ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ସପ୍ତଷଷ୍ଟିତମସ୍ସର୍ଗଃ ।
ତେନିଵୃତ୍ତାମହାକାୟାଶ୍ଶ୍ରୁତ୍ଵାଂଗଦଵଚସ୍ତଦା ।
ନୈଷ୍ଠିକୀଂବୁଦ୍ଧିମାସ୍ଥାୟସର୍ଵେସଂଗ୍ରାମକାଂକ୍ଷିଣଃ ॥ 1 ॥
ସମୁଦୀରିତଵୀର୍ୟାସ୍ତେସମାରୋପିତଵିକ୍ରମାଃ ।
ପର୍ୟଵସ୍ଥାପିତାଵାକ୍ୟୈରଂଗଦେନଵଲୀମୁଖାଃ ॥ 2 ॥
ପ୍ରୟାତାଶ୍ଚଗତାହର୍ଷଂମରଣେକୃତଶ୍ଚୟାଃ ।
ଚକ୍ରୁସ୍ସୁତୁମୁଲଂୟୁଦ୍ଧଂଵାନରାସ୍ତ୍ୟକ୍ତଜୀଵିତାଃ ॥ 3 ॥
ଅଥଵୃକ୍ଷାନ୍ମହାକାୟାସ୍ସାନୂନିସୁମହାଂତି ଚ ।
ଵାନରାସ୍ତୂର୍ଣମୁଦ୍ୟମ୍ୟକୁଂଭକର୍ଣମଭିଦ୍ରୁତାଃ ॥ 4 ॥
କୁଂଭକର୍ଣସ୍ସଂକୃଦ୍ଧୋଗଦାମୁଦ୍ୟମ୍ୟଵୀର୍ୟଵାନ୍ ।
ଅର୍ଥୟନ୍ସମହାକାୟସ୍ସମଂତାଦ୍ ଵ୍ୟକ୍ଷିପଦ୍ରିପୂନ୍ ॥ 5 ॥
ଶତାନିସପ୍ତଚାଷ୍ଟୌ ଚ ସହସ୍ରାଣି ଚ ଵାନରାଃ ।
ପ୍ରକୀର୍ଣାଃଶେରତେଭୂମୌକୁଂଭକର୍ଣେନପୋଧିତାଃ ॥ 6 ॥
ଷୋଡଶାଷ୍ଟୌ ଚ ଦଶ ଚ ଵିଂଶତ୍ରତିଂଶସ୍ତଥୈଵ ଚ ।
ପରିକ୍ଷିପ୍ୟ ଚ ବାହୁଭ୍ୟାଂଖାଦନ୍ଵିପରିଧାଵତି ॥ 7 ॥
ଭକ୍ଷ୍ୟନ୍ ଭୃଶସଂକ୍ରୁଦ୍ଧୋଗରୁଡଃପନ୍ନଗାନିଵ ।
କୃଚ୍ଛ୍ରେଣଚସମାଶ୍ଵସ୍ତାଃସଂଗମ୍ୟଚତତସ୍ତତଃ ॥ 8 ॥
ଵୃକ୍ଷାଦ୍ରିହସ୍ତାହରୟସ୍ତସ୍ଥୁସ୍ସଂଗ୍ରାମମୂର୍ଥନି ।
ତତଃପର୍ଵତମୁତ୍ପାଟ୍ୟଦ୍ଵିଵିଦଃପ୍ଲଵଗର୍ଷଭଃ ॥ 9 ॥
ତମପ୍ରାପ୍ୟ ମହାକାୟଂ ତସ୍ୟ ସୈନ୍ୟେଽପତତ୍ତତଃ ।
ମମର୍ଦାଶ୍ଵାନ୍ ଗଜାଂଶ୍ଚାପି ରଥାଂଶ୍ଚାପି ନଗୋତ୍ତମଃ ॥ 10 ॥
ତମପ୍ରାପ୍ୟମହାକାୟଂତସ୍ୟସୈନ୍ୟେଽପତତ୍ତଧା ।
ମମର୍ଦାଶ୍ଵାନ୍ଗଜାଂଶ୍ଚାପିରଥାଂଶ୍ଚାପିନଗୋତ୍ତମଃ ॥ 11 ॥
ତାନିଚାନ୍ୟାନିରକ୍ଷାଂସିଏଵଂଚାନ୍ୟଗଦିରେଃଶିରଃ ।
ତଚ୍ଚୈଲଵେଗାଭିହତଂହତାଶ୍ଵଂହତସାରଥି ॥ 12 ॥
ରକ୍ଷସାଂରୁଧିରକ୍ଲିନ୍ନଂବଭୂଵାୟୋଧନଂମହତ୍ ।
ରଥିନୋଵାନରେଂଦ୍ରାଣାଂଶରୈଃକାଲାଂତକୋପମୈଃ ॥ 13 ॥
ଶିରାଂସିନର୍ଦତାଂଜହ୍ରୁସ୍ସହସାଭୀମନିସ୍ସ୍ଵନା ।
ଵାନରାଶ୍ଚମହାତ୍ମାନସ୍ସମୁତ୍ପାଟ୍ୟମହାଦ୍ରୁମାନ୍ ॥ 14 ॥
ରଥାଵଶ୍ଵାନ୍ଗଜାନୁଷ୍ଟ୍ରାନ୍ରାକ୍ଷସାନଭ୍ୟସୂଦୟନ୍ ।
ହନୁମାନ୍ ଶୈଲଶୃଂଗାଣିଶିଲାଶ୍ଚଵିଵିଧାନ୍ ଦ୍ରୁମାନ୍ ॥ 15 ॥
ଵଵର୍ଷକୁଂଭକର୍ଣସ୍ୟଶିରସ୍ୟଂବରମାସ୍ଥିତଃ ।
ତାନିପର୍ଵତଶୃଂଗାଣିଶୂଲେନ ସ ବିଭେଦ ହ ॥ 16 ॥
ବଭଂଜଵୃକ୍ଷଵର୍ଷଂ ଚ କୁଂଭକର୍ଣୋମହାବଲଃ ।
ତତୋହରୀଣାଂତଦନୀକମୁଗ୍ରଂଦୁଦ୍ରାଵଶୂଲଂନିଶିତଂପ୍ରଗୃହ୍ୟ ।
ତସ୍ଥୌ ସ ତସ୍ୟାପତତଃପୁରସ୍ତାନ୍ମହୀଧରାଗ୍ରଂହନୁମାନ୍ ପ୍ରଗୃହ୍ୟ ॥ 17 ॥
ସ କୁଂଭକର୍ଣଂକୁପିତୋଜଘାନଵେଗେନଶୈଲୋତ୍ତମଭୀମକାୟମ୍ ।
ସ ଚକ୍ଷୁଭେତେନତଦାଭିଭୂତୋମେଦାର୍ଦ୍ରଗାତ୍ରୋରୁଧିରାଵସିକ୍ତଃ ॥ 18 ॥
ସ ଶୂଲମାସାଦ୍ୟତଟିତ୍ପ୍ରକାଶଂଗିରିର୍ୟଥାପ୍ରଜ୍ଵଲିତାଗ୍ରଶୃଂଗମ୍ ।
ବାହ୍ଵଂତରେମାରୁତିମାଜଘାନଗୁହୋଽଚଲଂକ୍ରୌଂଚମିଵୋଗ୍ରଶକ୍ତ୍ୟା ॥ 19 ॥
ଶୂଲନିର୍ଭିନ୍ନମହାଭୁଜାଂତରଃପ୍ରଵିହ୍ଵଲଃଶୋଣିତମୁଦ୍ଵମନ୍ ମୁଖାତ୍ ।
ନନାଦଭୀମଂହନୁମାନ୍ ମହାହଵେୟୁଗାଂତମେଘସଂତିତସ୍ଵନୋପମମ୍ ॥ 20 ॥
ତତୋଵିନେଦୁଃସହସାପ୍ରହୃଷ୍ଟାରକ୍ଷୋଗଣାସ୍ତଂଵ୍ୟଥିତଂସମୀକ୍ଷ୍ୟ ।
ପ୍ଲଵଂଗମାସ୍ତୁଵ୍ୟଥିତାଭୟର୍ତାଃପ୍ରଦୁଦ୍ରୁଵୁଃସଂୟତିକୁଂଭକର୍ଣାତ୍ ॥ 21 ॥
ତତସ୍ତୁନୀଲୋବଲଵାନ୍ ପର୍ୟଵସ୍ଥାପୟନ୍ବଲମ୍ ।
