ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ഏകോനശതതമസ്സര്ഗഃ ।
മഹോദരേതുനിഹതേമഹാപാര്ശ്വോമഹാബലഃ ।
സുഗ്രീവേണസമീക്ഷ്യാഥക്രോധാത്സമ്രരക്തലോചനഃ ॥ 1 ॥
അംഗദസ്യചമൂംഭീമാംക്ഷോഭയാമാസസായകൈഃ ।
സവാനരാണാംമുഖ്യാനാമുത്തമാംഗാനിസർവശഃ ॥ 2 ॥
പാതയാമാനകായേഭ്യഃഫലംവൃംതാദിവാനിലഃ ।
കേഷാംചിദിഷുഭിര്ബാഹുന് സ്കംധാംശ്ഛിച്ഛേദരാക്ഷസഃ ച ॥ 3 ॥
വാനരാണാംസുംകൃദ്ധഃ പാര്ശ്വംകേഷാംവ്യദാരയത് ।
തേഽര്ദിതാബാണവര്ഷേണമഹാപാര്ശ്വേനവാനരാഃ ॥ 4 ॥
വിഷാദവിമുഖാഃസർവേബഭൂവുര്ഗതചേതസഃ ।
നിരീക്ഷ്യബലമുദ്വിഗ്നമംഗദോരാക്ഷസാര്ദിതമ് ॥ 5 ॥
പൂരിതാ തേന ശബ്ദേന സനദീഗിരികാനനാ ।
സംചചാല മഹീ സർവാ സവരാഹമൃഗദ്വിപാ ॥ 6 ॥
സമരേവാനരശ്രേഷ്ഠോമഹാപാര്ശ്വേന്യപാതയത് ।
സ തുതേനപ്രഹാരേണമഹാപാര്ശ്വോവിചേതനഃ ॥ 7 ॥
സസൂതസ്സ്യംദനാത്തസ്മാദ്വിസംജ്ഞശ്ചാപതദ്ഭുവി ।
സ ഋക്ഷരാജസ്തേജസ്വീനീലാംജനചയോപമഃ ॥ 8 ॥
നിഷ്പത്യസുമഹാവീര്യസ്സ്വാദ്വ്യൂഹന്മേഘസന്നിഭാത് ।
പ്രഗൃഹ്യഗിരിശൃംഗാഭാംക്രുദ്ധസ്സവിപുലാംശിലാമ് ॥ 9 ॥
അശ്വാംജഘാനതരസാബഭംജതം സ്യംദനം ച തമ് ।
മുഹൂര്താല്ലബ്ധസംജ്ഞസ്തുമഹാപാര്ശ്വോമഹാബലഃ ॥ 10 ॥
അംഗദംബഹുഭിര്ബാണൈര്ഭൂയസ്തംപ്രത്യവിധ്യത ।
ജാംബവംതംത്രിഭിര്ബാണൈരാജഘാനസ്തനാംതരേ ॥ 11 ॥
ഋക്ഷരാജംഗവാക്ഷം ച ജഘാനബഹുഭിശ്ശരൈഃ ।
ജാംബവംതംഗവാക്ഷം ച സ ദൃഷ്ടവാശരപീഡിതൌ ॥ 12 ॥
ജഗ്രാഹപരിഘംഘോരമംഗദഃക്രോധമൂര്ഛിതഃ ।
തസ്യാംഗദഃപ്രകുപിതോരാക്ഷസസ്യതമായസമ് ॥ 13 ॥
ദൂരസ്ഥിതസ്യപരിഘംരവിരശ്മിസമപ്രഭമ് ।
ദ്വാവാഭ്യാംഭുജാഭ്യാംസംഗൃഹ്യഭ്രാമയിത്വാ ച വേഗവാന് ॥ 14 ॥
മഹാപാര്ശ്വസ്യചിക്ഷേപവധാര്ഥംവാലിനസ്സുതഃ ।
സ തുക്ഷിപ്തോബലവതാപരിഘംതസ്യരക്ഷസഃ ॥ 15 ॥
ധനുശ്ചസശരംഹസ്താഛചിരസ്ത്രാംചാപ്യപാതയത് ।
തംസമാസാദ്യവേഗേനവാലിപുത്രഃപ്രതാപവാന് ॥ 16 ॥
തലേനാഭ്യഹനത്ക്രുദ്ധഃ കര്ണമൂലേ സകുംഡലേ ।
സ തുക്രുദ്ധോമഹാവേഗോമഹാപാര്ശ്വോമഹാദ്യുതി ॥ 17 ॥
കരേണൈകേനജഗ്രാഹസുമഹാംതംപരശ്വഥമ് ।
തംമ്തൈലധൌതംവിമലംശൈലസാരമയംദൃഢമ് ॥ 18 ॥
രാക്ഷസഃപരമക്രുദ്ധോവാലിപുത്രേന്യപാതയത് ।
തേനവാമാംസഫലകേഭൃശംപ്രത്യവപാദിതമ് ॥ 19 ॥
അംഗദോമോക്ഷ്യാമാസസരോഷസ്സപരശ്വധമ് ।
സവീരോവജ്രസംകാശമംഗദോമുഷ്ടിമാത്മനഃ ॥ 20 ॥
സംവര്തയത്സുസംകൃദ്ധഃപിതൃതുല്യപരാക്രമഃ ।
രാക്ഷസസ്യസ്തനാഭ്യാശേമര്മജ്ഞോഹൃദയംപ്രതി ॥ 21 ॥
ഇംദ്രാശനിമസ്പര്ശം സ മുഷ്ടിംവിന്യപാതയത് ।
തേനതസ്യനിപാതേനരാക്ഷസസ്യമഹാമൃധേ ॥ 22 ॥
പഫാലഹൃദയംചാസ്യ സ പപാതഹതോഭുവി ।
സ്മിന്നിപതിതേഭൂമൌതത്സൈന്യംസംപ്രചുക്ഷുഭേ ॥ 23 ॥
അഭവച്ചമഹാന്ക്രോധസ്സമരേരാവണസ്യതു ।
വാനരാണാംശ്ചഹൃഷ്ടാനാംസിംഹനാദഃസുപുഷ്കലഃ ॥ 24 ॥
സ്പോടയന്നിവശബ്ദേനലംകാംസാട്ടാലഗോപുരാമ് ।
മഹേംദ്രേണേവദേവാനാംനാദസ്സമഭവന്മഹാന് ॥ 25 ॥
അഥൈംദ്രശത്രുസ്ത്രിദിവാലയാനാംവനൌകനാംചൈവമ്ഹാപ്രണാദമ് ।
ശ്രുത്വാസരോഷംയുധിരാക്ഷസേംദ്രഃ ।
പുനശ്ചയുദ്ധാഭിമുഖോഽവതസ്ഥേ ॥ 26 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ഏകോനശതതമസ്സര്ഗഃ ॥
