ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଦ୍ଵିପଂଚାଶସ୍ସର୍ଗଃ ।
ଧୂମ୍ରାକ୍ଷଂପ୍ରେକ୍ଷ୍ୟନିର୍ୟାଂତଂରାକ୍ଷସଂଭୀମଵିକ୍ରମମ୍ ।
ଵିନେଦୁର୍ଵାନରାସ୍ସର୍ଵେପ୍ରହୃଷ୍ଟାୟୁଦ୍ଧକାଙ୍ କ୍ଷିଣଃ ॥ 1 ॥
ତେଷାଂସୁତୁମୁଲଂୟୁଦ୍ଧଂସଂଜଜ୍ଞେକପିରକ୍ଷସାମ୍ ।
ଅନ୍ୟୋନ୍ୟଂପାଦପୈର୍ଘୋରଂନିଘ୍ନତାଂଶୂଲମୁଦ୍ଗରୈଃ ॥ 2 ॥
ରାକ୍ଷସୈର୍ଵାନରାଘୋରାଵିନିକୃତ୍ତସ୍ସମଂତତଃ ।
ଵାନରୈରାକ୍ଷସାଶ୍ଚାପିଦ୍ରୁମୈର୍ଭୂମିସମୀକୃତାଃ ॥ 3 ॥
ରାକ୍ଷସାସ୍ତ୍ଵଭିସଂକ୍ରୁଦ୍ଧାଵାନରାନ୍ନିଶିତୈଶ୍ଶରୈଃ ।
ଵିଵ୍ୟଥୁର୍ଘୋରସଂକାଶୈଃକଂକପତ୍ରୈରଜିହ୍ମଗୈଃ ॥ 4 ॥
ତେଗଦାଭିଶ୍ଚଭୀମାଭିଃପଟ୍ଟସୈଃ କୂଟମୁଦ୍ଗରୈଃ ।
ଘୋରୈଶ୍ଚପରିଘୈଶ୍ଚିତ୍ରୈସ୍ତ୍ରିଶୂଲୈଶ୍ଚାପିସଂଶ୍ରିତୈଃ ॥ 5 ॥
ଵିଦାର୍ୟମାଣାରକ୍ଷୋଭିର୍ଵାନରାସ୍ତେମହାବଲାଃ ।
ଅମର୍ଷାଜ୍ଜନିତୋଦ୍ଧର୍ଷାଶ୍ଚକ୍ରୁଃକର୍ମାଣ୍ୟଭୀତଵତ୍ ॥ 6 ॥
ଶରନିର୍ଭିନ୍ନଗାତ୍ରାସ୍ତେଶୂଲନିର୍ଭିନ୍ନଦେହିନଃ ।
ଜଗୃହୁସ୍ତେଦ୍ରୁମାଂସ୍ତତ୍ରଶିଲାଶ୍ଚହରିୟୂଥପାଃ ॥ 7 ॥
ତେଭୀମଵେଗାହରୟୋନର୍ଦମାନାସ୍ତତସ୍ତତଃ ।
ମମଂଥୂରାକ୍ଷସାନ୍ଵୀରାନ୍ନାମାନିଚବଭାଷିରେ ॥ 8 ॥
ତଦ୍ଭଭୂଵାଦ୍ଭୁତଂଘୋରଂୟୁଦ୍ଧଂଵାନରରକ୍ଷସାମ୍ ।
ଶିଲାଭିର୍ଵିଵିଧାଭିଶ୍ଚବହୁଭିଶ୍ଚୈଵପାଦପୈଃ ॥ 9 ॥
ରାକ୍ଷସାମଥିତାଃକେଚିଦ୍ଵାନରୈର୍ଜିତକାଶିଭିଃ ।
ଵଵମୂରୁଧିରଂକେଚିନ୍ମୁଖୈରୁଧିରଭୋଜନାଃ ॥ 10 ॥
ପାର୍ଶ୍ଵେଷୁଦାରିତାଃକେଚିତ୍କେଚିଦ୍ରାଶୀକୃତାଦ୍ରୁମୈଃ ।
ଶିଲାଭିଶ୍ଚୂର୍ଣିତାଃକେଚିତ୍କେଚିଦ୍ଧଂତୈର୍ଵିଦାରିତାଃ ॥ 11 ॥
ଧ୍ଵଜୈର୍ଵିମଥିତୈର୍ଭଗ୍ନୈଃଖଂଗୈଶ୍ଚଵିନିପାତିତୈଃ ।
ରଥୈର୍ଵିଧ୍ଵଂସିତୈଶ୍ଚାପିପତିତୈଃରଜନୀଚରୈଃ ॥ 12 ॥
ଗଜେଂଦ୍ରୈଃପର୍ଵତାକାରୈଃପର୍ଵତାଗ୍ରୈର୍ଵନୌକସାମ୍ ।