ପ୍ରଵିଚିକ୍ଷେପଶୈଲାଗ୍ରଂକୁଂଭକର୍ଣାୟଧୀମତେ ॥ 22 ॥
ତଦାପତଂତଂସଂପ୍ରେକ୍ଷ୍ୟମୁଷ୍ଟିନାଭିଜଘାନ ହ ।
ମୁଷ୍ଟିପ୍ରହାରାଭିହତଂତଚ୍ଛୈଲାଗ୍ରଂଵ୍ୟଶୀର୍ୟତ ॥ 23 ॥
ସଵିସ୍ଫୁଲିଂଗଂସଜ୍ଵାଲନିପପାତମହେତଲେ ।
ଋଷଭଶ୍ଶରଭୋନୀଲୋଗଵାକ୍ଷୋଗଂଧମାଦନଃ ॥ 24 ॥
ପଂଚଵାନରଶାର୍ଦୂଲାଃକୁଂବୁକର୍ଣମୁପାଦ୍ରଵନ୍ ।
ଶୈଲୈର୍ଵଵୃକ୍ଷୈସ୍ତଲୈଃପାଦୈର୍ମୁଷ୍ଟିଭିଶ୍ଚମହାବଲାଃ ॥ 25 ॥
କୁଂଭକର୍ଣଂମହାକାୟଂସର୍ଵତୋଽଭିପ୍ରଦୁଦ୍ରୁଵୁଃ ।
ସ୍ପର୍ଶାନିଵପ୍ରହାରାଂସ୍ତାନ୍ଵେଦ୍ଵୟାନୋ ନ ଵିଵ୍ୟଥେ ॥ 26 ॥
ଋଷଭଂତୁମହାଵେଗଂବାହୁଭ୍ୟାଂପରିଷସ୍ଵଜେ ।
କୁଂଭକର୍ଣଭୁଜାଭ୍ୟାଂତୁପୀଡିତୋଵାନରର୍ଷଭଃ ॥ 27 ॥
ନିପପାତର୍ଷଭୋଭୀମଃପ୍ରମୁଖାଦ୍ଵାଂତଶୋଣିତଃ ।
ମୁଷ୍ଟିନାଶରଭଂହତ୍ଵାଜାନୁନାନୀଲମାହଵେ ॥ 28 ॥
ଆଜଘାନଗଵାକ୍ଷଂତୁଲେନେଂଦ୍ରରିପୁସ୍ତଦା ।
ପାଦେନାଭ୍ୟହନତ୍କୃଦ୍ଧସ୍ତରସାଗଂଧମାଦନମ୍ ॥ 29 ॥
ଦତ୍ତପ୍ରହାରଵ୍ୟଥିତାମୁମୁହୁଶ୍ଶୋଣିତୋକ୍ଷିତାଃ ।
ନିପେତୁସ୍ତେତୁମେଦିନ୍ୟାଂନିକୃତ୍ତାଇଵକିଂଶୁକାଃ ॥ 30 ॥
ତେଷୁଵାନରମୁଖ୍ୟେଷୁପାତିତେଷୁମହାତ୍ମସୁ ।
ଵାନରାଣାଂସହସ୍ରାଣିକୁଂବକର୍ଣଂପ୍ରଦଦ୍ରୁଵୁଃ ॥ 31 ॥
ତଂଶୈଲମିଵଶୈଲାଭାଃସର୍ଵେତୁପ୍ଲଵଗର୍ଷଭାଃ ।
ସମାରୁହ୍ୟସମୁତ୍ପତ୍ୟଦଦଂଶୁଶ୍ଚମହାବଲାଃ ॥ 32 ॥
ତଂନଖୈର୍ଧଶନୈଶ୍ଚାପିମୁଷ୍ଟିଭିର୍ବାହୁଭିସ୍ତଥା ।
କୁଂଭକର୍ଣଂମହାବାହହୁଂତେଜଘ୍ନୁଃପ୍ଲଵଗର୍ଷଭାଃ ॥ 33 ॥
ସ ଵାନରସହସ୍ତ୍ରୈରଜିତଃ ପର୍ଵତୋପମୈଃ ।
ରରାଜରାକ୍ଷସଵ୍ୟାଘ୍ରୋଗିରିରାତ୍ମରୁହୈରିଵ ॥ 34 ॥
ବାହୁଭ୍ୟାଂଵାନରାନ୍ସର୍ଵାନ୍ପ୍ରଗୃହ୍ୟ ସ ମହାବଲଃ ।
ଭକ୍ଷ୍ୟାମାସସଂକ୍ରୁଦ୍ଧୋଗରୁଡଃପନ୍ନଗାନିଵ ॥ 35 ॥
ପ୍ରକ୍ଷିପ୍ତାଃକୁଂବକର୍ଣେନଵକ୍ତ୍ରେପାତାଲସନ୍ନିଭେ ।
ନାସାପୁଟାଭ୍ୟାଂନିର୍ଜଗ୍ମୁଃକର୍ଣାଭ୍ୟାଂଚୈଵଵାନରାଃ ॥ 36 ॥
ଭକ୍ଷ୍ୟନ୍ଭୃଶସଂକ୍ରୁଦ୍ଧୋ ହରୀନ୍ ପର୍ଵତସନ୍ନିଭଃ ।
ବଭଂଜଵାନରାନ୍ ସର୍ଵାନ୍ ସଂକ୍ରୁଦ୍ଧୋରାକ୍ଷସୋତ୍ତମଃ ॥ 37 ॥
ମାଂସଶୋଣିତସଂକ୍ଲେଦାକୁର୍ଵନ୍ ଭୂମିଂ ସ ରାକ୍ଷସଃ ।
ଚଚାରହରିନୈନ୍ୟେଷୁକାଲାନଗିରିଵମୂର୍ଛିତଃ ॥ 38 ॥
ୟଥା ଶୁଷ୍କାଣ୍ୟରଣ୍ୟାନି ଗ୍ରୀଷ୍ମେ ଦହତି ପାଵକଃ ।
ତଥା ଵାନରସୈନ୍ୟାନି କୁଂଭକର୍ଣୋ ଦଦାହ ସଃ ॥ 39 ॥
ୟଥାଶୁଷ୍କାଣ୍ୟରଣ୍ୟାନିଗ୍ରୀଷ୍ମେଦହତିପାଵକଃ ।
ତଥାଵାନରସୈନ୍ୟାନିକୁଂବକର୍ଣୋଵିନିର୍ଦହତ୍ ॥ 40 ॥
ତତସ୍ତେଵଧ୍ୟମାନାସ୍ତୁହତୟୂଥାଵିନାୟକାଃ ।
ଵାନରାଭୟସଂଵିଗ୍ନାଵିନେଦୁର୍ଵିସ୍ଵରଂଭୃଶୈଃ ॥ 41 ॥
ଅନେକଶୋଵଧ୍ୟମାନାଃକୁଂଭକର୍ଣେନଵାନରାଃ ।
ରାଘଵଂଶରଣଂଜଗ୍ମୁର୍ଵ୍ୟଥିତାଃଭିନ୍ନଚେତସଃ ॥ 42 ॥
ପ୍ରଭଗ୍ନାନ୍ ଵାନରାନ୍ ଦୃଷ୍ଟଵାଵଜ୍ରହସ୍ତାତ୍ମଜାତ୍ମଜଃ ।
ଅଭ୍ୟଧାଵତଵେଗେନକୁଂଭକର୍ଣଂମହାହଵେ ॥ 43 ॥
ଶୈଲଶୃଂଗଂମହଦ୍ଗୃହ୍ୟଵିନଦଂଶ୍ଚମୁହୁର୍ମୁହୁଃ ।
ତ୍ରାସୟନ୍ରାକ୍ଷସାନ୍ସର୍ଵାନ୍ କୁଂଭକର୍ଣପଦାନୁଗାନ୍ ॥ 44 ॥
ଚିକ୍ଷେପଶୈଲଶିଖରଂକୁଂଭକର୍ଣସ୍ୟମୂର୍ଧନି ।
ସ ତେନାଭିହତୋମୂର୍ଧ୍ନିଶୈଲେନେଂଦ୍ରରିପୁସ୍ତଦା ॥ 45 ॥
କୁଂଭକର୍ଣଃପ୍ରଜଜ୍ଵାଲକ୍ରୋଧେନମହତାତଦା ।
ସୋଽଭ୍ୟଧାଵତଵେଗେନଵାଲିପୁତ୍ରମମର୍ଷଣମ୍ ॥ 46 ॥
କୁଂଭକର୍ଣୋମହାନାଦସ୍ତ୍ରାସୟନ୍ ସର୍ଵଵାନରାନ୍ ।
