ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଚତୁଃଷଷ୍ଟିତମସ୍ସର୍ଗଃ ।
ତଦୁକ୍ତମତିକାୟସ୍ୟବଲିନୋବାହୁଶାଲିନଃ ।
କୁଂଭକର୍ଣସ୍ୟଵଚନଂଶ୍ରୁତ୍ଵୋଵାଚମହୋଦରଃ ॥ 1 ॥
କୁଂଭକର୍ଣକୁଲେଜାତୋଧୃଷ୍ଟଃପ୍ରାକୃତଦର୍ଶନଃ ।
ଅଵଲିପ୍ତୋ ନ ଶକ୍ନୋଷିକୃତ୍ୟଂସର୍ଵତ୍ରଵେଦିତୁମ୍ ॥ 2 ॥
ସ୍ଥାନଂଵୃଦ୍ଧିଂ ଚ ହାନି ଚ ଦେଶକାଲଵିଭାଗଵିତ୍ ।
ଆତ୍ମନଶ୍ଚପରେଷାଂ ଚ ବୁଧ୍ୟତେରାକ୍ଷସର୍ଷଭଃ ॥ 3 ॥
ୟତ୍ତୁଶକ୍ୟଂବଲଵତାକର୍ତୁଂପ୍ରାକୃତବୁଦ୍ଧିନା ।
ଅନୁପାସିତଵୃଦ୍ଧେନକଃକୁର୍ୟାତ୍ତାଦୃଶଂନରଃ ॥ 4 ॥
ୟାଂସ୍ତୁଧର୍ମାର୍ଥକାମାଂସ୍ତ୍ଵଂବ୍ରଵୀଷିପୃଥଗାଶ୍ରୟାନ୍ ।
ଅଵବୋଦ୍ଧୁଂସ୍ଵଭାଵେତାନ୍ନହିଲକ୍ଷଣମସ୍ତିତାନ୍ ॥ 5 ॥
କର୍ମଚୈଵହିସର୍ଵେଷାଂକାରଣାନାଂପ୍ରୟୋଜକମ୍ ।
ଶ୍ରେୟଃପାପୀୟସାଂଚାତ୍ରଫଲଂଭଵତିକର୍ମଣାମ୍ ॥ 6 ॥
ନିଶ୍ଶ୍ରେୟସଫଲାଵେଵଧର୍ମାର୍ଥାଵିତରାଵପି ।
ଅଧର୍ମାନର୍ଥୟୋଃପ୍ରାପ୍ତିଃଫଲଂ ଚ ପ୍ରତ୍ୟଵାୟିକମ୍ ॥ 7 ॥
ଐହଲୌକିକପାରକ୍ୟଂକର୍ମପୁଂଭିର୍ନିଷେଵ୍ୟତେ ।
କର୍ମାଣ୍ୟପିତୁକଲ୍ୟାନିଲଭତେକାମମାସ୍ଥିତଃ ॥ 8 ॥
ତତ୍ରକ୍ଲୁପ୍ତମିଦଂରାଜ୍ଞାହୃଦିକାର୍ୟଂମତଂ ଚ ନଃ ।
ଶତ୍ରୌହିସାହସଂୟତ୍ସ୍ୟାତ୍କିମିଵାତ୍ରାପନୀୟତେ ॥ 9 ॥
ଏକସ୍ୟୈଵାଭିୟାନେତୁହେତୁର୍ୟଃକଥିତସ୍ତ୍ଵୟା ।
ତତ୍ରାପ୍ୟନୁପପନ୍ନଂତେଵକ୍ଷ୍ୟାମିୟଦସାଧୁ ଚ ॥ 10 ॥
ୟେନପୂର୍ଵଂଜନସ୍ଥାନେବହଵୋଽତିବଲାହତାଃ ।
ରାକ୍ଷସାରାଘଵଂତଂତ୍ଵଂକଥମେକୋଜୟିଷ୍ୟସି ॥ 11 ॥
ୟେପୁରାନିର୍ଜିତାସ୍ତେନଜନସ୍ଥାନେମହୌଜସଃ ।
