ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଚତୁରଶୀତିତମସ୍ସର୍ଗଃ ।
ରାମମାଶ୍ଵାସୟାନେତୁଲକ୍ଷ୍ମଣେଭ୍ରାତୃଵତ୍ସଲେ ।
ନିକ୍ଷିପ୍ୟଗୁଲ୍ମାନ୍ ସ୍ଵସ୍ଥାନେତତ୍ରାଗଚ୍ଛଦ୍ଵିଭୀଷଣଃ ॥ 1 ॥
ନାନାପ୍ରହରଣୈର୍ଵୀରୈଶ୍ଚତୁର୍ଭିସ୍ସଚିଵୈର୍ଵୃତଃ ।
ନୀଲାଂଜନଚୟାକାରୈର୍ମାତଂଗୈରିଵୟୂଥପ ॥ 2 ॥
ରାଘଵଂ ଚ ମହାତ୍ମାନମିକ୍ଷ୍ଵାକୁକୁଲନଂଦନମ୍ ।
ଦଦର୍ଶମୋହମାପନ୍ନଂଲକ୍ଷ୍ମଣସ୍ୟାଂଗମାଶ୍ରିତମ୍ ॥ 3 ॥
ଵ୍ରୀଡିତଂଶୋକସଂତପ୍ତଂଦୃଷ୍ଟଵାରାମଂଵିଭୀଷଣଃ ।
ଅଂତର୍ଧୁଃଖଏନଦୀନାତ୍ମାକିମେତଦିତିସୋଽବ୍ରଵୀତ୍ ॥ 4 ॥
ଵିଭୀଷଣମୁଖଂଦୃଷ୍ଟଵାସୁଗ୍ରୀଵଂତାଂଶ୍ଚଵାନରାନ୍ ।
ଲକ୍ଷ୍ମଣୋଵାଚମଂଦାର୍ଥମିଦଂବାଷ୍ପପରିପ୍ଲୁତଃ ॥ 5 ॥
ହତାଇଂଦ୍ରଜିତାସୀତାଇତିଶ୍ରୁତ୍ଵୈଵରାଘଵଃ ।
ହନୂମଦ୍ଵଚନାତ୍ସୌମ୍ୟତତୋମୋହମୁପାଗତଃ ॥ 6 ॥
କଥୟଂତଂତୁସୌମିତ୍ରିଂସନ୍ନିଵାର୍ୟଵିଭୀଷଣଃ ।
ପୁଷ୍କଲାର୍ଥମିଦଂଵାକ୍ୟଂଵିସଂଜ୍ଞଂରାମମବ୍ରଵୀତ୍ ॥ 7 ॥
ମନୁଜେଂଦ୍ରାର୍ଥରୂପେଣୟଦୁକ୍ତତୁହନୂମତା ।
ତଦୟୁକ୍ତମହଂମନ୍ୟେସାଗରସ୍ୟେଵଶୋଷଣମ୍ ॥ 8 ॥
ଅଭିପ୍ରାୟଂତୁଜାନାମିରାଵଣସ୍ୟଦୁରାତ୍ମନଃ ।
ସୀତାଂପ୍ରତିମହାବାହୋ ନ ଚ ଘାତଂକରିଷ୍ୟତି ॥ 9 ॥
ୟାଚ୍ୟମାନଃସୁବହୁଶୋମୟାହିତଚିକୀର୍ଷୁଣା ।
ଵୈଦେହୀମୁତ୍ସୃଜସ୍ଵେତି ନ ଚ ତତ୍କୃତଵାନ୍ଵଚଃ ॥ 10 ॥
ନୈଵସାମ୍ନା ନ ଦାନେନ ନ ଭେଦେନକୁତୋୟୁଧା ।
ସାଦ୍ରଷ୍ଟୁମପିଶକ୍ୟେତନୈଵଚାନ୍ୟେନକେନଚିତ୍ ॥ 11 ॥
ଵାନରାନ୍ମୋହୟିତ୍ଵାତୁପ୍ରତିୟାତଃ ସ ରାକ୍ଷସଃ ।