ମଥିତୈର୍ଵାଜିଭିଃକୀର୍ଣଂସାରୋହୈର୍ଵସୁଧାତଲମ୍ ॥ 13 ॥
ଵାନରୈର୍ଭୀମଵିକ୍ରାନ୍ସ୍ସୈରାପ୍ଲୁତ୍ୟାଽପ୍ଲୁତ୍ୟଵେଗିତୈଃ ।
ରାକ୍ଷସାଃକରଜୈସ୍ତୀକ୍ଷ୍ଣୈର୍ମୁଖେଷୁଵିନିର୍ତିତାଃ ॥ 14 ॥
ଵିଷଣ୍ଣଵଦନାଭୂୟୋଵିପ୍ରକୀର୍ଣଶିରୋରୁହାଃ ।
ମୂଢାଶ୍ଶୋଣିତଗଂଧେନନିପେତୁର୍ଧରଣୀତଲେ ॥ 15 ॥
ଅନ୍ୟେତୁପରମସଂକୃକ୍ରୁଦ୍ଧାରାକ୍ଷସାଭୀମନିଶ୍ଵନାଃ ।
ତଲୈରେଵାଭିଧାଵଂତିଵଜ୍ରସ୍ପର୍ଶସମୈର୍ହରୀନ୍ ॥ 16 ॥
ଵାନରୈରାପତଂତସ୍ତେଵେଗିତାଵେଗଵତ୍ତରୈଃ ।
ମୁଷ୍ଟିଭିଶ୍ଚରଣୈର୍ଦନ୍ସ୍ସୈଃପାଦପୈଶ୍ଚାଵପୋଥିତା ॥ 17 ॥
ସୈନ୍ୟଂତୁଵିଦ୍ରୁତଂଦୃଷ୍ଟଵାଧୂମ୍ରାକ୍ଷୋରାକ୍ଷସର୍ଷଭଃ ।
ରୋଷେଣକଦନଂଚକ୍ରେଵାନରାଣାଂୟୁୟୁତ୍ସତାମ୍ ॥ 18 ॥
ପ୍ତାସୈଃପ୍ରମଥିତାଃକେଚିଦ୍ଵାନରାଶ୍ଶୋଣିତସ୍ରଵାଃ ।
ମୁଦ୍ଗରୈରାହତାଃକେଚିତ୍ପାତିତାଧରଣୀତଲେ ॥ 19 ॥
ପରିଘୈର୍ମଥିତାଃକେଚିଦ୍ଭିଂଡିଵାଲୈର୍ଵିଦାରିତାଃ ।
ପଟ୍ଟସୈରାହତାଃ କେଚିଦ୍ଵିହ୍ଵଲଂତୋଗତାସଵଃ ॥ 20 ॥
କେଚିଦ୍ଵିନିହତାଶ୍ଶୂଲୈରୁଧିରାର୍ଦ୍ରାଵନୌକସଃ ।
କେଚିଦ୍ଵିଦ୍ରାଵିତାନଷ୍ଟାଃସଂକ୍ରୁଦ୍ଧୈରାକ୍ଷସୈର୍ୟୁଧି ॥ 21 ॥
ଵିଭିନ୍ନହୃଦୟାଃକେଚିଦେକପାର୍ଶ୍ଵେନଦାରିତାଃ ।
ଵିଦାରିତାସ୍ତ୍ରିଶୂଲୈଶ୍ଚକେଚିଦାନ୍ସ୍ରୈର୍ଵିନିଃସୃତାଃ ॥ 22 ॥
ତତ୍ସୁଭୀମଂମହାୟୁଦ୍ଧଂହରିରାକ୍ଷସସଂକୁଲମ୍ ।
ପ୍ରବଭୌଶବ୍ଦବହୁଲଂଶିଲାପାଦପସଂକୁଲମ୍ ॥ 23 ॥
ଧନୁର୍ଜ୍ୟାତଂତ୍ରିମଧୁରଂହିକ୍କାତାଲସମନ୍ଵିତମ୍ ।
ମଂଧସଂତିତସଂଗୀତଂତଦ୍ୟୁଦ୍ଧଗାଂଧର୍ଵମାବଭୌ ॥ 24 ॥
ଧୂମ୍ରାକ୍ଷସ୍ତୁଧନୁଷ୍ପାଣିର୍ଵାନରାନ୍ରଣମୂର୍ଧନି ।
ହସନ୍ଵିଦ୍ରାଵୟାମାସଦିଶସ୍ତୁଶରଵୃଷ୍ଟିଭିଃ ॥ 25 ॥
ଧୂମ୍ରାକ୍ଷେଣାର୍ଦିତଂସୈନ୍ୟଂଵ୍ୟଥିତଂପ୍ରେକ୍ଷ୍ୟମାରୁତିଃ ।
