵୃଷେଂଦ୍ରମାସ୍ଥାୟଗିରିପ୍ରକାଶମାୟାତିୟୋଽସୌତ୍ରିଶିରାୟଶସ୍ଵୀ ॥ 19 ॥
ଅସୌଚଜୀମୂତନିକାଶରୂପଃକୁଂଭଃପୃଥୁଵ୍ୟୂଢସୁଜାତଵକ୍ଷାଃ ।
ସମାହିତଃପନ୍ନଗରାଜକେତୁର୍ଵିଷ୍ପାରୟନ୍ୟାତିଧନୁର୍ଵିଧୂନ୍ଵନ୍ ॥ 20 ॥
ୟଶ୍ଚୈଷଜାଂବୂନଦଵଜ୍ରଜୁଷ୍ଟଂଦୀପ୍ତଂସଧୂମଂପରିଘଂପ୍ରଗୃହ୍ୟ ।
ଆୟାତିରକ୍ଷୋବଲକେତୁଭୂତଃସୋଽସୌନିକୁଂଭୋଽଦ୍ଭୁତଘୋରକର୍ମା ॥ 21 ॥
ୟଶ୍ଚୈଷଚାପାସିଶରୌଘଜୁଷ୍ଟଂପତାକିନଂପାଵକଦୀପ୍ତରୂପମ୍ ।
ରଥଂସମାସ୍ଥାୟଵିଭାତ୍ୟୁଦଗ୍ରୋନରାଂତକୋଽସୌନଗଶୃଂଗୟୋଧୀ ॥ 22 ॥
ୟଶ୍ଚୈଷନାନାଵିଧଘୋରରୂପୈର୍ଵ୍ୟାଘ୍ରୋଷ୍ଟ୍ରନାଗେଂଦ୍ରମୃଗାଶ୍ଵଵକ୍ତ୍ରୈଃ ।
ଭୂତୈର୍ଵୃତୋଭାତିଵିଵୃତ୍ତନେତ୍ସ୍ରୈସୋଽସୌସୁରାଣାମପିଦର୍ପହଂତା ॥ 23 ॥
ୟତ୍ର ଏତଦ୍ ଇଂଦୁ ପ୍ରତିମଂ ଵିଭାତିଚ୍ ।
ଚତ୍ତ୍ରଂ ସିତଂ ସୂକ୍ଷ୍ମ ଶଲାକଂ ଅଗ୍ର୍ୟମ୍ ।
ଅତ୍ର ଏଷ ରକ୍ଷୋ ଅଧିପତିର୍ ମହାତ୍ମା ।
ଭୂତୈର୍ ଵୃତୋ ରୁଦ୍ର;ଇଵ ଅଵଭାତି ॥ 24 ॥
ଅସୌ କିରୀଟୀ ଚଲ କୁଂଡଲ ଆସ୍ୟୋ ।
ନାଗ ଇଂଦ୍ର ଵିଂଧ୍ୟ ଉପମ ଭୀମ କାୟହ୍ ।
ମହା ଇଂଦ୍ର ଵୈଵସ୍ଵତ ଦର୍ପ ହଂତା ।
ରକ୍ଷୋ ଅଧିପହ୍ ସୂର୍ୟ;ଇଵ ଅଵଭାତି ॥ 25 ॥
ପ୍ରତ୍ୟୁଵାଚତତୋରାମୋଵିଭୀଷଣମରିଂଦମ୍ ।
ଅହୋଦୀପ୍ତମହାତେଜାରାଵଣୋରାକ୍ଷସେଶ୍ଵରଃ ॥ 26 ॥
ଆଦିତ୍ୟ;ଇଵ ଦୁଷ୍ପ୍ରେକ୍ଷ୍ୟୋ ରଶ୍ମିଭିର୍ ଭାତି ରାଵଣହ୍ ।
ସୁଵ୍ୟକ୍ତଂ ଲକ୍ଷୟେ ହ୍ୟ୍ ଅସ୍ୟ ରୂପଂ ତେଜହ୍ ସମାଵୃତମ୍ ॥ 27 ॥
ଦେଵଦାନଵଵୀରାଣାଂଵପୁର୍ନୈଵଂଵିଧଂଭଵେତ୍ ।
ୟାଦୃଶଂରାକ୍ଷସେଂଦ୍ରସ୍ୟଵପୁରେତତ୍ପ୍ରକାଶତେ ॥ 28 ॥
ସର୍ଵେପର୍ଵତସଂକାଶାସ୍ସର୍ଵେପର୍ଵତୟୋଧିନଃ ।
ସର୍ଵେଦୀପ୍ତାୟୁଧଧରାୟୋଧାଶ୍ଚାସ୍ୟମହୋଜସଃ ॥ 29 ॥
ଭାତିରକ୍ଷୋରାଜୋଽସୌପ୍ରଦୀପ୍ତ୍ତୈର୍ଭୀମଵିକ୍ରମୈଃ ।
ଭୂତୈଃପରିଵୃତସ୍ତୀକ୍ଷ୍ଣୈର୍ଦେହଵଦ୍ଭିରିଵାଂତକଃ ॥ 30 ॥
ଦିଷ୍ଟ୍ୟାଽୟମଦ୍ୟପାପାତ୍ମାମମଦୃଷ୍ଟିପଥଂଗତଃ ।
ଅଦ୍ୟକ୍ରୋଧଂଵିମୋକ୍ଷ୍ୟାମିସୀତାହରଣସଂଭଵମ୍ ॥ 31 ॥
ଏଵମୁକ୍ତ୍ଵାତତୋରାମୋଧନୁରାଦାୟଵୀର୍ୟଵାନ୍ ।
ଲକ୍ଷ୍ମଣାନୁଚରସ୍ତସ୍ଥୌସମୁଦ୍ଧୃତ୍ୟଶରୋତ୍ତମମ୍ ॥ 32 ॥
ତତଃସରକ୍ଷୋଧିପତିର୍ମହାତ୍ମାରକ୍ଷାଂସିତାନ୍ୟାହମହାବଲାନି ।
ଦ୍ଵାରେଷୁଚର୍ୟାଗୃହଗୋପୁରେଷୁସୁନିର୍ଵୃତାସ୍ତିଷ୍ଠତନିର୍ଵିଶଂକାଃ ॥ 33 ॥
ହାଽଗତଂମାଂସହିତଂଭଵଦ୍ଭିର୍ଵନୌକସଶ୍ଛିଦ୍ରମିଦଂଵିଦିତ୍ଵା ।
