ശ്രീമദ്വാല്മീകീയ രാമായണേ യുദ്ധകാംഡമ് ।
അഥ അഷ്ടാധികശതതമസ്സര്ഗഃ ।
സ രഥംസാരഥിഃഹൃഷ്ടംപരസൈന്യപ്രധര്ഷണമ് ।
ഗംധർവനഗരാകാരംസമുച്ഛ്രിതപാതാകിനമ് ॥ 1 ॥
യുക്തംപരമസംപന്നൈർവജിഭിര്ഹേമമാലിഭിഃ ।
യുദ്ധോപകരണൈഃപൂര്ണംപതാകാധ്വജമാലിനീമ് ॥ 2 ॥
ഗ്രസംതമിവചാകാശംനാദയംതംവസുംധരാമ് ।
പ്രണാശംപരനൈന്യാനാംസ്വനൈന്യസ്യപ്രഹര്ഷണമ് ॥ 3 ॥
രാവണസ്യരഥംക്ഷിപ്രംചോദയാമാസസാരഥിഃ ।
സമാപതംതംസഹസാസ്വനവംതംമഹാധ്വജമ് ॥ 4 ॥
രഥംരാക്ഷസരാജസ്യനരരാജോദദര്ശ ഹ ।
കൃഷ്ണവാജിസമായുക്തംയുക്തംരൌദ്രേണവര്ചസാ ॥ 5 ॥
ദീപ്യമാനമിവാകാശേവിമാനംസൂര്യവര്ചസമ് ।
തഡിത്പതാകാഗഹനംദര്ശിതേംദ്രായുധപ്രഭമ് ॥ 6 ॥
ശരാധാരാവിമുംചംതംധാരാസാരമിവാംബുദമ് ।
തംദൃഷ്ടവാമേഘസംകാശമാപതംതംരഥംരിപോഃ ॥ 7 ॥
ഗിരേർവജ്രാഭിമൃഷ്ടസ്യദീര്യതസ്സദൃശസ്വനമ് ।
വിസ്പാരയന്വൈവേഗേനബാലചംദ്രാനതംധനുഃ ॥ 8 ॥
ഉവാചസാരഥിംരാമംസഹസ്രാക്ഷസ്യമാതലിമ് ।
മാതലേപശ്യസമ്രദ്ധമാപതംതംരഥംരിപോഃ ॥ 9 ॥
യഥാപസവ്യംപതതാവേഗേനമഹതാപുനഃ ।
സമരേഹംതുമാത്മാനംതഥാനേനകൃതാമതിഃ ॥ 10 ॥
തദപ്രമാദമാതിഷ്ഠന്പ്രത്യുദ്ഗച്ഛരഥംരിപോഃ ।
വിധ്വംസയിതുമിച്ഛാമിവായുര്മേഘമിവോത്ഥിതമ് ॥ 11 ॥
അവിക്ലബമസംഭ്രാംതമവ്യഗ്രഹൃദയേക്ഷണമ് ।
രമശിസംചാരനിയംപ്രചോദയരഥംദ്രുതമ് ॥ 12 ॥
കാമം ന ത്വംസമാധേയഃപുരംദരരഥോചിതഃ ।
യുയുത്സുരഹമേകാഗ്രഃസ്മാരയേത്വാം ന ശിക്ഷ്യേ ॥ 13 ॥
പരിതുഷ്ടഃ സ രാമസ്യതേനവാക്യേനമാതലിഃ ।
പ്രചോദയാമാസരഥംസുരസാരഥിരുത്തമഃ ॥ 14 ॥
അപസവ്യംതതഃകുർവന് രാവണസ്യമഹാരഥമ് ।
ചക്രസംഭൂതരസാരാവണംവ്യവദൂനയന് ॥ 15 ॥
തതഃക്രുദ്ധോദശഗ്രീവസ്താമ്രവിസ്ഫാരിതേക്ഷണഃ ।
രഥപ്രതിമുഖംരാമംസായകൈരവധൂനയത് ॥ 16 ॥
ധര്ഷണാമര്ഷിതോരാമോധൈര്യംരോഷേണലംഭയന് ।
ജഗ്രാഹസുമഹാവേഗമൈംദ്രംയുധിശരാസനമ് ॥ 17 ॥
ശരാംശ്ചസുമഹാവേഗാന്സൂര്യരശ്മിസമപ്രഭാന് ।
തദുപോഢുംമഹദ്യുദ്ധമന്യോന്യവധകാംക്ഷിണോഃ ॥ 18 ॥
പരസ്പരാഭിമുഖയോര്ദൃപ്തയോരിവസിംഹയോഃ ।