ଶୂଲଂସସର୍ଜଵୈରୋଷାଦଂଗଦେତୁମହାବଲଃ ॥ 47 ॥
ତ ମାପତଂତଂବୁଦ୍ଧ୍ଵାତୁୟୁଦ୍ଧମାର୍ଗଵିଶାରଦଃ ।
ଲାଘଵାନ୍ମୋଚୟାମାବଲଵାନ୍ ଵାନରର୍ଷଭଃ ॥ 48 ॥
ଉତ୍ପତ୍ୟଚୈନଂତରସାତଲେନୋରସ୍ୟତାଡୟତ୍ ।
ସ ତେନାଭିହତଃକୋପାତ୍ପ୍ରମୁମୋହାଚଲୋପମଃ ॥ 49 ॥
ସ ଲବ୍ଦସଂଜ୍ଞୋବଲଵାନ୍ମୁଷ୍ଟିମାଵର୍ତ୍ୟରାକ୍ଷସଃ ।
ଅପହାସ୍ତେନଚିକ୍ଷେପଵିସଂଜ୍ଞଃ ସ ପପାତ ହ ॥ 50 ॥
ତସ୍ମିନ୍ ପ୍ଲଵଗଶାର୍ଦୂଲେଵିସଂଜ୍ଞେପତିତେଭୁଵି ।
ତଚ୍ଛୂଲଂସମୁପାଦାୟସୁଗ୍ରୀଵମଭିଦୁଦ୍ରୁଵେ ॥ 51 ॥
ତମାପତଂତଂସଂପ୍ରେକ୍ଷ୍ୟକୁଂଭକର୍ଣଂମହାବଲମ୍ ।
ଉତ୍ପପାତତଦାଵୀରସ୍ସୁଗ୍ରୀଵୋଵାନରାଧିପଃ ॥ 52 ॥
ସ ପର୍ଵତାଗ୍ରମୁତ୍କ୍ଷିପ୍ୟସମାଵିଧ୍ୟମହାବଲଃ ।
ଅଭିଦୁଦ୍ରାଵଵେଗେନକୁଂଭକର୍ଣଂମହାବଲମ୍ ॥ 53 ॥
ତମାପତଂତଂସଂପ୍ରେକ୍ଷ୍ୟକୁଂଭକର୍ଣଃପ୍ଲଵଂଗମମ୍ ।
ତସ୍ଥୌଵିଵୃତସର୍ଵାଂଗୋଵାନରେଂଦ୍ରସ୍ୟସମ୍ମୁଖଃ ॥ 54 ॥
କପିଶୋଣିତଦିଗ୍ଧାଂଗଂଭକ୍ଷ୍ୟଂତଂପ୍ଲଵଂଗମାନ୍ ।
କୁଂଭକର୍ଣଂସ୍ଥିତଂଦୃଷ୍ଟଵାସୁଗ୍ରୀଵୋଵାକ୍ୟମବ୍ରଵୀତ୍ ॥ 55 ॥
ତ୍ଵଜତଦ୍ଵାନରାନୀକଂପ୍ରାକୃତୈଃକିଂକରିଷ୍ୟସି ।
ସହସ୍ଵୈକଂନିପାତଂମେପର୍ଵତସ୍ୟାସ୍ୟରାକ୍ଷସ ॥ 56 ॥
ତଦ୍ଵାକ୍ୟଂହରିରାଜସ୍ୟସତ୍ତ୍ଵଧୈର୍ୟସମନ୍ଵିତମ୍ ।
ଶ୍ରୁତ୍ଵାରାକ୍ଷସଶାର୍ଦୂଲଃକୁଂଭକର୍ଣୋଽବ୍ରଵୀଦ୍ଵଚଃ ॥ 57 ॥
ପ୍ରଜାପତେସ୍ତୁପୌତ୍ରସ୍ତ୍ଵଂତଥୈଵରକ୍ଷରଜସ୍ସୁତଃ ।
ଶ୍ରୁତପୌରୁଷସଂପନ୍ନଃକସ୍ମାଦ୍ଗର୍ଜସିଵାନର ॥ 58 ॥
ସ କୁଂଭକର୍ଣସ୍ୟଵଚୋନିଶମ୍ୟଵ୍ୟାଵିଧ୍ୟଶୈଲଂସହସାମୁମୋଚ ।
ତେନାଜଘାନୋରସିକୁଂଭକର୍ଣଂଶୈଲେନଵଜ୍ରାଶନିସନ୍ନିଭେନ ॥ 59 ॥
ତଚ୍ଛୈଲଶୃଂଗଂସହସାଵିକୀର୍ଣଂଭୁଜାଂତରେତସ୍ୟତଦାଵିଶାଲେ ।
ତତୋନିଷେଦୁଃସହସାପ୍ଲଵଂଗାରକ୍ଷୋଗଣାଶ୍ଚାପିମୁଦାଵିନେଦୁଃ ॥ 60 ॥
ସ ଶୈଲଶୃଂଗାଭିହତଶ୍ଚୁକୋପନନାଦରୋଷାଚ୍ଚଵିଵୃତ୍ୟଵକ୍ତ୍ରମ୍ ।
ଵ୍ୟାଵିଧ୍ୟଶୂଲଂ ଚ ତଟିତ୍ପ୍ରକାଶଂଚିକ୍ଷେପହର୍ୟୃକ୍ଷିପତେର୍ଵଧାୟ ॥ 61 ॥
ତତ୍କୁଂଭକର୍ଣସ୍ୟଭୁଜପ୍ରଵିଦ୍ଧଂଶୂଲଂଶିତଂକାଂଚନଦାମଜୁଷ୍ଟମ୍ ।
କ୍ଷିପ୍ରଂସମୁତ୍ପତ୍ୟନିଗୃହ୍ୟଦୋର୍ଭ୍ୟାଂବଭଂଜଵେଗେନସୁତୋଽନିଲସ୍ୟ ॥ 62 ॥
କୃତଂଭାରସହସ୍ରସ୍ୟଶୂଲଂକାଲାୟସଂମହତ୍ ।
ବଭଂଜଜାନୁମାରୋପ୍ୟତଦାହୃଷ୍ଟଃପ୍ଲଵଂଗମଃ ॥ 63 ॥
ଶୂଲଂଭଗ୍ନଂହନୁମତାଦୃଷ୍ଟଵାଵାନରଵାହିନୀ ।
ହୃଷ୍ଟାନନାଦବହୁଶସ୍ସର୍ଵତଶ୍ଚାପିଦୁଦ୍ରୁଵେ ॥ 64 ॥
ବଭୂଵଥପରିତ୍ରସ୍ତୋରାକ୍ଷସୋଵିମୁଖୋଽଭଵତ୍ ।
ସିଂହନାଦଂ ଚ ତେଚକ୍ରୁଃପ୍ରହୃଷ୍ଟାଵନଗୋଚରାଃ ॥ 65 ॥
ମାରୁତିଂପୂଜୟାଂଚକ୍ରୁର୍ଦୃଷ୍ଟଵାଶୂଲଂତଥାଗତମ୍ ।
ସ ତତ୍ତଥାଭଗ୍ନମଵେକ୍ଷ୍ୟଶୂଲଂଚୁକୋପରକ୍ଷୋଧିପତିର୍ମହାତ୍ମା ।
ଉତ୍ପାଟ୍ୟଲଂକାମଲୟାତ୍ସଶୃଂଗଂଜଘାନସୁଗ୍ରୀଵମୁପେତ୍ୟତେନ ॥ 66 ॥
ସ ଶୈଲଶୃଂଗାଭିହତୋଵିସଂଜ୍ଞଃପପାତଭୂମୌୟୁଧିଵାନରେଂଦ୍ରଃ ।
ତଂପ୍ରେକ୍ଷ୍ୟଭୂମୌପତିତଂଵିସଂଜ୍ଞନେଦୁଃପ୍ରହୃଷ୍ଟାସ୍ତ୍ଵଥୟାତୁଧାନାଃ ॥ 67 ॥
ମଭ୍ୟୁପେତ୍ୟାଦ୍ଭୁତଘୋରଵୀର୍ୟଂ ସ କୁଂଭକର୍ଣୋୟୁଧିଵାନରେଂଦ୍ରମ୍ ।
ଜହାରସୁଗ୍ରୀଵମଭିପ୍ରଗୃହ୍ୟୟଥାନିଲୋମେଘମତିପ୍ରଚଂଡଃ ॥ 68 ॥
ସ ତଂମହାମେଘନିକାଶରୂପମୁତ୍ପାଟ୍ୟଗଚ୍ଛନ୍ୟୁଧିକୁଂଭକର୍ଣଃ ।
ରରାଜମେରୁପ୍ରତିମାନରୂପୋମେରୁର୍ୟଥାଭ୍ୟୁଛ୍ରଚିତଘୋରଶୃଂଗଃ ॥ 69 ॥
