śrīmadvālmīkīya rāmāyaṇē yuddhakāṇḍam ।
atha tripañchāśassargaḥ ।
dhūmrākṣannihataṃśrutvārāvaṇōrākṣasēśvaraḥ ।
krōdhēnamahatā'viṣṭōniśśvasannuragōyathā ॥ 1 ॥
dīrghamuṣṇaṃviniśśvasyakrōdhēnakaluṣīkṛtaḥ ।
abravīdrākṣasaṅkrūraṃvajradaṃṣṭrammahābalam ॥ 2 ॥
gachChatvaṃvīra niryāhirākṣasaiḥparivāritaḥ ।
jahidāśarathiṃrāmaṃsugrīvaṃvānaraiḥsaha ॥ 3 ॥
tathētyuktvādrutatarammāyāvīrākṣasēśvaram ।
nirjagāmabalaissārdambahubhiḥparivāritaḥ ॥ 4 ॥
nāgairaśvaiḥkharairuṣṭraiḥsaṃyuktassusamāhitaḥ ।
patākādhvajachitraiścharathaiśchasamalaṅkṛtaḥ ॥ 5 ॥
tatōvichitrakēyūramukuṭaiśchavibhūṣitaḥ ।
tanutrāṇichasamāvṛtyasadhanurniryayaudrutam ॥ 6 ॥
patākālaṅkṛtandīptantaptakāñchanabhūṣitam ।
rathampradakṣiṇaṅkṛtvāsamārōhachchamūpatiḥ ॥ 7 ॥
yaṣṭibhistōmaraichaśitraiśśūlaiśchamusalairapi ।
bhiṇḍipālaiśchapāśaiśchaśaktibhiḥpaṭṭasairapi ॥ 8 ॥
khaḍagaiśchakrairgadābhiśchaniśitaiśchaparaśvadhaiḥ ।
padātayaśchaniryāntivividhāḥśastrapāṇayaḥ ॥ 9 ॥
vichitravāsasaḥ sarvē dīptā rākṣasapuṅgavāḥ ।
gaja madōtkaṭāḥ śūrāśchalanta iva parvatā ॥ 10 ॥
tēyuddhakuśalairūḍhāstōmarāṅkuśapāṇibhiḥ ।
anyēlakṣaṇasaṃyuktāśśūrārūḍhāmahābalāḥ ॥ 11 ॥
tadrākṣasabalaṃsarvaṃviprasthitamaśōbhata ।
prāvṛṭakālēyathāmēghānardamānāssavidyutaḥ ॥ 12 ॥
nissṛtādakṣiṇadvārādaṅgadōyatrayūthapaḥ ।
tēṣānniṣkramamāṇānāmaśubhaṃsamajāyata ॥ 13 ॥
ākāśādvighanāttīvrādulkāśchābhyanyapataṃstadā ।
vamantyaḥpāvakajvālāśaśivāghōraṃvavāśirē ॥ 14 ॥
vyāharantamṛgāghōrārakṣasānnidhanantadā ।
samāpatantōyōdhāstuprāskhalan statradāruṇam ॥ 15 ॥
ētānautpātikān dṛṣṭavāvajradaṃṣṭrōmahābalaḥ ।
dhairyamālambhyatējasvīnirjagāmaraṇōtsukaḥ ॥ 16 ॥
tāṃstuniṣkramatōdṛṣṭavāvānarājitakāśinaḥ ।
praṇēdussumahānādānpūrayāṃśchadiśōdaśa ॥ 17 ॥
tataḥpravṛttantumulaṃharīṇāṃrākṣasaissaha ।
ghōrāṇāmbhīmarūpāṇāmanyōnyavathakāṅ kṣiṇām ॥ 18 ॥
niṣpatantōmahōtsāhōbhinnadēhaśirōdharāḥ ।
rudhirōkṣitasarvāṅgānyapatantharaṇītalē ॥ 19 ॥
kēchidanyōnyamāsādyaśūrāḥparighapāṇayaḥ ।
chikṣipurvividhaṃśastraṃsamarēṣnvivartinaḥ ॥ 20 ॥
drumāṇāñchaśilānāñchaśastrāṇāñchāpinissvanaḥ ॥ 21 ॥
śrūyatēsumahāṃstatraghōrōhṛdayabhēdasaḥ ।
rathanēmisvanastatradhanuṣaśchāpinisvasat ॥ 22 ॥
śaṅkhabhērīmṛdaṅgānāmbabhūvatumulaḥsvanaḥ ।
kēchidastrāṇisansṛjyabāhuyuddhamakurvata ।
talaiśchacharaṇaiśchāpimuṣṭibhiśchadrumairapi ॥ 23 ॥
jānubhiśchahatāḥkēchidbhinnadēhāścharākṣasāḥ ।
śilābhiśchūrṇitāḥkēchidvānarairyuddhadurmadaiḥ ॥ 24 ॥
śilābhiśchūrṇitāḥ kēchidvānarairyuddhadurmadaiḥ ।
vajradaṃṣṭrō bhṛśaṃ bānai raṇē vitrāsayan harīn ॥ 25 ॥
balavantō'straviduṣōnānāpraharaṇāraṇē ।
jaghnurvānarasainyānirākṣasāḥkrōdhamūrChitāḥ ॥ 26 ॥
jaghnarvānarasainyāni rākṣasāḥ krōdhamūrchitāḥ ।
jaghnē tān rākṣasān sarvān dhṛṣṭō vālisutō raṇē ॥ 27 ॥
tān rākṣasagaṇānsarvānvṛkṣamudyamyavīryavān ।
aṅgadaḥkrōdhatāmrākṣaḥsiṃhaḥkṣudramṛgāniva ॥ 28 ॥
kārakadanaṅghōraṃśakratulyaparākramaḥ ॥ 29 ॥
aṅgadābhihatāstatrarākṣasābhīmavikramāḥ ।
vibhinnaśirasaḥpēturvikṛtāivapādapāḥ ॥ 30 ॥
rathairaśvairdhvajaiśchitraiśśarairharirakṣasām ।
rudhirēṇasañChannābhūmirbhayakarātadā ॥ 31 ॥
hārakēyūravassraiśchaśatraiśchasamalaṅkṛtā ।
bhūmirbhātiraṇētatraśāradīvayathāniśā ॥ 32 ॥
aṅgadasyachavēgēnatadrākṣasabalammahat ।
prākampatatadātatrapavanēnāmbudōyathā ॥ 33 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē tripañchāśassargaḥ ॥
