ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ഏകോനവിംശത്യധികശതതമസ്സര്ഗഃ ।
ഏവമുക്താതുവൈദേഹിപരുഷംരോമഹര്ഷണമ് ।
രാഘവേണസരോഷേണശ്രുത്വാപ്രവ്യഥിതാഽഭവത് ॥ 1 ॥
സാതദശ്രുതപൂർവംഹിജനേമഹതിമൈഥിലീ ।
ശ്രുത്വാഭര്തൃർവചോരൂക്ഷംലജ്ജയാവനതാഭവത് ॥ 2 ॥
പ്രവിശംതീവഗാത്രാണിസ്വാനിസാജനകാത്മജാ ।
വാക്ഷരൈസ്സ്സൈഃസശല്യേവഭൃശമാശ്രൂണ്യവര്തയത് ॥ 3 ॥
തതോബാഷ്പപരിക്ലിന്നംപ്രമാര്ജംതീസ്വമാനനമ് ।
ശനൈര്ഗദ്ഗദയാവാചാഭര്താരമിദമബ്രവീത് ॥ 4 ॥
കിംമാമസദൃശംവാക്യമീദൃശംശ്രോത്രദാരുണമ് ।
രൂക്ഷംശ്രാവയസേവീര പ്രാകൃതഃപ്രാകൃതമിവ ॥ 5 ॥
ന തഥാസ്മിമഹാബാഹോ യഥാമാമവഗച്ഛസി ।
പ്രത്യയംഗച്ഛമേസ്വേനചാരിത്രേണൈവതേശപേ ॥ 6 ॥
പൃഥകസ്ത്രീണാംപ്രചാരേണജാതിംത്വംപരിശംകസേ ।
പരിത്യജൈനാംശംകാംതുയദിതേഽഹംപരീക്ഷിതാ ॥ 7 ॥
യദഹംഗാത്രസംപര്ശംഗതാസ്മിവിശവാപ്രഭോ ।
കാമകാരോ ന മേതത്രദൈവംതത്രാപരാധ്യതി ॥ 8 ॥
മദധീനംതുയത്തന്മേഹൃദയംത്വയിവര്തതേ ।
പരാധീനേഷുഗാത്രേഷുകിംകരിഷ്യാമ്യനീശ്വരീ ॥ 9 ॥
സഹസമ്വൃദ്ധഭാവേനസംസര്ഗേണ ച മാനദ ।
യദിതേഽഹം ന വിജ്ഞാതാഹതാതേനാസ്മിശാശ്വതമ് ॥ 10 ॥
പ്രേഷിതസ്തേമഹാവീരോഹനുമാനവലോകകഃ ।
ലംകാസ്ഥാഹംത്വയാരാജന്കിംതദാ ന വിസര്ജിതാ ॥ 11 ॥
പ്രത്യക്ഷംവാനരസ്യാസ്യതദ്വാക്യസമനംതരമ് ।
ത്വയാസംത്യക്തയാവീരത്യക്തംസ്യാജജീവിതംമയാ ॥ 12 ॥
ന വൃഥാതേശ്രമോഽയംസ്യാത്സംശയേന്യസ്യജീവിതമ് ।
സുഹൃജ്ജനപരിക്ലേശോ ന ചായംവിപുലസ്തവ ॥ 13 ॥
ത്വയാതുനൃപശാര്ദൂലദോഷമേവാനുവര്തതാ ।
ലഘുനേവമനുഷ്യേണസ്ത്രീത്വമേവപുരസ്കൃതമ് ॥ 14 ॥
അപദേശേനജനകാദുത്പതതിർവസുഥാതലാത് ।
മമവൃത്തം ച വൃത്തജ്ഞബഹുതേ ന പുരസ്കൃതമ് ॥ 15 ॥
ന പ്രമാണീകൃതംപാണിര്ഭാല്യേമമനിപീഡിതഃ ।
മമഭക്തിശ്ചശീലം ച സർവംതേപൃഷ്ഠതഃകൃതമ് ॥ 16 ॥
ഇതിബ്രുവംതീരുദതീബാഷ്പഗദ്ഗഗഭാഷിണീ ।
ഉവാചലക്ഷ്മണംസീതാദീനംധ്യാനപരായണമ് ॥ 17 ॥
ചിതാംമേകുരുസൌമിത്രേവ്യവനസ്യാസ്യഭേഷജമ് ।
മിധ്യാപവാദോപഹതാനാഹംജീവിതുമുത്സഹേ ॥ 18 ॥