ତତସ୍ତମାଦାୟଜଗାମଵୀରସ୍ସଂସ୍ତୂୟମାନୋୟୁଧିରାକ୍ଷସେଂଦ୍ରୈଃ ।
ଶୃଣ୍ଵନ୍ନିନାଦଂତ୍ରିଦିଵାଲୟାନାଂପ୍ଲଵଂଗରାଜଗ୍ରହଵିସ୍ମିତାନାମ୍ ॥ 70 ॥
ତତସ୍ତମାଦାୟତଦା ସ ମେନେହରୀଂଦ୍ରମିଂଦ୍ରୋପମମିଂଦ୍ରଵୀର୍ୟଃ ।
ଅସ୍ମିନ୍ ହତେସର୍ଵମିଦଂହତଂସ୍ୟାତ୍ସରାଘଵଂସୈନ୍ୟମିତୀଂଦ୍ରଶତ୍ରୁଃ ॥ 71 ॥
ଵିଦ୍ରୁତାଂଵାହିନୀଂଦୃଷ୍ଟଵାଵାନରାଣାମିତସ୍ତତଃ ।
କୁଂଭକର୍ଣେନସୁଗ୍ରୀଵଂଗୃହୀତଂଚାପିଵାନରମ୍ ॥ 72 ॥
ହନୁମାଂଶ୍ଚିଂତୟାମାସମତିମାନ୍ ମାରୁତାତ୍ମଜଃ ।
ଏଵଂଗୃହୀତେସୁଗ୍ରୀଵେକିଂକର୍ତଵ୍ୟଂମୟାଭଵେତ୍ ॥ 73 ॥
ୟଦ୍ଵୈନ୍ୟାୟଂମୟାକର୍ତୁଂତତ୍କରିଷ୍ୟାମିସର୍ଵଧା ।
ଭୂତ୍ଵାପର୍ଵତସଂକାଶୋନାଶୟିଷ୍ୟାମିରାକ୍ଷସମ୍ ॥ 74 ॥
ମୟାହତେସଂୟତିକୁଂଭକର୍ଣେମହାବଲେମୁଷ୍ଟିଵିଶୀର୍ଣଦେହେ ।
ଵିମୋଚିତେଵାନରପାର୍ଥିଵେ ଚ ଭଵଂତୁହୃଷ୍ଟାଃପ୍ଲଵଗାସ୍ସମସ୍ତାଃ ॥ 75 ॥
ଅଥଵାସ୍ଵୟମପ୍ୟେଷମୋକ୍ଷଂପ୍ରାପ୍ସ୍ୟତିପାର୍ଥିଵ ।
ଗୃହୀତୋଽୟଂୟଦିଭଵେତ୍ରିଦଶୈସ୍ସାସୁରୋରଗୈଃ ॥ 76 ॥
ମନ୍ୟେ ନ ତାଵଦାତ୍ମାନଂବୁଧ୍ୟତେଵାନରାଧିପଃ ।
ଶୈଲପ୍ରହାରାଭିହତଃକୁଂଭକର୍ଣେନସଂୟୁଗେ ॥ 77 ॥
ଅୟଂମୁହୂର୍ତାତ୍ସୁଗ୍ରୀଵୋଲବ୍ଦସଂଜ୍ଞୋମହାହଵେ ।
ଆତ୍ମନୋଵାନରାଣାଂ ଚ ୟତ୍ପଥ୍ୟଂତତ୍କରିଷ୍ୟତି ॥ 78 ॥
ମୟାତୁମୋକ୍ଷିତସ୍ୟାସ୍ୟସୁଗ୍ରୀଵସ୍ୟମହାତ୍ମନଃ ।
ଅପ୍ରୀତିଶ୍ଚଭଵେତ୍କଷ୍ଟାକୀର୍ତିନାଶଶ୍ଚଶାଶ୍ଵତଃ ॥ 79 ॥
ତସ୍ମାନ୍ମୁହୂର୍ତଂକାଂକ୍ଷିଷ୍ୟେଵିକ୍ରମଂପାର୍ଥିଵସ୍ୟତୁ ।
ଭିନ୍ନଂ ଚ ଵାନରାନୀକଂତାଵଦାଶ୍ଵାସୟାମ୍ୟହମ୍ ॥ 80 ॥
ଇତ୍ୟେଵଂଚିଂତୟିତ୍ଵାତୁହନୁମାନ୍ମାରୁତାତ୍ମଜଃ ।
ଭୂୟଃସଂସ୍ତଂଭୟାମାସଵାନରାଣାଂମହାଚମୂମ୍ ॥ 81 ॥
ସ କୁଂଭକର୍ଣୋଽଥଵିଵେଶଲଂକାଂସ୍ପୁରଂତମାଦାୟମହାକପିଂତମ୍ ।
ଵିମାନଚର୍ୟାଗୃହଗୋପୁରସ୍ଥୈଃପୁଷ୍ପାଗ୍ୟ୍ରଵର୍ଷୈରଵକୀର୍ୟମାଣଃ ॥ 82 ॥
ଲାଜଗଂଧୋଦଵର୍ଷୈସ୍ତୁସିଚ୍ୟମାନଶ୍ସନୈଶ୍ଶନୈଃ ।
ରାଜଵୀଥ୍ୟାସ୍ତୁଶୀତତ୍ଵାତ୍ସଂଜ୍ଞାଂପ୍ରାପମହାବଲଃ ॥ 83 ॥
ତତସ୍ସସଂଜ୍ଞାମୁପଲଭ୍ୟକୃଚ୍ଛ୍ରାଦ୍ବଲୀୟସସ୍ତସ୍ୟଭୁଜାଂତରସ୍ଥଃ ।
ଅଵେକ୍ଷମାଣଃପୁରସାଜମାର୍ଗଂଵିଚିଂତୟାମାସମୁହୁର୍ମହାତ୍ମା ॥ 84 ॥
ଏଵଂଗୃହୀତେନକଥଂନୁନାମଶକ୍ୟଂମୟାସଂପ୍ରତିକର୍ତୁମଦ୍ୟ ।
ତଥାକରିଷ୍ୟାମିୟଥାହରୀଣାଂଭଵିଷ୍ୟତୀଷ୍ଟଂ ଚ ହିତଂ ଚ କାର୍ୟମ୍ ॥ 85 ॥
ତତଃକରାଗ୍ରୈଃସହସାସମେତ୍ୟରାଜାହରୀଣାମମରେଂଦ୍ରଶତ୍ରୁମ୍ ।
ଖରୈଶ୍ଚକର୍ଣୌଦଶନୈଶ୍ଚନାସାଂଦଦଂଶପାର୍ଶ୍ଵେଷୁ ଚ କୁଂଭକର୍ଣମ୍ ॥ 86 ॥
ସ କୁଂଭକର୍ଣୋହୃତକର୍ଣନାସୋଵିଦାରିତସ୍ତେନରଦୈର୍ନଖୈଶ୍ଚ ।
ରୋଷାଭିଭୂତଃକ୍ଷତଜାର୍ଦ୍ରଗାତ୍ରଃସୁଗ୍ରୀଵମାଵିଧ୍ୟପିପେଷଭୂମୌ ॥ 87 ॥
ସ ଭୂତଲେଭୀମବଲାଭିପିଷ୍ଟସ୍ସୁରାରିଭିସ୍ସ୍ସୈରଭିହନ୍ୟମାନଃ ।
ଜଗାମଖଂଵେଗଵଦଭ୍ୟୁପେତ୍ୟପୁନଶ୍ଚରାମେଣସମାଜଗାମ ॥ 88 ॥
କର୍ଣନାସାଵିହୀନସ୍ତୁକୁଂଭକର୍ଣୋମହାବଲଃ ।
ରରାଜଶୋଣିତୈଃସିକ୍ତୋଗିରିଃପ୍ରସ୍ରଵଣୈରିଵ ॥ 89 ॥
ଶୋଣିତାର୍ଦ୍ରୋମହାକାୟୋରାକ୍ଷସୋଭୀମଵିକ୍ରମଃ ।
ୟୁଦ୍ଧାୟାଭିମୁଖୋଭୀମୋମନଶ୍ଚକ୍ରେନିଶାଚରଃ ॥ 90 ॥
ନୀଲାଂଜନଚୟପ୍ରଖ୍ୟାଃ ସସଂଧ୍ୟ ଇଵ ତୋୟଦଃ ।
ୟୁଦ୍ଧାୟାଭିମୁଖୋ ଭୀମୋ ମନଶ୍ଚକ୍ରେ ନିଶାଚରଃ ॥ 91 ॥