തതോദേവാസ്സഗംധർവാസ്സിദ്ധാശ്ചപരമര്ഷയഃ ॥ 19 ॥
സമീയുര്ദ്വൈരഥംദ്രഷ്ടുംരാവണക്ഷയകാംക്ഷിണഃ ।
വര്ഷരുധിരംദേവോരാവണസ്യരധോപരി ॥ 20 ॥
വാതാമംഡലിനസ്ത്രീവ്രാഹ്യപസവ്യംപ്രചക്രമുഃ ।
മഹത് ഗൃധ്രകുലംചാസ്യഭ്രമമാണംനഭസ്തലേ ॥ 21 ॥
യേനയേനരഥോയാതിതേനതേനപ്രധാവതി സംധ്യയാചാവൃതാലംകാജപാപുഷ്പനികാശയാ ॥ 22 ॥
ദൃശ്യതേസംപ്രദീപ്തേവദിവസേഽപിവസുംധരാ ।
സനിര്ഘാതാമഹോല്കാശ്ചസംപ്രപേതുര്മഹാസ്വനാഃ ॥ 23 ॥
വിഷാദയംസ്തേരക്ഷാംസിരാവണസ്യതദാഹിതാഃ ।
രാവണശ്ചയതസ്തത്രപ്രചചാലവസുംധരാ ॥ 24 ॥
രക്ഷസാം ച പ്രഹരതാംഗൃഹീതാഇവബാഹവഃ ।
താമ്രാഃപീതാസ്സിതാശ്വേതാഃപതിതാസ്സൂര്യരശ്മയഃ ॥ 25 ॥
ദൃശ്യംതേരാവണസ്യാഗ്രേപർവതസ്യേവധാതവഃ ।
ഗൃധ്രൈരനുഗതാശ്ചാസ്യവമംത്യോജ്വലനംമുഖൈഃ ॥ 26 ॥
പ്രണേദുര്മുഖമീക്ഷംത്യഃസമ്രദ്ധമശിവംശിവാഃ ।
പ്രതികൂലംവവേവായൂരണേപാംസൂന് സമുകതിരന് ॥ 27 ॥
തസ്യരാക്ഷസരാജസ്യകുർവംദൃഷ്ടിവിലോപനമ് ।
നിപേതുരിംദ്രാശനയസ്സൈന്യേചാപ്യസമംതതഃ ॥ 28 ॥
ദുർവിഷഹ്യസ്വനാഘോരംവിനാജലധരോദയമ് ।
ദിശശ്ചപ്രദിശസ്സർവാബഭൂവുസ്തിമിരാവൃതാഃ ॥ 29 ॥
പാംസുവര്ഷേണമഹതാദുര്ദര്ശം ച നഭോഽഭവത് ।
കുർവംതഃ കലഹംഘോരംശാരികാസ്തദ്രഥംപ്രതി ॥ 30 ॥
നിപേതുശ്ശതശസ്തത്രദാരുണാദാരുണാരുതാഃ ।
ജഘനേഭ്യഃസ്ഫുലിംഗാംശ്ചനേത്രേഭ്യോഽശ്രൂണിസംതതമ് ॥ 31 ॥
മുമുചുസ്തസ്യതുരഗാസ്തുല്യമഗ്നി ച വാരി ച ।
ഏവംപ്രകാരാബഹവസ്സമുത്പാതാഭയാപഹാഃ ॥ 32 ॥
രാവണസ്യവിനാശായദാരുണാഃസംപ്രജജ്ഞിരേ ।
രാമസ്യാപിനിമിത്താനിസൌമ്യാനി ച ശിവാനി ച ॥ 33 ॥
ബഭൂവുര്ജയശംസീനിപ്രാദുര്ഭൂതാനിസർവശഃ ।
നിമിത്താനി ച സൌമ്യാനിരാഘവഃസ്വജയായവൈ ॥ 34 ॥
ദൃഷ്ടവാപരമസമ്ഹൃഷ്ടോഹതംമേനേ ച രാവണമ് ।
തതോനിരീക്ഷ്യാത്മഗതാനിരാഘവോരണേനിമിത്താനിനിമിത്തകോവിദഃ ।
ജഗാമഹര്ഷം ച പരാം ച നിർവൃതിംചകാരയുദ്ധേഹ്യധിക ച വിക്രമമ് ॥ 35 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ അഷ്ടാധികശതതമസ്സര്ഗഃ ॥
