ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଏକୋନଵିଂଶତ୍ୟଧିକଶତତମସ୍ସର୍ଗଃ ।
ଏଵମୁକ୍ତାତୁଵୈଦେହିପରୁଷଂରୋମହର୍ଷଣମ୍ ।
ରାଘଵେଣସରୋଷେଣଶ୍ରୁତ୍ଵାପ୍ରଵ୍ୟଥିତାଽଭଵତ୍ ॥ 1 ॥
ସାତଦଶ୍ରୁତପୂର୍ଵଂହିଜନେମହତିମୈଥିଲୀ ।
ଶ୍ରୁତ୍ଵାଭର୍ତୃର୍ଵଚୋରୂକ୍ଷଂଲଜ୍ଜୟାଵନତାଭଵତ୍ ॥ 2 ॥
ପ୍ରଵିଶଂତୀଵଗାତ୍ରାଣିସ୍ଵାନିସାଜନକାତ୍ମଜା ।
ଵାକ୍ଷରୈସ୍ସ୍ସୈଃସଶଲ୍ୟେଵଭୃଶମାଶ୍ରୂଣ୍ୟଵର୍ତୟତ୍ ॥ 3 ॥
ତତୋବାଷ୍ପପରିକ୍ଲିନ୍ନଂପ୍ରମାର୍ଜଂତୀସ୍ଵମାନନମ୍ ।
ଶନୈର୍ଗଦ୍ଗଦୟାଵାଚାଭର୍ତାରମିଦମବ୍ରଵୀତ୍ ॥ 4 ॥
କିଂମାମସଦୃଶଂଵାକ୍ୟମୀଦୃଶଂଶ୍ରୋତ୍ରଦାରୁଣମ୍ ।
ରୂକ୍ଷଂଶ୍ରାଵୟସେଵୀର ପ୍ରାକୃତଃପ୍ରାକୃତମିଵ ॥ 5 ॥
ନ ତଥାସ୍ମିମହାବାହୋ ୟଥାମାମଵଗଚ୍ଛସି ।
ପ୍ରତ୍ୟୟଂଗଚ୍ଛମେସ୍ଵେନଚାରିତ୍ରେଣୈଵତେଶପେ ॥ 6 ॥
ପୃଥକସ୍ତ୍ରୀଣାଂପ୍ରଚାରେଣଜାତିଂତ୍ଵଂପରିଶଂକସେ ।
ପରିତ୍ୟଜୈନାଂଶଂକାଂତୁୟଦିତେଽହଂପରୀକ୍ଷିତା ॥ 7 ॥
ୟଦହଂଗାତ୍ରସଂପର୍ଶଂଗତାସ୍ମିଵିଶଵାପ୍ରଭୋ ।
କାମକାରୋ ନ ମେତତ୍ରଦୈଵଂତତ୍ରାପରାଧ୍ୟତି ॥ 8 ॥
ମଦଧୀନଂତୁୟତ୍ତନ୍ମେହୃଦୟଂତ୍ଵୟିଵର୍ତତେ ।
ପରାଧୀନେଷୁଗାତ୍ରେଷୁକିଂକରିଷ୍ୟାମ୍ୟନୀଶ୍ଵରୀ ॥ 9 ॥
ସହସମ୍ଵୃଦ୍ଧଭାଵେନସଂସର୍ଗେଣ ଚ ମାନଦ ।
ୟଦିତେଽହଂ ନ ଵିଜ୍ଞାତାହତାତେନାସ୍ମିଶାଶ୍ଵତମ୍ ॥ 10 ॥
ପ୍ରେଷିତସ୍ତେମହାଵୀରୋହନୁମାନଵଲୋକକଃ ।
ଲଂକାସ୍ଥାହଂତ୍ଵୟାରାଜନ୍କିଂତଦା ନ ଵିସର୍ଜିତା ॥ 11 ॥
ପ୍ରତ୍ୟକ୍ଷଂଵାନରସ୍ୟାସ୍ୟତଦ୍ଵାକ୍ୟସମନଂତରମ୍ ।
ତ୍ଵୟାସଂତ୍ୟକ୍ତୟାଵୀରତ୍ୟକ୍ତଂସ୍ୟାଜଜୀଵିତଂମୟା ॥ 12 ॥
