śrīmadvālmīkīya rāmāyaṇē yuddhakāṇḍam ।
atha chatuḥṣaṣṭitamassargaḥ ।
taduktamatikāyasyabalinōbāhuśālinaḥ ।
kumbhakarṇasyavachanaṃśrutvōvāchamahōdaraḥ ॥ 1 ॥
kumbhakarṇakulējātōdhṛṣṭaḥprākṛtadarśanaḥ ।
avaliptō na śaknōṣikṛtyaṃsarvatravēditum ॥ 2 ॥
sthānaṃvṛddhiṃ cha hāni cha dēśakālavibhāgavit ।
ātmanaśchaparēṣāṃ cha budhyatērākṣasarṣabhaḥ ॥ 3 ॥
yattuśakyambalavatākartumprākṛtabuddhinā ।
anupāsitavṛddhēnakaḥkuryāttādṛśannaraḥ ॥ 4 ॥
yāṃstudharmārthakāmāṃstvambravīṣipṛthagāśrayān ।
avabōddhuṃsvabhāvētānnahilakṣaṇamastitān ॥ 5 ॥
karmachaivahisarvēṣāṅkāraṇānāmprayōjakam ।
śrēyaḥpāpīyasāñchātraphalambhavatikarmaṇām ॥ 6 ॥
niśśrēyasaphalāvēvadharmārthāvitarāvapi ।
adharmānarthayōḥprāptiḥphalaṃ cha pratyavāyikam ॥ 7 ॥
aihalaukikapārakyaṅkarmapumbhirniṣēvyatē ।
karmāṇyapitukalyānilabhatēkāmamāsthitaḥ ॥ 8 ॥
tatrakluptamidaṃrājñāhṛdikāryammataṃ cha naḥ ।
śatrauhisāhasaṃyatsyātkimivātrāpanīyatē ॥ 9 ॥
ēkasyaivābhiyānētuhēturyaḥkathitastvayā ।
tatrāpyanupapannantēvakṣyāmiyadasādhu cha ॥ 10 ॥
yēnapūrvañjanasthānēbahavō'tibalāhatāḥ ।
rākṣasārāghavantantvaṅkathamēkōjayiṣyasi ॥ 11 ॥
yēpurānirjitāstēnajanasthānēmahaujasaḥ ।
rākṣasāṃstānpurēsarvānbhītānadyāpipaśyasi ॥ 12 ॥
taṃsiṃhamivasaṅkruddhaṃrāmandaśarathātmajam ।
sarpaṃsuptamivabuddhyaprabōdhayitumichChasi ॥ 13 ॥
jvalantantējasānityaṅkrōdhēna cha durāsadam ।
kastammṛtyumivāsahyamāsādayitumarhati ॥ 14 ॥
saṃśayasthamidaṃsarvaṃśatrōḥpratisamāsanē ।
ēkasyagamanantatra na himērōchatēbhṛśam ॥ 15 ॥
hīnārthastusamṛddhārthaṅkōripumprākṛtaṃyathā ।
niśchityajīvitatyāgēvaśamānētumichChati ॥ 16 ॥
yasyanāstimanuṣyēṣusadṛśōrākṣasōttama ।
kathamāśaṃsasēyōddhuntulyēnēndravivasvatōḥ ॥ 17 ॥
ēvamuktvātusamrabdaḥkumbhakarṇammahōdaraḥ ।
uvācharakṣasāmmadhyērāvaṇaṃlōkarāvaṇam ॥ 18 ॥
labdhvāpunastvaṃvaidēhīṅkimarthaṃsamprajalpasi ।
yadīchChasitadāsītāvaśagātēbhaviṣyati ॥ 19 ॥
dṛṣṭaḥkaśchadupāyōmēsītōpasthānakārakaḥ ।
ruchitaśchētsvayābudhyārākṣasēndra taṃśṛṇu ॥ 20 ॥
ahandvijihvassamhrādīkumbhakarṇōvitardanaḥ ।
pañcharāmavadhāyaitēniryāntvityavaghōṣaya ॥ 21 ॥
tatōgatvāvayaṃyuddhandāsyāmastasyayatnataḥ ।
jēṣyāmōyaditēśatrūnnōpāyaiḥkṛtyamastinaḥ ॥ 22 ॥
athajīvatinaśśatrurvayaṃ cha kṛtasamyugāḥ ।
tatastadabhipatsyāmōmanasāyatsamīkṣitam ॥ 23 ॥
vayaṃyuddhādihēṣyāmōrudhirēṇasamukṣitāḥ ।
vidāryasvatanumbāṇairāmanāmāṅkitaiśśitaiḥ ॥ 24 ॥
bhakṣitōrāghavō'smābhirlakṣmaṇaśchētivādinaḥ ।
tavapādaugrahīṣyāmastvannaḥkāmamprapūraya ॥ 25 ॥
bhakṣitō rāghavō'smābhirlakṣmaṇaśchēti vādinaḥ ।
tava pādau grahīṣyāmastvaṃ naḥ kāma prapūraya ॥ 26 ॥
prītōnāmatatōbhūtvābhṛtyānāntvamarindama ।
bhōgāṃśchaparivārāṃśchakāmāṃśchavasudāpaya ॥ 27 ॥
tatōmālyānivāsāṃsivīrāṇāmanulēpanam ।
pēyaṃ cha bahuyōdhēbhyassvayaṃ cha muditaḥpiba ॥ 28 ॥
tatō'smin bahulībhūtēkaulīnēsarvatōgatē ।
bhakṣitassasuhṛdrāmōrākṣasairitiviśrutē ॥ 29 ॥
praviśyāśvāsyachāpitvaṃsītāṃrahasisāntvaya ।
dhanadhānyaiśchakāmaiścharatnaiśchānāmpralōbhaya ॥ 30 ॥
anayōpadhayārājan bhayaśōkānubandhayā ।
akāmātvadvaśaṃsītānaṣṭanāthābhaviṣyati ॥ 31 ॥
ñjanīyamhibhartāraṃvinaṣṭamavagamyasā ।
nairāśyāt strīlaghutvāchchatvadvaśampratipatsyatē ॥ 32 ॥
sāpurāsukhasamvṛddhāsukhārhāduḥkhakarśitā ।
tvayyadhīnaṃsukhañjñātvāsarvathōgamiṣyati ॥ 33 ॥
ētatsunītammamadarśanēnarāmaṃhidṛṣṭavaibhavēdanardhaḥ ।
ihaivatēsētsyatimōtsukōbhūrmahānayuddhēnasukhasyalābhaḥ ॥ 34 ॥
adṛṣṭasainyōhyanavāptasaṃśayōripūnayuddhēnajayan janādhipa ।
yaśaśchapuṇyaṃ cha mahanmahīpatēśraśiyaṃ cha kīrtiṃ cha chiram ॥ 35 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē chatuḥṣaṣṭitamassargaḥ ॥