ଶୂନ୍ୟାପୁରୀଂଦୁଷ୍ପ୍ରସହାଂପ୍ରମଥ୍ୟପ୍ରଧର୍ଷୟେୟୁସ୍ସହସାସମେତାଃ ॥ 34 ॥
ଵିସର୍ଜୟିତ୍ଵାସଚିଵାଂସ୍ତତସ୍ତାନ୍ଗତେଷୁରକ୍ଷସ୍ସୁୟଥାନିୟୋଗମ୍ ।
ଵ୍ୟଚାରୟଦ୍ଵାନରସାଗରୌଘଂମହାଝଷଃପୂର୍ଣମିଵାର୍ଣଵୌଘମ୍ ॥ 35 ॥
ତମାପତଂତଂସହସାସମୀକ୍ଷ୍ୟଦୀପ୍ତେଷୁଚାପଂୟୁଧିରାକ୍ଷସେଂଦ୍ରମ୍ ।
ମହତ୍ସମୁତ୍ପାଟ୍ୟମହୀଧରାଗ୍ରଂଦୁଦ୍ରାଵରକ୍ଷୋଧିପତିଂହରୀଶଃ ॥ 36 ॥
ତଚ୍ଛୈଲଶୃଂଗଂବହୁଵୃକ୍ଷସାନୁଂପ୍ରଗୃହ୍ୟଚିକ୍ଷେପନିଶାଚରାୟ ।
ତମାପତଂତଂସହସାସମୀକ୍ଷ୍ୟଚିଚ୍ଛେଦବାଣୈସ୍ତପନୀୟପୁଂଖୈଃ ॥ 37 ॥
ତସ୍ମିନ୍ ପ୍ରଵୃଦ୍ଧୋତ୍ତମସାନୁଵୃକ୍ଷେଶୃଂଗେଵିକୀର୍ଣେପତିତେପୃଥିଵ୍ୟାମ୍ ।
ମହାହିକଲ୍ପଂଶରମଂତକାଭଂସମାଦଧେରାକ୍ଷସଲୋକନାଥଃ ॥ 38 ॥
ସତଂଗୃହୀତ୍ଵାଽନିଲତୁଲ୍ୟଵେଗଂସଵିସ୍ଫୁଲିଂଗଜ୍ଵଲନପ୍ରକାଶମ୍ ।
ବାଣଂମହେଂଦ୍ରାଶନିତୁଲ୍ୟଵେଗଂଚିକ୍ଷେପସୁଗ୍ରୀଵଵଧାୟରୁଷ୍ଟଃ ॥ 39 ॥
ସସାୟକୋରାଵଣବାହୁମୁକ୍ତଃଶକ୍ରାଶନିପ୍ରଖ୍ୟଵପୁଶ୍ଶିତାଗ୍ରଃ ।
ସୁଗ୍ରୀଵମାସାଦ୍ୟବିଭେଦଵେଗାଦ୍ଗୁହେରିତାକ୍ରୌଂଚମିଵୋଗ୍ରଶକ୍ତିଃ ॥ 40 ॥
ସସାୟକାର୍ତୋଵିପରୀତଚେତାଃକୂଜନ୍ପୃଥିଵ୍ୟାଂନିପପାତଵୀରଃ ।
ତଂପ୍ରେକ୍ଷ୍ୟଭୂମୌପତିତଂଵିସଂଜ୍ଞଂନେଦୁଃପ୍ରହୃଷ୍ଟାୟୁଧିୟାତୁଧାନାଃ ॥ 41 ॥
ତତୋଗଵାକ୍ଷୋଗଵୟସ୍ସୁଦଂଷ୍ଟ୍ରସ୍ତ୍ଵଥର୍ଷଭୋଜ୍ୟୋତିମୁଖୋନଲଶ୍ଚ ।
ଶୈଲାନ୍ ସମୁତ୍ପାଟ୍ୟଵିଵୃଦ୍ଧକାୟାଃପ୍ରଦୁଦ୍ରୁଵୁସ୍ତଂପ୍ରତିରାକ୍ଷସେଂଦ୍ରମ୍ ॥ 42 ॥
ତେଷାଂପ୍ରହାରାନ୍ ସଚକାରମୋଘାନ୍ ରକ୍ଷୋଧିପୋବାଣଶତୈଃଶିତାଗ୍ରୈଃ ।
ତାନ୍ଵାନରେଂଦ୍ରାନପିବାଣଜାଲୈର୍ବିଭେଦଜାଂବୂନଦଚିତ୍ରପୁଂଖୈଃ ॥ 43 ॥
ତେଵାନରେଂଦ୍ରାସ୍ତ୍ରିଦଶାରିବାଣୈର୍ଭିନ୍ନାନିପେତୁର୍ଭୁଵିଭୀମକାୟାଃ ।
ତତସ୍ତୁତଦ୍ଵାନରସୈନ୍ୟମୁଗ୍ରଂପ୍ରଚ୍ଛାଦୟାମାସସବାଣଜାଲୈଃ ॥ 44 ॥
ତେଵଧ୍ୟମାନାଃପତିତାଃପ୍ରଵୀରାନାନଦ୍ୟମାନାଭୟଶଲ୍ୟଵିଦ୍ଧାଃ ।
ଶାଖାମୃଗାରାଵଣସାୟକାର୍ତାଜଗ୍ମୁଶ୍ଶରଣ୍ୟଂଶରଣଂସ୍ମରାମମ୍ ॥ 45 ॥
ତତୋ ମହାତ୍ମା ସ ଧନୁର୍ ଧନୁଷ୍ମାନ୍ ।
ଆଦାୟ ରାମହ୍ ସହରା ଜଗାମ ।
ତଂ ଲକ୍ଷ୍ମଣହ୍ ପ୍ରାନ୍ଜଲିର୍ ଅଭ୍ୟୁପେତ୍ୟ ।
ଉଵାଚ ଵାକ୍ୟଂ ପରମ ଅର୍ଥ ୟୁକ୍ତମ୍ ॥ 46 ॥
କାମମାର୍ୟସ୍ସୁପର୍ୟାପ୍ତୋଵଧାୟାସ୍ୟଦୁରାତ୍ମନଃ ।
ଵିଧମିଷ୍ୟାମ୍ୟହଂଚୈତମନୁଜାନୀହିମାଂଵିଭୋ ॥ 47 ॥
ତମବ୍ରଵୀନ୍ମହାତେଜାରାମସ୍ସତ୍ୟପରାକ୍ରମଃ ।
