śrīmadvālmīkīya rāmāyaṇē yuddhakāṇḍam ।
atha dvipañchāśassargaḥ ।
dhūmrākṣamprēkṣyaniryāntaṃrākṣasambhīmavikramam ।
vinēdurvānarāssarvēprahṛṣṭāyuddhakāṅ kṣiṇaḥ ॥ 1 ॥
tēṣāṃsutumulaṃyuddhaṃsañjajñēkapirakṣasām ।
anyōnyampādapairghōrannighnatāṃśūlamudgaraiḥ ॥ 2 ॥
rākṣasairvānarāghōrāvinikṛttassamantataḥ ।
vānarairākṣasāśchāpidrumairbhūmisamīkṛtāḥ ॥ 3 ॥
rākṣasāstvabhisaṅkruddhāvānarānniśitaiśśaraiḥ ।
vivyathurghōrasaṅkāśaiḥkaṅkapatrairajihmagaiḥ ॥ 4 ॥
tēgadābhiśchabhīmābhiḥpaṭṭasaiḥ kūṭamudgaraiḥ ।
ghōraiśchaparighaiśchitraistriśūlaiśchāpisaṃśritaiḥ ॥ 5 ॥
vidāryamāṇārakṣōbhirvānarāstēmahābalāḥ ।
amarṣājjanitōddharṣāśchakruḥkarmāṇyabhītavat ॥ 6 ॥
śaranirbhinnagātrāstēśūlanirbhinnadēhinaḥ ।
jagṛhustēdrumāṃstatraśilāśchahariyūthapāḥ ॥ 7 ॥
tēbhīmavēgāharayōnardamānāstatastataḥ ।
mamanthūrākṣasānvīrānnāmānichababhāṣirē ॥ 8 ॥
tadbhabhūvādbhutaṅghōraṃyuddhaṃvānararakṣasām ।
śilābhirvividhābhiśchabahubhiśchaivapādapaiḥ ॥ 9 ॥
rākṣasāmathitāḥkēchidvānarairjitakāśibhiḥ ।
vavamūrudhiraṅkēchinmukhairudhirabhōjanāḥ ॥ 10 ॥
pārśvēṣudāritāḥkēchitkēchidrāśīkṛtādrumaiḥ ।
śilābhiśchūrṇitāḥkēchitkēchiddhantairvidāritāḥ ॥ 11 ॥
dhvajairvimathitairbhagnaiḥkhaṅgaiśchavinipātitaiḥ ।
rathairvidhvaṃsitaiśchāpipatitaiḥrajanīcharaiḥ ॥ 12 ॥
gajēndraiḥparvatākāraiḥparvatāgrairvanaukasām ।
mathitairvājibhiḥkīrṇaṃsārōhairvasudhātalam ॥ 13 ॥
vānarairbhīmavikrānssairāplutyā'plutyavēgitaiḥ ।
rākṣasāḥkarajaistīkṣṇairmukhēṣuvinirtitāḥ ॥ 14 ॥
viṣaṇṇavadanābhūyōviprakīrṇaśirōruhāḥ ।
mūḍhāśśōṇitagandhēnanipēturdharaṇītalē ॥ 15 ॥
anyētuparamasaṅkṛkruddhārākṣasābhīmaniśvanāḥ ।
talairēvābhidhāvantivajrasparśasamairharīn ॥ 16 ॥
vānarairāpatantastēvēgitāvēgavattaraiḥ ।
muṣṭibhiścharaṇairdanssaiḥpādapaiśchāvapōthitā ॥ 17 ॥
sainyantuvidrutandṛṣṭavādhūmrākṣōrākṣasarṣabhaḥ ।
rōṣēṇakadanañchakrēvānarāṇāṃyuyutsatām ॥ 18 ॥
ptāsaiḥpramathitāḥkēchidvānarāśśōṇitasravāḥ ।
mudgarairāhatāḥkēchitpātitādharaṇītalē ॥ 19 ॥
parighairmathitāḥkēchidbhiṇḍivālairvidāritāḥ ।
paṭṭasairāhatāḥ kēchidvihvalantōgatāsavaḥ ॥ 20 ॥
kēchidvinihatāśśūlairudhirārdrāvanaukasaḥ ।
kēchidvidrāvitānaṣṭāḥsaṅkruddhairākṣasairyudhi ॥ 21 ॥
vibhinnahṛdayāḥkēchidēkapārśvēnadāritāḥ ।
vidāritāstriśūlaiśchakēchidānsrairviniḥsṛtāḥ ॥ 22 ॥
tatsubhīmammahāyuddhaṃharirākṣasasaṅkulam ।
prababhauśabdabahulaṃśilāpādapasaṅkulam ॥ 23 ॥
dhanurjyātantrimadhuraṃhikkātālasamanvitam ।
mandhasntitasaṅgītantadyuddhagāndharvamābabhau ॥ 24 ॥
dhūmrākṣastudhanuṣpāṇirvānarānraṇamūrdhani ।
hasanvidrāvayāmāsadiśastuśaravṛṣṭibhiḥ ॥ 25 ॥
dhūmrākṣēṇārditaṃsainyaṃvyathitamprēkṣyamārutiḥ ।
abhyavartatasaṅkruddhaḥpragṛhyavipulāṃśilām ॥ 26 ॥
krōdhād dviddviguṇatāmrākṣaḥpitṛstulyaparākramaḥ ।
śilāntāmpātayāmāsadhūmrākṣasyarathamprati ॥ 27 ॥
āpatatanīṃśilāndṛṣṭavāgadāmudyamyasambhramāt ।
rathādāplutyavēgēnavasudhāyāṃvyatiṣṭhata ॥ 28 ॥
sāpramathyarathantasyanipapātaśilābhuvi ।
sachakrakūbarasāśvaṃsadhvajaṃsaśarāsanam ॥ 29 ॥
sabhaṅ ktvāturathantasyahanumān mārutātmajaḥ ।
rakṣasāṅkadanañchakrēsaskandhaviṭapairdrumaiḥ ॥ 30 ॥
vibhinnaśirasōbhūtvārākṣasāśśōṇitōkṣitāḥ ।
drumaiḥpramathitāśchānyēnipēturdharaṇītalē ॥ 31 ॥
vidrāvyarākṣasaṃsainyaṃhanumānmārutātmajaḥ ।
giriśaśikharamādāyadhūmrākṣamabhidudruvē ॥ 32 ॥
tamāpatantandhūmrākṣōgadāmudyamyavīryavān ।
vinardamānaḥsahasāhanūmantamabhidravat ॥ 33 ॥
tasyakruddhasyarōṣēṇagadāntāmbahukaṇṭakām ।
pātayāmāsadhūmrākṣōmastakē'thahanūmataḥ ॥ 34 ॥
tāḍitaḥsatayātatragadayābhīmarūpayā ।
sakapirmārutabalastamprahāramachintayan ॥ 35 ॥
papāta sahasā bhūmau vikīrṇa;iva parvataḥ ।
dhūmra akṣaṃ nihataṃ dṛṣṭvā hata śēṣā niśā charāḥ ॥ 36 ॥
dhūmrākṣannihatandṛṣṭavāhataśēṣāniśācharāḥ ॥ 37 ॥
trastāḥpraviviśurlaṅkāṃvadhyamānāḥplavaṅgamaiḥ ।
satupavanasutōnihatyaśatrūnkṣatajavaharissaritaśchasannikīrya ।
ripuvadhajanitaśramōmahātmāmudamagamatkapibhiḥsupūjyamānaḥ ॥ 38 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē dvipañchāśassargaḥ ॥