ଗତେତୁତସ୍ମିନ୍ ସୁରରାଜଶତ୍ରୁଃକ୍ରୋଧାତ୍ପ୍ରଦୁଦ୍ରାଵରଣାୟଭୂୟଃ ।
ଅନାୟୁଧୋଽସ୍ମୀତିଵିଚିଂତ୍ୟରୌଦ୍ରୋଘୋରଂତଦାମୁଦ୍ଗରମାସସାଦ ॥ 92 ॥
ତତସ୍ସପୁର୍ୟାସ୍ସସହସାମହାତ୍ମାନିଷ୍କ୍ରମ୍ୟତଦ୍ଵାନରସୈନ୍ୟମୁଗ୍ରମ୍ ।
ବଭକ୍ଷରକ୍ଷୋୟୁଧିକୁଂଭକର୍ଣଃପ୍ରଜାୟୁଗାଂତାନଗିରିଵପ୍ରଵୃଦ୍ଧଃ ॥ 93 ॥
ବୁଭୁକ୍ଷିତଃ ଶୋଣିତମାଂସଗୃଧ୍ନୁଃ ।
ପ୍ରଵିଶ୍ୟ ତଦ୍ଵାନରସୈନ୍ୟମୁଗ୍ରମ୍ ।
ଚଖାଦ ରକ୍ଷାଂସି ହରୀନ୍ପିଶାଚାନ୍ ।
ଋକ୍ଷାଂଶ୍ଚ ମୋହାଦ୍ୟୁଧି କୁଂଭକର୍ଣଃ ।
ୟଥୈଵ ମୃତ୍ୟୁର୍ହରତେ ୟୁଗାଂତେ ।
ସ ଭକ୍ଷୟାମାସ ହରୀଂଶ୍ଚ ମୁଖ୍ୟାନ୍ ॥ 94 ॥
ଏକଂଦ୍ଵୌତ୍ରୀନ୍ ବହୂନ୍ କ୍ରୁଦ୍ଧୋଵାନରାନ୍ସହରାକ୍ଷସୈଃ ।
ସମାଦାୟୈକହସ୍ତେନପ୍ରଚିକ୍ଷେପତ୍ଵରନ୍ମୁଖେ ॥ 95 ॥
ସଂପ୍ରସ୍ରଵଂସ୍ତଦାମେଦଶ୍ଶୋଣିତେ ଚ ମହାବଲଃ ।
ଵଧ୍ୟମାନୋନଗେଂଦ୍ରାଗ୍ରୈର୍ଭକ୍ଷ୍ୟାମାସଵାନରାନ୍ ॥ 96 ॥
ତେଭକ୍ଷ୍ୟମାଣାହରୟୋରାମଂଜୁଗ୍ମୁସ୍ତଦାଗତିମ୍ ।
କୁଂଭକର୍ଣୋଭୃଶଂକ୍ରୁଦ୍ଧଃକପୀନ୍ ଖାଦନ୍ ପ୍ରଧାଵତି ॥ 97 ॥
ଶତାନିସପ୍ତଚାଷ୍ଟୌ ଚ ଵିଂଶତ୍ରତିଂଶତ୍ତଥୈଵ ଚ ।
ସଂପରିଷ୍ଵଜ୍ୟବାହୁଭ୍ୟାଂଖାଦଵନିପରିଧାଵତି ॥ 98 ॥
ମେଦୋଵସାଶୋଣିତଦିଗ୍ଧଗାତ୍ରଃ ।
କର୍ଣାଵସକ୍ତଗ୍ରଥିତାଂତ୍ରମାଲଃ ।
ଵଵର୍ଷଶୂଲାନି ସୁତୀକ୍ଷଣଦଂଷ୍ଟ୍ରଃ ।
କାଲୋ ୟୁଗାଂତସ୍ଥ ଇଵ ପ୍ରଵୃଦ୍ଧଃ ॥ 99 ॥
ତସ୍ମିନ୍ କାଲେସୁମିତ୍ରାୟାଃପୁତ୍ରଃପରବଲାର୍ଦନଃ ।
ଚକାରଲକ୍ଷ୍ମଣଃକ୍ରୁଦ୍ଧୋୟୁଦ୍ଧଂପରପୁରଂଜୟଃ ॥ 100 ॥
ସ କୁଂଭକର୍ଣସ୍ୟଶରାନ୍ ଶରୀରେସପ୍ତଵୀର୍ୟଵାନ୍ ।
ନିଚଖାଦାଦଦେଚାନ୍ୟାଵନିସସର୍ଜ ଚ ଲକ୍ଷ୍ମଣଃ ॥ 101 ॥
ପୀଡ୍ୟମାନସ୍ତଦସ୍ତ୍ରଂତୁଵିଶେଷଂତତ୍ସରାକ୍ଷସଃ ।
ତତଶ୍ଚୁକୋପବଲଵାନ୍ସୁମିତ୍ରାନଂଦଵର୍ଦନଃ ॥ 102 ॥
ଅଥାସ୍ୟକଵଚଂଶୁଭ୍ରଂଜାଂଭୂନଦମୟଂଶୁଭମ୍ ।
ପ୍ରଚ୍ଛାଦୟାମାସଶରୈସ୍ସଂଧ୍ୟାଭ୍ରମିଵମାରୁତଃ ॥ 103 ॥
ନୀଲାଂଜନଚୟପ୍ରଖ୍ୟାଃ ଶୈରୈଃ କାଂଚନଭୂଷଣୈଃ ।
ଆପୀଡ୍ୟମାନଃ ଶୁଶୁଭେ ମେଘୈଃ ସୂର୍ୟ ଇଵାଂଶୁମାନ୍ ॥ 104 ॥
ତତସ୍ସରାକ୍ଷସୋଭୀମସ୍ସୁମିତ୍ରାନଂଦଵର୍ଧନମ୍ ।
ସାଵଜ୍ଞମେଵପ୍ରୋଵାଚଵାକ୍ୟଂମେଘୌଘନିସ୍ସ୍ଵନଃ ॥ 105 ॥
ଅଂତକସ୍ୟାପ୍ୟକଷ୍ଟେନ ୟୁଧି ଜେତାରମାହଵେ ।
ୟୁଧ୍ୟତାମାମଭୀତେନଖ୍ୟାପିତାଵୀରତାତ୍ଵୟା ॥ 106 ॥
ପ୍ରଗୃହୀତାୟୁଧସ୍ୟେହମୃତ୍ୟୋରିଵମହାମୃଧେ ।
ତିଷ୍ଠନ୍ନପ୍ରଗ୍ରତଃପୂଜ୍ୟଃକିମୁୟୁଦ୍ଧପ୍ରଦାୟକଃ ॥ 107 ॥
ଐରାଵତଂବଲେନସମାରୂଢୋଵୃତଃସର୍ଵାମରୈଃପ୍ରଭୁଃ ।
ନୈଵଶକ୍ରୋଽପିସମରେସ୍ଥିତପୂର୍ଵଃକଦାଚନ ॥ 108 ॥
ଅଦ୍ୟତ୍ଵୟାହମ୍ସୌମିତ୍ରେବାଲେନାପି , ନାପିପରାକ୍ରମୈଃ ।
ତୋଷିତୋଗଂତୁମିଚ୍ଛାମିତ୍ୟାମନୁଜ୍ଞାପ୍ୟରାଘଵମ୍ ॥ 109 ॥
ୟତ୍ତୁଵୀର୍ୟବଲୋତ୍ସାହୈସ୍ତୋଷିତୋଽହଂରଣେତ୍ଵୟା ।
ରାମମେଵୈକମିଚ୍ଛାମିହଂତୁଂୟସ୍ମିନ୍ ହତେହତମ୍ ॥ 110 ॥
ରାମେମୟାତ୍ରନିହତେୟେଽନ୍ୟେସ୍ଥାସ୍ୟଂତିସଂୟୁଗେ ।
ତାନହଂୟୋଧୟିଷ୍ୟାମିସ୍ଵବଲେନପ୍ରମାଥିନା ॥ 111 ॥
ଇତ୍ୟୁକ୍ତଵାକ୍ୟଂତଦ୍ରକ୍ଷଃପ୍ରୋଵାଚସ୍ତୁତିସଂହିତମ୍ ।
ମୃଧେଘୋରତରଂଵାକ୍ୟଂସୌମିତ୍ରିଃପ୍ରହସନ୍ନିଵ ॥ 112 ॥
ୟସ୍ତ୍ଵଂଶକ୍ରାଦିଭିର୍ଵରୈରସହ୍ୟଃପ୍ରାପ୍ୟପୌରୁଷମ୍ ।