ଗଚ୍ଛୟତ୍ନପରଶ୍ଚାପିଭଵଲକ୍ଷ୍ମଣ ସଂୟୁଗେ ॥ 48 ॥
ରାଵଣୋହିମହାଵୀର୍ୟୋରଣେଽଦ୍ଭୁତପରାକ୍ରମଃ ।
ତ୍ରୈଲୋକ୍ୟେନାପିସଂକ୍ରୁଦ୍ଧୋଦୁଷ୍ପ୍ରସହ୍ୟୋନସଂଶୟଃ ॥ 49 ॥
ତସ୍ୟଚ୍ଛିଦ୍ରାଣିମାର୍ଗସ୍ଵସ୍ଵଚ୍ଛିଦ୍ରାଣିଚଲକ୍ଷ୍ୟ ।
ଚକ୍ଷୁଷାଧନୁଷାୟତ୍ନା ପ୍ରକ୍ଷାତ୍ମାନଂସମାହିତଃ ॥ 50 ॥
ରାଘଵସ୍ୟଵଚଶ୍ଶ୍ରୁତ୍ଵାସପରିଷ୍ଵଜ୍ୟାଭିପୂଜ୍ୟଚ ।
ଅଭିଵାଦ୍ୟତତ୍ ରାମଂୟୟୌସୌମିତ୍ରିରାହଵମ୍ ॥ 51 ॥
ସରାଵଣଂଵାରଣହସ୍ତବାହୁଂଦଦର୍ଶଭୀମୋଦ୍ୟତଦୀପ୍ତଚାପମ୍ ।
ପ୍ରଚ୍ଛାଦୟଂତଂଶରଵୃଷ୍ଟିଜାଲୈସ୍ତାନ୍ଵାନରାଭନିନ୍ନଵିକୀର୍ଣଦେହାନ୍ ॥ 52 ॥
ତମାଲୋକ୍ୟମହାତେଜାହନୂମାନ୍ମାରୁତାତ୍ମଜଃ ।
ନିଵାର୍ୟଶରଜାଲାନିପ୍ରଦୁଦ୍ରାଵସରାଵଣମ୍ ॥ 53 ॥
ରଥଂତସ୍ୟସମାସାଦ୍ୟବାହୁମୁଦ୍ୟମ୍ୟଦକ୍ଷିଣମ୍ ।
ତ୍ରାସୟନ୍ରାଵଣଂଧୀମାନ୍ହନୂମାନ୍ଵାକ୍ୟମବ୍ରଵୀତ୍ ॥ 54 ॥
ଦେଵଦାନଵଗଂଧର୍ଵାୟକ୍ଷାଶ୍ଚସହରାକ୍ଷୈସୈଃ ।
ଅଵଶ୍ୟଂତୁତ୍ଵୟାଭଗ୍ନାଵାନରେଭ୍ୟସ୍ତୁତେଭୟମ୍ ॥ 55 ॥
ଏଷମେଦକ୍ଷିଣୋବାହୁଃପଂଚଶାଖଃସମୁଦ୍ୟତଃ ।
ଵିଧମିଷ୍ୟତିତେଦେହାଦ୍ଭୂତାତ୍ମାନଂଚିରୋଷିତମ୍ ॥ 56 ॥
ଶ୍ରୁତ୍ଵାହନୁମତୋଵାକ୍ୟଂରାଵଣୋଭୀମଵିକ୍ରମଃ ।
ସଂରକ୍ତନୟନଃକ୍ରୋଧାଦିଦଂଵଚନମବ୍ରଵୀତ୍ ॥ 57 ॥
କ୍ଷିପ୍ରଂପ୍ରହରନିଃଶଂକଂସ୍ଥିରାଂକୀର୍ତିମଵାପ୍ନୁହି ।
ତତସ୍ତ୍ଵାଂଜ୍ଞାତଵିକ୍ରାଂତଂନାଶୟିଷ୍ୟାମିଵାନର ॥ 58 ॥
ରାଵଣସ୍ୟଵଚଶ୍ଶ୍ରୁତ୍ଵାଵାୟୁସୂନୁର୍ଵଚୋଽବ୍ରଵୀତ୍ ।
ପ୍ରହୃତଂହିମୟାପୂର୍ଵମକ୍ଷଂତଵସୁତଂତଵ ॥ 59 ॥
ଏଵମୁକ୍ତୋମହାତେଜାରାଵଣୋରାକ୍ଷସେଶ୍ଵରଃ ।
ଆଜଘାନାନିଲସୁତଂତଲେନୋରସିଵୀର୍ୟଵାନ୍ ॥ 60 ॥
ସତଲାଭିହତସ୍ତେନଚଚାଲଚମୁହୁର୍ମୁହୁଃ ।
ସ୍ଥିତ୍ଵାମୁହୂର୍ତଂତେଜସ୍ଵୀସ୍ଥୈର୍ୟଂକୃତ୍ଵାମହାମତିଃ ॥ 61 ॥
ଆଜଘାନାଭିସଂକୃଦ୍ଧସ୍ତଲେନୈଵାମରଦ୍ଵିଷମ୍ ।
ତତସ୍ତତେନାଭିହତୋଵାନରେଣମହାତ୍ମନା ॥ 62 ॥
ଦଶଗ୍ରୀଵଃସମାଧୂତୋୟଥାଭୂମିଚଲେଽଚଲଃ ।
ସଂଗ୍ରାମେତଂତଥାଦୃଷ୍ଟଵାରାଵଣଂତଲତାଡିତମ୍ ॥ 63 ॥
ଋଷୟୋଵାନରାଃସିଦ୍ଧାନେଦୁର୍ଦେଵାସ୍ସହାସୁରୈଃ ।
ଅଥାଽଶ୍ଵାସ୍ୟମହାତେଜାରାଵଣୋଵାକ୍ୟମବ୍ରଵୀତ୍ ॥ 64 ॥
ସାଧୁଵାନର ଵୀର୍ୟେଣଶ୍ଲାଘନୀୟୋଽସିମେରିପୁଃ ।
ରାଵଣେନୈଵମୁକ୍ତସ୍ତୁମାରୁତିର୍ଵାକ୍ୟମବ୍ରଵୀତ୍ ॥ 65 ॥
ଧିଗସ୍ତୁମମଵୀର୍ୟେଣୟସ୍ତ୍ଵଂଜୀଵସିରାଵଣ ।