ରାକ୍ଷସାଂସ୍ତାନ୍ପୁରେସର୍ଵାନ୍ଭୀତାନଦ୍ୟାପିପଶ୍ୟସି ॥ 12 ॥
ତଂସିଂହମିଵସଂକ୍ରୁଦ୍ଧଂରାମଂଦଶରଥାତ୍ମଜମ୍ ।
ସର୍ପଂସୁପ୍ତମିଵବୁଦ୍ଧ୍ୟପ୍ରବୋଧୟିତୁମିଚ୍ଛସି ॥ 13 ॥
ଜ୍ଵଲଂତଂତେଜସାନିତ୍ୟଂକ୍ରୋଧେନ ଚ ଦୁରାସଦମ୍ ।
କସ୍ତଂମୃତ୍ୟୁମିଵାସହ୍ୟମାସାଦୟିତୁମର୍ହତି ॥ 14 ॥
ସଂଶୟସ୍ଥମିଦଂସର୍ଵଂଶତ୍ରୋଃପ୍ରତିସମାସନେ ।
ଏକସ୍ୟଗମନଂତତ୍ର ନ ହିମେରୋଚତେଭୃଶମ୍ ॥ 15 ॥
ହୀନାର୍ଥସ୍ତୁସମୃଦ୍ଧାର୍ଥଂକୋରିପୁଂପ୍ରାକୃତଂୟଥା ।
ନିଶ୍ଚିତ୍ୟଜୀଵିତତ୍ୟାଗେଵଶମାନେତୁମିଚ୍ଛତି ॥ 16 ॥
ୟସ୍ୟନାସ୍ତିମନୁଷ୍ୟେଷୁସଦୃଶୋରାକ୍ଷସୋତ୍ତମ ।
କଥମାଶଂସସେୟୋଦ୍ଧୁଂତୁଲ୍ୟେନେଂଦ୍ରଵିଵସ୍ଵତୋଃ ॥ 17 ॥
ଏଵମୁକ୍ତ୍ଵାତୁସମ୍ରବ୍ଦଃକୁଂଭକର୍ଣଂମହୋଦରଃ ।
ଉଵାଚରକ୍ଷସାଂମଧ୍ୟେରାଵଣଂଲୋକରାଵଣମ୍ ॥ 18 ॥
ଲବ୍ଧ୍ଵାପୁନସ୍ତ୍ଵଂଵୈଦେହୀଂକିମର୍ଥଂସଂପ୍ରଜଲ୍ପସି ।
ୟଦୀଚ୍ଛସିତଦାସୀତାଵଶଗାତେଭଵିଷ୍ୟତି ॥ 19 ॥
ଦୃଷ୍ଟଃକଶ୍ଚଦୁପାୟୋମେସୀତୋପସ୍ଥାନକାରକଃ ।
ରୁଚିତଶ୍ଚେତ୍ସ୍ଵୟାବୁଧ୍ୟାରାକ୍ଷସେଂଦ୍ର ତଂଶୃଣୁ ॥ 20 ॥
ଅହଂଦ୍ଵିଜିହ୍ଵସ୍ସମ୍ହ୍ରାଦୀକୁଂଭକର୍ଣୋଵିତର୍ଦନଃ ।
ପଂଚରାମଵଧାୟୈତେନିର୍ୟାଂତ୍ଵିତ୍ୟଵଘୋଷୟ ॥ 21 ॥
ତତୋଗତ୍ଵାଵୟଂୟୁଦ୍ଧଂଦାସ୍ୟାମସ୍ତସ୍ୟୟତ୍ନତଃ ।
ଜେଷ୍ୟାମୋୟଦିତେଶତ୍ରୂନ୍ନୋପାୟୈଃକୃତ୍ୟମସ୍ତିନଃ ॥ 22 ॥
ଅଥଜୀଵତିନଶ୍ଶତ୍ରୁର୍ଵୟଂ ଚ କୃତସମ୍ୟୁଗାଃ ।
ତତସ୍ତଦଭିପତ୍ସ୍ୟାମୋମନସାୟତ୍ସମୀକ୍ଷିତମ୍ ॥ 23 ॥
ଵୟଂୟୁଦ୍ଧାଦିହେଷ୍ୟାମୋରୁଧିରେଣସମୁକ୍ଷିତାଃ ।
ଵିଦାର୍ୟସ୍ଵତନୁଂବାଣୈରାମନାମାଂକିତୈଶ୍ଶିତୈଃ ॥ 24 ॥
