ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଏକୋନଶତତମସ୍ସର୍ଗଃ ।
ମହୋଦରେତୁନିହତେମହାପାର୍ଶ୍ଵୋମହାବଲଃ ।
ସୁଗ୍ରୀଵେଣସମୀକ୍ଷ୍ୟାଥକ୍ରୋଧାତ୍ସମ୍ରରକ୍ତଲୋଚନଃ ॥ 1 ॥
ଅଂଗଦସ୍ୟଚମୂଂଭୀମାଂକ୍ଷୋଭୟାମାସସାୟକୈଃ ।
ସଵାନରାଣାଂମୁଖ୍ୟାନାମୁତ୍ତମାଂଗାନିସର୍ଵଶଃ ॥ 2 ॥
ପାତୟାମାନକାୟେଭ୍ୟଃଫଲଂଵୃଂତାଦିଵାନିଲଃ ।
କେଷାଂଚିଦିଷୁଭିର୍ବାହୁନ୍ ସ୍କଂଧାଂଶ୍ଛିଚ୍ଛେଦରାକ୍ଷସଃ ଚ ॥ 3 ॥
ଵାନରାଣାଂସୁଂକୃଦ୍ଧଃ ପାର୍ଶ୍ଵଂକେଷାଂଵ୍ୟଦାରୟତ୍ ।
ତେଽର୍ଦିତାବାଣଵର୍ଷେଣମହାପାର୍ଶ୍ଵେନଵାନରାଃ ॥ 4 ॥
ଵିଷାଦଵିମୁଖାଃସର୍ଵେବଭୂଵୁର୍ଗତଚେତସଃ ।
ନିରୀକ୍ଷ୍ୟବଲମୁଦ୍ଵିଗ୍ନମଂଗଦୋରାକ୍ଷସାର୍ଦିତମ୍ ॥ 5 ॥
ପୂରିତା ତେନ ଶବ୍ଦେନ ସନଦୀଗିରିକାନନା ।
ସଂଚଚାଲ ମହୀ ସର୍ଵା ସଵରାହମୃଗଦ୍ଵିପା ॥ 6 ॥
ସମରେଵାନରଶ୍ରେଷ୍ଠୋମହାପାର୍ଶ୍ଵେନ୍ୟପାତୟତ୍ ।
ସ ତୁତେନପ୍ରହାରେଣମହାପାର୍ଶ୍ଵୋଵିଚେତନଃ ॥ 7 ॥
ସସୂତସ୍ସ୍ୟଂଦନାତ୍ତସ୍ମାଦ୍ଵିସଂଜ୍ଞଶ୍ଚାପତଦ୍ଭୁଵି ।
ସ ଋକ୍ଷରାଜସ୍ତେଜସ୍ଵୀନୀଲାଂଜନଚୟୋପମଃ ॥ 8 ॥
ନିଷ୍ପତ୍ୟସୁମହାଵୀର୍ୟସ୍ସ୍ଵାଦ୍ଵ୍ୟୂହନ୍ମେଘସନ୍ନିଭାତ୍ ।
ପ୍ରଗୃହ୍ୟଗିରିଶୃଂଗାଭାଂକ୍ରୁଦ୍ଧସ୍ସଵିପୁଲାଂଶିଲାମ୍ ॥ 9 ॥
ଅଶ୍ଵାଂଜଘାନତରସାବଭଂଜତଂ ସ୍ୟଂଦନଂ ଚ ତମ୍ ।
ମୁହୂର୍ତାଲ୍ଲବ୍ଧସଂଜ୍ଞସ୍ତୁମହାପାର୍ଶ୍ଵୋମହାବଲଃ ॥ 10 ॥
ଅଂଗଦଂବହୁଭିର୍ବାଣୈର୍ଭୂୟସ୍ତଂପ୍ରତ୍ୟଵିଧ୍ୟତ ।
ଜାଂବଵଂତଂତ୍ରିଭିର୍ବାଣୈରାଜଘାନସ୍ତନାଂତରେ ॥ 11 ॥
ଋକ୍ଷରାଜଂଗଵାକ୍ଷଂ ଚ ଜଘାନବହୁଭିଶ୍ଶରୈଃ ।
ଜାଂବଵଂତଂଗଵାକ୍ଷଂ ଚ ସ ଦୃଷ୍ଟଵାଶରପୀଡିତୌ ॥ 12 ॥
ଜଗ୍ରାହପରିଘଂଘୋରମଂଗଦଃକ୍ରୋଧମୂର୍ଛିତଃ ।
ତସ୍ୟାଂଗଦଃପ୍ରକୁପିତୋରାକ୍ଷସସ୍ୟତମାୟସମ୍ ॥ 13 ॥