ସକୃତ୍ତୁପ୍ରହରେଦାନୀଂଦୁର୍ଭୁଦ୍ଧେ କିଂଵିକତ୍ଥସେ ॥ 66 ॥
ତତସ୍ତ୍ଵାଂମାମିକାମୁଷ୍ଟିର୍ନୟିଷ୍ୟତିୟମକ୍ଷୟମ୍ ।
ତୋମାରତିଵାକ୍ୟେନକୋଧସ୍ତସ୍ୟତଦାଽଜ୍ଵଲତ୍ ॥ 67 ॥
ସଂରକ୍ତନୟନୋୟତ୍ନାନ୍ମୁଷ୍ଟିମୁଦ୍ୟମ୍ୟଦକ୍ଷିଣମ୍ ।
ପାତୟାମାସଵେଗେନଵାନରୋରସିଵୀର୍ୟଵାନ୍ ॥ 68 ॥
ହନୂମାନ୍ ଵକ୍ଷସିଵ୍ୟୂଢେସଂଚଚାଲହତଃପୁନଃ ।
ଵିହ୍ଵଲଂତୁତଦାଦୃଷ୍ଟଵାହନୂମଂତଂମହାବଲମ୍ ॥ 69 ॥
ରଥେନାତିରଥଶଶୀଘ୍ରଂନୀଲଂପ୍ରତିସମଭ୍ୟଗାତ୍ ।
ରାକ୍ଷସାନାମଧିପତିର୍ଧଶଗ୍ରୀଵଃପ୍ରତାପଵାନ୍ ॥ 70 ॥
ପନ୍ନଗପ୍ରତିମୈର୍ଭୀମୈଃପରମର୍ମାଭିଭେଦିଭିଃ ।
ଶରୈରାଦୀପୟାମାସନୀଲଂହରିଚମୂପତିମ୍ ॥ 71 ॥
ସଶରୌଘସମାୟସ୍ତୋନୀଲଃକପିଚମୂପତିଃ ।
କରେଣେକୈନେଶୈଲାଗ୍ରଂରକ୍ଷୋଧିପତୟେଽସୃଜତ୍ ॥ 72 ॥
ହନୂମାନପିତେଜସ୍ଵୀସମାଶ୍ଵସ୍ତୋମହାମନାଃ ।
ଵିପ୍ରେକ୍ଷମାଣୋୟୁଦ୍ଧେପ୍ସୁସ୍ସରୋଷମିଦମବ୍ରଵୀତ୍ ॥ 73 ॥
ନୀଲେନସହସଂୟୁକ୍ତଂରାଵଣଂରାକ୍ଷସେଶ୍ଵରମ୍ ।
ଅନ୍ୟେନୟୁଦ୍ୟମାନସ୍ୟନୟୁକ୍ତମଭିଧାଵନମ୍ ॥ 74 ॥
ରାଵଣୋଽପିମହାତେଜାସ୍ତଂଚ୍ଛୃଂଗଂସପ୍ତଭିଃଶରୈଃ ।
ଆଜଘାନସୁତୀକ୍ଷ୍ଣାଗ୍ରୈସ୍ତଦ୍ଵିକୀର୍ଣଂପପାତହ ॥ 75 ॥
ତଦ୍ଵିକୀର୍ଣଂଗିରେଶ୍ଶୃଂଗଂଦୃଷ୍ଟଵାହରିଚମୂପତିଃ ।
କାଲାନଗିରିଵଜଜ୍ଵାଲକୋପେନପରଵୀରହା ॥ 76 ॥
ସୋଽଶ୍ଵକର୍ଣାଂଧାନ୍ ଶାଲାଂଶ୍ଚୂତାଶ୍ଚାପିସୁପୁଷ୍ପିତାନ୍ ।
ଅନ୍ୟାଂଶ୍ଚଵିଵିଧାନ୍ ଵୃକ୍ଷାନ୍ନୀଲଶ୍ଚିକ୍ଷେପସଂୟୁଗେ ॥ 77 ॥
ସତାନ୍ଵୃକ୍ଷାନ୍ ସମାସାଦ୍ୟପ୍ରତିଚିଚ୍ଛେଦରାଵଣଃ ।
ଅଭ୍ୟଵର୍ଷତ୍ସୁଘୋରେଣଶରଵର୍ଷେଣପାଵକିମ୍ ॥ 78 ॥
ଅଭିଵୃଷ୍ଟଶ୍ଶରୌଘେଣମେଘେନେଵମହାବଲଃ ।
ହ୍ରସ୍ଵଂକୃତ୍ଵାତତୋରୂପଂଧ୍ଵଜାଗ୍ରେନିପପାତହ ॥ 79 ॥
ପାଵକାତ୍ମଜମାଲୋକ୍ୟଧ୍ଵଜାଗ୍ରେସମଵସ୍ଥିତମ୍ ।
ଜଜ୍ଵାଲରାଵଣଃକ୍ରୋଧାତ୍ତତୋନୀଲୋନନାଦଚ ॥ 80 ॥
ଧ୍ଵଜାଗ୍ରେଧନୁଷଶ୍ଚାଗ୍ରେକିରୀଟାଗ୍ରେଚତଂହରିମ୍ ।
ଲକ୍ଷ୍ମଣୋଽଥହନୂମାଂଶ୍ଚଦୃଷ୍ଟଵାରାମଶ୍ଚଵିସ୍ମିତାଃ ॥ 81 ॥
ରାଵଣୋଽପିମହାତେଜାଃକପିଲାଘଵଵିସ୍ମିତଃ ।
ଅସ୍ତ୍ରମାହାରୟାମାସଦୀପ୍ତମାଗ୍ନେୟମଦ୍ଭୁତମ୍ ॥ 82 ॥
ତତସ୍ତେଚୁକ୍ରୁଶୁର୍ହୃଷ୍ଟାଲବ୍ଦଲକ୍ଷାଃପ୍ଲଵଂଗମାଃ ।
ନୀଲଲାଘଵସଂଭ୍ରାଂତଂଦୃଷ୍ଟଵାରାଵଣମାହଵେ ॥ 83 ॥
ଵାନରାଣାଂଚନାଦେଵସଂରବ୍ଦୋରାଵଣସ୍ତଦା ।
ସଂଭ୍ରମାଵିଷ୍ଟହୃଦୟୋନକିଂଚିତ୍ପ୍ରତ୍ୟପଦ୍ୟତ ॥ 84 ॥
ଆଗ୍ନେୟେନାଧସଂୟୁକ୍ତଂଗୃହୀତ୍ଵାରାଵଣଶ୍ଶରମ୍ ।
