ശ്രീമദ്വാല്മീകീയ രാമായണേ യുദ്ധകാംഡമ് ।
അഥ നവതിതമസ്സര്ഗഃ ।
യുധ്യമാനൌതുതൌദൃഷ്ടവാപ്രസക്തൌനരരാക്ഷസൌ ।
പ്രഭിന്നാവിവമാതംഗൌപരസ്പരവധൈഷിണൌ ॥ 1 ॥
തൌദ്രഷ്ടുകാമസ്സംഗ്രാമേപരസ്പരഗതൌബലീ ।
ശൂരസ്സരാവണഭ്രാതാതസ്ഥൌസംഗ്രാമമൂര്ധനി ॥ 2 ॥
തതോവിഷ്ഫാരയാമാസമഹദ്ധനുരവസ്ഥിതഃ ।
ഉത്സസര്ജ ച തീക്ഷ്ണാഗ്രാന് രാക്ഷസേഷുമഹാശരാന് ॥ 3 ॥
തേശരാഃശിഖിസംപര്ശാനിപതംതസ്സമാഹിതാഃ ।
രാക്ഷസാന് ദാരയാമാസുർവജ്രാണീവമഹാഗിരീന് ॥ 4 ॥
വിഭീഷണസ്യാനുചരാസ്തേപിശൂലാസിപട്ടസൈഃ ।
ചിച്ഛിദുഃസമരേവീരാന്രാക്ഷസാന്രാക്ഷസോത്തമാഃ ॥ 5 ॥
രാക്ഷസൈസ്സ്സൈഃപരിവൃതസ്സതദാതുവിഭീഷണഃ ।
ബഭൌമധ്യേപ്രഹൃഷ്ടാനാമാകലഭാനാമിവദ്വിപഃ ॥ 6 ॥
തതസ്സ്സംംചോദയാനോവൈഹരീന്രക്ഷോരണപ്രിയാന് ।
ഉവാചവചനംകാലേകാലജ്ഞോരക്ഷസാംവരഃ ॥ 7 ॥
ഏകോഽയംരാക്ഷസേംദ്രസ്യപരായണമവസ്ഥിതഃ ।
ഏതച്ഛേഷംബലംതസ്യകിംതിഷ്ഠതഹരീശ്വരാഃ ॥ 8 ॥
അസ്മിംന്വിനിഹതേപാപേരാക്ഷസേരണമൂര്ഥനി ।
രാവണംവര്ജയിത്വാതുശേഷമസ്യബലംഹതമ് ॥ 9 ॥
പ്രഹസ്തോനിഹതോവീരോനികുംഭശ്ചമഹാബല. ।
കുംഭകര്ണശ്ചകുംഭശ്ചധൂമ്രാക്ഷശ്ചനിശാചരഃ ॥ 10 ॥
ജംബുമാലീമഹാമാലീതീക്ഷ്ണവേഗോഽശനിപ്രഭഃ ।
സുപ്തഘ്നോയജ്ഞകോപശ്ചവജ്രദംഷ്ട്രശ്ചരാക്ഷസഃ ॥ 11 ॥
സമ്ഹ്രാദീവികടോഽരിഘ്നസ്തപനോദമഏവ ച ।
പ്രഘാസഃപ്രഘസശ്ചൈവപ്രജംഘോജംഘഏവ ച ॥ 12 ॥
അഗ്നികേതുശ്ചദുര്ധര്ഷോരശ്മികേതുശ്ചവീര്യവാന് ।
വിദ്യുജ്ജിഹ്വാദ്വിജിഹ്വശ്ചസൂര്യശത്രുശ്ചരാക്ഷസഃ ॥ 13 ॥
അകംപനഃസുപാര്ശ്വശ്ചചക്രമാലീ ച രാക്ഷസഃ ।
കംപനസ്സത്ത്വവംതൌതൌദേവാംതകനരാംതകൌ ॥ 14 ॥
ഏതാന്നിഹത്യാതിബലാന്ബഹൂന്രാക്ഷസസത്തമാന് ।
ബാഹുഭ്യാംസാഗരംതീര്ത്വാലംഘ്യതാംഗോഷ്പദം ലഘു ॥ 15 ॥
ഏതാവദേവശേഷംവോജേതവ്യമിഹവാനരാഃ ।
ഹതാസ്സർവേസമാഗമ്യരാക്ഷസാബലദര്പിതാഃ ॥ 16 ॥
അയുക്തംനിധനംകര്തുംപുത്രസ്യജനിതുര്മമ ।
ഘൃണാമപാസ്യരാമാര്ഥേനിഹന്യാംഭ്രാതുരാത്മജമ് ॥ 17 ॥
ഹംതുകാമസ്യമേബാഷ്പംചക്ഷുശ്ചൈവനിരുധ്യതി ।
തമേവൈഷമഹാബാഹുര്ലക്ഷ്മണശ്ശമയിഷ്യതി ॥ 18 ॥