ଭକ୍ଷିତୋରାଘଵୋଽସ୍ମାଭିର୍ଲକ୍ଷ୍ମଣଶ୍ଚେତିଵାଦିନଃ ।
ତଵପାଦୌଗ୍ରହୀଷ୍ୟାମସ୍ତ୍ଵଂନଃକାମଂପ୍ରପୂରୟ ॥ 25 ॥
ଭକ୍ଷିତୋ ରାଘଵୋଽସ୍ମାଭିର୍ଲକ୍ଷ୍ମଣଶ୍ଚେତି ଵାଦିନଃ ।
ତଵ ପାଦୌ ଗ୍ରହୀଷ୍ୟାମସ୍ତ୍ଵଂ ନଃ କାମ ପ୍ରପୂରୟ ॥ 26 ॥
ପ୍ରୀତୋନାମତତୋଭୂତ୍ଵାଭୃତ୍ୟାନାଂତ୍ଵମରିଂଦମ ।
ଭୋଗାଂଶ୍ଚପରିଵାରାଂଶ୍ଚକାମାଂଶ୍ଚଵସୁଦାପୟ ॥ 27 ॥
ତତୋମାଲ୍ୟାନିଵାସାଂସିଵୀରାଣାମନୁଲେପନମ୍ ।
ପେୟଂ ଚ ବହୁୟୋଧେଭ୍ୟସ୍ସ୍ଵୟଂ ଚ ମୁଦିତଃପିବ ॥ 28 ॥
ତତୋଽସ୍ମିନ୍ ବହୁଲୀଭୂତେକୌଲୀନେସର୍ଵତୋଗତେ ।
ଭକ୍ଷିତସ୍ସସୁହୃଦ୍ରାମୋରାକ୍ଷସୈରିତିଵିଶ୍ରୁତେ ॥ 29 ॥
ପ୍ରଵିଶ୍ୟାଶ୍ଵାସ୍ୟଚାପିତ୍ଵଂସୀତାଂରହସିସାଂତ୍ଵୟ ।
ଧନଧାନ୍ୟୈଶ୍ଚକାମୈଶ୍ଚରତ୍ନୈଶ୍ଚାନାଂପ୍ରଲୋଭୟ ॥ 30 ॥
ଅନୟୋପଧୟାରାଜନ୍ ଭୟଶୋକାନୁବଂଧୟା ।
ଅକାମାତ୍ଵଦ୍ଵଶଂସୀତାନଷ୍ଟନାଥାଭଵିଷ୍ୟତି ॥ 31 ॥
ଂଜନୀୟମ୍ହିଭର୍ତାରଂଵିନଷ୍ଟମଵଗମ୍ୟସା ।
ନୈରାଶ୍ୟାତ୍ ସ୍ତ୍ରୀଲଘୁତ୍ଵାଚ୍ଚତ୍ଵଦ୍ଵଶଂପ୍ରତିପତ୍ସ୍ୟତେ ॥ 32 ॥
ସାପୁରାସୁଖସମ୍ଵୃଦ୍ଧାସୁଖାର୍ହାଦୁଃଖକର୍ଶିତା ।
ତ୍ଵୟ୍ୟଧୀନଂସୁଖଂଜ୍ଞାତ୍ଵାସର୍ଵଥୋଗମିଷ୍ୟତି ॥ 33 ॥
ଏତତ୍ସୁନୀତଂମମଦର୍ଶନେନରାମଂହିଦୃଷ୍ଟଵୈଭଵେଦନର୍ଧଃ ।
ଇହୈଵତେସେତ୍ସ୍ୟତିମୋତ୍ସୁକୋଭୂର୍ମହାନୟୁଦ୍ଧେନସୁଖସ୍ୟଲାଭଃ ॥ 34 ॥
ଅଦୃଷ୍ଟସୈନ୍ୟୋହ୍ୟନଵାପ୍ତସଂଶୟୋରିପୂନୟୁଦ୍ଧେନଜୟନ୍ ଜନାଧିପ ।
ୟଶଶ୍ଚପୁଣ୍ୟଂ ଚ ମହନ୍ମହୀପତେଶ୍ରଶିୟଂ ଚ କୀର୍ତିଂ ଚ ଚିରମ୍ ॥ 35 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଚତୁଃଷଷ୍ଟିତମସ୍ସର୍ଗଃ ॥