ଧ୍ଵଜଶୀର୍ଷସ୍ଥିତଂସୀଲମୁଦୈକ୍ଷତନିଶାଚରଃ ॥ 85 ॥
ତତୋଽବ୍ରଵୀନ୍ମହାତେଜାରାଵଣୋରାକ୍ଷସେଶ୍ଵରଃ ।
କପେଲାଘଵୟୁକ୍ତୋଽସିମାୟୟାପରୟାଽନୟା ॥ 86 ॥
ଜୀଵିତଂଖଲୁରକ୍ଷସ୍ଵୟଦିଶକ୍ତୋଽପିଵାନର ।
ତାନିତାନ୍ୟାତ୍ମରୂପାଣିସୃଜସିତ୍ଵମନେକଶଃ ॥ 87 ॥
ତଥାପିତ୍ଵାଂମୟାମୁକ୍ତସ୍ସାୟୋକୋଽସ୍ତ୍ରପ୍ରୟୋଜିତଃ ।
ଜୀଵିତଂପରିରକ୍ଷଂତଂଜୀଵିତାଦ୍ଭ୍ରଂଶୟିଷ୍ୟତି ॥ 88 ॥
ଏଵମୁକ୍ତ୍ଵାମହାବାହୂରାଵଣୋରାକ୍ଷସେଶ୍ଵରଃ ।
ସଂଧାୟବାଣମସ୍ତ୍ରଣଚମୂପତିମତାଡୟତ୍ ॥ 89 ॥
ସୋଽସ୍ତ୍ରୟୁକ୍ତେନବାଣେନନୀଲୋଵକ୍ଷସିତାଡିତଃ ।
ନିର୍ଧହ୍ୟମାନସ୍ସହସାନିପପାତମହୀତଲେ ॥ 90 ॥
ପିତୃମହାତ୍ମ୍ୟସଂୟୋଗାତ୍ମନଶ୍ଚାପିତେଜସା ।
ଜାନୁଭ୍ୟାନୁପତଦ୍ଭୂମୌନତୁପ୍ରାଣୈର୍ଵ୍ୟୟୁଜ୍ୟତ ॥ 91 ॥
ଵିସଂଜ୍ଞଂଵାନରଂଦୃଷ୍ଟଵାଦଶଗ୍ରୀଵୋରଣୋତ୍ସୁକଃ ।
ରଥେନାଂବୁଦନାଦେନସୌମିତ୍ରିମଭିଦୁଦ୍ରୁଵେ ॥ 92 ॥
ଆସାଦ୍ୟରଣମଧ୍ୟେତଂଵାରୟିତ୍ଵାସ୍ଥିତୋଜ୍ଵଲନ୍ ।
ଧନୁର୍ଵିଷ୍ଫାରୟାମାସକଂପୟନ୍ନିଵମେଦିନୀମ୍ ॥ 93 ॥
ତମାହସୌମିତ୍ରିରଦୀନସତ୍ତ୍ଵୋଵିଷ୍ଫାରୟଂତଂଧନୁରପ୍ରମେୟମ୍ ।
ଅଭ୍ୟେହିମାମଦ୍ୟନିଶାଚରେଂଦ୍ରନଵାନରାଂସ୍ତ୍ଵପ୍ରତିୟୋଦ୍ଧୁମର୍ହଃ ॥ 94 ॥
ସତସ୍ୟଵାକ୍ୟଂପ୍ରତିପୂର୍ଣଘୋଷଂଜ୍ୟାଶବ୍ଦମୁଗ୍ରଂଚନିଶମ୍ୟରାଜା ।
ଆସାଦ୍ୟସୌମିତ୍ରିମଵସ୍ଥିତଂତଂକୋପାନ୍ଵିତୋଵାଚମୁଵାଚରକ୍ଷଃ ॥ 95 ॥
ଦିଷ୍ଟ୍ୟାସିମେରାଘଵ ଦୃଷ୍ଟିମାର୍ଗଂପ୍ରାପ୍ତୋଽଂତଗାମୀଵିପରୀତବୁଦ୍ଧିଃ ।
ଅସ୍ମିନ୍ କ୍ଷଣେୟାସ୍ୟସିମୃତ୍ୟୁଦେଶଂସଂପାଦ୍ୟମାନୋମମବାଣଜାଲୈଃ ॥ 96 ॥
ତମାହସୌମିତ୍ରିରଵିସ୍ମୟାନୋଗର୍ଜଂତମୁଦ୍ଵୃତ୍ତସିତାଗ୍ରଦଂଷ୍ଟ୍ରମ୍ ।
ରାଜନ୍ନଗର୍ଜଂତିମହାପ୍ରଭାଵାଵିକତ୍ଥସେପାପକୃତାଂଵରିଷ୍ଠ ॥ 97 ॥
ଜାନାମିଵୀର୍ୟଂତଵରାକ୍ଷସେଂଦ୍ରବଲଂପ୍ରତାପଂଚପରାକ୍ରମଂଚ ।
ଅଵସ୍ଥିତୋଽହଂଶରଚାପପାଣିରାଗଚ୍ଛକିଂମୋଘଵିକତ୍ଥନେନ ॥ 98 ॥
ସଏଵମୁକ୍ତଃକୁପିତସ୍ସସର୍ଜରକ୍ଷୋଥିପସ୍ସପ୍ତଶରାନ୍ ସୁପୁଂଖାନ୍ ।
ତାନ୍ଲକ୍ଷ୍ମଣଃକାଂଚନଚିତ୍ରିପୁଂଖୈଶ୍ଚିଚ୍ଛେଦବାଣୈର୍ନିଶିତାଗ୍ରଧାରୈଃ ॥ 99 ॥
ତାନ୍ ପ୍ରେକ୍ଷମାଣସ୍ସହସାନିକୃତ୍ତାନିକୃତ୍ତଭୋଗାନିଵପନ୍ନଗେଂଦ୍ରାନ୍ ।
ଲଂକେଶ୍ଵରଃକ୍ରୋଧଵଶଂଜଗାମସସର୍ଜଚାନ୍ୟାନ୍ନିଶିତାନ୍ପୃଷତ୍କାନ୍ ॥ 100 ॥
ସବାଣଵର୍ଷଂତୁଵଵର୍ଷତୀଵ୍ରଂରାମାନୁଜଃକାର୍ମୁକସଂପ୍ରୟୁକ୍ତମ୍ ।