വാനരാഘ്നതസംഭൂയഭൃത്യാനസ്യസമീപഗാന് ।
ഇതിതേനാതിയശസാരാക്ഷസേനാഭിചോദിതാഃ ॥ 19 ॥
വാനരേംദ്രാജഹൃഷിരേലാംഗൂലാനി ച വിവ്യധുഃ ।
തതസ്തുകപിശാര്ദൂലാഃശ്രവേംതഃശ്ചപുനഃപുനഃ ॥ 20 ॥
മുമുചുർവിവിധാന്നാദാന്മേഘാന് ദൃഷ്ടവേവബര്ഹിണഃ ।
ജാംബവാനപിതൈഃസർവൈഃസയൂഥ്യൈരഭിസമ്വൃതഃ ॥ 21 ॥
തേഽശ്മഭിസ്താഡയാമാസുര്നഖൈര്ധന്സ്സൈശ്ചരാക്ഷസാന് ।
നിഘ്നംതമൃക്ഷാധിപതിംരാക്ഷസാസ്തേമഹാബലാഃ ॥ 22 ॥
പരിവവ്രുര്ഭയംത്യക്ത്വാതമനേകവിധായുഥാഃ ।
ശരൈഃപരശുഭിസ്തീക്ഷ്ണൈഃപട്ടിശൈര്യഷ്ടിതോമരൈഃ ॥ 23 ॥
ജാംബവംതംമൃധേജഘ്നുര്നിഘ്നംതംരാക്ഷസീംചമൂമ് ।
സ സംപ്രഹാരസ്തുമുലഃസംജജ്ഞേകപിരക്ഷസാമ് ॥ 24 ॥
ദേവാസുരാണാംക്രുദ്ധാനാംയഥാഭീമോമഹാസ്വനഃ ।
ഹനുമാനപിസംക്രുദ്ധഃസാനുമുത്പാട്യപർവതാത് ॥ 25 ॥
സ ലക്ഷ്മണംസ്വയംപൃഷ്ഠാദവരോപ്യമഹാമനാഃ ।
രക്ഷസാംകദനംചക്രേസമാസാദ്യസഹസ്രശഃ ॥ 26 ॥
സ ദത്ത്വാതുമുലംയുദ്ധംപിതൃവ്യസ്യേംദ്രജത് ബലീ ।
ലക്ഷ്മണംപരവീരഘ്നഃപുനരേവാഭ്യധാവത ॥ 27 ॥
തൌപ്രയുദ്ദൌതദാവീരൌമൃധേലക്ഷ്മണരാക്ഷസൌ ।
ശരൌഘാനഭിവര്ഷംതൌജഘ്നതുസ്തൌപരസ്പരമ് ॥ 28 ॥
അഭീക്ഷണമംതര്ധദതുശ്ശരജാലൈര്മഹാബലൌ ।
ചംദ്രാദിത്യാവിവോഷ്ണാംതേയഥാമേഘൈസ്തരസ്വിനൌ ॥ 29 ॥
ന ഹ്യാദാനം ന സംധാനംധനുഷോവാപരിഗ്രഹഃ ।
ന വിപ്രമോക്ഷോബാണാനാം ന വികര്ഷോ ന വിഗ്രഹഃ ॥ 30 ॥
ന മുഷ്ടിപ്രതിസംധാനം ന ലക്ഷ്യപ്രതിപാദനമ് ।
അദൃശ്യതതയോസ്തത്രയുധ്യതോഃപാണിലാഘവാത് ॥ 31 ॥
ചാപവേഗപ്രയുക്സ്സൈശ്ചബാണജാലൈഃസമംതതഃ ।
അംതരികേഽഭിസംപന്നേ ന രൂപാണിചകാശിരേ ॥ 32 ॥
ലക്ഷ്മണോരാവണിംപ്രാപ്യരാവണിശ്ചാപിലക്ഷ്മണമ് ।
അവ്യവസ്ഥാഭവത്യുഗ്രാതാഭ്യാമന്യോന്യവിഗ്രഹേ ॥ 33 ॥
താഭാമുഭാഭ്യാംതരസാപ്രസൃഷ്ടൈർവിശിഖൈഃശിതൈഃ ।
നിരംതരമിവാകാശംബഭൂവതമസാവൃതമ് ॥ 34 ॥
തൈഃപതഭദിശ്ചബഹുഭിസ്തയോഃശരശതൈഃശിതൈഃ ।
ദിശശ്ചപ്രദിശശ്ചൈവബഭൂവുഃശരസംകുലാഃ ॥ 35 ॥
തമസാപിഹിതംസർവമാസീത്പ്രതിഭയംമഹത് ।
അസ്തംഗതേസഹസ്രാംശേസമ്വൃതേതമസാ ച വൈ ॥ 36 ॥