ନ ଵୃଥାତେଶ୍ରମୋଽୟଂସ୍ୟାତ୍ସଂଶୟେନ୍ୟସ୍ୟଜୀଵିତମ୍ ।
ସୁହୃଜ୍ଜନପରିକ୍ଲେଶୋ ନ ଚାୟଂଵିପୁଲସ୍ତଵ ॥ 13 ॥
ତ୍ଵୟାତୁନୃପଶାର୍ଦୂଲଦୋଷମେଵାନୁଵର୍ତତା ।
ଲଘୁନେଵମନୁଷ୍ୟେଣସ୍ତ୍ରୀତ୍ଵମେଵପୁରସ୍କୃତମ୍ ॥ 14 ॥
ଅପଦେଶେନଜନକାଦୁତ୍ପତତିର୍ଵସୁଥାତଲାତ୍ ।
ମମଵୃତ୍ତଂ ଚ ଵୃତ୍ତଜ୍ଞବହୁତେ ନ ପୁରସ୍କୃତମ୍ ॥ 15 ॥
ନ ପ୍ରମାଣୀକୃତଂପାଣିର୍ଭାଲ୍ୟେମମନିପୀଡିତଃ ।
ମମଭକ୍ତିଶ୍ଚଶୀଲଂ ଚ ସର୍ଵଂତେପୃଷ୍ଠତଃକୃତମ୍ ॥ 16 ॥
ଇତିବ୍ରୁଵଂତୀରୁଦତୀବାଷ୍ପଗଦ୍ଗଗଭାଷିଣୀ ।
ଉଵାଚଲକ୍ଷ୍ମଣଂସୀତାଦୀନଂଧ୍ୟାନପରାୟଣମ୍ ॥ 17 ॥
ଚିତାଂମେକୁରୁସୌମିତ୍ରେଵ୍ୟଵନସ୍ୟାସ୍ୟଭେଷଜମ୍ ।
ମିଧ୍ୟାପଵାଦୋପହତାନାହଂଜୀଵିତୁମୁତ୍ସହେ ॥ 18 ॥
ଅପ୍ରୀତେନଗୁଣୈର୍ଭର୍ତ୍ରାତ୍ୟକ୍ତାୟାଜନସଂସଦି ।
ୟାକ୍ଷମାମେଗତିର୍ଗଂତୁଂପ୍ରଵେକ୍ଷ୍ୟେହଵ୍ୟଵାହନମ୍ ॥ 19 ॥
ଏଵମୁକ୍ତସ୍ତୁଵୈଦେହ୍ୟାଲକ୍ଷ୍ମଣଃପରଵୀରହା ।
ଅମର୍ଷଵଶମାପନ୍ନୋରାଘଵଂସମୁଦୈକ୍ଷତ ॥ 20 ॥
ସ ଵିଜ୍ଞାୟତତଶ୍ଛଂଦଂରାମସ୍ୟାକାରସୂଚିତମ୍ ।
ଚିତାଂଚକାରସୌମିତ୍ରିର୍ମତେରାମସ୍ୟଵୀର୍ୟଵାନ୍ ॥ 21 ॥
ନହିରାମଂତଦାକଶ୍ଚିତ୍କାଲାଂତକୟମୋପମମ୍ ।
ଅନୁନେତୁମଥୋଵକ୍ତୁଂଦ୍ରଷ୍ଟୁଂଵାପ୍ୟଶକତ୍ସୁହୃତ୍ ॥ 22 ॥
ଅଧୋମୁଖଂସ୍ଥିତଂରାମଂତତଃକୃତ୍ଵାପ୍ରଦକ୍ଷିଣମ୍ ।
ଉପାଵର୍ତତଵୈଦେହୀଦୀପ୍ୟମାନଂହୁତାଶନମ୍ ॥ 23 ॥
ପ୍ରଣମ୍ୟଦୈଵତେଭ୍ୟଶ୍ଚବ୍ରାହ୍ମଣେଭ୍ୟଶ୍ଚମୈଥିଲୀ ।
ବଦ୍ଧାଂଜଲିପୁଟାଚେଦମୁଵାଚାନଗିସମୀପତଃ ॥ 24 ॥
ୟଥାମେହୃଦୟଂନିତ୍ୟଂନାପସର୍ପତିରାଘଵାତ୍ ।