କ୍ଷୁରାର୍ଧଚଂଦ୍ରୋତ୍ତମକର୍ଣିଭଲ୍ଲୈଃଶରାଂଶ୍ଚଚିଚ୍ଛେଦନଚୁକ୍ଷୁଭେଚ ॥ 101 ॥
ସବାଣଜାଲାନ୍ୟଥତାନିତାନିମୋଘାନିପଶ୍ୟଂସ୍ତ୍ରିଦଶାରିରାଜଃ ।
ଵିସିସ୍ମିୟେଲକ୍ଷ୍ମଣଲାଘଵେନପୁନଶ୍ଚବାଣାନ୍ନିଶିତାନ୍ମୁମୋଚ ॥ 102 ॥
ସଲକ୍ଷ୍ମଣଶ୍ଚାପିଶରାନ୍ ଶିତାଗ୍ରାନ୍ମହେଂଦ୍ରତୁଲ୍ୟୋଽଶନିତୁଲ୍ୟଵେଗାନ୍ ।
ସଂଧାୟଚାପେଜ୍ଵଲନପ୍ରକାଶାନ୍ ସସର୍ଜରକ୍ଷୋଧିପତେର୍ଵଧାୟ ॥ 103 ॥
ସତାନ୍ ପ୍ରଚିଚ୍ଛେଦହିରାକ୍ଷସେଂଦ୍ରଃଛିତ୍ଵାଚତନ୍ଲକ୍ଷ୍ମଣମାଜଘାନ ।
ଶରେଣକାଲାଗ୍ନିସମପ୍ରଭେଣସ୍ଵୟଂଭୁଦତ୍ତେନଲଲାଟଦେଶେ ॥ 104 ॥
ସଲକ୍ଷ୍ମଣୋରାଵଣସାୟକାର୍ତଶ୍ଚଚାଲଚାପଂଶିଧିଲଂପ୍ରଗୃହ୍ୟ ।
ପୁନଶ୍ଚସଂଜ୍ଞାଂପ୍ରତିଲଭ୍ୟକୃଚ୍ଛ୍ରାଚ୍ଚିଚ୍ଛେଦଚାପଂତ୍ରିଦଶେଂଦ୍ରଶତ୍ରୋ ॥ 105 ॥
ନିକୃତ୍ତଚାପଂତ୍ରିଭିରାଜଘାନବାଣୈସ୍ତଦାଦାଶରଥିଶ୍ଶିତାଗ୍ରୈଃ ।
ସସାୟକାର୍ତୋଵିଚଚାଲରାଜାକୃଚ୍ଛ୍ରାଚ୍ଛସଂଜ୍ଞାଂପୁନରାସସାଦ ॥ 106 ॥
ସକୃତ୍ତଚାପଃଶରତାଡିତଶ୍ଚମେଦାର୍ଦ୍ରଗାତ୍ରୋରୁଧିରାଵସିକ୍ତଃ ।
ଜଗ୍ରାହଶକ୍ତିଂସ୍ଵୟମୁଗ୍ରଶକ୍ତିସ୍ସ୍ଵୟଂଭୁଦତ୍ତାଂୟୁଧିଦେଵଶତ୍ରୁଃ ॥ 107 ॥
ସତାଂସଧୂମାନଲସନ୍ନିକାଶାଂଵିତ୍ରାସନୀଂସଂୟତିଵାନରାଣାମ୍ ।
ଚିକ୍ଷେପଶକ୍ତିଂତରସାଜ୍ଵଲଂତୀଂସୌମିତ୍ରୟେରାକ୍ଷସରାଷ୍ଟ୍ରନାଥଃ ॥ 108 ॥
ତାମାପତଂତୀଂଭରତାନୁଜୋଽସ୍ତ୍ରୈର୍ଜଘାନବାଣୈଶ୍ଚହୁତାଗ୍ନିକଲ୍ପୈଃ ।
ତଥାପିସାତସ୍ୟଵିଵେଶଶକ୍ତିର୍ଭୁଜାଂତରଂଦାଶରଥେର୍ଵିଶାଲମ୍ ॥ 109 ॥
ସଶକ୍ତିମାନ୍ ଶକ୍ତିସମାହତଃସନ୍ ପ୍ରଜଜ୍ଵାଲମୁହୁଃରଘୁପ୍ରଵୀରଃ ।
ତଂଵିହ୍ଵଲଂତଂସହସାଭ୍ୟୁପେତ୍ୟଜଗ୍ରାହରାଜାତରସାଭୁଜାଭ୍ୟାମ୍ ॥ 110 ॥
ହିମଵାନ୍ ମଂଦରୋମେରୁସ୍ତୈଲୋକ୍ୟଂଵାସହାମରୈଃ ।
ଶକ୍ୟଂଭୁଜାଭ୍ୟାମୁଦ୍ଧର୍ତୁଂନସଙ୍ ଖ୍ୟେଭରତାନୁଜଃ ॥ 111 ॥
ଶକ୍ତ୍ୟାବ୍ରାହ୍ମ୍ୟାହିସୌମିତ୍ରିସ୍ତାଡିତାସ୍ତୁସ୍ତନାଂତରେ ।
ଵିଷ୍ଣୋରଚିନ୍ୟଂତ୍ୟଂସ୍ଵଂଭାଗମାତ୍ମାନଂପ୍ରତ୍ୟନୁସ୍ମରତ୍ ॥ 112 ॥
ତତୋଦାନଵଦର୍ପଘ୍ନଂସୌମିତ୍ରିଂଦେଵକଂଟକଃ ।
ତଂପୀଡୟିତ୍ଵାବାହୁଭ୍ୟାଂନପ୍ରଭୁର୍ଲଂଘନେଽଭଵତ୍ ॥ 113 ॥
ଅଥଵାୟୁସୁତଃକ୍ରୁଦ୍ଧୋରାଵଣଂସମଭିଦ୍ରଵତ୍ ।
ଆଜଘାନୋରସିକ୍ରୁଦ୍ଧୋଵଜ୍ରକଲ୍ପେନମୁଷ୍ଟିନା ॥ 114 ॥
ତେନମୁଷ୍ଟିପ୍ରହାରେଣରାଵଣୋରାକ୍ଷସେଶ୍ଵରଃ ।
ଜାନୁଭ୍ୟାମପତଦ୍ଭୂମୌଚଚାଲଚପପାତଚ ॥ 115 ॥