ତତ୍ସତ୍ୟଂନାନ୍ୟଥାଵୀରଦୃଷ୍ଟସ୍ତେଽଦ୍ୟପରାକ୍ରମଃ ॥ 113 ॥
ଏଷଦାଶରଥୀରାମସ୍ତିଷ୍ଠତ୍ୟଦ୍ରିରିଵାଚଲଃ ।
ଇତିଶ୍ରୁତ୍ଵାହ୍ୟନାଦୃତ୍ୟଲକ୍ଷ୍ମଣଂ ସ ନିଶାଚରଃ ॥ 114 ॥
ଅତିକ୍ରମ୍ୟ ଚ ସୌମିତ୍ରିଂକୁଂଭକର୍ଣୋମହାବଲଃ ।
ରାମମେଵାଭିଦୁଦ୍ରାଵକଂପୟନ୍ନିଵମେଦିନୀମ୍ ॥ 115 ॥
ଅଥଦାଶରଥୀଂରାମୋରୌଦ୍ରମସ୍ତ୍ରଂପ୍ରୟୋଜୟନ୍ ।
କୁଂଭକର୍ଣସ୍ୟହୃଦୟେସସର୍ଜନିଶିତାନ୍ ଶରାନ୍ ॥ 116 ॥
ତସ୍ୟରାମେଣଵିଦ୍ଧସ୍ୟସହସାଭିପ୍ରଧାଵତଃ ।
ଅଂଗାଲମିଶ୍ରାଃକ୍ରୁଦ୍ଧସ୍ୟମୁଖାନ୍ନିଶ୍ଚେରୁରର୍ଚିଷଃ ॥ 117 ॥
ରାମାସ୍ତ୍ରଵିଦ୍ଧୋଘୋରଂଵୈନଦନ୍ରାକ୍ଷସପୁଂଗଵଃ ।
ଅଭ୍ୟଧାଵତସଂକୃଦ୍ଧୋହରୀନ୍ ନିଦ୍ରାଵୟନ୍ ରଣେ ॥ 118 ॥
ତସ୍ୟୋରସିନିମଗ୍ନାସ୍ତେଶରାବର୍ହିଣଵାସସଃ ।
ହସ୍ତାଚ୍ଛାସ୍ୟପରିଭ୍ରଷ୍ଟାଗଦାଚୋର୍ଵ୍ୟାଂପପାତ ହ ॥ 119 ॥
ଆୟୁଧାନି ଚ ସର୍ଵାଣିଵିପ୍ରାକୀର୍ୟଂତଭୂତଲେ ।
ସ ନିରାୟୁଧମାତ୍ମାନଂୟଦାମେନେମହାବଲଃ ॥ 120 ॥
ମୁଷ୍ଟିଭ୍ୟାଂ ଚ ଚରଣାଭ୍ୟାଂ ଚ ଚକାରକଦନଂମହତ୍ ।
ସ ବାଣୈରତିଵିଦ୍ଧାଂଗଃକ୍ଷତଜେନସମୁକ୍ଷିତଃ ॥ 121 ॥
ରୁଧିରଂପରିସୁସ୍ରାଵଗିରିଃପ୍ରସ୍ରଵଣଂୟଥା ।
ସ ତୀଵ୍ରେଣ ଚ କୋପେନରୁଧିରେଣ ଚ ମୂର୍ଛିତଃ ॥ 122 ॥
ଵାନରାନ୍ରାକ୍ଷସାନୃକ୍ଷାନ୍ଖାଦନ୍ଵିପରିଧାଵତି ।
ଅଥଶୃଂଗଂସମାଵିଧ୍ୟଭୀମଂଭୀମପରାକ୍ରମଃ ।
ଚିକ୍ଷେପରାମମୁଦ୍ଧିଶ୍ୟବଲଵାନଂତକୋପମଃ ॥ 123 ॥
ଅପ୍ରାପ୍ତମଂତରାରାମଃସପ୍ତଭିସ୍ତମଜିହ୍ମଗୈଃ ।
ଚିଚ୍ଛେଦଗିରିଶୃଂଗଂତଂପୁନଃସଂଧାୟକାର୍ମୁକମ୍ ॥ 124 ॥
ତତସ୍ତୁରାମୋଧର୍ମାତ୍ମାତସ୍ୟଶୃଂଗଂମହତ୍ତଦା ॥ 125 ॥
ଶରୈଃକାଂଚନଚିତ୍ରାଂଗୈଶ୍ଚିଚ୍ଛେଦପୁରୁଷର୍ଷଭଃ ।
ତନ୍ମେରୁଶିଖରାକାରଂଦ୍ୟୋତମାନମିଵଶ୍ରିୟା ॥ 126 ॥
ଦ୍ଵେଶତେଵାନରାଣାଂ ଚ ପତମାନମପାତୟତ୍ ।
ତସ୍ମିନ୍ କାଲେ ସ ଧର୍ମାତ୍ମାଲକ୍ଷ୍ମଣୋରାମମବ୍ରଵୀତ୍ ॥ 127 ॥
କୁଂଭକର୍ଣଵଧେୟୁକ୍ତୋୟୋଗାନ୍ ପରିମୃଶନ୍ବହୂନ୍ ।
ନୈଵାୟଂଵାନରାନ୍ରାଜନ୍ନଵିଜାନାତିରାକ୍ଷସାନ୍ ॥ 128 ॥
ମତ୍ତଶ୍ଶୋଣିତଗଂଧେ ନ ସ୍ଵାନ୍ ପରାଂଶ୍ଚୈଵଖାଦତି ।
ସାଧ୍ଵେନମଧିରୋହସ୍ତୁସର୍ଵତୋଵାନରର୍ଷଭାଃ ॥ 129 ॥
ୟୂଥପାଶ୍ଚୟଥାମୁଖ୍ୟାସ୍ତିଷ୍ଠଂତ୍ଵସ ।
ଅପ୍ୟୟଂଦୁର୍ମତିଃକାଲେଗୁରୁଭାରପ୍ରପୀଡିତଃ ॥ 130 ॥
ପ୍ରପତନ୍ରାକ୍ଷସୋଭୂମୌନାନ୍ୟାନ୍ହନ୍ୟାତ୍ଲ୍ପଵଂଗମାନ୍ ।
ତସ୍ୟତଦ୍ଵଚନଂଶ୍ରୁତ୍ଵାରାଜପୁତ୍ରସ୍ୟଧୀମତଃ ॥ 131 ॥
ତେସମାରୁରୁହୁର୍ହୃଷ୍ଟାଃକୁଂଭକର୍ଣଂପ୍ଲଵଂଗମାଃ ।
କୁଂଭକର୍ଣସ୍ତୁସଂକୃଦ୍ଧସ୍ସମାରୂଢଃପ୍ଲଵଂଗମୈଃ ॥ 132 ॥
ଵ୍ୟଧୂନୟତ୍ତାନ୍ଵେଗେନଦୁଷ୍ଟହସ୍ତୀଵହସ୍ତିପାନ୍ ।
ତାନ୍ ଂଦୃଷ୍ଟଵାନିର୍ଧୁତାନ୍ରାମୋଦୁଷ୍ଟୋଽୟମିତିରାକ୍ଷସଃ ॥ 133 ॥
ସମୁତ୍ପପାତଵେଗେନଧନୁରୁତ୍ତମମାଦଦେ ।
କ୍ରୋଧରକ୍ତେକ୍ଷଣୋଵୀରୋନିର୍ଦହନ୍ନିଵଚକ୍ଷୁଷା ॥ 134 ॥
ରାଘଵୋରାକ୍ଷସଂରୋଷାଭିଦୁଦ୍ରାଵଵେଗିତଃ ।
ୟୂଥପାନ୍ହର୍ଷୟନ୍ସର୍ଵାନ୍କୁଂଭକର୍ଣଭୟାର୍ଦିତାନ୍ ॥ 135 ॥
ସ ଚାପମାଦାୟଭୁଜଂଗକଲ୍ପଂଧୃଢଜ୍ୟମୁଗ୍ରଂତପନୀୟଚିତ୍ରମ୍ ।
ହରୀନ୍ ସମାଶ୍ଵାସ୍ୟସମୁତ୍ପପାତରାମୋନିବଦ୍ଧୋତ୍ତମତୂଣବାଣଃ ॥ 136 ॥
ସ ଵାନରଗଣୈସ୍ତୈସ୍ତୁଵୃତଃପରମଦୁର୍ଜୟଃ ।
ଲକ୍ଷ୍ମଣାନୁଚରୋରାମସ୍ସଂପ୍ରତସ୍ଥେମହାବଲଃ ॥ 137 ॥