ମୟାମୟୀଂମହାବାହୋତାଂଵିଦ୍ଦିଜନକାତ୍ମଜାମ୍ ॥ 12 ॥
ଚୈତ୍ୟଂନିକୁଂଭିଲାଂନାମପ୍ରାପ୍ୟହୋମଂକରିଷ୍ୟତି ।
ହୁତଵାନୁପୟାତୋହିଦେଵୈରପିସଵାସଵୈଃ ॥ 13 ॥
ଦୁରାଧର୍ଷୋଭଵତ୍ୟେଷସଂଗ୍ରାମେରାଵଣାତ୍ମଜଃ ।
ତେନମୋହୟତାନୂନମେଷାମାୟାପ୍ରୟୋଜିତା ॥ 14 ॥
ଵିଘ୍ନମନ୍ଵିଚ୍ଛତାତତ୍ରଵାନରାଣାଂପରାକ୍ରମେ ।
ସସୈନ୍ୟାସ୍ତତ୍ରଗଚ୍ଛାମୋୟାଵତ୍ତନ୍ନସମାପ୍ୟତେ ॥ 15 ॥
ତ୍ୟଜେମଂନରଶାର୍ଦୂଲମିଥ୍ୟାସଂତାପଗତମ୍ ।
ସୀଦତେହିବଲଂସର୍ଵଂଦୃଷ୍ଟଵାତ୍ଵାଂଶୋକକର୍ଶିତମ୍ ॥ 16 ॥
ଇହତ୍ଵଂସ୍ଵସ୍ଥହୃଦୟସ୍ତିଷ୍ଠସତ୍ତ୍ଵସମୁଚ୍ଛ୍ରିତଃ ।
ଲକ୍ଷ୍ମଣଂପ୍ରେଷୟାସ୍ମାଭିସ୍ସହସୈନ୍ୟାନୁକର୍ଷିଭିଃ ॥ 17 ॥
ଏଷତଂନରଶାର୍ଦୂଲୋରାଵଣିଂନିଶିତୈଶ୍ଶରୈଃ ।
ତ୍ୟାଜୟିଷ୍ୟତିତତ୍କର୍ମତତୋଵଧ୍ୟୋଭଵିଷ୍ୟତି ॥ 18 ॥
ଏଷ ତଂ ନରଶାର୍ଦୂଲୋ ରାଵଣିଂ ନିଶିତୈଃ ଶରୈଃ ।
ତ୍ୟାଜୟିଷ୍ୟତି ତତ୍କର୍ମ ତତୋ ଵଧ୍ୟୋ ଭଵିଷ୍ୟତି ॥ 19 ॥
ସତ୍ସଂଦିଶମହାବାହୋଲକ୍ଷ୍ମଣଂଶୁଭଲକ୍ଷଣମ୍ ।
ରାକ୍ଷସସ୍ୟଵିନାଶାୟଵଜ୍ରଂଵଜ୍ରଧରୋୟଥା ॥ 20 ॥
ମନୁଜଵରନ କାଲଵିପ୍ରକର୍ଷୋରିପୁନିଧନଂପ୍ରତିୟତ୍କ୍ଷାମୋଽଦ୍ୟକର୍ତୁମ୍ ।
ତ୍ଵମତିସୃଜରିପୋର୍ଵଧାୟଵାଣୀମମରରିପୋର୍ମଥନେୟଥାମହେଂଦ୍ରଃ ॥ 21 ॥
ସମାପ୍ତକର୍ମାହି ସ ରାକ୍ଷସାଧିପୋଭଵତ୍ୟଦୃଶ୍ୟସ୍ସମରେସୁରାସୁରୈଃ ।
ୟୁୟୁତ୍ସତାତେନସମାପ୍ତକର୍ମଣାଭଵେତ୍ସୁରାଣାମପିସଂଶୟୋମହାନ୍ ॥ 22 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଚତୁରଶୀତିତମସ୍ସର୍ଗଃ ॥