ଆସ୍ୟୈଶ୍ଚ ନେତ୍ରୈଃ ଶ୍ରଵଣୈଃ ପପାତ ରୁଧିରଂ ବହୁ ।
ଵିଘାର୍ଣମାନୋ ନିଶ୍ଚେଷ୍ଟୋ ରଥୋପସ୍ଥ ଉପାଚିଶତ୍ ॥ 116 ॥
ଵିସଂଜ୍ଞୋମୂର୍ଚ୍ଛ୍ରିତଶ୍ଚାସୀନ୍ନଚସ୍ଥାନଂସମାଲଭତ୍ ।
ଵିସଂଜ୍ଞଂରାଵଣଂଦୃଷ୍ଟଵାସମରେଭୀମଵିକ୍ରମମ୍ ॥ 117 ॥
ଋଷୟୋଵାନରାଶ୍ଚୈଵନେଦୁର୍ଦେଵାସ୍ସଵାସଵାଃ ।
ହନୂମାନପିତେଜସ୍ଵୀଲକ୍ଷ୍ମଣଂରାଵଣାର୍ଧିତମ୍ ॥ 118 ॥
ଆନୟଦ୍ରାଘଵାଭ୍ୟାଶଂବାହୁଭ୍ୟାଂପରିଗୃହ୍ୟତମ୍ ।
ଵାୟୁସୂନୋଃସୁହୃତ୍ତ୍ଵେନଭକ୍ତ୍ୟାପରମୟାଚସଃ ॥ 119 ॥
ଶତ୍ରୂଣାମପ୍ରକଂପ୍ୟୋଽପିଲଘୁତ୍ଵମଗମତ୍କପେଃ ।
ତଂସମୁତ୍ସୃଜ୍ୟସାଶକ୍ତିଃସୌମିତ୍ରିଂୟୁଧିଦୁର୍ଜୟମ୍ ॥ 120 ॥
ରାଵଣସ୍ୟରଥେତସ୍ମିନ୍ ସ୍ଥାନଂପୁନରୁପାଗତା ।
ଆଶ୍ଵସ୍ତଶ୍ଚନିଶଲ୍ୟଶ୍ଚଲକ୍ଷ୍ମଣଶ୍ଶତ୍ରୁସୂଦନଃ ॥ 121 ॥
ଵିଷ୍ଣୋର୍ଭାଗମମୀମାଂସ୍ୟମାତ୍ମାନଂପ୍ରତ୍ୟନୁସ୍ମରନ୍ ।
ରାଵଣୋଽପିମହାତେଜାଃପ୍ରାପ୍ୟସଂଜ୍ଞାଂମହାହଵେ ॥ 122 ॥
ଆଦଦେନିଶିତାନ୍ ବାଣାନ୍ ଜଗ୍ରାହଚମହଦ୍ଧମଃ ।
ନିପାତିତମହାଵୀରାଂଦ୍ରଵଂତୀଂଵାନରୀଂଚମୂମ୍ ॥ 123 ॥
ରାଘଵସ୍ତୁରଣେଦୃଷ୍ଟଵାରାଵଣଂସମଭିଦ୍ରଵତ୍ ।
ଅଥୈଵମୁପସଂଗମ୍ୟହନୂମାନ୍ଵାକ୍ୟମବ୍ରଵୀତ୍ ॥ 124 ॥
ମମପୃଷ୍ଠଂସମାରୁହ୍ୟରାକ୍ଷସଂଶାସ୍ତୁମର୍ହସି ।
ଵିଷ୍ଣୁର୍ୟଥାଗରୁତ୍ମଂତଂବଲଵଂତଂସମାହିତଃ ॥ 125 ॥
ତଚ୍ଛ୍ରୁତ୍ଵାରାଘଵୋଵାକ୍ୟଂଵାୟୁପୁତ୍ରେଣଭାଷିତମ୍ ।
ଆରୁରୋହମହାଶୂରଂବଲଵଂତଂମହାକପିମ୍ ॥ 126 ॥
ରଥସ୍ଥଂରାଵଣଂସଙ୍ ଖ୍ୟେଦଦର୍ଶମନୁଜାଧିପଃ ।
ତମାଲୋକ୍ୟମହାତେଜାଃପ୍ରଦୁଦ୍ରାଵସରାଘଵଃ ॥ 127 ॥
ଵୈରୋଚନିଵକ୍ରୁଦ୍ଧୋଵିଷ୍ଣୁରଭ୍ୟୁଦ୍ୟତାୟୁଧଃ ।
ଜ୍ୟାଶବ୍ଦମକରୋତ୍ତୀଵ୍ରଂଵଜ୍ରନିଷ୍ପେଷନିସ୍ଵନମ୍ ॥ 128 ॥
ଗିରାଗଂଭୀରୟାରାମୋରାକ୍ଷସେଂଦ୍ରମୁଵାଚହ ।
ତିଷ୍ଠତିଷ୍ଠମମତ୍ଵଂହିକୃତ୍ଵାଵିପ୍ରିୟମୀଦୃଶମ୍ ॥ 129 ॥
କ୍ଵନୁରାକ୍ଷସଶାର୍ଦୂଲ ଗତୋମୋକ୍ଷମଵାପ୍ସ୍ୟସି ।
ୟଦୀଂଦ୍ରଵୈଵସ୍ଵତଭାସ୍କରାନ୍ଵାସ୍ଵୟଂଭୁଵୈଶ୍ଵାନରଶଂକରାନ୍ଵା ।
ଗମିଷ୍ୟସିତ୍ଵଂଦଶଵାଦିଶୋଵାତଥାପିମେନାଦ୍ୟଗତୋଵିମୋକ୍ଷ୍ୟସେ ॥ 130 ॥
ୟଶ୍ଚୈଷ ଶକ୍ତ୍ୟା ନିହତସ୍ତ୍ଵୟାଦ୍ୟ ।
ଗଚ୍ଛନ୍ଵିଷାଦଂ ସହସାଭ୍ୟୁପେତ୍ୟ ।
ସ ଏଷ ରକ୍ଷୋଗଣରାଜ ମୃତ୍ୟୁଃ ।
ସପୁତ୍ରପୌତ୍ରସ୍ୟ ତଵାଦ୍ୟ ୟୁଦ୍ଧେ ॥ 131 ॥
ଏତେନଚାତ୍ୟଦ୍ଭୁତଦର୍ଶନାନିଶରୈର୍ଜଵସ୍ଥାନକୃତାଲୟାନି ।