ସ ଦଦର୍ଶମହାତ୍ମାନଂକିରୀଟିନମରିଂଦମମ୍ ।
ଶୋଣିତାଵୃତରକ୍ତାକ୍ଷଂକୁଂଭକର୍ଣଂମହାବଲମ୍ ॥ 138 ॥
ସର୍ଵାନ୍ ସମଭିଧାଵଂତଂୟଥାରୁଷ୍ଟଂଦିଶାଗଜମ୍ ।
ମାର୍ଗମାଣଂହରୀନ୍କକ୍ରୁଦ୍ଧଂରାକ୍ଷସୈଃପରିଵାରିତମ୍ ॥ 139 ॥
ଵ୍ନିଧ୍ୟମଂଦରସଂକାଶଂକାଂଚନାଂଗଦଭୂଷଣମ୍ ।
ସ୍ରଵଂତଂରୁଧିରଂଵକ୍ତ୍ରାଦ୍ଵର୍ଷାମେଘମିଵୋଥତିତମ୍ ॥ 140 ॥
ଜିହ୍ଵୟାପରିଲିହ୍ୟଂତଂସୃକ୍କିଣୀଶୋଣିତେକ୍ଷଣମ୍ ।
ମୃଦ୍ନଂତଂଵାନରାନୀକଂକାଲାଂତକୟମୋପମମ୍ ॥ 141 ॥
ତଂଦୃଷ୍ଟଵାରାକ୍ଷସଶ୍ରେଷ୍ଠଂପ୍ରଦୀପ୍ତାନଲଵର୍ଚସମ୍ ।
ଵିସ୍ଫାରୟାମାସତଦାକାର୍ମୁକଂପୁରୁଷର୍ଷଭଃ ॥ 142 ॥
ସ ତସ୍ୟଚାପନିର୍ଘୋଷାତ୍କୁପିତୋରାକ୍ଷସର୍ଷଭଃ ।
ଅମୃଷ୍ୟମାଣସ୍ତଂଘୋଷମଭିଦୁଦ୍ରାଵରାଘଵମ୍ ॥ 143 ॥
ତତସ୍ତୁଵାତୋଦ୍ଧତମେଘକଲ୍ପଂଭୁଜଂଗରାଜୋତ୍ତମଭୋଗବାହୁମ୍ ।
ତମାପତଂତଂଧରଣୀରାଭମୁଵାଚରାମୋକୁଂଭକର୍ଣମ୍ ॥ 144 ॥
ଆଗଚ୍ଛରକ୍ଷୋଧିପମାଵିଷାଦମଵସ୍ଥିତୋଽହଂପ୍ରଗୃହୀତଚାପଃ ।
ଅଵେହିମାଂରାକ୍ଷସଵଂଶନାଶନଂୟସ୍ତ୍ଵଂମୁହୂର୍ତାଦ୍ଭଵିତା ॥ 145 ॥
ରାମୋଽୟମିତିଵିଜ୍ଞାୟଜହାସଵିକୃତସ୍ଵନମ୍ ।
ଅଭ୍ୟଧାଵତସଂକକୃଦ୍ଧୋହରୀଵନିଦ୍ରାଵୟନ୍ରଣେ ॥ 146 ॥
ପାତୟନ୍ନିଵସର୍ଵେଷାଂହୃଦୟନିଵନୌକସାମ୍ ।
ପ୍ରହସ୍ୟଵିକୃତଂଭୀମଂସମେଘସଂତିତୋପମମ୍ ॥ 147 ॥
କୁଂଭକର୍ଣୋମହାତେଜାରାଘଵଂଵାକ୍ୟମବ୍ରଵୀତ୍ ।
ନାହଂଵିରାଧୋଵିଜ୍ଞେୟୋ ନ କବଂଦଃଖରୋ ନ ଚ ।
ନ ଵାଲୀ ନ ଚ ମାରୀଚଃକୁଂଭକର୍ଣଃସମାଗତଃ ॥ 148 ॥
ପଶ୍ୟମେମୁଦ୍ଗରଂଭୀମଂସର୍ଵକାଲାୟସଂମହତ୍ ।
ଅନେନନିର୍ଜିତାଦେଵାଦାନଵାଶ୍ଚପୁରାମୟା ॥ 149 ॥
ଵିକର୍ଣନାସ ଇତି ମାଂ ନାଵଜ୍ଞାତୁଂ ତ୍ଵମର୍ହସି ।
ସ୍ଵଲ୍ପାପି ହି ନ ମେ ପୀଡା କର୍ଣନାସାଵିନାଶନାତ୍ ॥ 150 ॥
ଦର୍ଶୟେକ୍ଷ୍ଵାକୁଶାର୍ଦୂଲଵୀର୍ୟଂଗାତ୍ରେଷୁମେଲଘୁ ।
ତତସ୍ତ୍ଵାଂଭକ୍ଷୟିଷ୍ୟାମିଦୃଷ୍ଟପୌରୁଷଵିକ୍ରମମ୍ ॥ 151 ॥
ସ କୁଂଭକର୍ଣସ୍ୟଵଚୋନିଶମ୍ୟରାମସ୍ସୁପୁଂଖାନ୍ ଵିସସର୍ଜନ୍ ।
ତୈରାହତୋଵଜ୍ରସମଵେଗୈର୍ନଚୁକ୍ଷୁଭେ ନ ଵ୍ୟଥତେସୁରାରିଃ ॥ 152 ॥
ୟୈସ୍ସାୟକୈସ୍ସାଲଵରାନିକୃତ୍ତାଵାଲୀହତୋଵାନରପୁଂଗଵଶ୍ଚ ।
ତେକୁଂଭକର୍ଣସ୍ୟତଦାଶରୀରଂଵଜ୍ରୋପମଂ ନ ଵ୍ୟଧୟାଂପ୍ରଚକ୍ରୁଃ ॥ 153 ॥
ସ ଵାରିଧାରାଇଵସାୟକାସ୍ତାନ୍ ପିବନ୍ ଶରୀରେଣମହେଂଦ୍ରଶତ୍ରୁଃ ।
ଜଘାନରାମସ୍ୟଶରପ୍ରଵେଗଂଵ୍ୟାଵିଧ୍ୟତଂମୁଗ୍ରଵେଗମ୍ ॥ 154 ॥
ତତସ୍ତୁରକ୍ଷଃକ୍ଷତଜାଵଲିପ୍ତଂଵିତ୍ରାସନଂଦେଵମହଚମୂନାମ୍ ।
ଵ୍ୟାଵିଧ୍ୟତଂମୁଦ୍ଗରମୁଗ୍ରଵେଗଂନିଦ୍ରାଵୟାମାସଚମୂଂମ୍ ॥ 155 ॥
ଵାୟଵ୍ୟମାଦାୟତତୋମହାସ୍ତ୍ରଂରାମଃପ୍ରଚିକ୍ଷେପନିଶାଚରାୟ ।
ସମୁଦ୍ଗରଂତେନଜଘାନବାହୁଂ ସ କୃତ୍ତବାହୁସ୍ତୁମୁଲଂନାଦ ॥ 156 ॥
ତେଵାନରାଭଗ୍ନହତାଵଶେଷାଃପର୍ୟଂତମାଶ୍ରିତ୍ୟତଦାଵିଷଣ୍ଣାଃ ।
ପ୍ରପୀଡିତାଂଗାଦଦୃଶୁସ୍ସୁଘୋରଂନରେଂଦ୍ରରକ୍ଷୋଧିପନ୍ନିପାତମ୍ ॥ 157 ॥
ତେ ଵାନରା ଭଗ୍ନହତାଵଶେଷାଃ ।
ପର୍ୟଂତମାଶ୍ରିତ୍ୟ ତଦା ଵିଷଣ୍ଣାଃ ।
ପ୍ରପିଡିତାଂଗା ଦଦୃଶୁଃ ସୁଘୋରମ୍ ।
ନରେଂଦ୍ରରକ୍ଷୋଽଧିପସଂନିପାତମ୍ ॥ 158 ॥
ସ ତସ୍ୟବାହୁଂସହତାଲଵୃକ୍ଷଂସମୁଦ୍ୟତଂପନ୍ନଗଭୋଗକଲ୍ପମ୍ ।
ଇଂଦ୍ରାସ୍ତ୍ରୟୁକ୍ତେନଜଘାନରାମୋବାଣେନଜାଂଭୂନଦଚିତ୍ରିତେନ ॥ 159 ॥
