ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ത്രയസ്ത്രിംശസ്സര്ഗഃ ।
സീതാംതുമോഹിതാംദൃഷ്ടവാസരമാനാമരാക്ഷസീ ।
ആസസാദാഥവൈദേഹീംപ്രിയാംപ്രണയിനീംസഖീ ॥ 1 ॥
മോഹിതാംരാക്ഷസേംദ്രേണസീതാംപരമദുഃഖിതാമ് ।
ആശ്വാസയാമാസതദാസരമാമൃദുഭാഷിണീ ॥ 2 ॥
സാഹിതത്രകൃതാമിത്രംസീതയാരക്ഷ്യമാണയാ ।
രക്ഷംതീരാവണാദിഷ്ടാസാനുക്രോശാദൃഢവ്രതാ ॥ 3 ॥
സാദദര്ശസഖീസീതാംസരമാനഷ്ടചേതനാമ് ।
ഉപാവൃത്ത്യോത്ഥിതാംധ്വസ്താംബഡബാമിവപാംസുലാമ് ॥ 4 ॥
താംസമാശ്വാസയാമാസസഖീസ്നേഹേനസുവ്രതാ ।
സമാശ്വസിഹിവൈദേഹീ മാഭൂത്തേമവസോവ്യഥാ ॥ 5 ॥
ഉക്തായദ്രാവണേനത്വംപ്രത്യുക്തശ്ചസ്വയംത്വയാ ।
സഖീസ്നേഹേനതഭദീരുമയാസർവംപ്രതിശ്രുതമ് ॥ 6 ॥
ലീനയാഗഹനേശൂന്യേഭയമുത്സൃജ്യരാവണാത് ।
തവഹേതോർവിശാലാക്ഷീ നഹിമേജീവിതംപ്രിയമ് ॥ 7 ॥
സസംഭ്രാംതശ്ചനിഷ്ക്രാംതോയത്കൃതേരാക്ഷസാധിപഃ ।
തച്ചമേവിദിതംസർവമഭിനിഷ്ക്രമ്യമൈഥിലിഃ ॥ 8 ॥
നശക്യംസൌപ്തികംകര്തുംരാമസ്യവിദിതാത്മനഃ ।
വധശ്ചപുരുഷവ്യാഘ്രേതസ്മിന്നൈവോപപദ്യതേ ॥ 9 ॥
നത്വേവവാനരാഹംതുംശക്യാഃപാദപയോധിപഃ ।
സുരാദേവര്ഷഭേണേവരാമേണഹിസുരക്ഷിതാഃ ॥ 10 ॥
ദീര്ഘവൃത്തഭുജ്ശീമാന്മഹോരസ്കഃപ്രതാപവാന് ।
ധന്വീസംഹനനോപേതോധര്മാത്മാഭുവിവിശ്രുതഃ ॥ 11 ॥
വിക്രാംതോരക്ഷിതാനിത്യമാത്മനശ്ചപരസ്യച ।
ലക്ഷ്മണേനസഹഭ്രാത്രാകുശലീനയശാസ്ത്രവിത് ॥ 12 ॥
ഹംതാപരബലൌഘനാമചിംത്യബലപൌരുഷഃ ।
നഹതോരാഘവശ്രശീമാന്സീതേഃ ശത്രുനിബര്ഹണഃ ॥ 13 ॥
അയുക്തബുദ്ധികൃത്യേനസർവഭൂതവിരോധിനാ ।
ഇഹപ്രമുക്താരൌദ്രേണമായാമായാവിദാത്വയി ॥ 14 ॥
ശോകസ്തേവിഗതസ്സർവഃകല്യാണംത്വാമുപസ്ഥിതമ് ।
ധ്രുവംത്വാംഭജതേലക്ഷ്മീഃപ്രിയംതേപ്രീതികരംശൃണുഃ ॥ 15 ॥
ഉത്തീര്യസാഗരംരാമസ്സഹവാനരസേനയാ ।
സന്നിവിഷ്ടഃസമുദ്രസ്യതീരമാസാദ്യദക്ഷിണമ് ॥ 16 ॥
ദൃഷ്ടോമേപരിപൂര്ണാര്ഥഃകാകുത്സ്ഥസ്സഹലക്ഷ്മണഃ ।
സഹിതൈസ്സാഗരാംതസ്ഥൈര്ബലൈസ്തിഷ്ഠതിരക്ഷിതഃ ॥ 17 ॥
സ താം ശ്രുത്വാ വിശാല അക്ഷി പ്രവൃത്തിം രാക്ഷസ അധിപഃ ।
ഏഷ മംത്രയതേ സർവൈഃ സചിവൈഃ സഹ രാവണഃ ॥ 18 ॥
സതാംശ്രുത്വാവിശാലാക്ഷീഃ പ്രവൃത്തിംരാക്ഷസാധിപഃ ।
ഏഷമംത്രയതേസർവൈസ്സചിവൈസ്സഹരാവണഃ ॥ 19 ॥
ഇതിബ്രുവാണാസരമാരാക്ഷസീസീതയാസഹ ।