അപ്രീതേനഗുണൈര്ഭര്ത്രാത്യക്തായാജനസംസദി ।
യാക്ഷമാമേഗതിര്ഗംതുംപ്രവേക്ഷ്യേഹവ്യവാഹനമ് ॥ 19 ॥
ഏവമുക്തസ്തുവൈദേഹ്യാലക്ഷ്മണഃപരവീരഹാ ।
അമര്ഷവശമാപന്നോരാഘവംസമുദൈക്ഷത ॥ 20 ॥
സ വിജ്ഞായതതശ്ഛംദംരാമസ്യാകാരസൂചിതമ് ।
ചിതാംചകാരസൌമിത്രിര്മതേരാമസ്യവീര്യവാന് ॥ 21 ॥
നഹിരാമംതദാകശ്ചിത്കാലാംതകയമോപമമ് ।
അനുനേതുമഥോവക്തുംദ്രഷ്ടുംവാപ്യശകത്സുഹൃത് ॥ 22 ॥
അധോമുഖംസ്ഥിതംരാമംതതഃകൃത്വാപ്രദക്ഷിണമ് ।
ഉപാവര്തതവൈദേഹീദീപ്യമാനംഹുതാശനമ് ॥ 23 ॥
പ്രണമ്യദൈവതേഭ്യശ്ചബ്രാഹ്മണേഭ്യശ്ചമൈഥിലീ ।
ബദ്ധാംജലിപുടാചേദമുവാചാനഗിസമീപതഃ ॥ 24 ॥
യഥാമേഹൃദയംനിത്യംനാപസര്പതിരാഘവാത് ।
തഥാലോകസ്യസാക്ഷീമാംസർവതഃപാതുപാവകഃ ॥ 25 ॥
യഥാമാംശുദ്ധചരിതാംദുഷ്ടാംജാനാതിരാഘവഃ ।
തഥാലോകസ്യസാക്ഷീമാംസർവതഃപാതുപാവകഃ ॥ 26 ॥
കര്മണാമനസാവാചായഥാനാതിചരാമ്യഹമ് ।
രാഘവംസർവധര്മജ്ഞംതഥാമാംപാതുപാവകഃ ॥ 27 ॥
ആദിത്യോഭഗവാന്വായുര്ധിശശ്ചംദ്രസ്തഥൈവ ച ।
അഹശ്ചാപിതഥാസംധ്യേരാത്രിശ്ചപൃഥിവീതഥആ ॥ 28 ॥
യഥാന്യേഽപിവിജാനംതിതഥാചാരിത്രസംയുതാമ് ।
ഏവമുക്ത്വാതുവൈദേഹീപരിക്രമ്യഹുതാശനമ് ।
വിവേശജ്വലനംദീപ്തംനിഃശംകേനാംതരാത്മനാ ॥ 29 ॥
നശ്ചസുമഹാംസ്തത്രബാലവൃദ്ധസമാകുലഃ ॥ 30 ॥
ദദര്ശമൈഥിലീംദീപ്താംപ്രവിശംതീംഹുതാശനമ് ।
സാതപ്തനവഹേമാഭാതപ്തകാംചനഭൂഷണാ ॥ 31 ॥
പപാതജ്വലനംദീപ്തംസർവലോകസ്യസന്നിധൌ ।
ദദൃശുസ്താംവിശാലാക്ഷീംപതംതീംഹവ്യവാഹനമ് ॥ 32 ॥
സീതാംസർവാണിരൂപാണിരുക്മവേദിനിഭാംതദാ ।
ദദൃശുസ്താംമഹാഭാഗാംപ്രവിശംതീംഹുതാശനമ് ॥ 33 ॥
സീതാംകൃത്സ്നാസ്ത്രയോലോകാഃപുണ്യാമാജ്യാഹുതീമിവ ।
പ്രചുക്രുശുഃസ്ത്രിയഃസർവാസ്താംദൃഷ്ടവാഹവ്യവാഹവേ ॥ 34 ॥
പതംതീംസംസ്കൃതാംമന്രന്സ്സൈർവസോര്ദാരാമിവാധ്വരേ ।
ദദൃശുസ്താംത്രയോലോകാദേവഗംധർവദാനവാഃ ॥ 35 ॥
ശസ്താംപതംതീംനിരയേത്രിവിവാദ്ധേവതാമിവ ।
തസ്യാമഗ്നിംവിശംത്യാംതുഹാഹേതിവിപുലഃസ്വനഃ ॥ 36 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ഏകോനവിംശത്യധികശതതമസ്സര്ഗഃ ॥