ଅଭ୍ୟଵର୍ତତସଂକ୍ରୁଦ୍ଧଃପ୍ରଗୃହ୍ୟଵିପୁଲାଂଶିଲାମ୍ ॥ 26 ॥
କ୍ରୋଧାଦ୍ ଦ୍ଵିଦ୍ଦ୍ଵିଗୁଣତାମ୍ରାକ୍ଷଃପିତୃସ୍ତୁଲ୍ୟପରାକ୍ରମଃ ।
ଶିଲାଂତାଂପାତୟାମାସଧୂମ୍ରାକ୍ଷସ୍ୟରଥଂପ୍ରତି ॥ 27 ॥
ଆପତତନୀଂଶିଲାଂଦୃଷ୍ଟଵାଗଦାମୁଦ୍ୟମ୍ୟସଂଭ୍ରମାତ୍ ।
ରଥାଦାପ୍ଲୁତ୍ୟଵେଗେନଵସୁଧାୟାଂଵ୍ୟତିଷ୍ଠତ ॥ 28 ॥
ସାପ୍ରମଥ୍ୟରଥଂତସ୍ୟନିପପାତଶିଲାଭୁଵି ।
ସଚକ୍ରକୂବରସାଶ୍ଵଂସଧ୍ଵଜଂସଶରାସନମ୍ ॥ 29 ॥
ସଭଙ୍ କ୍ତ୍ଵାତୁରଥଂତସ୍ୟହନୁମାନ୍ ମାରୁତାତ୍ମଜଃ ।
ରକ୍ଷସାଂକଦନଂଚକ୍ରେସସ୍କଂଧଵିଟପୈର୍ଦ୍ରୁମୈଃ ॥ 30 ॥
ଵିଭିନ୍ନଶିରସୋଭୂତ୍ଵାରାକ୍ଷସାଶ୍ଶୋଣିତୋକ୍ଷିତାଃ ।
ଦ୍ରୁମୈଃପ୍ରମଥିତାଶ୍ଚାନ୍ୟେନିପେତୁର୍ଧରଣୀତଲେ ॥ 31 ॥
ଵିଦ୍ରାଵ୍ୟରାକ୍ଷସଂସୈନ୍ୟଂହନୁମାନ୍ମାରୁତାତ୍ମଜଃ ।
ଗିରିଶଶିଖରମାଦାୟଧୂମ୍ରାକ୍ଷମଭିଦୁଦ୍ରୁଵେ ॥ 32 ॥
ତମାପତଂତଂଧୂମ୍ରାକ୍ଷୋଗଦାମୁଦ୍ୟମ୍ୟଵୀର୍ୟଵାନ୍ ।
ଵିନର୍ଦମାନଃସହସାହନୂମଂତମଭିଦ୍ରଵତ୍ ॥ 33 ॥
ତସ୍ୟକ୍ରୁଦ୍ଧସ୍ୟରୋଷେଣଗଦାଂତାଂବହୁକଂଟକାମ୍ ।
ପାତୟାମାସଧୂମ୍ରାକ୍ଷୋମସ୍ତକେଽଥହନୂମତଃ ॥ 34 ॥
ତାଡିତଃସତୟାତତ୍ରଗଦୟାଭୀମରୂପୟା ।
ସକପିର୍ମାରୁତବଲସ୍ତଂପ୍ରହାରମଚିଂତୟନ୍ ॥ 35 ॥
ପପାତ ସହସା ଭୂମୌ ଵିକୀର୍ଣ;ଇଵ ପର୍ଵତଃ ।
ଧୂମ୍ର ଅକ୍ଷଂ ନିହତଂ ଦୃଷ୍ଟ୍ଵା ହତ ଶେଷା ନିଶା ଚରାଃ ॥ 36 ॥
ଧୂମ୍ରାକ୍ଷଂନିହତଂଦୃଷ୍ଟଵାହତଶେଷାନିଶାଚରାଃ ॥ 37 ॥
ତ୍ରସ୍ତାଃପ୍ରଵିଵିଶୁର୍ଲଂକାଂଵଧ୍ୟମାନାଃପ୍ଲଵଂଗମୈଃ ।
ସତୁପଵନସୁତୋନିହତ୍ୟଶତ୍ରୂନ୍କ୍ଷତଜଵହରିସ୍ସରିତଶ୍ଚସନ୍ନିକୀର୍ୟ ।
ରିପୁଵଧଜନିତଶ୍ରମୋମହାତ୍ମାମୁଦମଗମତ୍କପିଭିଃସୁପୂଜ୍ୟମାନଃ ॥ 38 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଦ୍ଵିପଂଚାଶସ୍ସର୍ଗଃ ॥