ଦୂରସ୍ଥିତସ୍ୟପରିଘଂରଵିରଶ୍ମିସମପ୍ରଭମ୍ ।
ଦ୍ଵାଵାଭ୍ୟାଂଭୁଜାଭ୍ୟାଂସଂଗୃହ୍ୟଭ୍ରାମୟିତ୍ଵା ଚ ଵେଗଵାନ୍ ॥ 14 ॥
ମହାପାର୍ଶ୍ଵସ୍ୟଚିକ୍ଷେପଵଧାର୍ଥଂଵାଲିନସ୍ସୁତଃ ।
ସ ତୁକ୍ଷିପ୍ତୋବଲଵତାପରିଘଂତସ୍ୟରକ୍ଷସଃ ॥ 15 ॥
ଧନୁଶ୍ଚସଶରଂହସ୍ତାଛଚିରସ୍ତ୍ରାଂଚାପ୍ୟପାତୟତ୍ ।
ତଂସମାସାଦ୍ୟଵେଗେନଵାଲିପୁତ୍ରଃପ୍ରତାପଵାନ୍ ॥ 16 ॥
ତଲେନାଭ୍ୟହନତ୍କ୍ରୁଦ୍ଧଃ କର୍ଣମୂଲେ ସକୁଂଡଲେ ।
ସ ତୁକ୍ରୁଦ୍ଧୋମହାଵେଗୋମହାପାର୍ଶ୍ଵୋମହାଦ୍ୟୁତି ॥ 17 ॥
କରେଣୈକେନଜଗ୍ରାହସୁମହାଂତଂପରଶ୍ଵଥମ୍ ।
ତଂମ୍ତୈଲଧୌତଂଵିମଲଂଶୈଲସାରମୟଂଦୃଢମ୍ ॥ 18 ॥
ରାକ୍ଷସଃପରମକ୍ରୁଦ୍ଧୋଵାଲିପୁତ୍ରେନ୍ୟପାତୟତ୍ ।
ତେନଵାମାଂସଫଲକେଭୃଶଂପ୍ରତ୍ୟଵପାଦିତମ୍ ॥ 19 ॥
ଅଂଗଦୋମୋକ୍ଷ୍ୟାମାସସରୋଷସ୍ସପରଶ୍ଵଧମ୍ ।
ସଵୀରୋଵଜ୍ରସଂକାଶମଂଗଦୋମୁଷ୍ଟିମାତ୍ମନଃ ॥ 20 ॥
ସଂଵର୍ତୟତ୍ସୁସଂକୃଦ୍ଧଃପିତୃତୁଲ୍ୟପରାକ୍ରମଃ ।
ରାକ୍ଷସସ୍ୟସ୍ତନାଭ୍ୟାଶେମର୍ମଜ୍ଞୋହୃଦୟଂପ୍ରତି ॥ 21 ॥
ଇଂଦ୍ରାଶନିମସ୍ପର୍ଶଂ ସ ମୁଷ୍ଟିଂଵିନ୍ୟପାତୟତ୍ ।
ତେନତସ୍ୟନିପାତେନରାକ୍ଷସସ୍ୟମହାମୃଧେ ॥ 22 ॥
ପଫାଲହୃଦୟଂଚାସ୍ୟ ସ ପପାତହତୋଭୁଵି ।
ସ୍ମିନ୍ନିପତିତେଭୂମୌତତ୍ସୈନ୍ୟଂସଂପ୍ରଚୁକ୍ଷୁଭେ ॥ 23 ॥
ଅଭଵଚ୍ଚମହାନ୍କ୍ରୋଧସ୍ସମରେରାଵଣସ୍ୟତୁ ।
ଵାନରାଣାଂଶ୍ଚହୃଷ୍ଟାନାଂସିଂହନାଦଃସୁପୁଷ୍କଲଃ ॥ 24 ॥
ସ୍ପୋଟୟନ୍ନିଵଶବ୍ଦେନଲଂକାଂସାଟ୍ଟାଲଗୋପୁରାମ୍ ।
ମହେଂଦ୍ରେଣେଵଦେଵାନାଂନାଦସ୍ସମଭଵନ୍ମହାନ୍ ॥ 25 ॥
ଅଥୈଂଦ୍ରଶତ୍ରୁସ୍ତ୍ରିଦିଵାଲୟାନାଂଵନୌକନାଂଚୈଵମ୍ହାପ୍ରଣାଦମ୍ ।
ଶ୍ରୁତ୍ଵାସରୋଷଂୟୁଧିରାକ୍ଷସେଂଦ୍ରଃ ।
ପୁନଶ୍ଚୟୁଦ୍ଧାଭିମୁଖୋଽଵତସ୍ଥେ ॥ 26 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଏକୋନଶତତମସ୍ସର୍ଗଃ ॥
