śrīmadvālmīkīya rāmāyaṇē yuddhakāṇḍam ।
atha saptatitamassargaḥ ।
narāntakaṃhatandṛṣṭavāchukruśurnairṛtarṣabhāḥ ।
dēvāntakastrimūrdhā cha paulastyaśchamahōdaraḥ ॥ 1 ॥
ārūḍhōmēghasaṅkāśaṃvāraṇēndrammahōdaraḥ ।
vāliputrammahāvīryamabhidudrāvavīryavān ॥ 2 ॥
bhrārātṛvyasanasantaptastadādēvāntakōbalī ।
ādāyaparighandīptamaṅgadaṃsamabhidravat ॥ 3 ॥
rathamādityasaṅkāśaṃyuktamparamavājibhiḥ ।
āsthāyatriśirāvīrōvāliputramathābhyayāt ॥ 4 ॥
sa tribhirdēvadarpaghnērnērṛtīndrērabhidrutaḥ ।
vṛkṣamutpāṭayāmāsamahāviṭapamaṅgadaḥ ॥ 5 ॥
dēvāntakāyataṃvīrachśikṣēpasahasāṅgadaḥ ।
mahāvṛkṣammahāśākhaṃśakrōdīptamivāśanim ॥ 6 ॥
sa vavarṣa tatō vṛkṣān śilāsaḥcha kapi kunjaraḥ ।
tān prachichchēda samkruddhas triśirā niśitaiḥśaraiḥ ॥ 7 ॥
sa vavarṣatatōvṛkṣān śailāśchakapikuñjaraḥ ।
tān prachichChēdasaṅkṛddhastriśirāniśitaiśśaraiḥ ॥ 8 ॥
parighāgrēṇatān vṛkṣānbabhañja cha mahōdaraḥ ।
triśirāśchāṅgadaṃvīramabhidudrāvasāyakaiḥ ॥ 9 ॥
gajēnasamabhidrutyavāliputrammahōdaraḥ ।
jaghānōrasisaṅkṛddhastōmarairvajrasannibhaiḥ ॥ 10 ॥
dēvāntakaśchasaṅkṛddhaḥparighēṇatadāṅgadam ।
upagamyābhihatyāśuvyapachakrāmavēgavān ॥ 11 ॥
satribhirnairṛtaśrēṣṭhairyugatapatsamabhidrutaḥ ।
na vivyathēmahātējāvāliputraḥpratāpavān ॥ 12 ॥
sa vēgavānmahāvēgaṅkṛtvāparamadurjayaḥ ।
talēnabhṛśamutpatyajaghānāsyamahāgajam ॥ 13 ॥
tasyatēnaprahārēṇanāgarājasyasaṃyugē ।
pētaturlōchanētasyavinanāda sa vāraṇaḥ ॥ 14 ॥
viṣāṇañchāsyasaḥniṣkṛṣyavāliputrōmahābalaḥ ।
dēvāntakamabhiplutyatāḍayāmāsasaṃyugē ॥ 15 ॥
parigha abhihatasaḥcha api vānara indra ātmajas tadā ।
jānubhyāṃ patitō bhūmau punar ēva utpapāta ha ॥ 16 ॥
athāśvasyamahātējāḥkṛchChrāddēvāntakōbalī ।
āvidhyaparighaṃvēgādājaghānatadāṅgadam ॥ 17 ॥
parighābhihataśchāpivānarēndrātmajastadā ।
jānubhyāmpatitōbūmaupunarēvōtpapāta ha ॥ 18 ॥
tamutpatantantriśirāstribhirbāṇairajihmagaiḥ ।
ghōrairharipatēḥputrēṃlalāṭē'bhijaghāna ha ॥ 19 ॥
tatō'ṅgadamparikṣiptantribhirnairṛtapuṅgavaiḥ ।
hanūmānapivijñāyanīlaśchāpipratasthatuḥ ॥ 20 ॥
taśchikṣēpaśailāgrannīlastriśirasētadā ।
tadrāvaṇasutōdhīmābanibhēdaniśitaiśśaraiḥ ॥ 21 ॥
tadbāṇaśatanirbhinnaṃvidāritaśilātalam ।
savisphuliṅgaṃsajvālannipapātagirēśaśiraḥ ॥ 22 ॥
tatōjṛmbhitamālōkyaharṣādvēvāntakastadā ।
parighēṇābhidudrāvamārutātmajamāhavē ॥ 23 ॥
tamāpatantamutplutyahanumānmārutātmajaḥ ।