ତଥାଲୋକସ୍ୟସାକ୍ଷୀମାଂସର୍ଵତଃପାତୁପାଵକଃ ॥ 25 ॥
ୟଥାମାଂଶୁଦ୍ଧଚରିତାଂଦୁଷ୍ଟାଂଜାନାତିରାଘଵଃ ।
ତଥାଲୋକସ୍ୟସାକ୍ଷୀମାଂସର୍ଵତଃପାତୁପାଵକଃ ॥ 26 ॥
କର୍ମଣାମନସାଵାଚାୟଥାନାତିଚରାମ୍ୟହମ୍ ।
ରାଘଵଂସର୍ଵଧର୍ମଜ୍ଞଂତଥାମାଂପାତୁପାଵକଃ ॥ 27 ॥
ଆଦିତ୍ୟୋଭଗଵାନ୍ଵାୟୁର୍ଧିଶଶ୍ଚଂଦ୍ରସ୍ତଥୈଵ ଚ ।
ଅହଶ୍ଚାପିତଥାସଂଧ୍ୟେରାତ୍ରିଶ୍ଚପୃଥିଵୀତଥଆ ॥ 28 ॥
ୟଥାନ୍ୟେଽପିଵିଜାନଂତିତଥାଚାରିତ୍ରସଂୟୁତାମ୍ ।
ଏଵମୁକ୍ତ୍ଵାତୁଵୈଦେହୀପରିକ୍ରମ୍ୟହୁତାଶନମ୍ ।
ଵିଵେଶଜ୍ଵଲନଂଦୀପ୍ତଂନିଃଶଂକେନାଂତରାତ୍ମନା ॥ 29 ॥
ନଶ୍ଚସୁମହାଂସ୍ତତ୍ରବାଲଵୃଦ୍ଧସମାକୁଲଃ ॥ 30 ॥
ଦଦର୍ଶମୈଥିଲୀଂଦୀପ୍ତାଂପ୍ରଵିଶଂତୀଂହୁତାଶନମ୍ ।
ସାତପ୍ତନଵହେମାଭାତପ୍ତକାଂଚନଭୂଷଣା ॥ 31 ॥
ପପାତଜ୍ଵଲନଂଦୀପ୍ତଂସର୍ଵଲୋକସ୍ୟସନ୍ନିଧୌ ।
ଦଦୃଶୁସ୍ତାଂଵିଶାଲାକ୍ଷୀଂପତଂତୀଂହଵ୍ୟଵାହନମ୍ ॥ 32 ॥
ସୀତାଂସର୍ଵାଣିରୂପାଣିରୁକ୍ମଵେଦିନିଭାଂତଦା ।
ଦଦୃଶୁସ୍ତାଂମହାଭାଗାଂପ୍ରଵିଶଂତୀଂହୁତାଶନମ୍ ॥ 33 ॥
ସୀତାଂକୃତ୍ସ୍ନାସ୍ତ୍ରୟୋଲୋକାଃପୁଣ୍ୟାମାଜ୍ୟାହୁତୀମିଵ ।
ପ୍ରଚୁକ୍ରୁଶୁଃସ୍ତ୍ରିୟଃସର୍ଵାସ୍ତାଂଦୃଷ୍ଟଵାହଵ୍ୟଵାହଵେ ॥ 34 ॥
ପତଂତୀଂସଂସ୍କୃତାଂମନ୍ରନ୍ସ୍ସୈର୍ଵସୋର୍ଦାରାମିଵାଧ୍ଵରେ ।
ଦଦୃଶୁସ୍ତାଂତ୍ରୟୋଲୋକାଦେଵଗଂଧର୍ଵଦାନଵାଃ ॥ 35 ॥
ଶସ୍ତାଂପତଂତୀଂନିରୟେତ୍ରିଵିଵାଦ୍ଧେଵତାମିଵ ।
ତସ୍ୟାମଗ୍ନିଂଵିଶଂତ୍ୟାଂତୁହାହେତିଵିପୁଲଃସ୍ଵନଃ ॥ 36 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଏକୋନଵିଂଶତ୍ୟଧିକଶତତମସ୍ସର୍ଗଃ ॥