ସ କୁଂଭକର୍ଣସ୍ୟଭୁଜୋନିକୃତ୍ତଃପପାତଭୂମୌଗିରିସନ୍ନିକାଶଃ ।
ଵିଵେଷ୍ଟମାନୋନିଜାଘନଵୃକ୍ଷାନ୍ ଶୈଲାନ୍ଶିଲାଵାନରରାକ୍ଷସାଂଶ୍ଚ ॥ 160 ॥
ତଂଛିନ୍ନବାହୁଂସମଵେକ୍ଷ୍ୟରାମଃସମାପତଂତଂସହସାନଦଂତମ୍ ।
ଦ୍ଵାଵର୍ଧଚଂଦ୍ରୌନିଶିତୌପ୍ରଗୃହ୍ୟଚିଚ୍ଛେଦପାଦୌୟୁଧିରାକ୍ଷସସ୍ୟ ॥ 161 ॥
ତୌତସ୍ୟପାଦୌପ୍ରଦିଶୋଦିଶଶ୍ଚଗିରେର୍ଗୁହାଶ୍ଚୈଵମହାର୍ଣଵଂ ଚ ।
ଲଂକାଂ ଚ ସେନାଂକପିରାକ୍ଷସାନାଂଵିନାଦୟଂତୌଵିନିପେତତୁଶ୍ଚ ॥ 162 ॥
ନିକୃତ୍ତବାହୁଦ୍ଵିନିକୃତ୍ତପାଦୋଵିଦାର୍ୟଵକ୍ତ୍ରଂବଡବାମୁଖାଭମ୍ ।
ଦୁଦ୍ରାଵରାମଂସହସାଭିଗର୍ଜନ୍ ରାହୁର୍ୟଥାଚଂଦ୍ରମିଵାଂତଽରିକ୍ଷେ ॥ 163 ॥
ଅପୂରୟତ୍ତସ୍ୟମୁଖଂଶିତାଗ୍ରୈରାମଶ୍ଶରୈର୍ହେମପିନଦ୍ଧପୁଂଖୈଃ ।
ସ ପୂର୍ଣଵକ୍ତ୍ରୋ ନ ଶଶାକଵକ୍ତୁଂଚୁକୂଜକୃଚ୍ଛ୍ରେଣମୁମୂର୍ଛଚାପି ॥ 164 ॥
ଅଥାଦଦେସୂର୍ୟମରୀଚିକଲ୍ପଂ ସ ବ୍ରହ୍ମଦଂଡାଂତକକାକଲକଲ୍ପମ୍ ।
ଅରିଷ୍ଟମୈଂଦ୍ରଂନିଶିତଂସୁପୁଂଖଂରାମଶ୍ଶରଂମାରୁତତୁଲ୍ୟଵେଗମ୍ ॥ 165 ॥
ତଂଵଜ୍ରଜାଂଭୂନଦଚାରୁପୁଂଖଂପ୍ରଦୀପ୍ତସୂର୍ୟଜ୍ଵଲନପ୍ରକାଶମ୍ ।
ମହେଂଦ୍ରଵଜ୍ରାଶନିତୁଲ୍ୟଵେଗଂରାମଃପ୍ରଚିକ୍ଷେପନିଶାଚରାୟ ॥ 166 ॥
ସ ସାୟକୋରାଘଵବାହୁଚୋଦିତୋଦିଶସ୍ସ୍ଵଭାସାଦଶସଂପ୍ରକାଶୟନ୍ ।
ଵିଧୂମଵୈଶ୍ଵାନରଭୀମଦର୍ଶନୋଜଗାମଶକ୍ରାଶନିଵୀର୍ୟଵିକ୍ରମଃ ॥ 167 ॥
ସ ତନ୍ମହାପର୍ଵତକୂଟସନ୍ନିଭଂଵିଵୃତ୍ତଦଂଷ୍ଟ୍ରଂଚଲଚାରୁକୁଂଡଲମ୍ ।
ଚକର୍ତରକ୍ଷୋଧିପତେଶ୍ଶିରସ୍ତଦାୟଥୈଵଵୃତ୍ରସ୍ୟପୁରାପୁରଂଦରଃ ॥ 168 ॥
ସ ତନ୍ମହାପର୍ଵତକୂଟସଂନିଭମ୍ ।
ସୁଵୃତ୍ତଦଂଷ୍ଟ୍ରଂ ଚଲଚାରୁକୁଂଡଲମ୍ ।
ଚକର୍ତ ରକ୍ଷୋଽଧିପତେଃ ଶିରସ୍ତଦା ।
ୟଥୈଵ ଵୃତ୍ରସ୍ୟ ପୁରା ପୁରଂଦରଃ ॥ 169 ॥
ତଦ୍ରାମବାଣାଭିହତଂପପାତରକ୍ଷଃଶିରଃପର୍ଵତସନ୍ନିକାଶମ୍ ।
ବଭଂଜଚର୍ୟାଗୃହଗୋପୁରାଣିପ୍ରାକାରମୁଚ୍ଚଂତମପାତୟଚ୍ଚ ॥ 170 ॥
ତଚ୍ଚାତିକାୟଂହିମହତ୍ପ୍ରକାଶଂରକ୍ଷସ୍ତଦାତୋୟନିଧୌପପାତ ।
ଗ୍ରାହାନ୍ପରାନ୍ ମୀନଵରାନ୍ଭୁଜଂଗାନ୍ ମମର୍ଦଭୂମିଚ ତଦାଵିଵେଶ ॥ 171 ॥
ତସ୍ମିନ୍ହତେବ୍ରାହ୍ମଣଦେଵଶତ୍ରୌମହାବଲେସଂୟତିକୁଂଭକର୍ଣେ ।
ଚଚାଲଭୂର୍ଭୂମିଧରାଶ୍ଚସର୍ଵେହର୍ଷାଚ୍ଚଦେଵାସ୍ତୁମୁଲଂଵିନେଦୁଃ ॥ 172 ॥
ତତସ୍ତୁଦେଵର୍ଷିମହର୍ଷିପନ୍ନଗାଃସୁରାଶ୍ଚଭୂତାନିସୁପର୍ଣଗୁହ୍ୟକାଃ ।
ସୟକ୍ଷଗଂଧର୍ଵଗଣାନଭୋଗତାଃପ୍ରହର୍ଷିତାରାମପରାକ୍ରମେଣ ॥ 173 ॥
ତତସ୍ତୁତେତସ୍ୟଵଧେନଭୂରିଣାମନସ୍ଵିନୋନୈରୃତରାଜବାଂଧଵାଃ ।
ଵିନେଦୁରୁଚ୍ଚୈର୍ଵ୍ୟଥିତାରଘୂତ୍ତମଂହରିଂସମୀକ୍ଷ୍ୟୈଵୟଥାସୁରାର୍ଧିତାଃ ॥ 174 ॥
ସ ଦେଵଲୋକସ୍ୟତମୋନିହତ୍ୟସୂର୍ୟୋୟଥାରାହୁମୁଖାଦ୍ଵିମୁକ୍ତଃ ।
ତଥାଵ୍ୟଭାସୀଦ୍ଧରିସୈନ୍ୟମଧ୍ୟେନିହତ୍ୟରାମୋୟୁଧିକୁଂଭକର୍ଣମ୍ ॥ 175 ॥
ପ୍ରହର୍ଷମୀୟୁର୍ଭଵଶ୍ଚଵାନରାଃପ୍ରବୁଦ୍ଧପଦ୍ମପ୍ରତିମୈରିଵାନନୈଃ ।
ଅପୂଜୟନ୍ ରାଘଵମିଷ୍ଟଭାଗିନଂହତେରିସୌଭୀମବଲେଦୁରାସଦମ୍ ॥ 176 ॥
ସ କୁଂଭକର୍ଣଂସୁରସୈନ୍ୟମର୍ଧନଂ ମହତ୍ସୁୟୁଦ୍ଧେଷୁକଦାଚନାଜିତମ୍ ।
ନଂଦହତ୍ଵାଭରତାଗ୍ରଜୋରଣେମହାସୁରଂଵୃତ୍ରମିଵାମରାଧିପଃ ॥ 177 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ସପ୍ତଷଷ୍ଟିତମସ୍ସର୍ଗଃ ॥