ଚତୁର୍ଧଶାନ୍ୟାତ୍ତଵରାୟୁଧାନିରକ୍ଷଃସହସ୍ରାଣିନିଷୂଦିତାନି ॥ 132 ॥
ରାଘଵସ୍ୟଵଚଶ୍ଶ୍ରୁତ୍ଵାରାକ୍ଷସେଂଦ୍ରୋମହାବଲଃ ।
ଵାୟୁପୁତ୍ରଂମହାଵେଗଂଵହଂତଂରାଘଵଂରଣେ ॥ 133 ॥
ରୋଷେଣମହତାଵିଷ୍ଟଃପୂର୍ଵଵୈରମନୁସ୍ମରନ୍ ।
ଆଜଘାନଶରୈର୍ଦୀପ୍ସ୍ସୈଃକାଲାନଲଶିଖୋପମୈଃ ॥ 134 ॥
ରାକ୍ଷସେନାହଵେତସ୍ୟତାଡିତସ୍ୟାପିସାୟକୈଃ ।
ସ୍ଵଭାଵତେଜୋୟୁକ୍ତସ୍ୟଭୂୟସ୍ତେଜୋଽଭ୍ୟଵର୍ଧତ ॥ 135 ॥
ତତୋରାମୋମହାତେଜାରାଵଣେନକୃତଵ୍ରଣମ୍ ।
ଦୃଷ୍ଟଵାପ୍ଲଵଗଶାର୍ଦୂଲଂକ୍ରୋଧସ୍ୟଵଶମେୟିଵାନ୍ ॥ 136 ॥
ତସ୍ୟାଭିସଂକ୍ରମ୍ୟରଥଂସଚକ୍ରଂସାଶ୍ଵଧ୍ଵଜଚ୍ଛତ୍ରମହାପତାକମ୍ ।
ସସାରଥିଂସାଶନିଶୂଲଖଡଗଂରାମଃପ୍ରଚିଚ୍ଛେଦଶରୈସ୍ସୁପୁଂଖୈଃ ॥ 137 ॥
ଅଥେଂଦ୍ରଶତ୍ରୁଂତରସାଜଘାନବାଣେନଵଜ୍ରାଶନିସନ୍ନିଭେନ ।
ଭୁଜାଂତରେଵ୍ୟୂଢସୁଜାତରୂପେଵଜ୍ରେଣମେରୁଂଭଗଵାନିଵେଂଦ୍ରଃ ॥ 138 ॥
ୟୋଵଜ୍ରପାତଶନିସନ୍ନିପାତାନ୍ନଚକ୍ଷୁଭେନାପିଚଚାଲରାଜା ।
ସରାମବାଣାଭିହତୋଭୃଶାର୍ତଶ୍ଚଚାଲଚାପଂଚମୁମୋଚଵୀରଃ ॥ 139 ॥
ତଂଵିହ୍ଵଲଂତଂପ୍ରସମୀକ୍ଷ୍ୟରାମସ୍ସମାଦଦେଦୀପ୍ତମଥାର୍ଥଚଂଦ୍ରମ୍ ।
ତେନାର୍କଵର୍ଣଂସହସାକିରୀଟଂଚିଚ୍ଛେଦରକ୍ଷୋଧିପତେର୍ମହାତ୍ମା ॥ 140 ॥
ତଂନିର୍ଵିଷାଶୀଵିଷସନ୍ନିକାଶଂଶାଂତାର୍ଚିଷଂସୂର୍ୟମିଵାପ୍ରକାଶମ୍ ।
ଗତଶ୍ରିୟଂକୃତ୍ତକିରୀଟକୂଟମୁଵାଚରାମୋୟୁଧିରାକ୍ଷସେଂଦ୍ରମ୍ ॥ 141 ॥
କୃତଂ ତ୍ଵୟା କର୍ମ ମହତ୍ସୁଭୀମମ୍ ।
ହତପ୍ରଵୀରଶ୍ଚ କୃତସ୍ତ୍ଵୟାହମ୍ ।
ତସ୍ମାତ୍ପରିଶ୍ରାଂତ ଇତି ଵ୍ୟଵସ୍ୟ ।
ନ୍ନ ତ୍ଵାଂ ଶରୈର୍ମଋତ୍ୟୁଵଶଂ ନୟାମି ॥ 142 ॥
ଗଚ୍ଛାନୁଜାନାମିରଣାର୍ଧିତସ୍ତ୍ଵଂପ୍ରଵିଶ୍ୟରାତ୍ରିଂଚରରାଜଲଂକାମ୍ ।
ଆଶ୍ଵସ୍ୟନିର୍ୟାହିରଥୀଚଧନ୍ଵୀତଦାବଲଂପ୍ରେକ୍ଷ୍ୟସିମେରଥସ୍ଥଃ ॥ 143 ॥
ସଏଵମୁକ୍ତୋହତଦର୍ପହର୍ଷୋନିକୃତ୍ତଚାପଶ୍ଚହତାଶ୍ଵସୂତଃ ।
ଶରାର୍ଦିତଃକୃତ୍ତମହାକିରୀଟୋଵିଵେଶଲଂକାଂସହସାସ୍ମରାଜା ॥ 144 ॥
ପ୍ରଵିଷ୍ଟେରଜନୀଚରେଂଦ୍ରେମହାବଲେଦାଵଵଦେଵଶତ୍ରୌ ।
ହରୀନ୍ ଵିଶଲ୍ୟାନ୍ ସହଲକ୍ଷ୍ମଣେନଚକାରରାମଃପରମାହଵାଗ୍ରେ ॥ 145 ॥
ତସ୍ମିନ୍ପ୍ରଭନ୍ନେତ୍ରିଦଶେଂଦ୍ରଶତୌସୁରାସୁରାଭୂତଗଣାଦିଶଶ୍ଚ ।
ସସାଗରାସ୍ସର୍ଷିମହୋରଗାଶ୍ଚତଥୈଵଭୂମ୍ୟଂବୁଚରାଶ୍ଚପ୍ରହୃଷ୍ଟାଃ ॥ 146 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଏକୋନଷଷ୍ଟିତମସ୍ସର୍ଗଃ ॥