രുധിരൌഘാമഹാനദ്യഃപ്രാവര്തംതസഹസ്രശഃ ।
ക്രവ്യാദാദാരുണാവാഗ്ഭിശ്ചിക്ഷിപുര്ഭീമനിഃസ്വനാന് ॥ 37 ॥
ന തദാനീംവനൌവായുര്ന ച ജജ്വാലപാവകഃ ।
സ്വ്സ്ത്വസ്തുലോകേഭ്യൈതിജജല്പുസ്തേമഹര്ഷയഃ ॥ 38 ॥
സംപേതുശ്ചാത്രസംതപ്താഗംധർവാഃസഹചാരണൈഃ ।
അഥരാക്ഷസസിംഹസ്യകൃഷ്ണാന് കനകഭൂഷണാന് ॥ 39 ॥
ശരൈശ്ചതുര്ഭിഃസൌമിത്രിദ്വിവ്യാധചതുരോഹയാന് ।
തതോഽപരേണഭല്ലേനപീതേനനിശിതേന ച ॥ 40 ॥
സംപൂര്ണായതമുക്തേനസുപത്രേണസുവര്ചസാ ।
മഹേംദ്രാശനികല്പേനസൂതസ്യവിചരിഷ്യതഃ ॥ 41 ॥
സ തേനബാണാശനിനാതലശബ്ദാനുവാദിനാ ।
ലാഘവാദ്രാഘവഃശ്രീമാന് ശിരഃകായാദപാഹരത് ॥ 42 ॥
സ യംതരിമഹാതേജാഹതേമംദോദരീസുതഃ ।
സ്വയംസാരഥ്യമകരോത്സുനശ്ചധനുരസ്പ ഋശത് ॥ 43 ॥
തദദ്ഭുതമഭൂത്തത്രസാമര്ഥ്യംപശ്യതാംയുധി ।
ഹയേഷുവ്യഗ്രഹസ്തം ത വിവ്യാധനിശിതൈഃശരൈഃ ॥ 44 ॥
ധനുഷ്യഥപുനർവ്യഗ്രേഹയേഷുമുമുചേശരാന് ।
ഛിദ്രേഷുതേഷുബാണൌഘൈർവിചരംതമഭീതവത് ॥ 45 ॥
അര്ധയാമാസസമരേസൌമിത്രിഃശീഘ്രകൃത്തമഃ ।
നിഹതംസാരഥിംദൃഷ്ടവാസമരേരാവണാത്മജഃ ॥ 46 ॥
പ്രജഹൌസമരോദ്ധര്ഷംവിഷണ്ണഃ സ ബഭൂവ ഹ ।
വിഷണ്ണവദനംദൃഷ്ടവാരാക്ഷസംഹരിയൂഥപാഃ ॥ 47 ॥
തതഃപരമസമ്ഹൃഷ്ടാലക്ഷ്മണംചാഭ്യപൂജയന് ।
തതഃപ്രമാഥീരഭസഃശരഭോഗംധമാദനഃ ॥ 48 ॥
അമൃഷ്യമാണാശ്ചത്വാരശ്ചക്രുർവേഗംഹരീശ്വരാഃ ।
തേചാസ്യഹയമുഖ്യേഷുതൂര്ണമുത്പത്യവാനരാഃ ॥ 49 ॥
ചതുര്ഷുസുമഹാവീര്യാനിപേതുര്ഭീമവിക്രമാഃ ।
തേഷാമധിഷ്ഠിതാനാംതൈർവാനരൈഃപർവതോപമൈഃ ॥ 50 ॥
മുഖേഭ്യോരുധിരംരക്തംഹയാനാംസമവര്തത ।
തേഹയാമഥിതാഭഗ്നാവ്യസവോധരണീംഗതാഃ ॥ 51 ॥
തേനിഹത്യഹയാംസ്തസ്യപ്രമഥ്യ ച മഹാരഥമ് ।
പുനരുത്പത്യവേഗേനതസ്ഥുര്ലക്ഷ്മണപാര്ശ്വതഃ ॥ 52 ॥
സ ഹതാശ്വാദവപ്ലുത്യരഥാന്മഥിതസാരഥിഃ ।
ശരവര്ഷേണസൌമിത്രിമഭ്യധാവതരാവണിഃ ॥ 53 ॥
തതോമഹേംദ്രപ്രതിമഃ സ ലക്ഷ്മണഃപദാതിനംതംനിഹതൈര്ഹയോത്തമൈഃ ।
സൃജംതമാജൌനിശിതാന്ശരോത്തമാന് ഭൃശംതദാബാണഗണൈര്ന്യവാരയത് ॥ 54 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ നവതിതമസ്സര്ഗഃ ॥