സർവോദ്യോഗേനസൈന്യാനാംശബ്ദംശുശ്രാവഭൈരവമ് ॥ 20 ॥
ദംഡനിര്ഘാതവാദിന്യാശ്രുത്വാഭേര്യാമഹാസ്വനമ് ।
ഉവാചസരമാസീതാമിദംമധുരഭാഷിണീ ॥ 21 ॥
സന്നാഹജനനീഹ്യേഷാഭൈരവാഭീരുഃ ഭേരികാ ।
ഭേരീനാദംചഗംഭീരംശൃണുതോയദനിഃസ്വനമ് ॥ 22 ॥
കല്പ്യംതേമത്തമാതംഗായുജ്യംതേരഥവാജിന ।
ഹൃഷ്യംതേതുരഗാരൂഢാഃപ്രാസഹസ്തസ്സഹസ്രശഃ ॥ 23 ॥
തത്രതത്രചസന്നദ്ധാസ്സപതതനിപദാതയഃ ।
അപൂര്യംതേരാജമാര്ഗാസ്സൈന്യൈരദ്ഭുതദര്ശനൈഃ ॥ 24 ॥
വേഗവഭദിന്നദഭദിശ്ചതോയൌഘൈരിവസാഗരഃ ।
ശസ്ത്രാണാംചപ്രസന്നാനാംചര്മണാംവര്മണാംതഥാ ॥ 25 ॥
രഥവാജിഗജാനാംചഭൂഷിതാനാംചരാക്ഷസാമ് ।
സംഭ്രമോരാക്ഷസാമേഷഹൃഷിതാനാംതരസ്വിനാമ് ॥ 26 ॥
പ്രഭാംവിസൃജതാംപശ്യനാനാവര്ണാംസമുത്ഥിതാമ് ।
വനംനിര്ധഹതോഘര്മേയഥാരൂപംവിഭാവസോഃ ॥ 27 ॥
ഘംടാനാംശൃണുനിര്ഘോഷംരഥാനാംശൃണുനിഃസ്വനമ് ।
ഹയാനാംഹേഷമാണാനാംശൃണുതൂര്യധ്വനിംയഥാ ॥ 28 ॥
ഉദ്യതായുധഹസ്താനാംരാക്ഷസേംദ്രാനുയായിനാമ് ।
സംഭ്രമോരക്ഷസാമേഷതുമുലോരോമഹര്ഷണഃ ॥ 29 ॥
ശ്രീസ്ത്വാംഭജതിശോകഘ്നീരക്ഷസാംഭയമാഗതമ് ।
രാമഃകമലപത്രാക്ഷോദൈത്യാനാമിവവാസവഃ ॥ 30 ॥
നിര്ജിത്യജിതക്രോധസ്ത്വാമചിംതപരാക്രമഃ ।
രാവണംസമരേഹത്വാഭര്താത്വാഽധിഗമിഷ്യതി ॥ 31 ॥
വിക്രമിഷ്യതിരക്ഷസ്സുഭര്താതേസഹലക്ഷ്മണഃ ।
യഥാശത്രുഷുശത്രുഘ്നോവിഷ്ണുനാസഹവാസവഃ ॥ 32 ॥
ഹിരാമസ്യക്ഷിപ്രമംകാഗതാംസതീമ് ।
അഹംദ്രക്ഷ്യാമിസിദ്ധാര്ധാംത്വാംശത്രൌവിനിപാതിതേ ॥ 33 ॥
അശ്രൂണ്യാനംദജാനിത്വംവര്തയിഷ്യസിശോഭനേ ।
സമാഗമ്യപരിഷ്വജ്യതസ്യോരസിമഹോരസഃ ॥ 34 ॥
അചിരാന്മോക്ഷ്യതേസീതേ ദേവിതേജഘനംഗതാമ് ।
ധൃതാമേതാംബഹൂന്മാസാന്വേണീംരാമോമഹാബലഃ ॥ 35 ॥
തസ്യദൃഷ്ടവാമുഖംദേവീ പൂര്ണചംദ്രമിവോദിതമ് ।
മോക്ഷ്യസേശോകജംവാരിനിര്മോകമിവപന്നഗീ ॥ 36 ॥
രാവണംസമരേഹത്വാനചിരാദ്ധേവീഃ മൈഥിലീഃ ।
ത്വയാസമഗ്രഃപ്രിയയാസുഖാര്ഹോലപ്സ്യതേസുഖമ് ॥ 37 ॥
സമാഗതാത്വംവീര്യേണമോദിഷ്യസിമഹാത്മനാ ।
സുവര്ഷേണസമായുക്തായഥാസസ്യേനമേദിനീ ॥ 38 ॥
ഗിരിവരമഭിതോഽനുവര്തമാനോഹയൈവമംഡലമാശുയഃകരോതി ।
തമിഹശരണമഭ്യുപൈഹിദേവംദിവസകരംപ്രഭവോഹ്യയംപ്രജാനാമ് ॥ 39 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ത്രയസ്ത്രിംശസ്സര്ഗഃ ॥