ājaghānatadāmūrdhnivajrakalpēnamuṣṭinā ॥ 24 ॥
śirasipraharavanīrastadāvāyusutōbalī ।
nādēnākampayachchaivarākṣasān sa mahākapiḥ ॥ 25 ॥
muṣṭiniṣpiṣṭavibhinnamūrdhānirvāntadantākṣivilambijivvāḥ ।
dēvāntakōrākṣasarājasūnurgatāsurutvyāṃsahasāpapāta ॥ 26 ॥
tasminhatērākṣasayōdhamukhyēmahābalēsaṃyatidēvaśatrau ।
kruddhastrimūrdhāniśitāgramugraṃvavarṣanīlōrasibāṇavarṣam ॥ 27 ॥
mahōdarastusaṅkṛddhaḥkuñjaramparvatōpamam ।
bhūyassamadhiruhyāśumandaraṃramaśimāniva ॥ 28 ॥
tatōbāṇamayaṃvarṣannīlasyōrasyapātayat ।
girauvarṣantaḍichchakrachāpavānivatōyadaḥ ॥ 29 ॥
tataśśaraughērabhivarṣyamāṇōvibhinnagātraḥkapisainyapālaḥ ।
nīlōbabhūvāthavisṛṣṭagātrōviṣṭambhitastēnamahābalēna ॥ 30 ॥
tatastunīlaḥpratilabhyasañjñāṃśailaṃsamutpāṭyasavṛkṣaṣaṃṇḍam ।
tatassamutpatyabhṛśōgravēśōmahādarantēnajaghānamūrdhni ॥ 31 ॥
tataḥ ssaśailēdranipātabhagnōmahōdarastēnamahādvipēna ।
vipōthitōbhūmitalēgatāsuḥpapātavajrābhihatōyathādriḥ ॥ 32 ॥
pitṛvyannihatandṛṣṭavātriśirāśchāpamādadē ।
hanūmantaṃ cha saṅkṛddhōvivyāthaniśitaiśśaraiḥ ॥ 33 ॥
sa vāyusunūḥkupitaśchikṣēpaśikharaṅgirēḥ ।
triśirāstachCharaistīkṣṇairbibhēdabahudhābalī ॥ 34 ॥
tadvyarthaṃśikharandṛṣṭavādrumavarṣammahākapiḥ ।
visasarjaraṇētasminrāvaṇasyasutamprati ॥ 35 ॥
tamāpatantamākāśēdrumavarṣampratāpavān ।
triśirāniśitairbāṇaiśchichChēda cha nanāda cha ॥ 36 ॥
hanūmānutōplutyahayaṃstrīśirasastadā ।
vidadāranakhaiḥkruddhōnāgēndrammṛgarāḍiva ॥ 37 ॥
tāṃ dṛṣṭvā ghōra samkāśāṃ śaktiṃ bhagnāṃ hanūmatā ।
prahṛṣṭā vānara gaṇā vinēdur jaladā;iva ॥ 38 ॥
divaḥkṣiptāmivōlkāntāṃśaktiṅkṣiptāmasaṅgatām ।
gṛhītvāhariśārdūlōbabhañja cha nanāda cha ॥ 39 ॥
tāndṛṣṭavāghōrasaṅkāśāṃśaktimbhagnāṃhanūmatā ।
prahṛṣṭāvānaragaṇāvinēdurjaladāiva ॥ 40 ॥
taḥkhaḍagaṃsamudyamyatriśirārākṣasōttamaḥ ।
nijaghānatadāvyūḍhēvāyuputrasyavakṣasi ॥ 41 ॥
khaḍagaprahārābhihatōhanumānmārutātmajaḥ ।
ājaghānatiśirasantalēnōrasivīryavān ॥ 42 ॥
satalābhihatastēnasrastahastāyudhōbhuvi ।
nipapātamahātējāstriśirāstyaktachētanaḥ ॥ 43 ॥
sa tasyapatataḥkhaṅgantamāchChidyamahākapiḥ ।
nanādagirisaṅkāśastrāsayan sarvanairṛtā ॥ 44 ॥
amṛṣyamāṇastaṅghōṣamutpapātaniśācharaḥ ।
utpatya cha hanūmantantāḍayāmāsamuṣṭinā ॥ 45 ॥
tēnamuṣṭiprahōrēṇasañchukōpamahākapiḥ ।
kupitaśchanijagrāhakirīṭērākṣasarṣabham ॥ 46 ॥
sa tasyaśīrṣāṇyasināśitēnakirīṭajuṣṭānisakuṇḍalāni ।
kruddhaḥprachichChēdasutō'nilasyatvaṣṭussutasyēvaśirāṃsiśakraḥ ॥ 47 ॥
tānyāyatākṣāṇyagasannibhānipradīptavaiśvānaralōchanāni ।
pētuśirāṃsīndraripōḥrdharaṇyāñjyōtīṃṣimuktāniyathārkamārgāt ॥ 48 ॥
tasmin nhatēdēvaripautriśīrṣēhanūmatāśakraparākramēṇa ।
nēduḥplavaṅgāḥprachachālabhūmīrakṣāṃsyathōdudruvirēsamantāt ॥ 49 ॥
hatantriśirasandṛṣṭavātathaivachamahōdaram ।
hatauprēkṣayadurādharṣaudēvāntakanarāntakau ॥ 50 ॥
chukōpaparamāmarṣīmattōrākṣasapuṅgavaḥ ।
jagrāhārchiṣmatīṅghōrāṅgadāṃsarvāyasīṃśubhām ॥ 51 ॥
hēmapaṭṭaparikṣiptāmmāṃsaśōṇitaphēnilām ।
virājamānāṃvapuṣāṃśatruśōṇitarañjitām ॥ 52 ॥
tējasāsampradīptāgrāṃraktamālyavibhūṣitām ।
airāvatamahāpadmasārvabhaumabhayāvahām ॥ 53 ॥
gadāmādāyasaṅkṛddhōmattōrākṣasapuṅgavaḥ ।
harīn samabhidudrāvayugāntānagirivajvalan ॥ 54 ॥
atharṣabhassamutpatyavānarōrāvaṇānujam ।
mattānīkamupāgamyatasthautasyāgratōbalī ॥ 55 ॥
tampurastāt sthitandṛṣṭavāvānaramparvatōpamam ।
ājaghānōrasikruddhōgadayāvajrakalpayā ॥ 56 ॥
sa tayā'bhihatastēnagadayāvānararṣabhaḥ ।
bhinnavakṣāssamādhūtassusrāvarudhirambahu ॥ 57 ॥
sa sañjñāmprāpyasuchirādṛṣabhōvānararṣabhaḥ ।
kruddhōvisphuramāṇauṣṭhōmahāpārśvamudaikṣata ॥ 58 ॥
sa vēgavān vēgavadabhyupētyataṃrākṣasaṃvānaravīramukhyaḥ ।
samvartyamuṣṭiṃsahasājaghānabāhvantarēśailanikāśarūpaḥ ॥ 59 ॥
sa kṛttamūlassahasēvavṛkṣaḥkṣitaupapātakṣatajōkṣitāṅgaḥ ।
tāñchāsyaghōrāṃyamadaṇḍakalpāṅgadāmpragṛhyāśutadānanāda ॥ 60 ॥
muhūrtamāsītsagatāsukalpaḥpratyāgatātmāsahasāsurāriḥ ।
utpatyasandhyābhrasamānavarṇastaṃvārirājātmajamājaghāna ॥ 61 ॥
sa mūrbhitōbhūmitalēpapātamuhūrtamutpatyapunassasañjñaḥ ।
tāmēvatasyādrivarādrikalpāṅgadāṃsamāvidhyajaghānasaṅkhyē ॥ 62 ॥
matta anīkaṃ mahā pārśvaṃ jaghāna raṇa mūrdhani ।
sa svayā gadayā bhinnō vikīrṇa daśana īkṣaṇaḥ ।
nipapāta mahā pārśvō vajra āhata;iva achalaḥ ॥ 63 ॥
abhidudrāvavēgēnagadāntasyamahātmanaḥ ।
gṛhītvātāṅgadāmbhīmāmāvidhya cha punaḥpunaḥ ॥ 64 ॥
mattānīkammahātmānañjaghānaraṇamūrdhani ।
sa svayāgadayābhagnōvidīrṇadaśanēkṣaṇaḥ ॥ 65 ॥
nipapātatatōmattōvajrāhataivāchalaḥ ।
vidīrṇanayanēbhūmaugatasattvēgatāyuṣi ॥ 66 ॥
patitērākṣasētasmin vidrutaṃrākṣasambalam ।
tasminnhatēbhrātarirāvaṇasyatannairṛtānāmbalamarṇavābham ।
tyaktāyudhaṅkēvalajīvitārthandudrāvabhinnārṇavasannikāśam ॥ 67 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē saptatitamassargaḥ ॥
